| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
ад̇т̇авасаваг̇г̇аад̣̇иван̣н̣анаа
Atthavasavaggādivaṇṇanā
498. звам̣ гаммаваг̇г̇аван̣н̣анам̣ д̣̇ассзд̇ваа д̇ассаананд̇арз вуд̇д̇ааяа ‘‘д̣̇вз ад̇т̇авасз бадижжаа’’д̇иаад̣̇игааяа д̣̇зсанааяа анусанд̇хим̣ д̣̇ассзнд̇о ааха ‘‘ид̣̇ааний’’д̇иаад̣̇и, ид̣̇аани аарад̣̇д̇ханд̇и самб̣анд̇хо. яаани д̇аани сигкаабад̣̇аанийд̇и яож̇анаа. д̣̇идтад̇хаммигавзраананд̇и д̣̇идтад̇хаммз бавад̇д̇ад̇д̇аа жа вирамид̇аб̣б̣ад̇д̇аа жа д̣̇идтад̇хаммигаанам̣ взраанам̣. сам̣варааяаад̇и зд̇т̇а сам̣буб̣б̣о варад̇хаад̇у бид̣̇аханад̇т̇о, ааяасад̣̇д̣̇о жа д̇ад̣̇ад̇т̇од̇и ааха ‘‘бид̣̇аханад̇т̇ааяаа’’д̇и. вибаагад̣̇угкасан̇каад̇аананд̇и баан̣аад̇ибаад̇аад̣̇ийнам̣ вибаагабхууд̇аанам̣ д̣̇угкасан̇каад̇аанам̣. самбарааяигаананд̇и самбарааяз бавад̇д̇аанам̣. ид̇хаад̇и имасмим̣ сигкаабад̣̇абан̃н̃ад̇д̇аанисам̣садтаанз. ‘‘важ̇ж̇анийяабхаавад̇о’’д̇и иминаа важ̇ж̇зд̇аб̣б̣аанийд̇и важ̇ж̇аанийд̇и важанад̇т̇ам̣ д̣̇ассзд̇и. бхааяанд̇и зд̇зхийд̇и бхаяаани. агкамадтзнаад̇и асахан̣ийяадтзна. ‘‘агусалаанийд̇и вужжанд̇ий’’д̇и иминаа вибаагад̣̇угкаани палуубажаарзна агусалаани наамаад̇и д̣̇ассзд̇и. г̇ан̣аб̣анд̇хабхзд̣̇анад̇т̇ааяа сигкаабад̣̇ам̣ бан̃н̃ад̇д̇анд̇и звамзва баато. бод̇т̇агзсу бана ‘‘г̇ан̣абхож̇анасигкаабад̣̇ам̣ бан̃н̃ад̇д̇а’’нд̇и баато ликид̇о. саб̣б̣ад̇т̇аад̇и саб̣б̣асмим̣ ад̇т̇авасаваг̇г̇з. яанд̇и важанам̣. зд̇т̇аад̇и имасмим̣ ваг̇г̇з.
498. Evaṃ kammavaggavaṇṇanaṃ dassetvā tassānantare vuttāya ‘‘dve atthavase paṭiccā’’tiādikāya desanāya anusandhiṃ dassento āha ‘‘idānī’’tiādi, idāni āraddhanti sambandho. Yāni tāni sikkhāpadānīti yojanā. Diṭṭhadhammikaverānanti diṭṭhadhamme pavattattā ca viramitabbattā ca diṭṭhadhammikānaṃ verānaṃ. Saṃvarāyāti ettha saṃpubbo varadhātu pidahanattho, āyasaddo ca tadatthoti āha ‘‘pidahanatthāyā’’ti. Vipākadukkhasaṅkhātānanti pāṇātipātādīnaṃ vipākabhūtānaṃ dukkhasaṅkhātānaṃ. Samparāyikānanti samparāye pavattānaṃ. Idhāti imasmiṃ sikkhāpadapaññattānisaṃsaṭṭhāne. ‘‘Vajjanīyabhāvato’’ti iminā vajjetabbānīti vajjānīti vacanatthaṃ dasseti. Bhāyanti etehīti bhayāni. Akkhamaṭṭhenāti asahaṇīyaṭṭhena. ‘‘Akusalānīti vuccantī’’ti iminā vipākadukkhāni phalūpacārena akusalāni nāmāti dasseti. Gaṇabandhabhedanatthāya sikkhāpadaṃ paññattanti evameva pāṭho. Potthakesu pana ‘‘gaṇabhojanasikkhāpadaṃ paññatta’’nti pāṭho likhito. Sabbatthāti sabbasmiṃ atthavasavagge. Yanti vacanaṃ. Etthāti imasmiṃ vagge.
