| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૪. અત્તકામસિક્ખાપદવણ્ણના
4. Attakāmasikkhāpadavaṇṇanā
દુટ્ઠુલ્લોભાસને વુત્તપ્પકારાયાતિ દુટ્ઠુલ્લાદુટ્ઠુલ્લજાનનસમત્થાય. પરસ્સ ભિક્ખુનો અત્તકામપારિચરિયાય વણ્ણભણને દુક્કટં, ‘‘યો તે વિહારે વસતિ, તસ્સ અગ્ગદાનં મેથુનં ધમ્મં દેહી’’તિ પરિયાયવચનેપિ દુક્કટં, ‘‘અત્તકામપારિચરિયાય વણ્ણં ભાસેય્ય, યા માદિસં સીલવન્ત’’ન્તિ ચ વુત્તત્તાતિ એકે. પઞ્ચસુ અઙ્ગેસુ સબ્ભાવા સઙ્ઘાદિસેસોવાતિ એકે, વિચારેત્વા ગહેતબ્બં. ‘‘ઇમસ્મિં સિક્ખાપદદ્વયે કાયસંસગ્ગે વિય યક્ખિપેતીસુપિ દુટ્ઠુલ્લત્તકઆમવચને થુલ્લચ્ચયન્તિ વદન્તિ. અટ્ઠકથાસુ પન નાગત’’ન્તિ (વજિર॰ ટી॰ પારાજિક ૨૯૫) લિખિતં. ઉભતોબ્યઞ્જનકો પન પણ્ડકગતિકોવ.
Duṭṭhullobhāsane vuttappakārāyāti duṭṭhullāduṭṭhullajānanasamatthāya. Parassa bhikkhuno attakāmapāricariyāya vaṇṇabhaṇane dukkaṭaṃ, ‘‘yo te vihāre vasati, tassa aggadānaṃ methunaṃ dhammaṃ dehī’’ti pariyāyavacanepi dukkaṭaṃ, ‘‘attakāmapāricariyāya vaṇṇaṃ bhāseyya, yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke, vicāretvā gahetabbaṃ. ‘‘Imasmiṃ sikkhāpadadvaye kāyasaṃsagge viya yakkhipetīsupi duṭṭhullattakaāmavacane thullaccayanti vadanti. Aṭṭhakathāsu pana nāgata’’nti (vajira. ṭī. pārājika 295) likhitaṃ. Ubhatobyañjanako pana paṇḍakagatikova.
અત્તકામસિક્ખાપદવણ્ણના નિટ્ઠિતા.
Attakāmasikkhāpadavaṇṇanā niṭṭhitā.
