| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. ад̇т̇ан̇г̇ад̇асигкаабад̣̇аван̣н̣анаа
2. Atthaṅgatasikkhāpadavaṇṇanā
153. д̣̇уд̇ияасигкаабад̣̇з – барияааязнаад̇и ваарзна, бадибаадияаад̇и ад̇т̇о. ад̇хижзд̇асод̇и ад̇хижид̇д̇авад̇о , саб̣б̣ажид̇д̇аанам̣ ад̇хигзна арахад̇д̇апалажид̇д̇зна саманнааг̇ад̇ассаад̇и ад̇т̇о. аббамаж̇ж̇ад̇од̇и наббамаж̇ж̇ад̇о, аббамаад̣̇зна гусалаанам̣ д̇хаммаанам̣ саад̇ажжагирияааяа саманнааг̇ад̇ассаад̇и вуд̇д̇ам̣ ход̇и. мунинод̇и ‘‘яо мунаад̇и убхо логз, муни д̇зна бавужжад̇ий’’д̇и (д̇ха. ба. 269) звам̣ убхаяалогамунанзна ваа, монам̣ вужжад̇и н̃аан̣ам̣, д̇зна н̃аан̣зна саманнааг̇ад̇ад̇д̇аа ваа кийн̣аасаво муни наама вужжад̇и, д̇асса мунино. монабат̇зсу сигкад̇од̇и арахад̇д̇ан̃аан̣асан̇каад̇асса монасса бат̇зсу сад̇д̇ад̇им̣саб̣од̇хибагкияад̇хаммзсу д̇ийсу ваа сигкаасу сигкад̇о. ид̣̇ан̃жа буб̣б̣абхааг̇абадибад̣̇ам̣ г̇ахзд̇ваа вуд̇д̇ам̣, д̇асмаа звам̣ буб̣б̣абхааг̇з сигкад̇о имааяа сигкааяа мунибхаавам̣ бад̇д̇асса мунинод̇и звамзд̇т̇а ад̇т̇о д̣̇адтаб̣б̣о. согаа на бхаванд̇и д̇аад̣̇инод̇и д̇аад̣̇исасса кийн̣аасавамунино аб̣бханд̇арз идтавияог̇аад̣̇ивад̇т̇угаа согаа на санд̇и. ат̇а ваа д̇аад̣̇инод̇и д̇аад̣̇илагкан̣асаманнааг̇ад̇асса зваруубасса мунино согаа на бхаванд̇ийд̇и аяамзд̇т̇а ад̇т̇о. убасанд̇ассаад̇и рааг̇аад̣̇ийнам̣ убасамзна убасанд̇асса. сад̣̇аа сад̇иймад̇од̇и сад̇ивзбуллаббад̇д̇ад̇д̇аа нижжагаалам̣ сад̇ияаа авирахид̇асса . аагаасз анд̇алигкзд̇и анд̇алигкасан̇каад̇з аагаасз, на гасин̣уг̇гхаадимз, на бана руубабарижчзд̣̇з. жан̇гамад̇иби д̇идтад̇ибийд̇и д̇аасам̣ бхигкунийнам̣ гат̇ам̣ суд̇ваа ‘‘имаа бхигкунияо мам̣ ‘зд̇д̇агамзва аяам̣ ж̇аанаад̇ий’д̇и аваман̃н̃анд̇и, ханд̣̇а д̣̇аани зд̇аасам̣ ад̇д̇ано аанубхаавам̣ д̣̇ассзмий’’д̇и д̇хаммаб̣ахумаанам̣ уббаад̣̇зд̇ваа абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа зваруубам̣ ид̣̇д̇хибаадихаарияам̣ д̣̇ассзси – ‘‘аагаасз анд̇алигкз жан̇гамад̇иби…бз… анд̇арад̇хааяад̇ибий’’д̇и. д̇ад̇т̇а анд̇арад̇хааяад̇ибийд̇и анд̇арад̇хааяад̇иби ад̣̇ассанамби г̇ажчад̇ийд̇и ад̇т̇о. д̇ан̃жзва уд̣̇аанам̣ бхан̣ад̇и ан̃н̃ан̃жа б̣ахум̣ б̣уд̣̇д̇хаважананд̇и т̇зро гира ад̇д̇ано бхаад̇ут̇зрасса санд̇игз –
