| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
адтаарасавад̇т̇угат̇аа
Aṭṭhārasavatthukathā
468. ад̇хаммам̣ д̇хаммод̇иаад̣̇ийни адтаараса бхзд̣̇агаравад̇т̇ууни сан̇гхабхзд̣̇агагканд̇хагз ван̣н̣аяиссаама.
468.Adhammaṃ dhammotiādīni aṭṭhārasa bhedakaravatthūni saṅghabhedakakkhandhake vaṇṇayissāma.
475. д̇ам̣ угкид̇д̇агам̣ бхигкум̣ осаарзд̇ваад̇и д̇ам̣ г̇ахзд̇ваа сиймам̣ г̇анд̇ваа аабад̇д̇им̣ д̣̇зсаабзд̇ваа гаммаваажааяа осаарзд̇ваа. д̇аавад̣̇зва убосат̇од̇и д̇ам̣д̣̇ивасамзва убосат̇агканд̇хагз вуд̇д̇анаязнзва саамаг̇г̇ийубосат̇о гаад̇аб̣б̣о.
475.Taṃukkhittakaṃ bhikkhuṃ osāretvāti taṃ gahetvā sīmaṃ gantvā āpattiṃ desāpetvā kammavācāya osāretvā. Tāvadeva uposathoti taṃdivasameva uposathakkhandhake vuttanayeneva sāmaggīuposatho kātabbo.
476. амуулаа муулам̣ г̇анд̇ваад̇и на муулаа муулам̣ г̇анд̇ваа; д̇ам̣ вад̇т̇ум̣ авинижчинид̇ваад̇и ад̇т̇о. аяам̣ вужжад̇и убаали сан̇гхасаамаг̇г̇ий ад̇т̇аабзд̇аа б̣яан̃ж̇ануубзд̇аад̇и ад̇т̇ад̇о абаг̇ад̇аа, ‘‘сан̇гхасаамаг̇г̇ий’’д̇и имам̣ бана б̣яан̃ж̇анамад̇д̇ам̣ убзд̇аа.
476.Amūlā mūlaṃ gantvāti na mūlā mūlaṃ gantvā; taṃ vatthuṃ avinicchinitvāti attho. Ayaṃ vuccati upāli saṅghasāmaggī atthāpetā byañjanūpetāti atthato apagatā, ‘‘saṅghasāmaggī’’ti imaṃ pana byañjanamattaṃ upetā.
477. сан̇гхасса гижжзсууд̇и сан̇гхасса гаран̣ийязсу уббаннзсу. манд̇анаасууд̇и винаяаманд̇анаасу. ад̇т̇зсу ж̇аад̇зсууд̇и винаяаад̇т̇зсу уббаннзсу. винижчаязсууд̇и д̇зсам̣язва ад̇т̇аанам̣ винижчаязсу. махад̇т̇игод̇и махааубагааро. баг̇г̇ахаараход̇и баг̇г̇ан̣хид̇ум̣ вуд̇д̇о.
477.Saṅghassa kiccesūti saṅghassa karaṇīyesu uppannesu. Mantanāsūti vinayamantanāsu. Atthesu jātesūti vinayaatthesu uppannesu. Vinicchayesūti tesaṃyeva atthānaṃ vinicchayesu. Mahatthikoti mahāupakāro. Paggahārahoti paggaṇhituṃ vutto.
анаануваж̇ж̇о батамзна сийлад̇од̇иаад̣̇имхиязва д̇аава сийлад̇о на убаваж̇ж̇о. авзгкид̇аажаарод̇и абзгкид̇аажааро; аалогид̇з вилогид̇з самбаж̇аанагаарийд̇иаад̣̇инаа наязна убабаригкид̇аажааро. адтагат̇аасу бана ‘‘аббадижчаннаажааро’’д̇и вуд̇д̇ам̣.
Anānuvajjo paṭhamena sīlatotiādimhiyeva tāva sīlato na upavajjo. Avekkhitācāroti apekkhitācāro; ālokite vilokite sampajānakārītiādinā nayena upaparikkhitācāro. Aṭṭhakathāsu pana ‘‘appaṭicchannācāro’’ti vuttaṃ.