ид̇и ад̇т̇авасаваг̇г̇аван̣н̣анааяа яож̇анаа самад̇д̇аа.
Iti atthavasavaggavaṇṇanāya yojanā samattā.
499. вад̇д̇зсу вад̇д̇амаано буг̇г̇ало осаарийяад̇и анзнаад̇и осааран̣ийяам̣, гаммам̣. д̇зна вуд̇д̇ам̣ ‘‘язна гаммзна осаарийяад̇и, д̇ам̣ гаммам̣ бан̃н̃ад̇д̇а’’нд̇и. ‘‘язна гаммзнаа’’д̇иаад̣̇инаа бхан̣д̣анагаарагаад̣̇аяо ниссаарийяанд̇и анзна гаммзнаад̇и ниссааран̣ийяанд̇и важанад̇т̇ам̣ д̣̇ассзд̇и.
499. Vattesu vattamāno puggalo osārīyati anenāti osāraṇīyaṃ, kammaṃ. Tena vuttaṃ ‘‘yena kammena osārīyati, taṃ kammaṃ paññatta’’nti. ‘‘Yena kammenā’’tiādinā bhaṇḍanakārakādayo nissārīyanti anena kammenāti nissāraṇīyanti vacanatthaṃ dasseti.
500. сад̇д̇аабад̇д̇игканд̇хаа бан̃н̃ад̇д̇ам̣ наамаад̇и самб̣анд̇хо. анд̇араад̇и гагусанд̇хаад̣̇ийнам̣ д̇ин̣н̣ам̣ б̣уд̣̇д̇хаанан̃жа амхаагам̣ бхаг̇авад̇о жа анд̇арз. ‘‘сигкаабад̣̇з’’д̇и иминаа ‘‘абан̃н̃ад̇д̇з’’д̇и бад̣̇асса ад̇т̇ам̣ д̣̇ассзд̇и. маггадийвад̇т̇уаад̣̇ивинийд̇агат̇аа анубан̃н̃ад̇д̇ам̣ наамаад̇и самб̣анд̇хо. ‘‘сигкаабад̣̇з’’д̇и иминаа ‘‘бан̃н̃ад̇д̇з’’д̇и бад̣̇асса ад̇т̇ам̣ д̣̇ассзд̇и. саб̣б̣ад̇т̇аад̇и саб̣б̣асмим̣ аанисам̣саваг̇г̇з.
500. Sattāpattikkhandhā paññattaṃ nāmāti sambandho. Antarāti kakusandhādīnaṃ tiṇṇaṃ buddhānañca amhākaṃ bhagavato ca antare. ‘‘Sikkhāpade’’ti iminā ‘‘apaññatte’’ti padassa atthaṃ dasseti. Makkaṭīvatthuādivinītakathā anupaññattaṃ nāmāti sambandho. ‘‘Sikkhāpade’’ti iminā ‘‘paññatte’’ti padassa atthaṃ dasseti. Sabbatthāti sabbasmiṃ ānisaṃsavagge.
ид̇и аанисам̣саваг̇г̇аван̣н̣анааяа яож̇анаа самад̇д̇аа.
Iti ānisaṃsavaggavaṇṇanāya yojanā samattā.
501. саб̣б̣асигкаабад̣̇аанам̣ сан̇г̇аханд̇и самб̣анд̇хо. д̇ад̇т̇аад̇и ‘‘нава сан̇г̇ахаа’’д̇иаад̣̇ибаатз звамад̇т̇о взд̣̇ид̇аб̣б̣од̇и яож̇анаа. ‘‘вад̇т̇унаа сан̇г̇ахо’’д̇и иминаа ‘‘вад̇т̇усмим̣, вад̇т̇уунам̣ сан̇г̇ахо’’д̇и ад̇т̇ам̣ ниваарзд̇и. зд̇т̇аад̇и ‘‘вад̇т̇усан̇г̇ахо’’д̇иаад̣̇ибаатз. хийд̇и вид̇т̇ааро. яасмаа над̇т̇ийд̇и самб̣анд̇хо. саб̣б̣аанийд̇и сигкаабад̣̇аани. ‘‘сан̇г̇ахид̇ааний’’д̇и иминаа сан̇г̇ахид̇аб̣б̣од̇и сан̇г̇аход̇и ниб̣б̣ажанам̣ д̣̇ассзд̇и. звам̣ д̇ааваад̇иаад̣̇и ниг̇аманам̣.