153. Dutiyasikkhāpade – pariyāyenāti vārena, paṭipāṭiyāti attho. Adhicetasoti adhicittavato , sabbacittānaṃ adhikena arahattaphalacittena samannāgatassāti attho. Appamajjatoti nappamajjato, appamādena kusalānaṃ dhammānaṃ sātaccakiriyāya samannāgatassāti vuttaṃ hoti. Muninoti ‘‘yo munāti ubho loke, muni tena pavuccatī’’ti (dha. pa. 269) evaṃ ubhayalokamunanena vā, monaṃ vuccati ñāṇaṃ, tena ñāṇena samannāgatattā vā khīṇāsavo muni nāma vuccati, tassa munino. Monapathesu sikkhatoti arahattañāṇasaṅkhātassa monassa pathesu sattatiṃsabodhipakkhiyadhammesu tīsu vā sikkhāsu sikkhato. Idañca pubbabhāgapaṭipadaṃ gahetvā vuttaṃ, tasmā evaṃ pubbabhāge sikkhato imāya sikkhāya munibhāvaṃ pattassa muninoti evamettha attho daṭṭhabbo. Sokā na bhavanti tādinoti tādisassa khīṇāsavamunino abbhantare iṭṭhaviyogādivatthukā sokā na santi. Atha vā tādinoti tādilakkhaṇasamannāgatassa evarūpassa munino sokā na bhavantīti ayamettha attho. Upasantassāti rāgādīnaṃ upasamena upasantassa. Sadā satīmatoti sativepullappattattā niccakālaṃ satiyā avirahitassa . Ākāse antalikkheti antalikkhasaṅkhāte ākāse, na kasiṇugghāṭime, na pana rūpaparicchede. Caṅkamatipi tiṭṭhatipīti tāsaṃ bhikkhunīnaṃ kathaṃ sutvā ‘‘imā bhikkhuniyo maṃ ‘ettakameva ayaṃ jānātī’ti avamaññanti, handa dāni etāsaṃ attano ānubhāvaṃ dassemī’’ti dhammabahumānaṃ uppādetvā abhiññāpādakaṃ catutthajjhānaṃ samāpajjitvā vuṭṭhāya evarūpaṃ iddhipāṭihāriyaṃ dassesi – ‘‘ākāse antalikkhe caṅkamatipi…pe… antaradhāyatipī’’ti. Tattha antaradhāyatipīti antaradhāyatipi adassanampi gacchatīti attho. Tañceva udānaṃ bhaṇati aññañca bahuṃ buddhavacananti thero kira attano bhātutherassa santike –
‘‘бад̣̇умам̣ яат̇аа гогануд̣̇ам̣ суг̇анд̇хам̣,
‘‘Padumaṃ yathā kokanudaṃ sugandhaṃ,
баад̇о сияаа пулламавийд̇аг̇анд̇хам̣;
Pāto siyā phullamavītagandhaṃ;
ан̇г̇ийрасам̣ басса вирожамаанам̣,
Aṅgīrasaṃ passa virocamānaṃ,
д̇абанд̇амаад̣̇ижжамиванд̇алигкз’’д̇и. (сам̣. ни. 1.123);
Tapantamādiccamivantalikkhe’’ti. (saṃ. ni. 1.123);
имам̣ г̇аат̇ам̣ уд̣̇д̣̇исаабзд̇ваа жад̇д̇ааро маасз саж̇жхааяи. на жа баг̇ун̣ам̣ гад̇д̇умасагки. д̇ад̇о нам̣ т̇зро ‘‘абхаб̣б̣о д̇вам̣ имасмим̣ саасанз’’д̇и вихаараа ниггад̣дхаабзси, со род̣̇амаано д̣̇ваарагодтагз адтааси. ат̇а бхаг̇аваа б̣уд̣̇д̇хажагкунаа взнзяяасад̇д̇з ологзнд̇о д̇ам̣ д̣̇исваа вихааражааригам̣ жарамаано вияа д̇асса санд̇игам̣ г̇анд̇ваа ‘‘жуул̣абант̇ага, гасмаа род̣̇асий’’д̇и ааха. со д̇амад̇т̇ам̣ аарожзси. ат̇асса бхаг̇аваа суд̣̇д̇хам̣ билод̇игакан̣д̣ам̣ д̣̇ад̇ваа ‘‘ид̣̇ам̣ ‘раж̇охаран̣ам̣ раж̇охаран̣а’нд̇и баримаж̇ж̇аахий’’д̇и ааха. со ‘‘саад̇хуу’’д̇и