висаяхаад̇и абхибхавид̇ваа. ануяяуд̇ам̣ бхан̣анд̇и анун̃н̃аад̇ам̣ анабаг̇ад̇ам̣ бхан̣анд̇о. яасмаа хи со ануяяуд̇ам̣ бхан̣ад̇и, усууяааяа ваа аг̇ад̇иг̇аманавасзна ваа гааран̣аабаг̇ад̇ам̣ на бхан̣ад̇и, д̇асмаа ад̇т̇ам̣ на хаабзд̇и. усууяааяа бана аг̇ад̇иг̇аманавасзна ваа бхан̣анд̇о ад̇т̇ам̣ хаабзд̇и, гааран̣ам̣ на д̣̇зд̇и, д̇асмаа со барисаг̇ад̇о чамбхад̇и жзва взд̇хад̇и жа. яо ийд̣̇исо на ход̇и, аяам̣ ‘‘баг̇г̇ахаарахо’’д̇и д̣̇ассзд̇и.
Visayhāti abhibhavitvā. Anuyyutaṃ bhaṇanti anuññātaṃ anapagataṃ bhaṇanto. Yasmā hi so anuyyutaṃ bhaṇati, usūyāya vā agatigamanavasena vā kāraṇāpagataṃ na bhaṇati, tasmā atthaṃ na hāpeti. Usūyāya pana agatigamanavasena vā bhaṇanto atthaṃ hāpeti, kāraṇaṃ na deti, tasmā so parisagato chambhati ceva vedhati ca. Yo īdiso na hoti, ayaṃ ‘‘paggahāraho’’ti dasseti.
гин̃жа бхияяо ‘‘д̇ат̇зва бан̃ха’’нд̇и г̇аат̇аа, д̇ассад̇т̇о – яат̇аа жа ануяяуд̇ам̣ бхан̣анд̇о ад̇т̇ам̣ на хаабзд̇и, д̇ат̇зва барисааяа маж̇жхз бан̃хам̣ бужчид̇о самаано на жзва баж̇жхааяад̇и, на жа ман̇гу ход̇и. яо хи ад̇т̇ам̣ на ж̇аанаад̇и, со баж̇жхааяад̇и. яо вад̇д̇ум̣ на саггод̇и, со ман̇гу ход̇и. яо бана ад̇т̇ан̃жа ж̇аанаад̇и, вад̇д̇ун̃жа саггод̇и; со на баж̇жхааяад̇и, на ман̇гу ход̇и. гаалааг̇ад̇анд̇и гат̇зд̇аб̣б̣аяуд̇д̇агаалз ааг̇ад̇ам̣. б̣яаагаран̣аараханд̇и бан̃хасса ад̇т̇аануломад̇ааяа б̣яаагаран̣аанужчавигам̣. важод̇и вад̣̇анд̇о; зваруубам̣ важанам̣ бхан̣анд̇од̇и ад̇т̇о. ран̃ж̇зд̇ийд̇и д̇осзд̇и. вин̃н̃уубарисанд̇и вин̃н̃уунам̣ барисам̣.
Kiñca bhiyyo ‘‘tatheva pañha’’nti gāthā, tassattho – yathā ca anuyyutaṃ bhaṇanto atthaṃ na hāpeti, tatheva parisāya majjhe pañhaṃ pucchito samāno na ceva pajjhāyati, na ca maṅku hoti. Yo hi atthaṃ na jānāti, so pajjhāyati. Yo vattuṃ na sakkoti, so maṅku hoti. Yo pana atthañca jānāti, vattuñca sakkoti; so na pajjhāyati, na maṅku hoti. Kālāgatanti kathetabbayuttakāle āgataṃ. Byākaraṇārahanti pañhassa atthānulomatāya byākaraṇānucchavikaṃ. Vacoti vadanto; evarūpaṃ vacanaṃ bhaṇantoti attho. Rañjetīti toseti. Viññūparisanti viññūnaṃ parisaṃ.
