| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
276. адтаарасавад̇т̇угат̇аа
276. Aṭṭhārasavatthukathā
471. ‘‘лад̣̇д̇хиг̇г̇ахан̣а’’нд̇и иминаа аад̣̇ийяад̇з аад̣̇ааяод̇и важанад̇т̇ам̣ д̣̇ассзд̇и.
471. ‘‘Laddhiggahaṇa’’nti iminā ādīyate ādāyoti vacanatthaṃ dasseti.
475. д̇ам̣ д̣̇ивасамзваад̇и д̇асмим̣ сан̇гхасаамаг̇г̇игаран̣ад̣̇ивасзязва.
475.Taṃ divasamevāti tasmiṃ saṅghasāmaggikaraṇadivaseyeva.
476. на муулаа муулам̣ г̇анд̇ваад̇и муулад̇о муулам̣ на г̇анд̇ваава. ‘‘ад̇т̇ад̇о абаг̇ад̇аа’’д̇и иминаа ад̇т̇ад̇о абзд̇аа ад̇т̇аабзд̇аад̇и важанад̇т̇ам̣ д̣̇ассзд̇и. ‘‘б̣яан̃ж̇анамад̇д̇ам̣ убзд̇аа’’д̇и иминаа б̣яан̃ж̇анамад̇д̇ам̣ убзд̇аа убаг̇ад̇аа б̣яан̃ж̇ануубзд̇аад̇и важанад̇т̇ам̣ д̣̇ассзд̇и.
476.Na mūlā mūlaṃ gantvāti mūlato mūlaṃ na gantvāva. ‘‘Atthato apagatā’’ti iminā atthato apetā atthāpetāti vacanatthaṃ dasseti. ‘‘Byañjanamattaṃ upetā’’ti iminā byañjanamattaṃ upetā upagatā byañjanūpetāti vacanatthaṃ dasseti.
477. ад̇т̇зсу ж̇аад̇зсууд̇и зд̇т̇а ж̇аад̇асад̣̇д̣̇о уббаннабарияааяод̇и ааха ‘‘винаяаад̇т̇зсу уббаннзсуу’’д̇и. д̇ан̃жа бад̣̇ам̣ ‘‘сан̇гхасса гижжзсуу’’д̇иаад̣̇ийсу саб̣б̣абад̣̇зсу яож̇зд̇аб̣б̣ам̣. махад̇т̇игод̇и маханд̇о убагаарасан̇каад̇о ад̇т̇о имассаад̇и махад̇т̇игод̇и д̣̇ассанд̇о ааха ‘‘махааубагааро’’д̇и.
477.Atthesu jātesūti ettha jātasaddo uppannapariyāyoti āha ‘‘vinayaatthesu uppannesū’’ti. Tañca padaṃ ‘‘saṅghassa kiccesū’’tiādīsu sabbapadesu yojetabbaṃ. Mahatthikoti mahanto upakārasaṅkhāto attho imassāti mahatthikoti dassanto āha ‘‘mahāupakāro’’ti.
анаануваж̇ж̇о батамзнаад̇и зд̇т̇а батамасад̣̇д̣̇о д̇аавабарияааяод̇и д̣̇ассзнд̇о ааха ‘‘д̇ааваа’’д̇и. сийлад̇од̇и сийлзна. убзгкид̇аажаарод̇и убабад̇д̇ид̇о игкид̇аажааро. ‘‘абзгкид̇аажааро’’д̇иби баато. убабаригкид̇аажаарод̇и убабаригкид̇о аажааро зд̇ассаад̇и убабаригкид̇аажааро.
Anānuvajjo paṭhamenāti ettha paṭhamasaddo tāvapariyāyoti dassento āha ‘‘tāvā’’ti. Sīlatoti sīlena. Upekkhitācāroti upapattito ikkhitācāro. ‘‘Apekkhitācāro’’tipi pāṭho. Upaparikkhitācāroti upaparikkhito ācāro etassāti upaparikkhitācāro.
