| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
232. адтажийварамаад̇игаагат̇аа
232. Aṭṭhacīvaramātikākathā
379. ид̣̇аани аахаад̇и самб̣анд̇хо. буг̇г̇алаад̇хидтаананаязнаад̇и ‘‘сиймааяа д̣̇зд̇ий’’д̇и гад̇д̇уваажагзна гирияаабад̣̇зна д̣̇ааяагабуг̇г̇аласан̇каад̇агад̇д̇уно ад̇хидтаанавасзна вуд̇д̇ад̇д̇аа буг̇г̇алаад̇хидтаанзна наязна. зд̇т̇аад̇и зд̇аасу адтасу маад̇игаасу. адтамаа маад̇игаад̇и яож̇анаа. д̇ад̇т̇аад̇и адтасу маад̇игаасу. саб̣б̣ад̇т̇аад̇и саб̣б̣зсу ‘‘гад̇игааяа д̣̇зд̇ий’’д̇иаад̣̇ийсу.
379. Idāni āhāti sambandho. Puggalādhiṭṭhānanayenāti ‘‘sīmāya detī’’ti kattuvācakena kiriyāpadena dāyakapuggalasaṅkhātakattuno adhiṭṭhānavasena vuttattā puggalādhiṭṭhānena nayena. Etthāti etāsu aṭṭhasu mātikāsu. Aṭṭhamā mātikāti yojanā. Tatthāti aṭṭhasu mātikāsu. Sabbatthāti sabbesu ‘‘katikāya detī’’tiādīsu.
сиймааяа…бз… бхааж̇зд̇аб̣б̣анд̇иаад̣̇имхи маад̇игаанид̣̇д̣̇зсз бана звам̣ винижчаяо взд̣̇ид̇аб̣б̣од̇и яож̇анаа. сиймааяа д̣̇зд̇ийд̇и зд̇т̇а баннараса сиймаа взд̣̇ид̇аб̣б̣аад̇и самб̣анд̇хо.
Sīmāya…pe… bhājetabbantiādimhi mātikāniddese pana evaṃ vinicchayo veditabboti yojanā. Sīmāya detīti ettha pannarasa sīmā veditabbāti sambandho.
д̇ад̇т̇аад̇и баннарасасу сиймаасу. убажаарасиймаа барижчиннаа ход̇ийд̇и самб̣анд̇хо. зд̇д̇агам̣ таананд̇и баригкзбаарахадтаанасса зганд̇зна авуд̇д̇ад̇д̇аа зганд̇зна баригкзбаарахадтаанам̣ д̣̇ассзнд̇о ааха ‘‘абижаа’’д̇иаад̣̇и. д̇хувасаннибаад̇ад̇о ваа кибид̇аананд̇и самб̣анд̇хо. ‘‘барияанд̇з’’д̇и бад̣̇ам̣ буб̣б̣аабараабзгкам̣. д̇асмаа д̇ийсу ниссаггабад̣̇зсу яож̇зд̇аб̣б̣ам̣. саа банаад̇и убажаарасиймаа бана. бхигкуусу вад̣дханд̇зсу ааваасоби вад̣дхад̇ийд̇и манасигад̇ваа вуд̇д̇ам̣ ‘‘бхигкуусу вад̣дханд̇зсуу’’д̇и. саб̣б̣зсам̣ бхигкуунанд̇и самб̣анд̇хо. вуд̇д̇амзваад̇и сиймагат̇ааяам̣ (махаава. адта. 138, 144) вуд̇д̇амзва.
Tatthāti pannarasasu sīmāsu. Upacārasīmā paricchinnā hotīti sambandho. Ettakaṃ ṭhānanti parikkhepārahaṭṭhānassa ekantena avuttattā ekantena parikkhepārahaṭṭhānaṃ dassento āha ‘‘apicā’’tiādi. Dhuvasannipātato vā khipitānanti sambandho. ‘‘Pariyante’’ti padaṃ pubbāparāpekkhaṃ. Tasmā tīsu nissakkapadesu yojetabbaṃ. Sā panāti upacārasīmā pana. Bhikkhūsu vaḍḍhantesu āvāsopi vaḍḍhatīti manasikatvā vuttaṃ ‘‘bhikkhūsu vaḍḍhantesū’’ti. Sabbesaṃ bhikkhūnanti sambandho. Vuttamevāti sīmakathāyaṃ (mahāva. aṭṭha. 138, 144) vuttameva.
абижа код̇и зд̇т̇а абисад̣̇д̣̇о бужчад̇т̇аваажаго. гзхи табид̇аад̇и хи ад̇т̇о. рааж̇арааж̇амахаамад̇д̇аа табзнд̇ийд̇и самб̣анд̇хо. лаабхасиймаад̇и лаабхасса марияаад̣̇о. яанд̇и яо лаабхо. зд̇т̇анд̇арзд̇и зд̇асмим̣ г̇аавуд̇аад̣̇ианд̇арз. лаабхасиймаа наамаад̇и лаабхзна барижчиннаа сиймаа наама. д̇ад̇т̇аад̇и б̣ахуусу ж̇анабад̣̇зсу. анд̇арад̣̇ийбаа жаад̇и махаад̣̇ийбад̇о ан̃н̃ад̣̇ийбаа жа, куд̣̇д̣̇агад̣̇ийбаад̇и ад̇хиббааяо.
