| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[425] 9. адтаанаж̇аад̇агаван̣н̣анаа
[425] 9. Aṭṭhānajātakavaṇṇanā
г̇ан̇г̇аа гумуд̣̇инийд̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. д̇ан̃хи бхигкум̣ сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гим̣гааран̣аа’’д̇и вад̇ваа ‘‘гилзсавасзнаа’’д̇и вуд̇д̇з ‘‘бхигку маад̇уг̇аамо наама агад̇ан̃н̃уу мид̇д̇ад̣̇уб̣бхий ависсаасанийяо. ад̇ийд̇з бан̣д̣ид̇аа д̣̇звасигам̣ сахассам̣ д̣̇знд̇ааби маад̇уг̇аамам̣ д̇осзд̇ум̣ наасагким̣су. саа згад̣̇ивасамад̇д̇ам̣ сахассам̣ алабхид̇ваава д̇з г̇ийвааяам̣ г̇аахаабзд̇ваа нийхараабзси , звам̣ агад̇ан̃н̃уу маад̇уг̇аамо, маа д̇асса гааран̣аа гилзсавасам̣ г̇ажчаа’’д̇и вад̇ваа ад̇ийд̇ам̣ аахари.
Gaṅgā kumudinīti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. Tañhi bhikkhuṃ satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘saccaṃ, bhante’’ti vutte ‘‘kiṃkāraṇā’’ti vatvā ‘‘kilesavasenā’’ti vutte ‘‘bhikkhu mātugāmo nāma akataññū mittadubbhī avissāsanīyo. Atīte paṇḍitā devasikaṃ sahassaṃ dentāpi mātugāmaṃ tosetuṃ nāsakkhiṃsu. Sā ekadivasamattaṃ sahassaṃ alabhitvāva te gīvāyaṃ gāhāpetvā nīharāpesi , evaṃ akataññū mātugāmo, mā tassa kāraṇā kilesavasaṃ gacchā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса жа буд̇д̇о б̣рахмад̣̇ад̇д̇агумааро, б̣аараан̣асисздтино жа буд̇д̇о махаад̇ханагумааро наама. д̇з убхоби сахабам̣сугийл̣агаа сахааяагаа ахзсум̣, згаажарияагулзязва сиббам̣ г̇ан̣хим̣су. рааж̇агумааро бид̇у ажжаязна раж̇ж̇з бад̇идтааси, сздтибуд̇д̇обисса санд̇игзязва ахоси. б̣аараан̣асияан̃жа згаа наг̇арасобхин̣ий ван̣н̣ад̣̇аасий абхируубаа ахоси собхаг̇г̇аббад̇д̇аа. сздтибуд̇д̇о д̣̇звасигам̣ сахассам̣ д̣̇ад̇ваа нижжагаалз д̇ааязва сад̣̇д̇хим̣ абхираманд̇о бид̇у ажжаязна сздтидтаанам̣ лабхид̇вааби на д̇ам̣ виж̇ахи, д̇ат̇зва д̣̇звасигам̣ сахассам̣ д̣̇ад̇ваа абхирами. сздтибуд̇д̇о д̣̇ивасасса д̇аяо ваарз рааж̇убадтаанам̣ г̇ажчад̇и. ат̇асса згад̣̇ивасам̣ рааж̇убадтаанам̣ г̇ад̇асса ран̃н̃аа сад̣̇д̇хим̣ самуллабанд̇ассзва суурияо ад̇т̇ан̇г̇ами, анд̇хагаарам̣ ж̇аад̇ам̣. со рааж̇агулаа нигкамид̇ваа ‘‘ид̣̇аани г̇зхам̣ г̇анд̇ваа ааг̇аманавзлаа над̇т̇и, наг̇арасобхин̣ияааязва г̇зхам̣ г̇амиссаамий’’д̇и убадтаагз уяяож̇зд̇ваа згагова д̇ассаа г̇зхам̣ баависи. ат̇а нам̣ саа д̣̇исваа ‘‘аяяабуд̇д̇а, сахассам̣ аабхад̇а’’нд̇и ааха. ‘‘бхад̣̇д̣̇з, ахам̣ аж̇ж̇зва ад̇ивигаало ж̇аад̇о, д̇асмаа г̇зхам̣ аг̇анд̇ваа мануссз уяяож̇зд̇ваа згагова бавидтосми, свз бана д̇з д̣̇вз сахассаани д̣̇ассаамий’’д̇и.