висаяхаад̇и зд̇т̇а вибуб̣б̣о сахад̇хаад̇у абхибхаванад̇т̇о, д̇ваабажжаяо жа ход̇ийд̇и д̣̇ассзнд̇о ааха ‘‘абхибхавид̇ваа’’д̇и. анабаг̇ад̇анд̇и гааран̣ад̇о анабзд̇ам̣. бхан̣анд̇о бхигкууд̇и самб̣анд̇хо. д̇амад̇т̇ам̣ д̣̇ассзнд̇о ааха ‘‘яасмаа хий’’д̇иаад̣̇и. сод̇и бхигку, на хаабзд̇ийд̇и самб̣анд̇хо. ‘‘усууяааяаа’’д̇и иминаа д̣̇осааг̇ад̇иг̇аманасса г̇ахид̇ад̇д̇аа ‘‘аг̇ад̇иг̇аманавасзнаа’’д̇и иминаа баарисзсанаязна авасзсааг̇ад̇иг̇аманамзваад̇хиббзд̇ам̣. сод̇и бхигку. чамбхад̇и жзваад̇и т̇амбхад̇и жзва, т̇ад̣̇д̇хам̣ гарод̇и жзваад̇и ад̇т̇о. взд̇хад̇и жаад̇и гамбад̇и жа. яо жаад̇и бхигку бана. ийд̣̇исод̇и усууяааяа ваа аг̇ад̇иг̇аманзна ваа бхан̣анасан̇каад̇о зд̣̇исо на ход̇и.
Visayhāti ettha vipubbo sahadhātu abhibhavanattho, tvāpaccayo ca hotīti dassento āha ‘‘abhibhavitvā’’ti. Anapagatanti kāraṇato anapetaṃ. Bhaṇanto bhikkhūti sambandho. Tamatthaṃ dassento āha ‘‘yasmā hī’’tiādi. Soti bhikkhu, na hāpetīti sambandho. ‘‘Usūyāyā’’ti iminā dosāgatigamanassa gahitattā ‘‘agatigamanavasenā’’ti iminā pārisesanayena avasesaagatigamanamevādhippetaṃ. Soti bhikkhu. Chambhati cevāti thambhati ceva, thaddhaṃ karoti cevāti attho. Vedhati cāti kampati ca. Yo cāti bhikkhu pana. Īdisoti usūyāya vā agatigamanena vā bhaṇanasaṅkhāto ediso na hoti.
гин̃жа бхияяод̇и нибаад̇асамуд̣̇ааяо, д̇ад̇о вуд̇д̇ад̇о ад̇ирзгам̣ гат̇зд̇аб̣б̣ам̣ гим̣ банаад̇и ад̇т̇о. д̇ассаа г̇аат̇ааяа ад̇т̇о взд̣̇ид̇аб̣б̣од̇и яож̇анаа. яод̇и бхигку. хийд̇и сажжам̣. гаалааг̇ад̇анд̇и зд̇т̇а г̇ахзд̇аб̣б̣агаалан̃жа сад̇д̇амийд̇аббурисасамаасан̃жа д̣̇ассзнд̇о ааха ‘‘гат̇зд̇аб̣б̣аяуд̇д̇агаалз ааг̇ад̇а’’нд̇и. важод̇и бад̣̇ам̣ на важанабад̇хаанам̣, важанаванд̇абуг̇г̇алоязва бад̇хаананд̇и д̣̇ассзнд̇о ааха ‘‘вад̣̇анд̇о’’д̇и.
Kiñca bhiyyoti nipātasamudāyo, tato vuttato atirekaṃ kathetabbaṃ kiṃ panāti attho. Tassā gāthāya attho veditabboti yojanā. Yoti bhikkhu. Hīti saccaṃ. Kālāgatanti ettha gahetabbakālañca sattamītappurisasamāsañca dassento āha ‘‘kathetabbayuttakāle āgata’’nti. Vacoti padaṃ na vacanapadhānaṃ, vacanavantapuggaloyeva padhānanti dassento āha ‘‘vadanto’’ti.
