| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၂၃၂. အဋ္ဌစီဝရမာတိကာ
232. Aṭṭhacīvaramātikā
၃၇၉. အဋ္ဌိမာ , ဘိက္ခဝေ, မာတိကာ စီဝရသ္သ ဥပ္ပာဒာယ – သီမာယ ဒေတိ , ကတိကာယ ဒေတိ, ဘိက္ခာပညတ္တိယာ ဒေတိ, သင္ဃသ္သ ဒေတိ, ဥဘတောသင္ဃသ္သ ဒေတိ, ဝသ္သံဝုဋ္ဌသင္ဃသ္သ ဒေတိ, အာဒိသ္သ ဒေတိ, ပုဂ္ဂလသ္သ ဒေတိ။
379. Aṭṭhimā , bhikkhave, mātikā cīvarassa uppādāya – sīmāya deti , katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa deti.
သီမာယ ဒေတိ – ယာဝတိကာ ဘိက္ခူ အန္တောသီမဂတာ တေဟိ ဘာဇေတဗ္ဗံ။ ကတိကာယ ဒေတိ – သမ္ဗဟုလာ အာဝာသာ သမာနလာဘာ ဟောန္တိ ဧကသ္မိံ အာဝာသေ ဒိန္နေ သဗ္ဗတ္ထ ဒိန္နံ ဟောတိ။ ဘိက္ခာပညတ္တိယာ ဒေတိ, ယတ္ထ သင္ဃသ္သ ဓုဝကာရာ ကရိယ္ယန္တိ, တတ္ထ ဒေတိ။ သင္ဃသ္သ ဒေတိ, သမ္မုခီဘူတေန သင္ဃေန ဘာဇေတဗ္ဗံ။ ဥဘတောသင္ဃသ္သ ဒေတိ, ဗဟုကာပိ ဘိက္ခူ ဟောန္တိ, ဧကာ ဘိက္ခုနီ ဟောတိ, ဥပဍ္ဎံ ဒာတဗ္ဗံ, ဗဟုကာပိ ဘိက္ခုနိယော ဟောန္တိ, ဧကော ဘိက္ခု ဟောတိ, ဥပဍ္ဎံ ဒာတဗ္ဗံ။ ဝသ္သံဝုဋ္ဌသင္ဃသ္သ ဒေတိ, ယာဝတိကာ ဘိက္ခူ တသ္မိံ အာဝာသေ ဝသ္သံဝုဋ္ဌာ, တေဟိ ဘာဇေတဗ္ဗံ။ အာဒိသ္သ ဒေတိ, ယာဂုယာ ဝာ ဘတ္တေ ဝာ ခာဒနီယေ ဝာ စီဝရေ ဝာ သေနာသနေ ဝာ ဘေသဇ္ဇေ ဝာ ။ ပုဂ္ဂလသ္သ ဒေတိ, ‘‘ဣမံ စီဝရံ ဣတ္ထန္နာမသ္သ ဒမ္မီ’’တိ။
Sīmāya deti – yāvatikā bhikkhū antosīmagatā tehi bhājetabbaṃ. Katikāya deti – sambahulā āvāsā samānalābhā honti ekasmiṃ āvāse dinne sabbattha dinnaṃ hoti. Bhikkhāpaññattiyā deti, yattha saṅghassa dhuvakārā kariyyanti, tattha deti. Saṅghassa deti, sammukhībhūtena saṅghena bhājetabbaṃ. Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṃ dātabbaṃ, bahukāpi bhikkhuniyo honti, eko bhikkhu hoti, upaḍḍhaṃ dātabbaṃ. Vassaṃvuṭṭhasaṅghassa deti, yāvatikā bhikkhū tasmiṃ āvāse vassaṃvuṭṭhā, tehi bhājetabbaṃ. Ādissa deti, yāguyā vā bhatte vā khādanīye vā cīvare vā senāsane vā bhesajje vā . Puggalassa deti, ‘‘imaṃ cīvaraṃ itthannāmassa dammī’’ti.
အဋ္ဌစီဝရမာတိကာ နိဋ္ဌိတာ။
Aṭṭhacīvaramātikā niṭṭhitā.
စီဝရက္ခန္ဓကော အဋ္ဌမော။
Cīvarakkhandhako aṭṭhamo.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အဋ္ဌစီဝရမာတိကာကထာ • Aṭṭhacīvaramātikākathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဋ္ဌစီဝရမာတိကာကထာဝဏ္ဏနာ • Aṭṭhacīvaramātikākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဋ္ဌစီဝရမာတိကာကထာဝဏ္ဏနာ • Aṭṭhacīvaramātikākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အဋ္ဌစီဝရမာတိကာကထာဝဏ္ဏနာ • Aṭṭhacīvaramātikākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၃၂. အဋ္ဌစီဝရမာတိကာကထာ • 232. Aṭṭhacīvaramātikākathā