501. Sabbasikkhāpadānaṃ saṅgahanti sambandho. Tatthāti ‘‘nava saṅgahā’’tiādipāṭhe evamattho veditabboti yojanā. ‘‘Vatthunā saṅgaho’’ti iminā ‘‘vatthusmiṃ, vatthūnaṃ saṅgaho’’ti atthaṃ nivāreti. Etthāti ‘‘vatthusaṅgaho’’tiādipāṭhe. Hīti vitthāro. Yasmā natthīti sambandho. Sabbānīti sikkhāpadāni. ‘‘Saṅgahitānī’’ti iminā saṅgahitabboti saṅgahoti nibbacanaṃ dasseti. Evaṃ tāvātiādi nigamanaṃ.
яасмаа бана сан̇г̇ахид̇аад̇и самб̣анд̇хо.
Yasmā pana saṅgahitāti sambandho.
звамзд̇т̇аад̇иаад̣̇инаа канд̇хасамудтаанаад̇хигаран̣асамат̇з самбин̣д̣зд̇ваа ниг̇аманам̣ д̣̇ассзд̇и. зд̇т̇аад̇и сан̇г̇ахаваг̇г̇з.
Evametthātiādinā khandhasamuṭṭhānaadhikaraṇasamathe sampiṇḍetvā nigamanaṃ dasseti. Etthāti saṅgahavagge.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
навасан̇г̇ахид̇аван̣н̣анааяа яож̇анаа самад̇д̇аа.
Navasaṅgahitavaṇṇanāya yojanā samattā.
нидтид̇аад̇и нидтам̣ нибпад̇д̇им̣ ид̇аа г̇ад̇аад̇и нидтид̇аа, ат̇а ваа нидтз нибпад̇д̇ияам̣ ид̇аа тид̇аад̇и нидтид̇аа. жасад̣̇д̣̇о авад̇хааран̣ад̇т̇о, нидтид̇аа зваад̇и хи ад̇т̇о. ануд̇д̇аанад̇т̇абад̣̇аван̣н̣анаад̇и ануд̇д̇аанаанам̣ ад̇т̇аванд̇абад̣̇аанам̣, ад̇т̇аанан̃жа бад̣̇аанан̃жа ван̣н̣анаа.
Niṭṭhitāti niṭṭhaṃ nipphattiṃ itā gatāti niṭṭhitā, atha vā niṭṭhe nipphattiyaṃ itā ṭhitāti niṭṭhitā. Casaddo avadhāraṇattho, niṭṭhitā evāti hi attho. Anuttānatthapadavaṇṇanāti anuttānānaṃ atthavantapadānaṃ, atthānañca padānañca vaṇṇanā.
ид̇и бариваараван̣н̣анааяа яож̇анаа самад̇д̇аа.
Iti parivāravaṇṇanāya yojanā samattā.
нидтид̇аа жа баажид̇яаад̣̇иван̣н̣анааяа яож̇анаад̇и.
Niṭṭhitā ca pācityādivaṇṇanāya yojanāti.
ж̇аад̣̇илан̃чид̇анаамзнанзгаанам̣ ваажид̇о маяаа;
Jādilañchitanāmenanekānaṃ vācito mayā;
баривааравинаяасса, самад̇д̇о яож̇анаанаяо.
Parivāravinayassa, samatto yojanānayo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
2. ад̇т̇авасаваг̇г̇о • 2. Atthavasavaggo
3. бан̃н̃ад̇д̇аваг̇г̇о • 3. Paññattavaggo
4. абан̃н̃ад̇д̇з бан̃н̃ад̇д̇аваг̇г̇о • 4. Apaññatte paññattavaggo
5. навасан̇г̇ахаваг̇г̇о • 5. Navasaṅgahavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / ад̇т̇авасаваг̇г̇аад̣̇иван̣н̣анаа • Atthavasavaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / абан̃н̃ад̇д̇з бан̃н̃ад̇д̇аваг̇г̇аван̣н̣анаа • Apaññatte paññattavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абан̃н̃ад̇д̇збан̃н̃ад̇д̇аваг̇г̇аван̣н̣анаа • Apaññattepaññattavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇т̇авасаваг̇г̇аад̣̇иван̣н̣анаа • Atthavasavaggādivaṇṇanā