Atīte bārāṇasiyaṃ brahmadatte rajjaṃ kārente tassa ca putto brahmadattakumāro, bārāṇasiseṭṭhino ca putto mahādhanakumāro nāma. Te ubhopi sahapaṃsukīḷakā sahāyakā ahesuṃ, ekācariyakuleyeva sippaṃ gaṇhiṃsu. Rājakumāro pitu accayena rajje patiṭṭhāsi, seṭṭhiputtopissa santikeyeva ahosi. Bārāṇasiyañca ekā nagarasobhiṇī vaṇṇadāsī abhirūpā ahosi sobhaggappattā. Seṭṭhiputto devasikaṃ sahassaṃ datvā niccakāle tāyeva saddhiṃ abhiramanto pitu accayena seṭṭhiṭṭhānaṃ labhitvāpi na taṃ vijahi, tatheva devasikaṃ sahassaṃ datvā abhirami. Seṭṭhiputto divasassa tayo vāre rājupaṭṭhānaṃ gacchati. Athassa ekadivasaṃ rājupaṭṭhānaṃ gatassa raññā saddhiṃ samullapantasseva sūriyo atthaṅgami, andhakāraṃ jātaṃ. So rājakulā nikkhamitvā ‘‘idāni gehaṃ gantvā āgamanavelā natthi, nagarasobhiṇiyāyeva gehaṃ gamissāmī’’ti upaṭṭhāke uyyojetvā ekakova tassā gehaṃ pāvisi. Atha naṃ sā disvā ‘‘ayyaputta, sahassaṃ ābhata’’nti āha. ‘‘Bhadde, ahaṃ ajjeva ativikālo jāto, tasmā gehaṃ agantvā manusse uyyojetvā ekakova paviṭṭhosmi, sve pana te dve sahassāni dassāmī’’ti.
саа жинд̇зси ‘‘сажаахам̣ аж̇ж̇а огаасам̣ гариссаами, ан̃н̃зсуби д̣̇ивасзсу д̇ужчахад̇т̇агова ааг̇амиссад̇и, звам̣ мз д̇ханам̣ барихааяиссад̇и, на д̣̇аанисса огаасам̣ гариссаамий’’д̇и. ат̇а нам̣ звамааха ‘‘саами, маяам̣ ван̣н̣ад̣̇аасияо наама, амхаагам̣ сахассам̣ ад̣̇ад̇ваа гзл̣и наама над̇т̇ий’’д̇и. ‘‘бхад̣̇д̣̇з, свз д̣̇иг̇ун̣ам̣ аахариссаамий’’д̇и бунаббунам̣ яаажи. наг̇арасобхин̣ий д̣̇аасияо аан̣аабзси ‘‘зд̇асса ид̇ха тад̇ваа мам̣ ологзд̇ум̣ маа ад̣̇ад̇т̇а, г̇ийвааяам̣ д̇ам̣ г̇ахзд̇ваа нийхарид̇ваа д̣̇ваарам̣ бид̣̇ахат̇аа’’д̇и. д̇ам̣ суд̇ваа д̣̇аасияо д̇ат̇аа гарим̣су. ат̇а со жинд̇зси ‘‘ахам̣ имааяа сад̣̇д̇хим̣ асийд̇игодид̇ханам̣ каад̣̇им̣, саа мам̣ згад̣̇ивасам̣ д̇ужчахад̇т̇ам̣ д̣̇исваа г̇ийвааяам̣ г̇ахзд̇ваа нийхараабзси, ахо маад̇уг̇аамо наама баабо ниллаж̇ж̇о агад̇ан̃н̃уу мид̇д̇ад̣̇уб̣бхий’’д̇и. со маад̇уг̇аамасса аг̇ун̣ам̣ ануссаранд̇ова вираж̇ж̇и, бадигууласан̃н̃ам̣ бадилабхи, гхарааваасзби угган̣тид̇о ‘‘гим̣ мз гхарааваасзна, аж̇ж̇зва нигкамид̇ваа баб̣б̣аж̇иссаамий’’д̇и буна г̇зхам̣ аг̇анд̇ваа рааж̇аанамби ад̣̇исваава наг̇араа нигкамид̇ваа аран̃н̃ам̣ бависид̇ваа г̇ан̇г̇аад̇ийрз ассамам̣ маабзд̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо уббаад̣̇зд̇ваа ванамуулапалаахааро д̇ад̇т̇а ваасам̣ габбзси.