аажзрагамхи жа сагзд̇и ад̇д̇ано аажарияаваад̣̇з. алам̣ бамзд̇унд̇и виймам̣сид̇ум̣ д̇ам̣ д̇ам̣ гааран̣ам̣ бан̃н̃ааяа д̇улаяид̇ум̣ самад̇т̇о. баг̇ун̣од̇и гад̇абарижаяо лад̣̇д̇хаасзвано. гат̇зд̇авзд̇и гат̇зд̇аб̣б̣з. вирад̣̇д̇хиговид̣̇од̇и вирад̣̇д̇хадтаанагусало.
Ācerakamhica saketi attano ācariyavāde. Alaṃ pametunti vīmaṃsituṃ taṃ taṃ kāraṇaṃ paññāya tulayituṃ samattho. Paguṇoti kataparicayo laddhāsevano. Kathetaveti kathetabbe. Viraddhikovidoti viraddhaṭṭhānakusalo.
бажжад̇т̇игаа язна важ̇анд̇ийд̇и аяам̣ г̇аат̇аа яаад̣̇исз гат̇зд̇аб̣б̣з баг̇ун̣о, д̇ам̣ д̣̇ассзд̇ум̣ вуд̇д̇аа. аяан̃хзд̇т̇а ад̇т̇о – яаад̣̇исзна гат̇ид̇зна бажжад̇т̇игаа жа ниг̇г̇ахам̣ г̇ажчанд̇и, махааж̇ано жа сан̃н̃абанам̣ г̇ажчад̇и; сан̃н̃ад̇д̇им̣ аваб̣од̇ханам̣ г̇ажчад̇ийд̇и ад̇т̇о. яан̃жа гат̇знд̇о сагам̣ аад̣̇ааяам̣ ад̇д̇ано аажарияаваад̣̇ам̣ на хаабзд̇и, яасмим̣ вад̇т̇усмим̣ ад̇хигаран̣ам̣ уббаннам̣, д̇ад̣̇ануруубам̣ анубагхаад̇агарам̣ бан̃хам̣ б̣яаагарамаано д̇аад̣̇исз гат̇зд̇аб̣б̣з баг̇ун̣о ход̇ийд̇и.
Paccatthikā yena vajantīti ayaṃ gāthā yādise kathetabbe paguṇo, taṃ dassetuṃ vuttā. Ayañhettha attho – yādisena kathitena paccatthikā ca niggahaṃ gacchanti, mahājano ca saññapanaṃ gacchati; saññattiṃ avabodhanaṃ gacchatīti attho. Yañca kathento sakaṃ ādāyaṃ attano ācariyavādaṃ na hāpeti, yasmiṃ vatthusmiṃ adhikaraṇaṃ uppannaṃ, tadanurūpaṃ anupaghātakaraṃ pañhaṃ byākaramāno tādise kathetabbe paguṇo hotīti.
д̣̇ууд̇зяяагаммзсу аланд̇и адтахи д̣̇ууд̇ан̇г̇зхи саманнааг̇ад̇ад̇д̇аа сан̇гхасса д̣̇ууд̇зяяагаммзсу самад̇т̇о. судту уг̇г̇ан̣хаад̇ийд̇и самуг̇г̇ахо. ид̣̇ам̣ вуд̇д̇ам̣ ход̇и – яат̇аа наама аахунам̣ аахуд̇ибин̣д̣ам̣ самуг̇г̇ан̣ханд̇и, звам̣ бийд̇исоманассаж̇аад̇знзва жзд̇асаа сан̇гхасса гижжзсу самуг̇г̇ахо, сан̇гхассагижжзсу д̇асса д̇асса гижжасса бадиг̇г̇аахагод̇и ад̇т̇о. гарам̣ важод̇и важанам̣ гаронд̇о. на д̇зна ман̃н̃ад̇ийд̇и д̇зна важанагаран̣зна ‘‘ахам̣ гароми, сан̇гхабхаарам̣ нид̇т̇араамий’’д̇и на маанаад̇имаанам̣ ж̇аббзд̇и.
Dūteyyakammesu alanti aṭṭhahi dūtaṅgehi samannāgatattā saṅghassa dūteyyakammesu samattho. Suṭṭhu uggaṇhātīti samuggaho. Idaṃ vuttaṃ hoti – yathā nāma āhunaṃ āhutipiṇḍaṃ samuggaṇhanti, evaṃ pītisomanassajāteneva cetasā saṅghassa kiccesu samuggaho, saṅghassakiccesu tassa tassa kiccassa paṭiggāhakoti attho. Karaṃ vacoti vacanaṃ karonto. Na tena maññatīti tena vacanakaraṇena ‘‘ahaṃ karomi, saṅghabhāraṃ nittharāmī’’ti na mānātimānaṃ jappeti.