самбадижчид̇ваа ад̇д̇ано ниваасадтаанз нисийд̣̇ид̇ваа д̇асса згаманд̇ам̣ баримаж̇ж̇и, баримаж̇ж̇ид̇адтаанам̣ гаал̣агамахоси. со ‘‘звам̣ барисуд̣̇д̇хамби наама вад̇т̇ам̣ имам̣ ад̇д̇абхаавам̣ ниссааяа гаал̣агам̣ ж̇аад̇а’’нд̇и сам̣взг̇ам̣ бадилабхид̇ваа вибассанам̣ аарабхи. ат̇асса бхаг̇аваа аарад̣̇д̇хавийрияабхаавам̣ н̃ад̇ваа ‘‘ад̇хижзд̇асо’’д̇и имам̣ обхаасаг̇аат̇ам̣ абхааси. т̇зро г̇аат̇аабарияосаанз арахад̇д̇ам̣ баабун̣и. д̇асмаа т̇зро багад̇ияаава имам̣ г̇аат̇ам̣ мамааяад̇и, со д̇ам̣ имиссаа г̇аат̇ааяа мамааяанабхаавам̣ ж̇аанаабзд̇ум̣ д̇ам̣язва бхан̣ад̇и. ан̃н̃ан̃жа анд̇аранд̇араа аахарид̇ваа б̣ахум̣ б̣уд̣̇д̇хаважанам̣. д̇зна вуд̇д̇ам̣ – ‘‘д̇ан̃жзва уд̣̇аанам̣ бхан̣ад̇и, ан̃н̃ан̃жа б̣ахум̣ б̣уд̣̇д̇хаважана’’нд̇и.
Imaṃ gāthaṃ uddisāpetvā cattāro māse sajjhāyi. Na ca paguṇaṃ kattumasakkhi. Tato naṃ thero ‘‘abhabbo tvaṃ imasmiṃ sāsane’’ti vihārā nikkaḍḍhāpesi, so rodamāno dvārakoṭṭhake aṭṭhāsi. Atha bhagavā buddhacakkhunā veneyyasatte olokento taṃ disvā vihāracārikaṃ caramāno viya tassa santikaṃ gantvā ‘‘cūḷapanthaka, kasmā rodasī’’ti āha. So tamatthaṃ ārocesi. Athassa bhagavā suddhaṃ pilotikakhaṇḍaṃ datvā ‘‘idaṃ ‘rajoharaṇaṃ rajoharaṇa’nti parimajjāhī’’ti āha. So ‘‘sādhū’’ti sampaṭicchitvā attano nivāsaṭṭhāne nisīditvā tassa ekamantaṃ parimajji, parimajjitaṭṭhānaṃ kāḷakamahosi. So ‘‘evaṃ parisuddhampi nāma vatthaṃ imaṃ attabhāvaṃ nissāya kāḷakaṃ jāta’’nti saṃvegaṃ paṭilabhitvā vipassanaṃ ārabhi. Athassa bhagavā āraddhavīriyabhāvaṃ ñatvā ‘‘adhicetaso’’ti imaṃ obhāsagāthaṃ abhāsi. Thero gāthāpariyosāne arahattaṃ pāpuṇi. Tasmā thero pakatiyāva imaṃ gāthaṃ mamāyati, so taṃ imissā gāthāya mamāyanabhāvaṃ jānāpetuṃ taṃyeva bhaṇati. Aññañca antarantarā āharitvā bahuṃ buddhavacanaṃ. Tena vuttaṃ – ‘‘tañceva udānaṃ bhaṇati, aññañca bahuṃ buddhavacana’’nti.
156. згад̇о убасамбаннааяаад̇и бхигкунисан̇гхз убасамбаннааяа, бхигкусан̇гхз бана убасамбаннам̣ овад̣̇анд̇асса баажид̇д̇ияам̣. сзсамзд̇т̇а уд̇д̇аанамзва. ид̣̇амби жа бад̣̇асод̇хаммасамудтаанамзва.
156.Ekato upasampannāyāti bhikkhunisaṅghe upasampannāya, bhikkhusaṅghe pana upasampannaṃ ovadantassa pācittiyaṃ. Sesamettha uttānameva. Idampi ca padasodhammasamuṭṭhānameva.
ад̇т̇ан̇г̇ад̇асигкаабад̣̇ам̣ д̣̇уд̇ияам̣.
Atthaṅgatasikkhāpadaṃ dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. ад̇т̇ан̇г̇ад̇асигкаабад̣̇ам̣ • 2. Atthaṅgatasikkhāpadaṃ