аажзрагамхи жа сагзд̇и зд̇т̇а аажарияасса зсо аажзраго, сасса ад̇д̇ано зсо сагод̇и важанад̇т̇ам̣ д̣̇ассзнд̇о ааха ‘‘ад̇д̇ано аажарияаваад̣̇з’’д̇и. г̇аат̇аабхаавад̇о аажарияасад̣̇д̣̇асса аажзраад̣̇зсо гаад̇аб̣б̣о. ‘‘ваад̣̇з’’д̇и иминаа ид̣̇амад̇т̇з бавад̇д̇асса н̣игабажжаяасса саруубам̣ д̣̇ассзд̇и. алам̣ бамзд̇унд̇и зд̇т̇а алам̣сад̣̇д̣̇о самад̇т̇ад̇т̇о, бамасад̣̇д̣̇од̇уланад̇т̇од̇и ааха ‘‘д̇улаяид̇ум̣ самад̇т̇о’’д̇и. гат̇зд̇авзд̇и зд̇т̇а д̇авзсад̣̇д̣̇о ан̃н̃ад̇т̇а язбхуяязна бхаававаажаго, ид̇ха бана гаммаваажагод̇и ааха ‘‘гат̇зд̇аб̣б̣з’’д̇и. вирад̣̇д̇хадтаанагусалод̇и вирад̣̇д̇хадтаанз гусало.
Ācerakamhi ca saketi ettha ācariyassa eso ācerako, sassa attano eso sakoti vacanatthaṃ dassento āha ‘‘attano ācariyavāde’’ti. Gāthābhāvato ācariyasaddassa ācerādeso kātabbo. ‘‘Vāde’’ti iminā idamatthe pavattassa ṇikapaccayassa sarūpaṃ dasseti. Alaṃ pametunti ettha alaṃsaddo samatthattho, pamasaddotulanatthoti āha ‘‘tulayituṃ samattho’’ti. Kathetaveti ettha tavesaddo aññattha yebhuyyena bhāvavācako, idha pana kammavācakoti āha ‘‘kathetabbe’’ti. Viraddhaṭṭhānakusaloti viraddhaṭṭhāne kusalo.
аяам̣ г̇аат̇аа вуд̇д̇аад̇и самб̣анд̇хо. д̇анд̇и гат̇зд̇аб̣б̣ам̣. аяам̣ хзд̇т̇ад̇т̇од̇и аяам̣ зва зд̇т̇а г̇аат̇ааяам̣ ад̇т̇од̇и яож̇анаа. ‘‘г̇ажчанд̇ий’’д̇и иминаа важ̇анд̇ийд̇и зд̇т̇а важ̇ад̇хаад̇уяаа г̇ад̇яад̇т̇ам̣ д̣̇ассзд̇и. ‘‘ад̇д̇ано аажарияаваад̣̇а’’нд̇и иминаа ‘‘сагам̣ аад̣̇ааяа’’нд̇и бад̣̇асса ад̇т̇ам̣ д̣̇ассзд̇и. аажарияаваад̣̇о хи аад̣̇аад̇аб̣б̣ад̇о г̇ахзд̇аб̣б̣ад̇о аад̣̇ааяанд̇и вуд̇д̇о. д̇ад̣̇ануруубанд̇и д̇асса вад̇т̇усса ануруубам̣. б̣яаагарамаано бхигкууд̇и самб̣анд̇хо. адтахи д̣̇ууд̇ан̇г̇зхийд̇и ‘‘сод̇аа жа ход̇и, саавзд̇аа жа, уг̇г̇ахзд̇аа жа, д̇хаарзд̇аа жа, вин̃н̃аад̇аа жа, вин̃н̃аабзд̇аа, жа гусало жа сахид̇аасахид̇асса, но жа галахагаараго’’д̇и (жуул̣ава. 347; а. ни. 8.16) звам̣ вуд̇д̇зхи адтахи д̣̇ууд̇асса ан̇г̇зхи. гасса д̣̇ууд̇зяяагамманд̇и ааха ‘‘сан̇гхассаа’’д̇и. д̣̇ууд̇асса зд̇аани д̣̇ууд̇зяяаани, д̇ааниязва