Apica khoti ettha apisaddo pucchatthavācako. Kehi ṭhapitāti hi attho. Rājarājamahāmattā ṭhapentīti sambandho. Lābhasīmāti lābhassa mariyādo. Yanti yo lābho. Etthantareti etasmiṃ gāvutādiantare. Lābhasīmā nāmāti lābhena paricchinnā sīmā nāma. Tatthāti bahūsu janapadesu. Antaradīpā cāti mahādīpato aññadīpā ca, khuddakadīpāti adhippāyo.
зд̇т̇зва сиймааяаад̇и кан̣д̣асиймааяа зва. д̇зсам̣язваад̇и кан̣д̣асиймаг̇ад̇аанам̣язва. звад̇т̇апалам̣ д̣̇ассзнд̇о ааха ‘‘ан̃н̃зса’’нд̇иаад̣̇и. ругкз ваа баб̣б̣ад̇з ваа тид̇асса ваа хздтаа бат̇авиймаж̇жхаг̇ад̇асса ваа бхигкуссаад̇и яож̇анаа. имиссаа убажаарасиймааяа тид̇ассаад̇и самб̣анд̇хо. самаанасам̣ваасасиймааяаад̇и махаасиймааяа. кан̣д̣асиймасийманд̇аригаасууд̇и кан̣д̣асиймааяан̃жа д̣̇виннам̣ сиймаанам̣ сийманд̇аригааяан̃жа. д̇ад̇т̇а д̣̇виннам̣ г̇аамадтаанамби баабун̣аад̇и. авиббаваасасиймааяа д̣̇иннам̣ г̇аамадтаанам̣ на баабун̣аад̇и ‘‘табзд̇ваа г̇ааман̃жа г̇аамуубажааран̃жаа’’д̇и вуд̇д̇ад̇д̇аа.
Ettheva sīmāyāti khaṇḍasīmāya eva. Tesaṃyevāti khaṇḍasīmagatānaṃyeva. Evatthaphalaṃ dassento āha ‘‘aññesa’’ntiādi. Rukkhe vā pabbate vā ṭhitassa vā heṭṭhā pathavīmajjhagatassa vā bhikkhussāti yojanā. Imissā upacārasīmāya ṭhitassāti sambandho. Samānasaṃvāsasīmāyāti mahāsīmāya. Khaṇḍasīmasīmantarikāsūti khaṇḍasīmāyañca dvinnaṃ sīmānaṃ sīmantarikāyañca. Tattha dvinnaṃ gāmaṭṭhānampi pāpuṇāti. Avippavāsasīmāya dinnaṃ gāmaṭṭhānaṃ na pāpuṇāti ‘‘ṭhapetvā gāmañca gāmūpacārañcā’’ti vuttattā.
ж̇амб̣уяаа лагкид̇о д̣̇ийбо ж̇амб̣уд̣̇ийбо. д̇амб̣о лохид̇о баан̣и хад̇т̇о зд̇зсанд̇и д̇амб̣абаан̣ино. виж̇аяагумаараад̣̇аяо сад̇д̇асад̇аа ж̇анаа. д̇зсам̣ ниваасо д̇амб̣абан̣н̣и, соязва д̣̇ийбод̇и д̇амб̣абан̣н̣ид̣̇ийбо, д̇асмим̣. саб̣б̣зсам̣ бхааг̇анд̇и самб̣анд̇хо. д̇ад̇рзваад̇и ж̇амб̣уд̣̇ийбзязва. званд̇иаад̣̇и ниг̇аманам̣.
Jambuyā lakkhito dīpo jambudīpo. Tambo lohito pāṇi hattho etesanti tambapāṇino. Vijayakumārādayo sattasatā janā. Tesaṃ nivāso tambapaṇṇi, soyeva dīpoti tambapaṇṇidīpo, tasmiṃ. Sabbesaṃ bhāganti sambandho. Tatrevāti jambudīpeyeva. Evantiādi nigamanaṃ.
яо бана бхан̣ад̇ийд̇и самб̣анд̇хо. д̇ад̇од̇и гат̇анад̇о, баранд̇и самб̣анд̇хо. нанд̇и махаасивад̇т̇зрам̣. д̇ияож̇анаабийд̇и бисад̣̇д̣̇о д̇ад̇о уунааби ход̇ийд̇и д̣̇ассзд̇и. саб̣б̣ам̣бзд̇анд̇и саб̣б̣ам̣би зд̇ам̣ лаабхаг̇ан̣ханаад̣̇им̣. ид̇и аахам̣сууд̇и яож̇анаа.
Yo pana bhaṇatīti sambandho. Tatoti kathanato, paranti sambandho. Nanti mahāsivattheraṃ. Tiyojanāpīti pisaddo tato ūnāpi hotīti dasseti. Sabbaṃpetanti sabbaṃpi etaṃ lābhagaṇhanādiṃ. Iti āhaṃsūti yojanā.
