| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
21. ад̇т̇ибажжаяанид̣̇д̣̇зсаван̣н̣анаа
21. Atthipaccayaniddesavaṇṇanā
21. яасмим̣ сад̇и яам̣ ход̇и, асад̇и жа на ход̇и, со д̇асса бажжаяод̇и яад̣̇ид̣̇ам̣ самаасад̇о бажжаяалагкан̣ам̣ яам̣ санд̇хааяа суд̇д̇з вуд̇д̇ам̣ ‘‘имасмим̣ сад̇и ид̣̇ам̣ ход̇и, имасмим̣ асад̇и ид̣̇ам̣ на ход̇ий’’д̇и, д̇аяид̣̇ам̣ ад̇т̇ибажжаяз яож̇зд̇ваа д̣̇ассзнд̇о ‘‘яо хий’’д̇иаад̣̇им̣ вад̇ваа аяан̃жа наяо ниб̣б̣аанз на лаб̣бхад̇и, д̇асмаа ниб̣б̣аанам̣ ад̇т̇ибажжаяабхаавзна на уд̣̇д̇хаданд̇и д̣̇ассзд̇ум̣ ‘‘ниб̣б̣аанан̃жа…бз… убагаарагам̣ ход̇ий’’д̇и ааха. д̇зна бажжаяад̇хаммаанам̣ бажжаяабхааво висзсад̇о б̣яад̇ирзгамукзна баагадо ход̇ийд̇и д̣̇ассзд̇и. над̇т̇ибхаавобагаарагад̇аавируд̣̇д̇ход̇и над̇т̇ибажжаяабхаававируд̣̇д̇хо. виг̇ад̇аавиг̇ад̇абажжаяаа вияа хи ан̃н̃аман̃н̃ам̣ уж̇убажжанийгабхаавзна тид̇аа над̇т̇иад̇т̇ибажжаяаа. на ниб̣б̣аанам̣ ад̇т̇ибажжаяо над̇т̇ибхаавобагаарагад̇ааавирод̇хад̇о. яз хи ад̇т̇ибажжаяад̇хаммаа, д̇з над̇т̇ибхаавобагаарагад̇аавируд̣̇д̇хаа зва д̣̇идтаад̇и ад̇хиббааяо.
21. Yasmiṃ sati yaṃ hoti, asati ca na hoti, so tassa paccayoti yadidaṃ samāsato paccayalakkhaṇaṃ yaṃ sandhāya sutte vuttaṃ ‘‘imasmiṃ sati idaṃ hoti, imasmiṃ asati idaṃ na hotī’’ti, tayidaṃ atthipaccaye yojetvā dassento ‘‘yo hī’’tiādiṃ vatvā ayañca nayo nibbāne na labbhati, tasmā nibbānaṃ atthipaccayabhāvena na uddhaṭanti dassetuṃ ‘‘nibbānañca…pe… upakārakaṃ hotī’’ti āha. Tena paccayadhammānaṃ paccayabhāvo visesato byatirekamukhena pākaṭo hotīti dasseti. Natthibhāvopakārakatāviruddhoti natthipaccayabhāvaviruddho. Vigatāvigatapaccayā viya hi aññamaññaṃ ujupaccanīkabhāvena ṭhitā natthiatthipaccayā. Na nibbānaṃ atthipaccayo natthibhāvopakārakatāavirodhato. Ye hi atthipaccayadhammā, te natthibhāvopakārakatāviruddhā eva diṭṭhāti adhippāyo.