гаммаани д̣̇ууд̇зяяагаммаани, д̇зсу. ид̣̇анд̇и ад̇т̇аж̇аагам̣, вуд̇д̇ам̣ ход̇ийд̇и яож̇анаа. ат̇а ваа ид̣̇анд̇и аяамад̇т̇о. вуд̇д̇ам̣ ход̇ийд̇и вуд̇д̇о ход̇и. бажчиманаяз лин̇г̇авибаллаасод̇и д̣̇адтаб̣б̣о. аанзд̇ваа хаванд̇и бууж̇знд̇ийд̇и аахаво д̣̇ааяагаа, д̇зсам̣ аахуунам̣. аанзд̇ваа хунид̇аб̣б̣ам̣ бууж̇зд̇аб̣б̣анд̇и аахуд̇и, д̇ам̣ аахуд̇им̣. сан̇гхасса гижжзсууд̇и нид̣̇д̇хааран̣з бхуммам̣. д̇зна вуд̇д̇ам̣ ‘‘д̇асса д̇асса гижжассаа’’д̇и. гараважод̇и зд̇т̇а ‘‘важогаро’’д̇и вад̇д̇аб̣б̣з г̇аат̇аабхаавад̇о бад̣̇авибарияааяавасзна ‘‘гараважо’’д̇и вуд̇д̇од̇и ааха ‘‘важанам̣ гаронд̇о’’д̇и. ‘‘важанагаран̣знаа’’д̇и иминаа ‘‘на д̇зна ман̃н̃ад̇ий’’д̇и зд̇т̇а д̇асад̣̇д̣̇асса висаяам̣ д̣̇ассзд̇и.
Ayaṃ gāthā vuttāti sambandho. Tanti kathetabbaṃ. Ayaṃ hetthatthoti ayaṃ eva ettha gāthāyaṃ atthoti yojanā. ‘‘Gacchantī’’ti iminā vajantīti ettha vajadhātuyā gatyatthaṃ dasseti. ‘‘Attano ācariyavāda’’nti iminā ‘‘sakaṃ ādāya’’nti padassa atthaṃ dasseti. Ācariyavādo hi ādātabbato gahetabbato ādāyanti vutto. Tadanurūpanti tassa vatthussa anurūpaṃ. Byākaramāno bhikkhūti sambandho. Aṭṭhahi dūtaṅgehīti ‘‘sotā ca hoti, sāvetā ca, uggahetā ca, dhāretā ca, viññātā ca, viññāpetā, ca kusalo ca sahitāsahitassa, no ca kalahakārako’’ti (cūḷava. 347; a. ni. 8.16) evaṃ vuttehi aṭṭhahi dūtassa aṅgehi. Kassa dūteyyakammanti āha ‘‘saṅghassā’’ti. Dūtassa etāni dūteyyāni, tāniyeva kammāni dūteyyakammāni, tesu. Idanti atthajākaṃ, vuttaṃ hotīti yojanā. Atha vā idanti ayamattho. Vuttaṃ hotīti vutto hoti. Pacchimanaye liṅgavipallāsoti daṭṭhabbo. Ānetvā havanti pūjentīti āhavo dāyakā, tesaṃ āhūnaṃ. Ānetvā hunitabbaṃ pūjetabbanti āhuti, taṃ āhutiṃ. Saṅghassa kiccesūti niddhāraṇe bhummaṃ. Tena vuttaṃ ‘‘tassa tassa kiccassā’’ti. Karavacoti ettha ‘‘vacokaro’’ti vattabbe gāthābhāvato padavipariyāyavasena ‘‘karavaco’’ti vuttoti āha ‘‘vacanaṃ karonto’’ti. ‘‘Vacanakaraṇenā’’ti iminā ‘‘na tena maññatī’’ti ettha tasaddassa visayaṃ dasseti.