аабаж̇ж̇ад̇и яаавад̇агзсу вад̇т̇уусууд̇и яад̇д̇агзсу вад̇т̇уусу аабад̇д̇им̣ аабаж̇ж̇амаано аабаж̇ж̇ад̇и. ход̇и яат̇аа жа вудтид̇ийд̇и д̇ассаа жа аабад̇д̇ияаа яат̇аа вудтаанам̣ ход̇и. зд̇з вибхан̇г̇аад̇и язсу вад̇т̇уусу аабаж̇ж̇ад̇и, яат̇аа жа вудтаанам̣ ход̇и, имзсам̣ ад̇т̇аанам̣ ж̇од̇агаа зд̇з вибхан̇г̇аа. убхаяассаад̇и убхаяз асса. свааг̇ад̇аад̇и судту ааг̇ад̇аа. аабад̇д̇ивудтаанабад̣̇асса говид̣̇од̇и аабад̇д̇ивудтаанагааран̣агусало.
Āpajjati yāvatakesu vatthūsūti yattakesu vatthūsu āpattiṃ āpajjamāno āpajjati. Hoti yathā ca vuṭṭhitīti tassā ca āpattiyā yathā vuṭṭhānaṃ hoti. Ete vibhaṅgāti yesu vatthūsu āpajjati, yathā ca vuṭṭhānaṃ hoti, imesaṃ atthānaṃ jotakā ete vibhaṅgā. Ubhayassāti ubhaye assa. Svāgatāti suṭṭhu āgatā. Āpattivuṭṭhānapadassa kovidoti āpattivuṭṭhānakāraṇakusalo.
яаани жаажаранд̇и яаани жа бхан̣д̣анагааран̣аад̣̇ийни аажаранд̇о д̇аж̇ж̇анийяагаммаад̣̇ивасзна ниссааран̣ам̣ г̇ажчад̇и. осааран̣ам̣ д̇ам̣вусид̇асса ж̇анд̇унод̇и д̇ам̣ вад̇д̇ам̣ вусид̇асса ж̇анд̇уно, яаа осааран̣аа гаад̇аб̣б̣аа, зд̇амби ж̇аанаад̇и. сзсам̣ саб̣б̣ад̇т̇а уд̇д̇аанамзваад̇и.
Yāni cācaranti yāni ca bhaṇḍanakāraṇādīni ācaranto tajjanīyakammādivasena nissāraṇaṃ gacchati. Osāraṇaṃ taṃvusitassa jantunoti taṃ vattaṃ vusitassa jantuno, yā osāraṇā kātabbā, etampi jānāti. Sesaṃ sabbattha uttānamevāti.
госамб̣агагканд̇хагаван̣н̣анаа нидтид̇аа.
Kosambakakkhandhakavaṇṇanā niṭṭhitā.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
махааваг̇г̇аван̣н̣анаа самад̇д̇аа.
Mahāvaggavaṇṇanā samattā.
махааваг̇г̇а-адтагат̇аа нидтид̇аа.
Mahāvagga-aṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
276. адтаарасавад̇т̇угат̇аа • 276. Aṭṭhārasavatthukathā
278. сан̇гхасаамаг̇г̇ийгат̇аа • 278. Saṅghasāmaggīkathā
279. убаалисан̇гхасаамаг̇г̇ийбужчаа • 279. Upālisaṅghasāmaggīpucchā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалисан̇гхасаамаг̇г̇ийбужчааван̣н̣анаа • Upālisaṅghasāmaggīpucchāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇гхасаамаг̇г̇ийгат̇ааван̣н̣анаа • Saṅghasāmaggīkathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / адтаарасавад̇т̇угат̇ааван̣н̣анаа • Aṭṭhārasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 276. адтаарасавад̇т̇угат̇аа • 276. Aṭṭhārasavatthukathā
