| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೨. ಅತ್ತಾನುದಿಟ್ಠಿಪಹಾನಸುತ್ತಂ
12. Attānudiṭṭhipahānasuttaṃ
೧೬೭. ಅಥ ಖೋ ಅಞ್ಞತರೋ ಭಿಕ್ಖು…ಪೇ॰… ಏತದವೋಚ – ‘‘ಕಥಂ ನು ಖೋ , ಭನ್ತೇ, ಜಾನತೋ ಕಥಂ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತೀ’’ತಿ? ‘‘ಚಕ್ಖುಂ ಖೋ, ಭಿಕ್ಖು, ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ। ರೂಪೇ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ। ಚಕ್ಖುವಿಞ್ಞಾಣಂ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ। ಚಕ್ಖುಸಮ್ಫಸ್ಸಂ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ। ಯಮ್ಪಿದಂ ಚಕ್ಖುಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ…ಪೇ॰… ಜಿವ್ಹಂ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ…ಪೇ॰… ಮನಂ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತಿ। ಧಮ್ಮೇ… ಮನೋವಿಞ್ಞಾಣಂ… ಮನೋಸಮ್ಫಸ್ಸಂ… ಯಮ್ಪಿದಂ ಮನೋಸಮ್ಫಸ್ಸಪಚ್ಚಯಾ ಉಪ್ಪಜ್ಜತಿ ವೇದಯಿತಂ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ ತಮ್ಪಿ ಅನತ್ತತೋ ಜಾನತೋ ಪಸ್ಸತೋ ಅತ್ತಾನುದಿಟ್ಠಿ ಪಹೀಯತೀ’’ತಿ। ದ್ವಾದಸಮಂ।
167. Atha kho aññataro bhikkhu…pe… etadavoca – ‘‘kathaṃ nu kho , bhante, jānato kathaṃ passato attānudiṭṭhi pahīyatī’’ti? ‘‘Cakkhuṃ kho, bhikkhu, anattato jānato passato attānudiṭṭhi pahīyati. Rūpe anattato jānato passato attānudiṭṭhi pahīyati. Cakkhuviññāṇaṃ anattato jānato passato attānudiṭṭhi pahīyati. Cakkhusamphassaṃ anattato jānato passato attānudiṭṭhi pahīyati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyati…pe… jivhaṃ anattato jānato passato attānudiṭṭhi pahīyati…pe… manaṃ anattato jānato passato attānudiṭṭhi pahīyati. Dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyatī’’ti. Dvādasamaṃ.
ನನ್ದಿಕ್ಖಯವಗ್ಗೋ ಸೋಳಸಮೋ।
Nandikkhayavaggo soḷasamo.
ತಸ್ಸುದ್ದಾನಂ –
Tassuddānaṃ –
ನನ್ದಿಕ್ಖಯೇನ ಚತ್ತಾರೋ, ಜೀವಕಮ್ಬವನೇ ದುವೇ।
Nandikkhayena cattāro, jīvakambavane duve;
ಕೋಟ್ಠಿಕೇನ ತಯೋ ವುತ್ತಾ, ಮಿಚ್ಛಾ ಸಕ್ಕಾಯ ಅತ್ತನೋತಿ॥
Koṭṭhikena tayo vuttā, micchā sakkāya attanoti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೦-೧೨. ಮಿಚ್ಛಾದಿಟ್ಠಿಪಹಾನಸುತ್ತಾದಿವಣ್ಣನಾ • 10-12. Micchādiṭṭhipahānasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೦-೧೨. ಮಿಚ್ಛಾದಿಟ್ಠಿಪಹಾನಸುತ್ತಾದಿವಣ್ಣನಾ • 10-12. Micchādiṭṭhipahānasuttādivaṇṇanā
