| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੪. ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦવਣ੍ਣਨਾ
4. Attakāmapāricariyasikkhāpadavaṇṇanā
੨੯੦. ਚਤੁਤ੍ਥੇ ਤਯੋ ਸਙ੍ਘਾਦਿਸੇਸવਾਰਾ ਆਗਤਾ, ਸੇਸਾ ਸਤ੍ਤਪਞ੍ਞਾਸ વਾਰਾ ਥੁਲ੍ਲਚ੍ਚਯਦੁਕ੍ਕਟਾਪਤ੍ਤਿਕਾਯ ਸਂਖਿਤ੍ਤਾਤਿ વੇਦਿਤਬ੍ਬਾ, ਤਤੋ ਅਞ੍ਞਤਰੋ ਅਸਮ੍ਭવਤੋ ਇਧ ਨ ਉਦ੍ਧਟੋ। ਸੇਸਯੋਜਨਕ੍ਕਮੋ વੁਤ੍ਤਨਯੇਨ વੇਦਿਤਬ੍ਬੋ। ਨਗਰਪਰਿਕ੍ਖਾਰੇਹੀਤਿ ਪਾਕਾਰਪਰਿਖਾਦੀਹਿ ਨਗਰਪਰਿવਾਰੇਹਿ। ਸੇਤਪਰਿਕ੍ਖਾਰੋਤਿ ਸੇਤਾਲਙ੍ਕਾਰੋ, ਸੀਲਾਲਙ੍ਕਾਰੋਤਿ ਅਤ੍ਥੋ (ਸਂ॰ ਨਿ॰ ਅਟ੍ਠ॰ ੩.੫.੪)। ਚਕ੍ਕવੀਰਿਯੋਤਿ વੀਰਿਯਚਕ੍ਕੋ। વਸਲਂ ਦੁਗ੍ਗਨ੍ਧਨ੍ਤਿ ਨਿਮਿਤ੍ਤਂ ਸਨ੍ਧਾਯਾਹ, ਤਦੇવ ਸਨ੍ਧਾਯ ‘‘ਕਿਂ ਮੇ ਪਾਪਕਂ, ਕਿਂ ਮੇ ਦੁਗ੍ਗਨ੍ਧ’’ਨ੍ਤਿ વੁਤ੍ਤਂ।
290. Catutthe tayo saṅghādisesavārā āgatā, sesā sattapaññāsa vārā thullaccayadukkaṭāpattikāya saṃkhittāti veditabbā, tato aññataro asambhavato idha na uddhaṭo. Sesayojanakkamo vuttanayena veditabbo. Nagaraparikkhārehīti pākāraparikhādīhi nagaraparivārehi. Setaparikkhāroti setālaṅkāro, sīlālaṅkāroti attho (saṃ. ni. aṭṭha. 3.5.4). Cakkavīriyoti vīriyacakko. Vasalaṃ duggandhanti nimittaṃ sandhāyāha, tadeva sandhāya ‘‘kiṃ me pāpakaṃ, kiṃ me duggandha’’nti vuttaṃ.
੨੯੧. ਸਨ੍ਤਿਕੇਤਿ ਯਤ੍ਥ ਠਿਤੋ વਿਞ੍ਞਾਪੇਤਿ। ‘‘ਪਠਮવਿਗ੍ਗਹੇ ਸਚੇ ਪਾਲ਼ਿવਸੇਨ ਯੋਜੇਤੀਤਿ ਕਾਮਹੇਤੁਪਾਰਿਚਰਿਯਾਅਤ੍ਥੋ। ਸੇਸਨ੍ਤਿ ‘ਅਧਿਪ੍ਪਾਯੋ’ਤਿ ਪਦਂ ਬ੍ਯਞ੍ਜਨਂ ਅਤ੍ਥਾਭਾવਤੋ। ਦੁਤਿਯੇ ਪਾਲ਼ਿવਸੇਨ ਕਾਮਹੇਤੁ-ਪਦਾਨਿ ਬ੍ਯਞ੍ਜਨਾਨਿ ਤੇਸਂ ਤਤ੍ਥ ਅਤ੍ਥਾਭਾવਤੋ। ਏવਂ ਚਤ੍ਤਾਰਿ ਪਦਾਨਿ ਦ੍વਿਨ੍ਨਂ વਿਗ੍ਗਹਾਨਂ વਸੇਨ ਯੋਜਿਤਾਨੀਤਿ ਅਪਰੇ વਦਨ੍ਤੀ’’ਤਿ વੁਤ੍ਤਂ।
291.Santiketi yattha ṭhito viññāpeti. ‘‘Paṭhamaviggahe sace pāḷivasena yojetīti kāmahetupāricariyāattho. Sesanti ‘adhippāyo’ti padaṃ byañjanaṃ atthābhāvato. Dutiye pāḷivasena kāmahetu-padāni byañjanāni tesaṃ tattha atthābhāvato. Evaṃ cattāri padāni dvinnaṃ viggahānaṃ vasena yojitānīti apare vadantī’’ti vuttaṃ.