аабаж̇ж̇амаано бхигку аабад̇д̇и ход̇ийд̇и яож̇анаа. д̇ассаа жаад̇и зд̇т̇а смааважанасса ссаад̣̇зсо гаад̇аб̣б̣о. яат̇аад̇и язнаагаарзна, винаяагаммаагаарзнаад̇и ад̇т̇о. язсууд̇и яад̇д̇агзсу вад̇т̇уусу. убхаяз зд̇з вибхан̇г̇аад̇и самб̣анд̇хо. ассаад̇и бхигкусса. аабад̇д̇ивудтаанабад̣̇ассаад̇и бад̣̇асад̣̇д̣̇о гааран̣ад̇т̇о, бхуммад̇т̇з саамиважано жа ход̇ийд̇и ааха ‘‘аабад̇д̇ивудтаанагааран̣з’’д̇и. ‘‘гусало’’д̇и иминаа чзго бан̣д̣ид̇о, гужчид̇ам̣ баабам̣ вид̣̇ад̇и ж̇аанаад̇ийд̇и говид̣̇од̇и важанад̇т̇зна говид̣̇о наамаад̇и д̣̇ассзд̇и.
Āpajjamāno bhikkhu āpatti hotīti yojanā. Tassā cāti ettha smāvacanassa ssādeso kātabbo. Yathāti yenākārena, vinayakammākārenāti attho. Yesūti yattakesu vatthūsu. Ubhaye ete vibhaṅgāti sambandho. Assāti bhikkhussa. Āpattivuṭṭhānapadassāti padasaddo kāraṇattho, bhummatthe sāmivacano ca hotīti āha ‘‘āpattivuṭṭhānakāraṇe’’ti. ‘‘Kusalo’’ti iminā cheko paṇḍito, kucchitaṃ pāpaṃ vidati jānātīti kovidoti vacanatthena kovido nāmāti dasseti.
аажаранд̇о бхигку г̇ажчад̇ийд̇и яож̇анаа. ‘‘вад̇д̇а’’нд̇и иминаа осааран̣ам̣ д̇анд̇и зд̇т̇а д̇асад̣̇д̣̇асса висаяам̣ д̣̇ассзд̇и. ‘‘яаа’’д̇и иминаа зд̇амбийд̇и зд̇т̇а зд̇асад̣̇д̣̇асса анияаманид̣̇д̣̇зсабхаавам̣ д̣̇ассзд̇и. саб̣б̣ад̇т̇аад̇и саб̣б̣асмим̣ госамб̣агагканд̇хагз.
Ācaranto bhikkhu gacchatīti yojanā. ‘‘Vatta’’nti iminā osāraṇaṃ tanti ettha tasaddassa visayaṃ dasseti. ‘‘Yā’’ti iminā etampīti ettha etasaddassa aniyamaniddesabhāvaṃ dasseti. Sabbatthāti sabbasmiṃ kosambakakkhandhake.
ид̇и госамб̣агагканд̇хагаван̣н̣анааяа яож̇анаа самад̇д̇аа.
Iti kosambakakkhandhakavaṇṇanāya yojanā samattā.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
махааваг̇г̇аван̣н̣анааяа
Mahāvaggavaṇṇanāya
яож̇анаа самад̇д̇аа.
Yojanā samattā.
ж̇аад̣̇илан̃чид̇анаамзна, нзгаанам̣ ваажид̇о маяаа;
Jādilañchitanāmena, nekānaṃ vācito mayā;
махааваг̇г̇аканд̇хагасса, самад̇д̇о яож̇анаанаяод̇и.
Mahāvaggakhandhakassa, samatto yojanānayoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
276. адтаарасавад̇т̇угат̇аа • 276. Aṭṭhārasavatthukathā
278. сан̇гхасаамаг̇г̇ийгат̇аа • 278. Saṅghasāmaggīkathā
279. убаалисан̇гхасаамаг̇г̇ийбужчаа • 279. Upālisaṅghasāmaggīpucchā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / адтаарасавад̇т̇угат̇аа • Aṭṭhārasavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалисан̇гхасаамаг̇г̇ийбужчааван̣н̣анаа • Upālisaṅghasāmaggīpucchāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇гхасаамаг̇г̇ийгат̇ааван̣н̣анаа • Saṅghasāmaggīkathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / адтаарасавад̇т̇угат̇ааван̣н̣анаа • Aṭṭhārasavatthukathāvaṇṇanā