гад̇игаанам̣ яат̇ижчид̇агад̇зна бавад̇д̇ад̇д̇аа б̣аху ход̇и, д̇асмаа ид̇ха ижчид̇агад̇игам̣ д̣̇ассзд̇ум̣ вуд̇д̇ам̣ ‘‘самааналаабхагад̇игааяаа’’д̇и . д̇ад̇раад̇и ‘‘гад̇игааяа д̣̇зд̇ий’’д̇и баатз. саннибад̇ид̇зхи бхигкуухи бхааж̇зд̇аб̣б̣анд̇и самб̣анд̇хо. д̇ассаад̇и вихаарасса. б̣уд̣̇д̇хаад̇хивуд̇т̇од̇и б̣уд̣̇д̇хзна ад̇хи иссаравасзна васияид̇т̇аад̇и б̣уд̣̇д̇хаад̇хивуд̇т̇о. зд̇д̇аавад̇аад̇и зд̇д̇агзна сааванамад̇д̇зна. нисинноваад̇и нисинно зва ход̇и, нисинно ива ваа. д̇асмим̣ вихаарзбийд̇и д̇асмим̣ бораан̣агаад̣̇ивихаарзби. звамзваад̇и ‘‘аяам̣ бораан̣аго вихааро д̇зна нававихаарзна сад̣̇д̇хим̣ самааналаабхам̣ гаад̇ум̣ сан̇гхасса ружжад̇ий’’д̇иаад̣̇инаа звамзва. ид̇хаад̇и бораан̣агавихаарз. д̇асминд̇и нававихаарз. званд̇и яат̇аа згзна вихаарзна сад̣̇д̇хим̣ зго вихааро гаад̇аб̣б̣о, звам̣ д̇ат̇аад̇и ад̇т̇о.
Katikānaṃ yathicchitakatena pavattattā bahu hoti, tasmā idha icchitakatikaṃ dassetuṃ vuttaṃ ‘‘samānalābhakatikāyā’’ti . Tatrāti ‘‘katikāya detī’’ti pāṭhe. Sannipatitehi bhikkhūhi bhājetabbanti sambandho. Tassāti vihārassa. Buddhādhivutthoti buddhena adhi issaravasena vasiyitthāti buddhādhivuttho. Ettāvatāti ettakena sāvanamattena. Nisinnovāti nisinno eva hoti, nisinno iva vā. Tasmiṃ vihārepīti tasmiṃ porāṇakādivihārepi. Evamevāti ‘‘ayaṃ porāṇako vihāro tena navavihārena saddhiṃ samānalābhaṃ kātuṃ saṅghassa ruccatī’’tiādinā evameva. Idhāti porāṇakavihāre. Tasminti navavihāre. Evanti yathā ekena vihārena saddhiṃ eko vihāro kātabbo, evaṃ tathāti attho.
бхигкаабан̃н̃ад̇д̇ияаад̇и зд̇т̇а бхигкаа бан̃н̃абияад̇и нижжавасзна табияад̇и зд̇т̇аад̇и бхигкаабан̃н̃ад̇д̇ийд̇и д̣̇ассзнд̇о ааха ‘‘ад̇д̇ано барижжааг̇абан̃н̃аабанадтаанз’’д̇и. д̇ассаад̇и ‘‘яад̇т̇а сан̇гхасса д̇хувагаараа гарияанд̇ий’’д̇ибаатасса. ад̇т̇о звам̣ взд̣̇ид̇аб̣б̣од̇и яож̇анаа. яад̇т̇а ваад̇и яасмим̣ ваа таанз. анзнаад̇и жийварад̣̇ааяагзна. салаагабхад̇д̇аад̣̇ийни ваа ниб̣ад̣̇д̇хаани гаарид̇аанийд̇и самб̣анд̇хо. язна банаад̇и жийварад̣̇ааяагзна бана. сагалоби вихаарод̇и сагалоби сааараамо вихааро. д̇ад̇т̇аад̇и жийварад̣̇ааяагз. имзд̇и баагавад̇д̇асса вад̇д̇анадтаанаад̣̇аяо вихаараа. д̇хувзна гарияанд̇ийд̇и д̇хувагаараа вихаараа. сод̇и жийварад̣̇ааяаго. яад̇т̇аад̇и яасмим̣ таанз. саб̣б̣ад̇т̇аад̇и саб̣б̣зсу б̣ахуусу вихаарзсу.
Bhikkhāpaññattiyāti ettha bhikkhā paññapiyati niccavasena ṭhapiyati etthāti bhikkhāpaññattīti dassento āha ‘‘attano pariccāgapaññāpanaṭṭhāne’’ti. Tassāti ‘‘yattha saṅghassa dhuvakārā kariyantī’’tipāṭhassa. Attho evaṃ veditabboti yojanā. Yattha vāti yasmiṃ vā ṭhāne. Anenāti cīvaradāyakena. Salākabhattādīni vā nibaddhāni kāritānīti sambandho. Yena panāti cīvaradāyakena pana. Sakalopi vihāroti sakalopi saārāmo vihāro. Tatthāti cīvaradāyake. Imeti pākavattassa vattanaṭṭhānādayo vihārā. Dhuvena kariyantīti dhuvakārā vihārā. Soti cīvaradāyako. Yatthāti yasmiṃ ṭhāne. Sabbatthāti sabbesu bahūsu vihāresu.