੨੯੫. ਏਤੇਸੁ ਸਿਕ੍ਖਾਪਦੇਸੁ ਮੇਥੁਨਰਾਗੇਨ વੀਤਿਕ੍ਕਮੇ ਸਤਿ ਸਙ੍ਘਾਦਿਸੇਸੇਨ ਅਨਾਪਤ੍ਤਿ। ਤਸ੍ਮਾ ‘‘ਕਿਂ ਭਨ੍ਤੇ ਅਗ੍ਗਦਾਨਨ੍ਤਿ। ਮੇਥੁਨਧਮ੍ਮ’’ਨ੍ਤਿ ਇਦਂ ਕੇવਲਂ ਮੇਥੁਨਧਮ੍ਮਸ੍ਸ વਣ੍ਣਭਣਨਤ੍ਥਂ વੁਤ੍ਤਂ, ਨ ਮੇਥੁਨਧਮ੍ਮਾਧਿਪ੍ਪਾਯੇਨ ਤਦਤ੍ਥਿਯਾ વੁਤ੍ਤਨ੍ਤਿ વੇਦਿਤਬ੍ਬਂ, ਪਰਸ੍ਸ ਭਿਕ੍ਖੁਨੋ ਕਾਮਪਾਰਿਚਰਿਯਾਯ વਣ੍ਣਭਣਨੇ ਦੁਕ੍ਕਟਂ। ‘‘ਯੋ ਤੇ વਿਹਾਰੇ વਸਤਿ, ਤਸ੍ਸ ਅਗ੍ਗਦਾਨਂ ਦੇਹੀ’’ਤਿ ਪਰਿਯਾਯવਚਨੇਨਪਿ ਦੁਕ੍ਕਟਂ। ‘‘ਅਤ੍ਤਕਾਮਪਾਰਿਚਰਿਯਾਯ વਣ੍ਣਂ ਭਾਸੇਯ੍ਯ। ਯਾ ਮਾਦਿਸਂ ਸੀਲવਨ੍ਤ’’ਨ੍ਤਿ ਚ વੁਤ੍ਤਤ੍ਤਾਤਿ ਏਕੇ। ਪਞ੍ਚਸੁ ਅਙ੍ਗੇਸੁ ਸਬ੍ਭਾવਾ ਸਙ੍ਘਾਦਿਸੇਸੋવਾਤਿ ਏਕੇ। વਿਚਾਰੇਤ੍વਾ ਗਹੇਤਬ੍ਬਂ। ਗਣ੍ਠਿਪਦੇ ਪਨ ‘‘ਇਮਸ੍ਮਿਂ ਸਿਕ੍ਖਾਪਦਦ੍વਯੇ ਕਾਯਸਂਸਗ੍ਗੇ વਿਯ ਯਕ੍ਖਿਪੇਤੀਸੁ ਦੁਟ੍ਠੁਲ੍ਲਤ੍ਤਕਾਮવਚਨੇ ਥੁਲ੍ਲਚ੍ਚਯ’ਨ੍ਤਿ વਦਨ੍ਤਿ। ਅਟ੍ਠਕਥਾਸੁ ਪਨ ਨਾਗਤ’’ਨ੍ਤਿ ਲਿਖਿਤਂ। ‘‘ਉਭਤੋਬ੍ਯਞ੍ਜਨਕੋ ਪਨ ਪਣ੍ਡਕਗਤਿਕੋવਾ’’ਤਿ વਦਨ੍ਤਿ।
295. Etesu sikkhāpadesu methunarāgena vītikkame sati saṅghādisesena anāpatti. Tasmā ‘‘kiṃ bhante aggadānanti. Methunadhamma’’nti idaṃ kevalaṃ methunadhammassa vaṇṇabhaṇanatthaṃ vuttaṃ, na methunadhammādhippāyena tadatthiyā vuttanti veditabbaṃ, parassa bhikkhuno kāmapāricariyāya vaṇṇabhaṇane dukkaṭaṃ. ‘‘Yo te vihāre vasati, tassa aggadānaṃ dehī’’ti pariyāyavacanenapi dukkaṭaṃ. ‘‘Attakāmapāricariyāya vaṇṇaṃ bhāseyya. Yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke. Vicāretvā gahetabbaṃ. Gaṇṭhipade pana ‘‘imasmiṃ sikkhāpadadvaye kāyasaṃsagge viya yakkhipetīsu duṭṭhullattakāmavacane thullaccaya’nti vadanti. Aṭṭhakathāsu pana nāgata’’nti likhitaṃ. ‘‘Ubhatobyañjanako pana paṇḍakagatikovā’’ti vadanti.
ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Attakāmapāricariyasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦਂ • 4. Attakāmapāricariyasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦવਣ੍ਣਨਾ • 4. Attakāmapāricariyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦવਣ੍ਣਨਾ • 4. Attakāmapāricariyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦવਣ੍ਣਨਾ • 4. Attakāmapāricariyasikkhāpadavaṇṇanā