Sā cintesi ‘‘sacāhaṃ ajja okāsaṃ karissāmi, aññesupi divasesu tucchahatthakova āgamissati, evaṃ me dhanaṃ parihāyissati, na dānissa okāsaṃ karissāmī’’ti. Atha naṃ evamāha ‘‘sāmi, mayaṃ vaṇṇadāsiyo nāma, amhākaṃ sahassaṃ adatvā keḷi nāma natthī’’ti. ‘‘Bhadde, sve diguṇaṃ āharissāmī’’ti punappunaṃ yāci. Nagarasobhiṇī dāsiyo āṇāpesi ‘‘etassa idha ṭhatvā maṃ oloketuṃ mā adattha, gīvāyaṃ taṃ gahetvā nīharitvā dvāraṃ pidahathā’’ti. Taṃ sutvā dāsiyo tathā kariṃsu. Atha so cintesi ‘‘ahaṃ imāya saddhiṃ asītikoṭidhanaṃ khādiṃ, sā maṃ ekadivasaṃ tucchahatthaṃ disvā gīvāyaṃ gahetvā nīharāpesi, aho mātugāmo nāma pāpo nillajjo akataññū mittadubbhī’’ti. So mātugāmassa aguṇaṃ anussarantova virajji, paṭikūlasaññaṃ paṭilabhi, gharāvāsepi ukkaṇṭhito ‘‘kiṃ me gharāvāsena, ajjeva nikkhamitvā pabbajissāmī’’ti puna gehaṃ agantvā rājānampi adisvāva nagarā nikkhamitvā araññaṃ pavisitvā gaṅgātīre assamaṃ māpetvā isipabbajjaṃ pabbajitvā jhānābhiññāyo uppādetvā vanamūlaphalāhāro tattha vāsaṃ kappesi.
рааж̇аа д̇ам̣ абассанд̇о ‘‘гахам̣ мама сахааяо’’д̇и бужчи. наг̇арасобхин̣ияааби гад̇агаммам̣ сагаланаг̇арз баагадам̣ ж̇аад̇ам̣. ат̇асса д̇амад̇т̇ам̣ аажигкид̇ваа ‘‘ид̇и д̇з д̣̇зва, сахааяо лаж̇ж̇ааяа гхарамби аг̇анд̇ваа аран̃н̃ам̣ бависид̇ваа баб̣б̣аж̇ид̇о бхависсад̇ий’’д̇и аахам̣су. рааж̇аа д̇ам̣ суд̇ваа наг̇арасобхин̣им̣ баггосаабзд̇ваа ‘‘сажжам̣ гира д̇вам̣ згад̣̇ивасам̣ сахассам̣ алабхид̇ваа мама сахааяам̣ г̇ийвааяам̣ г̇аахаабзд̇ваа нийхараабзсий’’д̇и бужчи. ‘‘сажжам̣, д̣̇зваа’’д̇и. ‘‘баабз ж̇аммий, сийгхам̣ мама сахааяасса г̇ад̇адтаанам̣ г̇анд̇ваа д̇ам̣ аанзхи, но жз аанзссаси, ж̇ийвид̇ам̣ д̇з над̇т̇ий’’д̇и. саа ран̃н̃о важанам̣ суд̇ваа бхийд̇аа рат̇ам̣ ааруяха маханд̇зна бариваарзна наг̇араа нигкамид̇ваа д̇асса васанадтаанам̣ бариязсанд̇ий суд̇авасзна д̇ам̣ таанам̣ суд̇ваа д̇ад̇т̇а г̇анд̇ваа ванд̣̇ид̇ваа ‘‘аяяа, маяаа анд̇хаб̣аалабхаавзна гад̇ам̣ д̣̇осам̣ камат̇а, ахам̣ на бунзвам̣ гариссаамий’’д̇и яаажид̇ваа ‘‘саад̇ху, камаами д̇з, над̇т̇и мз д̇аяи аагхаад̇о’’д̇и вуд̇д̇з ‘‘сажз мз камат̇а, маяаа сад̣̇д̇хим̣ рат̇ам̣ абхирухат̇а, наг̇арам̣ г̇ажчиссаама, г̇ад̇агаалз яам̣ мама гхарз д̇ханам̣ ад̇т̇и, саб̣б̣ам̣ д̣̇ассаамий’’д̇и ааха. со д̇ассаа важанам̣ суд̇ваа ‘‘бхад̣̇д̣̇з, ид̣̇аани д̇аяаа сад̣̇д̇хим̣ г̇анд̇ум̣ на саггаа, яад̣̇аа бана имасмим̣ логз язна на бхавид̇аб̣б̣ам̣, д̇ам̣ бхависсад̇и, аби наама д̇ад̣̇аа г̇ажчзяяа’’нд̇и вад̇ваа батамам̣ г̇аат̇амааха –
Rājā taṃ apassanto ‘‘kahaṃ mama sahāyo’’ti pucchi. Nagarasobhiṇiyāpi katakammaṃ sakalanagare pākaṭaṃ jātaṃ. Athassa tamatthaṃ ācikkhitvā ‘‘iti te deva, sahāyo lajjāya gharampi agantvā araññaṃ pavisitvā pabbajito bhavissatī’’ti āhaṃsu. Rājā taṃ sutvā nagarasobhiṇiṃ pakkosāpetvā ‘‘saccaṃ kira tvaṃ ekadivasaṃ sahassaṃ alabhitvā mama sahāyaṃ gīvāyaṃ gāhāpetvā nīharāpesī’’ti pucchi. ‘‘Saccaṃ, devā’’ti. ‘‘Pāpe jammī, sīghaṃ mama sahāyassa gataṭṭhānaṃ gantvā taṃ ānehi, no ce ānessasi, jīvitaṃ te natthī’’ti. Sā rañño vacanaṃ sutvā bhītā rathaṃ āruyha mahantena parivārena nagarā nikkhamitvā tassa vasanaṭṭhānaṃ pariyesantī sutavasena taṃ ṭhānaṃ sutvā tattha gantvā vanditvā ‘‘ayya, mayā andhabālabhāvena kataṃ dosaṃ khamatha, ahaṃ na punevaṃ karissāmī’’ti yācitvā ‘‘sādhu, khamāmi te, natthi me tayi āghāto’’ti vutte ‘‘sace me khamatha, mayā saddhiṃ rathaṃ abhiruhatha, nagaraṃ gacchissāma, gatakāle yaṃ mama ghare dhanaṃ atthi, sabbaṃ dassāmī’’ti āha. So tassā vacanaṃ sutvā ‘‘bhadde, idāni tayā saddhiṃ gantuṃ na sakkā, yadā pana imasmiṃ loke yena na bhavitabbaṃ, taṃ bhavissati, api nāma tadā gaccheyya’’nti vatvā paṭhamaṃ gāthamāha –
77.
77.
‘‘г̇ан̇г̇аа гумуд̣̇иний санд̇аа, сан̇каван̣н̣аа жа гогилаа;
‘‘Gaṅgā kumudinī santā, saṅkhavaṇṇā ca kokilā;
ж̇амб̣уу д̇аалапалам̣ д̣̇аж̇ж̇аа, ат̇а нууна д̇ад̣̇аа сияаа’’д̇и.
Jambū tālaphalaṃ dajjā, atha nūna tadā siyā’’ti.
