| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ад̇д̇ад̣̇ийбаваг̇г̇о
5. Attadīpavaggo
1. ад̇д̇ад̣̇ийбасуд̇д̇ам̣
1. Attadīpasuttaṃ
43. саавад̇т̇инид̣̇аанам̣ . ‘‘ад̇д̇ад̣̇ийбаа, бхигкавз, вихарат̇а ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа. ад̇д̇ад̣̇ийбаанам̣, бхигкавз, вихарад̇ам̣ ад̇д̇асаран̣аанам̣ анан̃н̃асаран̣аанам̣, д̇хаммад̣̇ийбаанам̣ д̇хаммасаран̣аанам̣ анан̃н̃асаран̣аанам̣ яони убабаригкид̇аб̣б̣аа. гим̣ж̇аад̇игаа согабарид̣̇звад̣̇угкад̣̇оманассубааяаасаа, гим̣баход̇игаа’’д̇и?
43. Sāvatthinidānaṃ . ‘‘Attadīpā, bhikkhave, viharatha attasaraṇā anaññasaraṇā, dhammadīpā dhammasaraṇā anaññasaraṇā. Attadīpānaṃ, bhikkhave, viharataṃ attasaraṇānaṃ anaññasaraṇānaṃ, dhammadīpānaṃ dhammasaraṇānaṃ anaññasaraṇānaṃ yoni upaparikkhitabbā. Kiṃjātikā sokaparidevadukkhadomanassupāyāsā, kiṃpahotikā’’ti?
‘‘гим̣ж̇аад̇игаа жа, бхигкавз, согабарид̣̇звад̣̇угкад̣̇оманассубааяаасаа, гим̣баход̇игаа? ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о, руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. д̇асса д̇ам̣ руубам̣ вибарин̣амад̇и, ан̃н̃ат̇аа жа ход̇и. д̇асса руубавибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа. взд̣̇анам̣ ад̇д̇ад̇о саманубассад̇и, взд̣̇анааванд̇ам̣ ваа ад̇д̇аанам̣; ад̇д̇ани ваа взд̣̇анам̣, взд̣̇анааяа ваа ад̇д̇аанам̣. д̇асса саа взд̣̇анаа вибарин̣амад̇и, ан̃н̃ат̇аа жа ход̇и. д̇асса взд̣̇анаавибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа. сан̃н̃ам̣ ад̇д̇ад̇о саманубассад̇и… сан̇каарз ад̇д̇ад̇о саманубассад̇и… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. д̇асса д̇ам̣ вин̃н̃аан̣ам̣ вибарин̣амад̇и, ан̃н̃ат̇аа жа ход̇и . д̇асса вин̃н̃аан̣авибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа.
‘‘Kiṃjātikā ca, bhikkhave, sokaparidevadukkhadomanassupāyāsā, kiṃpahotikā? Idha, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto, rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Tassa taṃ rūpaṃ vipariṇamati, aññathā ca hoti. Tassa rūpavipariṇāmaññathābhāvā uppajjanti sokaparidevadukkhadomanassupāyāsā. Vedanaṃ attato samanupassati, vedanāvantaṃ vā attānaṃ; attani vā vedanaṃ, vedanāya vā attānaṃ. Tassa sā vedanā vipariṇamati, aññathā ca hoti. Tassa vedanāvipariṇāmaññathābhāvā uppajjanti sokaparidevadukkhadomanassupāyāsā. Saññaṃ attato samanupassati… saṅkhāre attato samanupassati… viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ. Tassa taṃ viññāṇaṃ vipariṇamati, aññathā ca hoti . Tassa viññāṇavipariṇāmaññathābhāvā uppajjanti sokaparidevadukkhadomanassupāyāsā.