д̇зхийд̇и б̣ахуд̇арзхи бхигкуухи. д̇хувагаарзсууд̇и нид̣̇д̇хааран̣з бхуммам̣. згад̇т̇аад̇и згасмим̣ д̇хувагаарз. ‘‘сажз бхигкуг̇ан̣анааяа г̇ан̣хат̇аад̇и вад̣̇ад̇ий’’д̇и иминаа сажз на вад̣̇ад̇и, бхигкуг̇ан̣анааяа бхааж̇зд̇ваа г̇ан̣хид̇ум̣ на ваддад̇ийд̇и д̣̇ассзд̇и, вихаараг̇ан̣анааяа г̇ан̣хид̇ум̣ ваддад̇ийд̇и ад̇хиббааяо. д̇ат̇аад̇и яат̇аа ‘‘бхигкуг̇ан̣анааяа г̇ан̣хат̇аа’’д̇и вад̣̇ад̇и, д̇ат̇аад̇и ад̇т̇о. зд̇т̇аад̇и бхааж̇зд̇аб̣б̣авад̇т̇уусу. д̇анд̇и ман̃жабийтагам̣, бужчид̇ваа д̣̇аад̇аб̣б̣анд̇и самб̣анд̇хо. бужчид̇ваад̇и д̣̇ааяагам̣ бужчид̇ваа, вад̣̇ад̇ийд̇и д̣̇ааяаго вад̣̇ад̇и. сан̇гхассаабийд̇и бисад̣̇д̣̇о на д̣̇ааяагассзваад̇и д̣̇ассзд̇и.
Tehīti bahutarehi bhikkhūhi. Dhuvakāresūti niddhāraṇe bhummaṃ. Ekatthāti ekasmiṃ dhuvakāre. ‘‘Sace bhikkhugaṇanāya gaṇhathāti vadatī’’ti iminā sace na vadati, bhikkhugaṇanāya bhājetvā gaṇhituṃ na vaṭṭatīti dasseti, vihāragaṇanāya gaṇhituṃ vaṭṭatīti adhippāyo. Tathāti yathā ‘‘bhikkhugaṇanāya gaṇhathā’’ti vadati, tathāti attho. Etthāti bhājetabbavatthūsu. Tanti mañcapīṭhakaṃ, pucchitvā dātabbanti sambandho. Pucchitvāti dāyakaṃ pucchitvā, vadatīti dāyako vadati. Saṅghassāpīti pisaddo na dāyakassevāti dasseti.
убажаарасиймааяам̣ тид̇зна сан̇гхзна бхааж̇зд̇аб̣б̣анд̇и самб̣анд̇хо . сиймадтассаад̇и убажаарасиймааяам̣ тид̇асса. асамбад̇д̇ассаабийд̇и бхааж̇анадтаанам̣ асамбад̇д̇ассааби. аласаж̇аад̇игаад̇и госаж̇ж̇аж̇аад̇игаа. тид̇игаад̇и баб̣анд̇хавасзна тияад̇з тид̇и, сааязва тид̇игаа. ат̇а ваа ‘‘тид̇адтаанад̇о бадтааяа д̣̇аад̇аб̣б̣а’’нд̇и адтагат̇ааяам̣ (махаава. адта. 379) вуд̇д̇ад̇д̇аа д̇идтад̇и баб̣анд̇хавасзна зд̇т̇аад̇и тид̇и, сааязва тид̇игаад̇и важанад̇т̇о гаад̇аб̣б̣о. тид̇игам̣ табзд̇ваад̇и вийсад̇ивассасан̇каад̇ам̣ тид̇игам̣ табзд̇ваа. д̇зсанд̇и т̇зраанам̣.
Upacārasīmāyaṃ ṭhitena saṅghena bhājetabbanti sambandho . Sīmaṭṭhassāti upacārasīmāyaṃ ṭhitassa. Asampattassāpīti bhājanaṭṭhānaṃ asampattassāpi. Alasajātikāti kosajjajātikā. Ṭhitikāti pabandhavasena ṭhiyate ṭhiti, sāyeva ṭhitikā. Atha vā ‘‘ṭhitaṭṭhānato paṭṭhāya dātabba’’nti aṭṭhakathāyaṃ (mahāva. aṭṭha. 379) vuttattā tiṭṭhati pabandhavasena etthāti ṭhiti, sāyeva ṭhitikāti vacanattho kātabbo. Ṭhitikaṃ ṭhapetvāti vīsativassasaṅkhātaṃ ṭhitikaṃ ṭhapetvā. Tesanti therānaṃ.
самбад̇д̇асамбад̇д̇аананд̇и бхааж̇анадтаанам̣ самбад̇д̇асамбад̇д̇аанам̣. ад̇д̇ано вихаарад̣̇ваарз ваа ад̇д̇ано анд̇овихаарзязва ваад̇и яож̇анаа. сиймаад̇и убажаарасиймаа. т̇зраасанам̣ ааруул̣хз сад̇ийд̇и яож̇анаа. вассаг̇г̇знаад̇и вассаг̇ан̣анааяа.