д̇ассад̇т̇о – бхад̣̇д̣̇з, яат̇аа хи гумуд̣̇асараа гумуд̣̇зхи сан̃чаннаа д̇идтанд̇и, д̇ат̇зва сажз сагалааби махааг̇ан̇г̇аа гумуд̣̇иний сийгхасод̇ам̣ бахааяа санд̇аа убасанд̇аа сияаа, саб̣б̣з гогилаа жа сан̇каван̣н̣аа бхавзяяум̣, саб̣б̣о ж̇амб̣уругко жа д̇аалапалам̣ д̣̇ад̣̇зяяа. ат̇а нууна д̇ад̣̇аа сияаад̇и ат̇а д̇аад̣̇исз гаалз амхаагамби самааг̇амо нууна сияаа, бхавзяяа наамаад̇и вуд̇д̇ам̣ ход̇и.
Tassattho – bhadde, yathā hi kumudasarā kumudehi sañchannā tiṭṭhanti, tatheva sace sakalāpi mahāgaṅgā kumudinī sīghasotaṃ pahāya santā upasantā siyā, sabbe kokilā ca saṅkhavaṇṇā bhaveyyuṃ, sabbo jamburukkho ca tālaphalaṃ dadeyya. Atha nūna tadā siyāti atha tādise kāle amhākampi samāgamo nūna siyā, bhaveyya nāmāti vuttaṃ hoti.
зван̃жа вад̇ваа бунаби д̇ааяа ‘‘зхи, аяяа, г̇ажчаамаа’’д̇и вуд̇д̇з ‘‘г̇ажчиссаамаа’’д̇и вад̇ваа ‘‘гасмим̣ гаалз’’д̇и вуд̇д̇з ‘‘асугасмин̃жа асугасмин̃жаа’’д̇и вад̇ваа сзсаг̇аат̇аа абхааси –
Evañca vatvā punapi tāya ‘‘ehi, ayya, gacchāmā’’ti vutte ‘‘gacchissāmā’’ti vatvā ‘‘kasmiṃ kāle’’ti vutte ‘‘asukasmiñca asukasmiñcā’’ti vatvā sesagāthā abhāsi –
78.
78.
‘‘яад̣̇аа гажчабаломаанам̣, баавааро д̇ивид̇хо сияаа;
‘‘Yadā kacchapalomānaṃ, pāvāro tividho siyā;
хзманд̇игам̣ баавуран̣ам̣, ат̇а нууна д̇ад̣̇аа сияаа.
Hemantikaṃ pāvuraṇaṃ, atha nūna tadā siyā.
79.
79.
‘‘яад̣̇аа магасабаад̣̇аанам̣, аддаало сугад̇о сияаа;
‘‘Yadā makasapādānaṃ, aṭṭālo sukato siyā;
д̣̇ал̣хо жа авигамбий жа, ат̇а нууна д̇ад̣̇аа сияаа.
Daḷho ca avikampī ca, atha nūna tadā siyā.
80.
80.
‘‘яад̣̇аа сасависаан̣аанам̣, ниссзн̣ий сугад̇аа сияаа;
‘‘Yadā sasavisāṇānaṃ, nisseṇī sukatā siyā;
саг̇г̇ассаарохан̣ад̇т̇ааяа, ат̇а нууна д̇ад̣̇аа сияаа.
Saggassārohaṇatthāya, atha nūna tadā siyā.
81.
81.
‘‘яад̣̇аа ниссзн̣имааруяха, жанд̣̇ам̣ каад̣̇зяяу муусигаа;
‘‘Yadā nisseṇimāruyha, candaṃ khādeyyu mūsikā;
раахун̃жа барибаад̇зяяум̣, ат̇а нууна д̇ад̣̇аа сияаа.
Rāhuñca paripāteyyuṃ, atha nūna tadā siyā.
82.
82.
‘‘яад̣̇аа сураагхадам̣ бид̇ваа, магкигаа г̇ан̣ажаарин̣ий;
‘‘Yadā surāghaṭaṃ pitvā, makkhikā gaṇacāriṇī;
ан̇г̇аарз ваасам̣ габбзяяум̣, ат̇а нууна д̇ад̣̇аа сияаа.
