| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
2. அத்த²ங்க³தஸிக்கா²பத³வண்ணனா
2. Atthaṅgatasikkhāpadavaṇṇanā
153. முனாதீதி ஜானாதி. அந்தரதா⁴யதிபீதி எத்த² தது³த்தமங் சே அத்தி², தங் பஸ்ஸாமி, யங் விசித்தங் வா, தத³த்த²ஞ்ச. தக்³க⁴ காரணங். ஸஹ உப்பாத³மனந்தரா கிரியா. யமா ச தே மனஸா கதத்ர நெத்வாதி. யதா² பாதோ ஸியா பாதோ ப⁴வங் பாதோவ உத³கதோ உக்³க³ந்த்வா டி²தங், ததா² விரோசமானங் அங்கீ³ரஸங் பு³த்³த⁴ங் பஸ்ஸ, ந கேவலங் பது³மங் விய, விரோசமானங் தபந்தமாதி³ச்சமிவந்தலிக்கே²தி ஸம்ப³ந்தோ⁴. அத² வா அங்கீ³ரஸங் பு³த்³த⁴ங் பது³மங்வ விரோசமானங் ஸூரியங்வ தபந்தங் பஸ்ஸ பு³த்³த⁴ங். யதா² பாதோ ஸியா பு²ல்லமவீதக³ந்த⁴ங் கோகனுத³ஸங்கா²தங் பது³மங் பஸ்ஸஸி, ததா² விரோசமானங் அங்கீ³ரஸங் பு³த்³த⁴ங் பஸ்ஸ. உப⁴யேனேவ ஹி ப⁴க³வதோ கந்தி தீ³பிதாதி கத்வா தீ³பிதகு³ணஸுப⁴ங் பு³த்³த⁴ங் ஸக்கத்வா தங் கந்திங் பூஜெய்ய. பூஜனெய்யதோபி வீதினாமெய்ய இதி லக்க²யே. ‘‘ஏகதோ உபஸம்பன்னாயா’’தி பாளி.
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
156. ‘‘ஏகதோ உபஸம்பன்னான’’ந்தி அட்ட²கதா²பாடோ². ‘‘அப⁴ப்³போ³ த்வ’’ந்திஆதி³வசனதோ அனுகம்பாவஸேன ஸத்³தி⁴விஹாரிகாதி³ங் ஸங்கி⁴கா விஹாரா நிக்கட்³டா⁴பெந்தஸ்ஸ அனாபத்தி விய தி³ஸ்ஸதி. அப⁴ப்³போ³ ஹி தே²ரோ ஸஞ்சிச்ச தங் காதுங், க³வேஸிதப்³பா³வ எத்த² யுத்தீதி கேசி. தே²ரேன ஸிக்கா²பத³பஞ்ஞத்திதோ புப்³பே³ கதந்தி மம தக்கோ.
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
அத்த²ங்க³தஸிக்கா²பத³வண்ணனா நிட்டி²தா.
Atthaṅgatasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. அத்த²ங்க³தஸிக்கா²பத³வண்ணனா • 2. Atthaṅgatasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. அத்த²ங்க³தஸிக்கா²பத³வண்ணனா • 2. Atthaṅgatasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. அத்த²ங்க³தஸிக்கா²பத³வண்ணனா • 2. Atthaṅgatasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. அத்த²ங்க³தஸிக்கா²பத³ங் • 2. Atthaṅgatasikkhāpadaṃ