Sampattasampattānanti bhājanaṭṭhānaṃ sampattasampattānaṃ. Attano vihāradvāre vā attano antovihāreyeva vāti yojanā. Sīmāti upacārasīmā. Therāsanaṃ ārūḷhe satīti yojanā. Vassaggenāti vassagaṇanāya.
баадзгганд̇и бажжзгам̣. саб̣б̣аанзва жийвараанийд̇и самб̣анд̇хо. д̣̇уб̣бхаасид̇ад̣̇уг̇г̇ахид̇аанамад̇т̇ам̣ д̣̇ассзнд̇о ааха ‘‘г̇ад̇аг̇ад̇адтаанз сан̇гхигаанзва хонд̇ий’’д̇и. зганд̇и д̣̇асасу вад̇т̇зсу згам̣.
Pāṭekkanti paccekaṃ. Sabbāneva cīvarānīti sambandho. Dubbhāsitaduggahitānamatthaṃ dassento āha ‘‘gatagataṭṭhāne saṅghikāneva hontī’’ti. Ekanti dasasu vatthesu ekaṃ.
вад̇т̇ассзва бубпам̣ ваа вали ваа ад̇т̇ийд̇и яож̇анаа. д̇знаад̇и бубпавалинаа. згам̣ д̇анд̇анд̇и згам̣ суд̇д̇ам̣. д̇ад̇т̇аад̇и д̇зсу тид̇игааяа таанаадтаанзсу. д̣̇вийхиби г̇ахзд̇аб̣б̣ам̣ тид̇игааяа абхаавад̇о.
Vatthasseva pupphaṃ vā vali vā atthīti yojanā. Tenāti pupphavalinā. Ekaṃ tantanti ekaṃ suttaṃ. Tatthāti tesu ṭhitikāya ṭhānāṭṭhānesu. Dvīhipi gahetabbaṃ ṭhitikāya abhāvato.
бхигку ад̇д̇ано санд̇агам̣ яам̣ жийваранд̇и яож̇анаа. бам̣сугуулигаанамби ваддад̇ийд̇и ‘‘сан̇гхасса д̣̇змаа’’д̇и ваа ‘‘д̇уяхам̣ д̣̇змаа’’д̇и ваа авад̇ваа ‘‘бхигкуунам̣ д̣̇зма, т̇зраанам̣ д̣̇змаа’’д̇и вуд̇д̇ад̇д̇аа бам̣сугуулигаанамби ваддад̇и. бхигкут̇зраа наама хи на ад̇д̇анааязва хонд̇и, ан̃н̃зби б̣ахуу, д̇асмаа ваддад̇и. ‘‘сан̇гхассаа’’д̇и вуд̇д̇з ад̇д̇анаа зганд̇зна сан̇гхоязва, д̇асмаа ‘‘сан̇гхассаа’’д̇и вуд̇д̇зби на ваддад̇и, баг̇зва ‘‘д̇уяха’’нд̇и вуд̇д̇з.
Bhikkhu attano santakaṃ yaṃ cīvaranti yojanā. Paṃsukūlikānampi vaṭṭatīti ‘‘saṅghassa demā’’ti vā ‘‘tuyhaṃ demā’’ti vā avatvā ‘‘bhikkhūnaṃ dema, therānaṃ demā’’ti vuttattā paṃsukūlikānampi vaṭṭati. Bhikkhutherā nāma hi na attanāyeva honti, aññepi bahū, tasmā vaṭṭati. ‘‘Saṅghassā’’ti vutte attanā ekantena saṅghoyeva, tasmā ‘‘saṅghassā’’ti vuttepi na vaṭṭati, pageva ‘‘tuyha’’nti vutte.
д̇ад̇од̇и б̣ахувад̇т̇ад̇о. г̇ахзд̇ум̣ на ваддад̇ийд̇и бам̣сугуулигаанам̣ г̇ахзд̇ум̣ на ваддад̇и.
Tatoti bahuvatthato. Gahetuṃ na vaṭṭatīti paṃsukūlikānaṃ gahetuṃ na vaṭṭati.
яанд̇и вад̇т̇ам̣. д̇ад̇т̇аад̇и баригкаарзсу. суд̇д̇анд̇и д̇анд̇ам̣.
Yanti vatthaṃ. Tatthāti parikkhāresu. Suttanti tantaṃ.
звам̣ анд̇осиймам̣ бависид̇ваа ‘‘сан̇гхасса д̣̇змаа’’д̇и д̣̇иннз винижчаяам̣ д̣̇ассзд̇ваа б̣ахисиймааяа д̣̇иннз д̇ам̣ д̣̇ассзнд̇о ааха ‘‘сажз банаа’’д̇иаад̣̇и. згаб̣ад̣̇д̇хаа жаад̇и д̣̇ваад̣̇асахад̇т̇аманад̇иггамид̇ваа згад̇об̣ад̣̇д̇хаа жа. яз банаад̇и бхигкуу бана.
Evaṃ antosīmaṃ pavisitvā ‘‘saṅghassa demā’’ti dinne vinicchayaṃ dassetvā bahisīmāya dinne taṃ dassento āha ‘‘sace panā’’tiādi. Ekabaddhā cāti dvādasahatthamanatikkamitvā ekatobaddhā ca. Ye panāti bhikkhū pana.