Aṅgāre vāsaṃ kappeyyuṃ, atha nūna tadā siyā.
83.
83.
‘‘яад̣̇аа б̣имб̣одтасамбанно, г̇ад̣̇рабхо сумуко сияаа;
‘‘Yadā bimboṭṭhasampanno, gadrabho sumukho siyā;
гусало нажжаг̇ийд̇асса, ат̇а нууна д̇ад̣̇аа сияаа.
Kusalo naccagītassa, atha nūna tadā siyā.
84.
84.
‘‘яад̣̇аа гаагаа улуугаа жа, манд̇аязяяум̣ рахог̇ад̇аа;
‘‘Yadā kākā ulūkā ca, mantayeyyuṃ rahogatā;
ан̃н̃аман̃н̃ам̣ бихаяязяяум̣, ат̇а нууна д̇ад̣̇аа сияаа.
Aññamaññaṃ pihayyeyyuṃ, atha nūna tadā siyā.
85.
85.
‘‘яад̣̇аа мул̣аалабад̇д̇аанам̣, чад̇д̇ам̣ т̇ирад̇арам̣ сияаа;
‘‘Yadā muḷālapattānaṃ, chattaṃ thirataraṃ siyā;
вассасса бадигхаад̇ааяа, ат̇а нууна д̇ад̣̇аа сияаа.
Vassassa paṭighātāya, atha nūna tadā siyā.
86.
86.
‘‘яад̣̇аа гулаго сагун̣о, баб̣б̣ад̇ам̣ г̇анд̇хамаад̣̇анам̣;
‘‘Yadā kulako sakuṇo, pabbataṃ gandhamādanaṃ;
д̇ун̣д̣знаад̣̇ааяа г̇ажчзяяа, ат̇а нууна д̇ад̣̇аа сияаа.
Tuṇḍenādāya gaccheyya, atha nūna tadā siyā.
87.
87.
‘‘яад̣̇аа саамуд̣̇д̣̇игам̣ наавам̣, саяанд̇ам̣ савадаагарам̣;
‘‘Yadā sāmuddikaṃ nāvaṃ, sayantaṃ savaṭākaraṃ;
жздо аад̣̇ааяа г̇ажчзяяа, ат̇а нууна д̇ад̣̇аа сияаа’’д̇и.
Ceṭo ādāya gaccheyya, atha nūna tadā siyā’’ti.
д̇ад̇т̇а д̇ивид̇ход̇и зго гажчабаломамаязна бубпзна, зго д̇уулзна, зго убхаязнаад̇и звам̣ д̇иббагааро. хзманд̇игам̣ баавуран̣анд̇и химабаад̇асамаяз баавуран̣ааяа бхавид̇ум̣ самад̇т̇о. ат̇а нууна д̇ад̣̇аа сияаад̇и ат̇а д̇асмим̣ гаалз мама д̇аяаа сад̣̇д̇хим̣ згам̣сзнзва сам̣саг̇г̇о сияаа. звам̣ саб̣б̣ад̇т̇а бажчимабад̣̇ам̣ яож̇зд̇аб̣б̣ам̣. аддаало сугад̇од̇и абхирухид̇ваа яуж̇жханд̇ам̣ бурисасад̇ам̣ д̇хаарзд̇ум̣ яат̇аа саггод̇и, звам̣ сугад̇о. барибаад̇зяяунд̇и балаабзяяум̣. ан̇г̇аарзд̇и вийд̇ажжиган̇г̇аарасант̇арз. ваасам̣ габбзяяунд̇и згзгам̣ сураагхадам̣ бивид̇ваа мад̇д̇аа васзяяум̣. б̣имб̣одтасамбаннод̇и б̣имб̣апаласад̣̇исзхи одтзхи саманнааг̇ад̇о. сумукод̇и суван̣н̣ааад̣̇аасасад̣̇исо муко. бихаязяяунд̇и ан̃н̃аман̃н̃асса самбад̇д̇им̣ ижчанд̇аа бихаязяяум̣ бад̇т̇зяяум̣. мул̣аалабад̇д̇аананд̇и сан̣хаанам̣ мул̣аалаг̇ажчабад̇д̇аанам̣. гулагод̇и зго куд̣̇д̣̇агасагун̣о. саамуд̣̇д̣̇иганд̇и самуд̣̇д̣̇абагканд̣̇анамахаанаавам̣. саяанд̇ам̣ савадаагаранд̇и яанд̇зна жзва вадаагарзна жа сад̣̇д̇хим̣ саб̣б̣асамбхаараяуд̇д̇ам̣. жздо аад̣̇ааяаад̇и яад̣̇аа зваруубам̣ наавам̣ куд̣̇д̣̇аго г̇аамад̣̇аараго хад̇т̇зна г̇ахзд̇ваа г̇ажчзяяаад̇и ад̇т̇о.