‘‘руубасса д̇взва, бхигкавз, анижжад̇ам̣ вид̣̇ид̇ваа вибарин̣аамам̣ вирааг̇ам̣ нирод̇хам̣ 1, буб̣б̣з жзва руубам̣ зд̇арахи жа саб̣б̣ам̣ руубам̣ анижжам̣ д̣̇угкам̣ вибарин̣аамад̇хамманд̇и, звамзд̇ам̣ яат̇аабхууд̇ам̣ саммаббан̃н̃ааяа бассад̇о яз согабарид̣̇звад̣̇угкад̣̇оманассубааяаасаа д̇з бахийяанд̇и. д̇зсам̣ бахаанаа на барид̇ассад̇и, абарид̇ассам̣ сукам̣ вихарад̇и, сукавихаарий бхигку ‘д̇ад̣̇ан̇г̇аниб̣б̣уд̇о’д̇и вужжад̇и. взд̣̇анааяа д̇взва, бхигкавз, анижжад̇ам̣ вид̣̇ид̇ваа вибарин̣аамам̣ вирааг̇ам̣ нирод̇хам̣, буб̣б̣з жзва взд̣̇анаа зд̇арахи жа саб̣б̣аа взд̣̇анаа анижжаа д̣̇угкаа вибарин̣аамад̇хаммаад̇и, звамзд̇ам̣ яат̇аабхууд̇ам̣ саммаббан̃н̃ааяа бассад̇о яз согабарид̣̇звад̣̇угкад̣̇оманассубааяаасаа д̇з бахийяанд̇и. д̇зсам̣ бахаанаа на барид̇ассад̇и, абарид̇ассам̣ сукам̣ вихарад̇и, сукавихаарий бхигку ‘д̇ад̣̇ан̇г̇аниб̣б̣уд̇о’д̇и вужжад̇и. сан̃н̃ааяа… сан̇каараанам̣ д̇взва, бхигкавз, анижжад̇ам̣ вид̣̇ид̇ваа вибарин̣аамам̣ вирааг̇ам̣ нирод̇хам̣, буб̣б̣з жзва сан̇каараа зд̇арахи жа саб̣б̣з сан̇каараа анижжаа д̣̇угкаа вибарин̣аамад̇хаммаад̇и, звамзд̇ам̣ яат̇аабхууд̇ам̣ саммаббан̃н̃ааяа бассад̇о яз согабарид̣̇звад̣̇угкад̣̇оманассубааяаасаа д̇з бахийяанд̇и. д̇зсам̣ бахаанаа на барид̇ассад̇и, абарид̇ассам̣ сукам̣ вихарад̇и, сукавихаарий бхигку ‘д̇ад̣̇ан̇г̇аниб̣б̣уд̇о’д̇и вужжад̇и. вин̃н̃аан̣асса д̇взва, бхигкавз, анижжад̇ам̣ вид̣̇ид̇ваа вибарин̣аамам̣ вирааг̇ам̣ нирод̇хам̣, буб̣б̣з жзва вин̃н̃аан̣ам̣ зд̇арахи жа саб̣б̣ам̣ вин̃н̃аан̣ам̣ анижжам̣ д̣̇угкам̣ вибарин̣аамад̇хамманд̇и, звамзд̇ам̣ яат̇аабхууд̇ам̣ саммаббан̃н̃ааяа бассад̇о яз согабарид̣̇звад̣̇угкад̣̇оманассубааяаасаа д̇з бахийяанд̇и. д̇зсам̣ бахаанаа на барид̇ассад̇и, абарид̇ассам̣ сукам̣ вихарад̇и, сукавихаарий бхигку ‘д̇ад̣̇ан̇г̇аниб̣б̣уд̇о’д̇и вужжад̇ий’’д̇и. батамам̣.
‘‘Rūpassa tveva, bhikkhave, aniccataṃ viditvā vipariṇāmaṃ virāgaṃ nirodhaṃ 2, pubbe ceva rūpaṃ etarahi ca sabbaṃ rūpaṃ aniccaṃ dukkhaṃ vipariṇāmadhammanti, evametaṃ yathābhūtaṃ sammappaññāya passato ye sokaparidevadukkhadomanassupāyāsā te pahīyanti. Tesaṃ pahānā na paritassati, aparitassaṃ sukhaṃ viharati, sukhavihārī bhikkhu ‘tadaṅganibbuto’ti vuccati. Vedanāya tveva, bhikkhave, aniccataṃ viditvā vipariṇāmaṃ virāgaṃ nirodhaṃ, pubbe ceva vedanā etarahi ca sabbā vedanā aniccā dukkhā vipariṇāmadhammāti, evametaṃ yathābhūtaṃ sammappaññāya passato ye sokaparidevadukkhadomanassupāyāsā te pahīyanti. Tesaṃ pahānā na paritassati, aparitassaṃ sukhaṃ viharati, sukhavihārī bhikkhu ‘tadaṅganibbuto’ti vuccati. Saññāya… saṅkhārānaṃ tveva, bhikkhave, aniccataṃ viditvā vipariṇāmaṃ virāgaṃ nirodhaṃ, pubbe ceva saṅkhārā etarahi ca sabbe saṅkhārā aniccā dukkhā vipariṇāmadhammāti, evametaṃ yathābhūtaṃ sammappaññāya passato ye sokaparidevadukkhadomanassupāyāsā te pahīyanti. Tesaṃ pahānā na paritassati, aparitassaṃ sukhaṃ viharati, sukhavihārī bhikkhu ‘tadaṅganibbuto’ti vuccati. Viññāṇassa tveva, bhikkhave, aniccataṃ viditvā vipariṇāmaṃ virāgaṃ nirodhaṃ, pubbe ceva viññāṇaṃ etarahi ca sabbaṃ viññāṇaṃ aniccaṃ dukkhaṃ vipariṇāmadhammanti, evametaṃ yathābhūtaṃ sammappaññāya passato ye sokaparidevadukkhadomanassupāyāsā te pahīyanti. Tesaṃ pahānā na paritassati, aparitassaṃ sukhaṃ viharati, sukhavihārī bhikkhu ‘tadaṅganibbuto’ti vuccatī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ад̇д̇ад̣̇ийбасуд̇д̇аван̣н̣анаа • 1. Attadīpasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ад̇д̇ад̣̇ийбасуд̇д̇аван̣н̣анаа • 1. Attadīpasuttavaṇṇanā