убхад̇осан̇гхасса д̣̇зд̇ийд̇и зд̇т̇а жад̇уннам̣ ваагяаанам̣ васзна вуд̇д̇зби убхад̇осан̇гхасса д̣̇зд̇иязва наамаад̇и д̣̇ассзнд̇о ааха ‘‘убхад̇осан̇гхасса д̣̇аммийд̇и вуд̇д̇збий’’д̇иаад̣̇и. убхад̇осан̇гхаг̇г̇ахан̣зна г̇ахид̇ад̇д̇аад̇и буг̇г̇аласса убхад̇осан̇гхаг̇г̇ахан̣зна г̇ахид̇ад̇д̇аа. ‘‘зсзва наяо’’д̇и иминаа згавийсад̇ибадивийсз гад̇ваа зго жзд̇ияасса д̣̇аад̇аб̣б̣од̇и наяам̣ ад̇ид̣̇исад̇и. баабун̣анагодтаасо наама над̇т̇и жзд̇ияасса убхад̇осан̇гхаг̇г̇ахан̣зна аг̇ахид̇ад̇д̇аа.
Ubhatosaṅghassa detīti ettha catunnaṃ vākyānaṃ vasena vuttepi ubhatosaṅghassa detiyeva nāmāti dassento āha ‘‘ubhatosaṅghassa dammīti vuttepī’’tiādi. Ubhatosaṅghaggahaṇena gahitattāti puggalassa ubhatosaṅghaggahaṇena gahitattā. ‘‘Eseva nayo’’ti iminā ekavīsatipaṭivīse katvā eko cetiyassa dātabboti nayaṃ atidisati. Pāpuṇanakoṭṭhāso nāma natthi cetiyassa ubhatosaṅghaggahaṇena agahitattā.
д̇ад̇т̇аад̇и убхад̇осан̇гхабуг̇г̇алажзд̇иязсу. сзсам̣ сувин̃н̃зяяамзва.
Tatthāti ubhatosaṅghapuggalacetiyesu. Sesaṃ suviññeyyameva.
буб̣б̣зд̇и б̣уд̣̇д̇хасса бхаг̇авад̇о д̇харамаанагаалз. д̇ад̣̇аад̇и яад̣̇аа б̣уд̣̇д̇хо бхаг̇аваа д̇харад̇и, д̇ад̣̇аа. бадимам̣ ваад̇и бадиб̣имб̣ам̣ ваа. д̇ан̃хи бхаг̇авад̇аа бади сад̣̇исам̣ маанийяад̇ийд̇и бадимаад̇и вужжад̇и. жзд̇ияам̣ ваад̇и т̇уубам̣ ваа. со хи д̣̇звамануссзхи жид̇ид̇аб̣б̣ам̣, бууж̇зд̇аб̣б̣ам̣, идтагаад̣̇ийхи ваа жинид̇аб̣б̣анд̇и жзд̇ияанд̇и вужжад̇и. д̇ад̇т̇аад̇и д̣̇зяяад̇хаммзсу. яанд̇и гирияаабараамасанам̣. яам̣ д̣̇знд̇ийд̇и яож̇анаа. д̇ад̇т̇аад̇и д̇асмим̣ д̣̇аанз. анияамаваажагасса ‘‘яо’’д̇и саб̣б̣анаамасса ад̇т̇ам̣ д̣̇ассзнд̇о ааха ‘‘баб̣б̣аж̇ид̇о ваа г̇ахадто ваа’’д̇и. вад̇д̇ам̣ гад̇ваа барибхун̃ж̇ид̇унд̇и буб̣б̣агаалаабарагаалагирияаанам̣ вигааравасзна анияад̇ад̇д̇аа вуд̇д̇ам̣ ‘‘бхун̃ж̇ид̇ваа бажчааби вад̇д̇ам̣ гаад̇у’’нд̇и.
Pubbeti buddhassa bhagavato dharamānakāle. Tadāti yadā buddho bhagavā dharati, tadā. Paṭimaṃ vāti paṭibimbaṃ vā. Tañhi bhagavatā paṭi sadisaṃ mānīyatīti paṭimāti vuccati. Cetiyaṃ vāti thūpaṃ vā. So hi devamanussehi cititabbaṃ, pūjetabbaṃ, iṭṭhakādīhi vā cinitabbanti cetiyanti vuccati. Tatthāti deyyadhammesu. Yanti kiriyāparāmasanaṃ. Yaṃ dentīti yojanā. Tatthāti tasmiṃ dāne. Aniyamavācakassa ‘‘yo’’ti sabbanāmassa atthaṃ dassento āha ‘‘pabbajito vā gahaṭṭho vā’’ti. Vattaṃ katvā paribhuñjitunti pubbakālaaparakālakiriyānaṃ vikāravasena aniyatattā vuttaṃ ‘‘bhuñjitvā pacchāpi vattaṃ kātu’’nti.