Tattha tividhoti eko kacchapalomamayena pupphena, eko tūlena, eko ubhayenāti evaṃ tippakāro. Hemantikaṃ pāvuraṇanti himapātasamaye pāvuraṇāya bhavituṃ samattho. Atha nūna tadā siyāti atha tasmiṃ kāle mama tayā saddhiṃ ekaṃseneva saṃsaggo siyā. Evaṃ sabbattha pacchimapadaṃ yojetabbaṃ. Aṭṭālo sukatoti abhiruhitvā yujjhantaṃ purisasataṃ dhāretuṃ yathā sakkoti, evaṃ sukato. Paripāteyyunti palāpeyyuṃ. Aṅgāreti vītaccikaṅgārasanthare. Vāsaṃ kappeyyunti ekekaṃ surāghaṭaṃ pivitvā mattā vaseyyuṃ. Bimboṭṭhasampannoti bimbaphalasadisehi oṭṭhehi samannāgato. Sumukhoti suvaṇṇaādāsasadiso mukho. Pihayeyyunti aññamaññassa sampattiṃ icchantā pihayeyyuṃ pattheyyuṃ. Muḷālapattānanti saṇhānaṃ muḷālagacchapattānaṃ. Kulakoti eko khuddakasakuṇo. Sāmuddikanti samuddapakkhandanamahānāvaṃ. Sayantaṃ savaṭākaranti yantena ceva vaṭākarena ca saddhiṃ sabbasambhārayuttaṃ. Ceṭo ādāyāti yadā evarūpaṃ nāvaṃ khuddako gāmadārako hatthena gahetvā gaccheyyāti attho.
ид̇и махаасад̇д̇о иминаа адтаанабаригаббзна згаад̣̇аса г̇аат̇аа абхааси. д̇ам̣ суд̇ваа наг̇арасобхин̣ий махаасад̇д̇ам̣ камаабзд̇ваа наг̇арам̣ г̇анд̇ваа ран̃н̃о д̇ам̣ гааран̣ам̣ аарожзд̇ваа ад̇д̇ано ж̇ийвид̇ам̣ яаажид̇ваа г̇ан̣хи.
Iti mahāsatto iminā aṭṭhānaparikappena ekādasa gāthā abhāsi. Taṃ sutvā nagarasobhiṇī mahāsattaṃ khamāpetvā nagaraṃ gantvā rañño taṃ kāraṇaṃ ārocetvā attano jīvitaṃ yācitvā gaṇhi.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ бхигку маад̇уг̇аамо наама агад̇ан̃н̃уу мид̇д̇ад̣̇уб̣бхий’’д̇и вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа рааж̇аа аананд̣̇о ахоси, д̇аабасо бана ахамзва ахосинд̇и.
Satthā imaṃ dhammadesanaṃ āharitvā ‘‘evaṃ bhikkhu mātugāmo nāma akataññū mittadubbhī’’ti vatvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā rājā ānando ahosi, tāpaso pana ahameva ahosinti.
адтаанаж̇аад̇агаван̣н̣анаа навамаа.
Aṭṭhānajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 425. адтаанаж̇аад̇агам̣ • 425. Aṭṭhānajātakaṃ