сад̇и жа уббаннад̇д̇зд̇и самб̣анд̇хо. язсам̣ бажжаяаа хонд̇и аахааринд̣̇рияаад̇и яож̇анаа. згад̇од̇и саха. сахаж̇аад̇аад̣̇ибажжаяад̇д̇аабхаавад̇од̇и сахаж̇аад̇абурзж̇аад̇абажчааж̇аад̇абажжаяад̇д̇аабхаавад̇о. д̇ад̣̇абхаавод̇и сахаж̇аад̇аад̣̇ибажжаяад̇д̇аабхааво. зд̇зсанд̇и ад̇т̇ибажжаяад̇аавасзна бавад̇д̇амаанаанам̣ аахааринд̣̇рияаанам̣. д̇хаммасабхаававасзнаад̇и д̇хаммад̇аавасзна. д̇хаммад̇аа хзсаа, яад̣̇ид̣̇ам̣ бажжаяуббаннзхи саха бурзд̇арам̣ бажчаа жа лаб̣бхамаанаа аахааринд̣̇рияаа д̇зсам̣ ад̇т̇ибажжаяаа хонд̇и, на сахаж̇аад̇аад̣̇ибажжаяаад̇и. яат̇аа ваа жагкаад̣̇ид̣̇ваараанам̣ руубаад̣̇иаарамман̣аанам̣ сад̇иби нияад̇авуд̇д̇ид̇ааяа д̣̇ваараарамман̣ад̇о вин̃н̃аан̣асса чаб̣б̣ид̇хабхаавз аарамман̣аманаамасид̇ваа, д̣̇ваарад̇о д̣̇ваараманаамасид̇ваа аарамман̣ад̇о чаб̣б̣ид̇хад̇аа вужжад̇и, звамид̇хааби аахааринд̣̇рияаанам̣ бажжаяуббаннзхи сад̇иби сахаж̇аад̇аад̣̇ибхаавз аруубагканд̇хаад̣̇ивасзна сахаж̇аад̇аад̣̇ибхзд̣̇абхиннасса ад̇т̇ибажжаяасса д̣̇ассид̇ад̇д̇аа бан̃хааваарз аахааринд̣̇рияаанам̣ васзна ааг̇ад̇з жад̇уд̇т̇абан̃жамагодтаасабхууд̇з ад̇т̇ибажжаяависзсз сахаж̇аад̇аад̣̇ибхзд̣̇ам̣ аамасид̇ум̣ на лаб̣бхад̇ийд̇и д̣̇ассзд̇ум̣ адтагат̇ааяам̣ ‘‘аахааро инд̣̇рияан̃жа сахаж̇аад̇аад̣̇ибхзд̣̇ам̣ на лабхад̇ий’’д̇и вуд̇д̇ам̣, на бана аахааринд̣̇риязсу сахаж̇аад̇аад̣̇ибхаавасса абхаавад̇о. звамбзд̇т̇а ад̇т̇о д̣̇адтаб̣б̣о.
Sati ca uppannatteti sambandho. Yesaṃ paccayā honti āhārindriyāti yojanā. Ekatoti saha. Sahajātādipaccayattābhāvatoti sahajātapurejātapacchājātapaccayattābhāvato. Tadabhāvoti sahajātādipaccayattābhāvo. Etesanti atthipaccayatāvasena pavattamānānaṃ āhārindriyānaṃ. Dhammasabhāvavasenāti dhammatāvasena. Dhammatā hesā, yadidaṃ paccayuppannehi saha puretaraṃ pacchā ca labbhamānā āhārindriyā tesaṃ atthipaccayā honti, na sahajātādipaccayāti. Yathā vā cakkhādidvārānaṃ rūpādiārammaṇānaṃ satipi niyatavuttitāya dvārārammaṇato viññāṇassa chabbidhabhāve ārammaṇamanāmasitvā, dvārato dvāramanāmasitvā ārammaṇato chabbidhatā vuccati, evamidhāpi āhārindriyānaṃ paccayuppannehi satipi sahajātādibhāve arūpakkhandhādivasena sahajātādibhedabhinnassa atthipaccayassa dassitattā pañhāvāre āhārindriyānaṃ vasena āgate catutthapañcamakoṭṭhāsabhūte atthipaccayavisese sahajātādibhedaṃ āmasituṃ na labbhatīti dassetuṃ aṭṭhakathāyaṃ ‘‘āhāro indriyañca sahajātādibhedaṃ na labhatī’’ti vuttaṃ, na pana āhārindriyesu sahajātādibhāvassa abhāvato. Evampettha attho daṭṭhabbo.
ад̇т̇ибажжаяанид̣̇д̣̇зсаван̣н̣анаа нидтид̇аа.
Atthipaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 21. ад̇т̇ибажжаяанид̣̇д̣̇зсаван̣н̣анаа • 21. Atthipaccayaniddesavaṇṇanā