‘‘д̣̇уурамби харид̇ваа бууж̇зд̇аб̣б̣а’’нд̇и иминаа ж̇ан̇гхабзсанигагаммам̣ на ход̇ийд̇и д̣̇ассзд̇и. харанд̇асса бхигкунод̇и самб̣анд̇хо. г̇ажчад̇од̇и анаад̣̇арз саамиважанам̣. д̇анд̇и сан̇гхасса аахадабхад̇д̇ам̣.
‘‘Dūrampi haritvā pūjetabba’’nti iminā jaṅghapesanikakammaṃ na hotīti dasseti. Harantassa bhikkhunoti sambandho. Gacchatoti anādare sāmivacanaṃ. Tanti saṅghassa āhaṭabhattaṃ.
вассам̣вуд̇т̇асан̇гхассаад̇и вассам̣ васид̇т̇аад̇и вассам̣вуд̇т̇о. алуд̇д̇агид̇анд̇асамаасояам̣, соязва сан̇гхо вассам̣вуд̇т̇асан̇гхо, д̇асса. яаавад̇игасад̣̇д̣̇о яад̇д̇агабарияааяод̇и ааха ‘‘яад̇д̇агаа’’д̇и. д̣̇исаабагганд̇ассаабийд̇и ан̃н̃ам̣ д̣̇исам̣ багганд̇ассаби, д̣̇аад̇аб̣б̣анд̇и самб̣анд̇хо. вад̣̇анд̇ийд̇и адтагат̇аажариязхи абарз аажарияаа вад̣̇анд̇и. зд̇анд̇и важанам̣.
Vassaṃvutthasaṅghassāti vassaṃ vasitthāti vassaṃvuttho. Aluttakitantasamāsoyaṃ, soyeva saṅgho vassaṃvutthasaṅgho, tassa. Yāvatikasaddo yattakapariyāyoti āha ‘‘yattakā’’ti. Disāpakkantassāpīti aññaṃ disaṃ pakkantassapi, dātabbanti sambandho. Vadantīti aṭṭhakathācariyehi apare ācariyā vadanti. Etanti vacanaṃ.
самбад̇д̇аананд̇и д̣̇иннадтаанам̣ самбад̇д̇аанам̣. саб̣б̣зсанд̇и яад̇т̇а гад̇т̇ажи вуд̇т̇авассаанам̣ саб̣б̣зсам̣. д̇ад̇раад̇и вихаарз. д̇ад̇раад̇и д̇асмим̣ вад̣̇анз сад̇и, д̇зсу бхигкуусу ваа. вассам̣ васанд̇ийд̇и вассам̣васанд̇аа, д̇зсам̣. жийварамаасзд̇и жийварзна лагкид̇з бажчимагад̇д̇игамаасз.
Sampattānanti dinnaṭṭhānaṃ sampattānaṃ. Sabbesanti yattha katthaci vutthavassānaṃ sabbesaṃ. Tatrāti vihāre. Tatrāti tasmiṃ vadane sati, tesu bhikkhūsu vā. Vassaṃ vasantīti vassaṃvasantā, tesaṃ. Cīvaramāseti cīvarena lakkhite pacchimakattikamāse.
хзманд̇асса бажчимо д̣̇ивасод̇и паг̇г̇ун̣абун̣н̣амийсан̇каад̇о хзманд̇асса бажчимо д̣̇ивасо. вассааваасиганд̇и вассам̣ аавасанд̇аанам̣ д̣̇аад̇аб̣б̣ам̣ жийварам̣. ааробзд̇аб̣б̣аагаарам̣ д̣̇ассзнд̇о ааха ‘‘ад̇ийд̇авассааваасассаа’’д̇иаад̣̇и. д̇ад̇т̇а ад̇ийд̇авассааваасассаад̇и ад̇ийд̇авассам̣, ад̇ийд̇авассз ваа ааваасасса сан̇гхасса. д̇анд̇и жийварам̣.
Hemantassa pacchimo divasoti phagguṇapuṇṇamīsaṅkhāto hemantassa pacchimo divaso. Vassāvāsikanti vassaṃ āvasantānaṃ dātabbaṃ cīvaraṃ. Āropetabbākāraṃ dassento āha ‘‘atītavassāvāsassā’’tiādi. Tattha atītavassāvāsassāti atītavassaṃ, atītavasse vā āvāsassa saṅghassa. Tanti cīvaraṃ.
табзд̇ваад̇и вихаарз табзд̇ваа. самбад̇д̇аананд̇и имам̣ таанам̣ самбад̇д̇аанам̣. ид̇од̇и жийварад̣̇аанагаалад̇о. д̇зд̇и анд̇овассз вуд̇т̇абхигкуу.
Ṭhapetvāti vihāre ṭhapetvā. Sampattānanti imaṃ ṭhānaṃ sampattānaṃ. Itoti cīvaradānakālato. Teti antovasse vutthabhikkhū.
