| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૮. અટ્ઠકવારો
8. Aṭṭhakavāro
૩૨૮. અટ્ઠાનિસંસે સમ્પસ્સમાનેન ન સો ભિક્ખુ આપત્તિયા અદસ્સને ઉક્ખિપિતબ્બો. અટ્ઠાનિસંસે સમ્પસ્સમાનેન પરેસમ્પિ સદ્ધાય સા આપત્તિ દેસેતબ્બા. અટ્ઠ યાવતતિયકા. અટ્ઠહાકારેહિ કુલાનિ દૂસેતિ. અટ્ઠ માતિકા ચીવરસ્સ ઉપ્પાદાય. અટ્ઠ માતિકા કથિનસ્સ ઉબ્ભારાય. અટ્ઠ પાનાનિ. 1 અટ્ઠહિ અસદ્ધમ્મેહિ અભિભૂતો પરિયાદિન્નચિત્તો દેવદત્તો આપાયિકો નેરયિકો કપ્પટ્ઠો અતેકિચ્છો . અટ્ઠ લોકધમ્મા. અટ્ઠ ગરુધમ્મા. અટ્ઠ પાટિદેસનીયા. અટ્ઠઙ્ગિકો મુસાવાદો . અટ્ઠ ઉપોસથઙ્ગાનિ. અટ્ઠ દૂતેય્યઙ્ગાનિ. અટ્ઠ તિત્થિયવત્તાનિ. અટ્ઠ અચ્છરિયા અબ્ભુતધમ્મા મહાસમુદ્દે. અટ્ઠ અચ્છરિયા અબ્ભુતધમ્મા ઇમસ્મિં ધમ્મવિનયે. અટ્ઠ અનતિરિત્તા. અટ્ઠ અતિરિત્તા. અટ્ઠમે અરુણુગ્ગમને નિસ્સગ્ગિયં હોતિ. અટ્ઠ પારાજિકા. અટ્ઠમં વત્થું પરિપૂરેન્તી નાસેતબ્બા. અટ્ઠમં વત્થું પરિપૂરેન્તિયા દેસિતાપિ અદેસિતા હોતિ. અટ્ઠવાચિકા ઉપસમ્પદા. અટ્ઠન્નં પચ્ચુટ્ઠાતબ્બં. અટ્ઠન્નં આસનં દાતબ્બં. ઉપાસિકા અટ્ઠ વરાનિ યાચતિ. અટ્ઠહઙ્ગેહિ સમન્નાગતો ભિક્ખુ ભિક્ખુનોવાદકો સમ્મન્નિતબ્બો 2. અટ્ઠાનિસંસા વિનયધરે. અટ્ઠ પરમાનિ. તસ્સપાપિયસિકકમ્મકતેન ભિક્ખુના અટ્ઠસુ ધમ્મેસુ સમ્મા વત્તિતબ્બં. અટ્ઠ અધમ્મિકાનિ પાતિમોક્ખટ્ઠપનાનિ અટ્ઠ ધમ્મિકાનિ પાતિમોક્ખટ્ઠપનાનીતિ.
328. Aṭṭhānisaṃse sampassamānena na so bhikkhu āpattiyā adassane ukkhipitabbo. Aṭṭhānisaṃse sampassamānena paresampi saddhāya sā āpatti desetabbā. Aṭṭha yāvatatiyakā. Aṭṭhahākārehi kulāni dūseti. Aṭṭha mātikā cīvarassa uppādāya. Aṭṭha mātikā kathinassa ubbhārāya. Aṭṭha pānāni. 3 Aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho . Aṭṭha lokadhammā. Aṭṭha garudhammā. Aṭṭha pāṭidesanīyā. Aṭṭhaṅgiko musāvādo . Aṭṭha uposathaṅgāni. Aṭṭha dūteyyaṅgāni. Aṭṭha titthiyavattāni. Aṭṭha acchariyā abbhutadhammā mahāsamudde. Aṭṭha acchariyā abbhutadhammā imasmiṃ dhammavinaye. Aṭṭha anatirittā. Aṭṭha atirittā. Aṭṭhame aruṇuggamane nissaggiyaṃ hoti. Aṭṭha pārājikā. Aṭṭhamaṃ vatthuṃ paripūrentī nāsetabbā. Aṭṭhamaṃ vatthuṃ paripūrentiyā desitāpi adesitā hoti. Aṭṭhavācikā upasampadā. Aṭṭhannaṃ paccuṭṭhātabbaṃ. Aṭṭhannaṃ āsanaṃ dātabbaṃ. Upāsikā aṭṭha varāni yācati. Aṭṭhahaṅgehi samannāgato bhikkhu bhikkhunovādako sammannitabbo 4. Aṭṭhānisaṃsā vinayadhare. Aṭṭha paramāni. Tassapāpiyasikakammakatena bhikkhunā aṭṭhasu dhammesu sammā vattitabbaṃ. Aṭṭha adhammikāni pātimokkhaṭṭhapanāni aṭṭha dhammikāni pātimokkhaṭṭhapanānīti.
અટ્ઠકં નિટ્ઠિતં.
Aṭṭhakaṃ niṭṭhitaṃ.
તસ્સુદ્દાનં –
Tassuddānaṃ –
ન સો ભિક્ખુ પરેસમ્પિ, યાવતતિયદૂસના;
Na so bhikkhu paresampi, yāvatatiyadūsanā;
માતિકા કથિનુબ્ભારા, પાના અભિભૂતેન ચ.
Mātikā kathinubbhārā, pānā abhibhūtena ca.
લોકધમ્મા ગરુધમ્મા, પાટિદેસનીયા મુસા;
Lokadhammā garudhammā, pāṭidesanīyā musā;
ઉપોસથા ચ દૂતઙ્ગા, તિત્થિયા સમુદ્દેપિ ચ.
Uposathā ca dūtaṅgā, titthiyā samuddepi ca.
અબ્ભુતા અનતિરિત્તં, અતિરિત્તં નિસ્સગ્ગિયં;
Abbhutā anatirittaṃ, atirittaṃ nissaggiyaṃ;
પારાજિકટ્ઠમં વત્થુ, અદેસિતૂપસમ્પદા.
Pārājikaṭṭhamaṃ vatthu, adesitūpasampadā.
પચ્ચુટ્ઠાનાસનઞ્ચેવ, વરં ઓવાદકેન ચ;
Paccuṭṭhānāsanañceva, varaṃ ovādakena ca;
આનિસંસા પરમાનિ, અટ્ઠધમ્મેસુ વત્તના;
Ānisaṃsā paramāni, aṭṭhadhammesu vattanā;
અધમ્મિકા ધમ્મિકા ચ, અટ્ઠકા સુપ્પકાસિતાતિ.
Adhammikā dhammikā ca, aṭṭhakā suppakāsitāti.
Footnotes:
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / અટ્ઠકવારવણ્ણના • Aṭṭhakavāravaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અટ્ઠકવારવણ્ણના • Aṭṭhakavāravaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અટ્ઠકવારવણ્ણના • Aṭṭhakavāravaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / છક્કવારાદિવણ્ણના • Chakkavārādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / એકુત્તરિકનયો અટ્ઠકવારવણ્ણના • Ekuttarikanayo aṭṭhakavāravaṇṇanā
