| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
8. அட்ட²மவக்³க³வண்ணனா
8. Aṭṭhamavaggavaṇṇanā
பட²மது³தியததியேஸு ‘‘கி³ஹிக³தா’’தி வா ‘‘குமாரிபூ⁴தா’’தி வா ந வத்தப்³பா³. வத³ந்தி சே, கம்மங் குப்பதி.
Paṭhamadutiyatatiyesu ‘‘gihigatā’’ti vā ‘‘kumāribhūtā’’ti vā na vattabbā. Vadanti ce, kammaṃ kuppati.
ஏகாத³ஸமே ச²ந்த³ங் அவிஸ்ஸஜ்ஜெத்வாதி ‘‘யதா²ஸுக²’’ந்தி அவத்வா. எத்த² பன அயங் வினிச்ச²யோ – ‘‘பாரிவாஸிகச²ந்த³தா³னேனா’’தி இத³ங் உத்³த⁴ரித்வா ‘‘வுட்டி²தாய பரிஸாயா’’தி (பாசி॰ 1168) பத³பா⁴ஜனங் வுத்தங். ஏதஸ்ஸ பன ஸமந்தபாஸாதி³காயங் ‘‘வுட்டி²தாய பரிஸாயாதி ச²ந்த³ங் விஸ்ஸஜ்ஜெத்வா காயேன வா வாசாய வா ச²ந்த³விஸ்ஸஜ்ஜனமத்தேன வா வுட்டி²தாயா’’தி (பாசி॰ அட்ட²॰ 1167) வுத்தங். இத⁴ ச²ந்த³ஸ்ஸ பன அவிஸ்ஸட்ட²த்தா கம்மங் காதுங் வட்டதீதி வுத்தங். தஸ்மா ச²ந்த³ங் அவிஸ்ஸஜ்ஜெத்வாவ த்³வாத³ஸஹத்த²பாஸே விஹரித்வா புன ஸன்னிபாதகரணஞ்ச வட்டதீதி லிகி²தங்.
Ekādasame chandaṃ avissajjetvāti ‘‘yathāsukha’’nti avatvā. Ettha pana ayaṃ vinicchayo – ‘‘pārivāsikachandadānenā’’ti idaṃ uddharitvā ‘‘vuṭṭhitāya parisāyā’’ti (pāci. 1168) padabhājanaṃ vuttaṃ. Etassa pana samantapāsādikāyaṃ ‘‘vuṭṭhitāya parisāyāti chandaṃ vissajjetvā kāyena vā vācāya vā chandavissajjanamattena vā vuṭṭhitāyā’’ti (pāci. aṭṭha. 1167) vuttaṃ. Idha chandassa pana avissaṭṭhattā kammaṃ kātuṃ vaṭṭatīti vuttaṃ. Tasmā chandaṃ avissajjetvāva dvādasahatthapāse viharitvā puna sannipātakaraṇañca vaṭṭatīti likhitaṃ.
அட்ட²மவக்³க³வண்ணனா நிட்டி²தா.
Aṭṭhamavaggavaṇṇanā niṭṭhitā.