аад̣̇иссаад̇и бад̣̇асса д̇ваабажжаяанд̇абхаавам̣ д̣̇ассзнд̇о ааха ‘‘аад̣̇исид̇ваа’’д̇и. аяамад̇т̇о взд̣̇ид̇аб̣б̣од̇и яож̇анаа. д̇ад̇раад̇и ‘‘яааг̇уяаа ваа’’д̇иаад̣̇ибаатз. аж̇ж̇ад̇анааяа ваад̇и аж̇ж̇а бхаваанам̣ бун̃н̃аанам̣ ад̇т̇ааяа ваа. д̇зсанд̇и ниманд̇агаанам̣, бавидтаанам̣ бхигкуунанд̇и самб̣анд̇хо. язхи ниманд̇ид̇зхийд̇и ниманд̇ид̇зхи язхи бхигкуухи. язсам̣ ваа бад̇д̇анд̇и самб̣анд̇хо. д̇зсам̣ на баабун̣аад̇ийд̇и саб̣б̣зсам̣ д̇зсам̣ на баабун̣аад̇и, гасмаа? аниманд̇ид̇ад̇д̇аа. д̇зсам̣ на баабун̣анд̇и, гасмаа? ниманд̇ид̇аг̇зхам̣ абавидтад̇д̇аа. сод̇и д̣̇ааяаго.
Ādissāti padassa tvāpaccayantabhāvaṃ dassento āha ‘‘ādisitvā’’ti. Ayamattho veditabboti yojanā. Tatrāti ‘‘yāguyā vā’’tiādipāṭhe. Ajjatanāya vāti ajja bhavānaṃ puññānaṃ atthāya vā. Tesanti nimantakānaṃ, paviṭṭhānaṃ bhikkhūnanti sambandho. Yehi nimantitehīti nimantitehi yehi bhikkhūhi. Yesaṃ vā pattanti sambandho. Tesaṃ na pāpuṇātīti sabbesaṃ tesaṃ na pāpuṇāti, kasmā? Animantitattā. Tesaṃ na pāpuṇanti, kasmā? Nimantitagehaṃ apaviṭṭhattā. Soti dāyako.
буб̣б̣збийд̇и ид̇о буб̣б̣зби. ассаад̇и д̣̇ааяагасса. ваасзд̇ваад̇и ваасаабзд̇ваа. сод̇и д̣̇ааяаго. яод̇и бхигку, васад̇ийд̇и самб̣анд̇хо. д̇аанийд̇и бхзсаж̇ж̇аани. ид̣̇анд̇и жийварам̣.
Pubbepīti ito pubbepi. Assāti dāyakassa. Vāsetvāti vāsāpetvā. Soti dāyako. Yoti bhikkhu, vasatīti sambandho. Tānīti bhesajjāni. Idanti cīvaraṃ.
‘‘анд̇зваасигаанан̃жаа’’д̇и бад̣̇зна сад̣̇д̇хивихааригааби г̇ахзд̇аб̣б̣аа уд̣̇д̣̇зсаад̣̇ивасзна анд̇з васанасийлад̇д̇аа. уд̣̇д̣̇зсам̣ г̇ахзд̇ум̣ ааг̇ад̇о жа г̇ахзд̇ваа г̇ажчанд̇о жаад̇и имз анд̇з авасанасийлааби руул̣хийвасзна анд̇зваасигаа наама. иминаа ниссаяам̣ г̇ахзд̇ум̣ ааг̇ад̇о жа т̇зрасса санд̇игз ниссаяам̣ г̇ахид̇абуб̣б̣о жа анд̇зваасиго наамаад̇и д̣̇ассзд̇и. вад̇д̇ам̣ гад̇ваа уд̣̇д̣̇зсабарибужчаад̣̇ийни г̇ахзд̇ваа вижаранд̇аанам̣ саб̣б̣зсам̣ уд̣̇д̣̇зсанд̇зваасигаанам̣ баабун̣аад̇ийд̇и яож̇анаа. иминаа сад̣̇д̇хивихаариганиссаяанд̇зваасигаубасамбад̣̇анд̇зваасигабаб̣б̣аж̇ж̇анд̇зваасигааби г̇ахзд̇аб̣б̣аа д̇зсамби ниб̣ад̣̇д̇хажааригабхигкубхаавад̇о. саб̣б̣ад̇т̇аад̇и саб̣б̣асмим̣ жийварагканд̇хагз.
‘‘Antevāsikānañcā’’ti padena saddhivihārikāpi gahetabbā uddesādivasena ante vasanasīlattā. Uddesaṃ gahetuṃ āgato ca gahetvā gacchanto cāti ime ante avasanasīlāpi rūḷhīvasena antevāsikā nāma. Iminā nissayaṃ gahetuṃ āgato ca therassa santike nissayaṃ gahitapubbo ca antevāsiko nāmāti dasseti. Vattaṃ katvā uddesaparipucchādīni gahetvā vicarantānaṃ sabbesaṃ uddesantevāsikānaṃ pāpuṇātīti yojanā. Iminā saddhivihārikanissayantevāsikaupasampadantevāsikapabbajjantevāsikāpi gahetabbā tesampi nibaddhacārikabhikkhubhāvato. Sabbatthāti sabbasmiṃ cīvarakkhandhake.
ид̇и жийварагканд̇хагаван̣н̣анааяа яож̇анаа самад̇д̇аа.
Iti cīvarakkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 232. адтажийварамаад̇игаа • 232. Aṭṭhacīvaramātikā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / адтажийварамаад̇игаагат̇аа • Aṭṭhacīvaramātikākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
