| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੧੫) ੫. ਤਿਕਣ੍ਡਕੀવਗ੍ਗੋ
(15) 5. Tikaṇḍakīvaggo
੧. ਅવਜਾਨਾਤਿਸੁਤ੍ਤવਣ੍ਣਨਾ
1. Avajānātisuttavaṇṇanā
੧੪੧. ਪਞ੍ਚਮਸ੍ਸ ਪਠਮੇ ਦਤ੍વਾ ਅવਜਾਨਾਤੀਤਿ ਏਤ੍ਥ ਏਕੋ ਭਿਕ੍ਖੁ ਮਹਾਪੁਞ੍ਞੋ ਚਤੁਪਚ੍ਚਯਲਾਭੀ ਹੋਤਿ, ਸੋ ਚੀવਰਾਦੀਨਿ ਲਭਿਤ੍વਾ ਅਞ੍ਞਂ ਅਪ੍ਪਪੁਞ੍ਞਂ ਆਪੁਚ੍ਛਤਿ। ਸੋਪਿ ਤਸ੍ਮਿਂ ਪੁਨਪ੍ਪੁਨਂ ਆਪੁਚ੍ਛਨ੍ਤੇਪਿ ਗਣ੍ਹਾਤਿਯੇવ। ਅਥਸ੍ਸ ਇਤਰੋ ਥੋਕਂ ਕੁਪਿਤੋ ਹੁਤ੍વਾ ਮਙ੍ਕੁਭਾવਂ ਉਪ੍ਪਾਦੇਤੁਕਾਮੋ વਦਤਿ ‘‘ਅਯਂ ਅਤ੍ਤਨੋ ਧਮ੍ਮਤਾਯ ਚੀવਰਾਦੀਨਿ ਨ ਲਭਤਿ, ਅਮ੍ਹੇ ਨਿਸ੍ਸਾਯ ਲਭਤੀ’’ਤਿ। ਏવਮ੍ਪਿ ਦਤ੍વਾ ਅવਜਾਨਾਤਿ ਨਾਮ। ਏਕੋ ਪਨ ਏਕੇਨ ਸਦ੍ਧਿਂ ਦ੍વੇ ਤੀਣਿ વਸ੍ਸਾਨਿ વਸਨ੍ਤੋ ਪੁਬ੍ਬੇ ਤਂ ਪੁਗ੍ਗਲਂ ਗਰੁਂ ਕਤ੍વਾ ਗਚ੍ਛਨ੍ਤੇ ਗਚ੍ਛਨ੍ਤੇ ਕਾਲੇ ਚਿਤ੍ਤੀਕਾਰਂ ਨ ਕਰੋਤਿ, ਆਸਨਨਿਸਿਨ੍ਨਟ੍ਠਾਨਮ੍ਪਿ ਨ ਗਚ੍ਛਤਿ। ਅਯਮ੍ਪਿ ਪੁਗ੍ਗਲੋ ਸਂવਾਸੇਨ ਅવਜਾਨਾਤਿ ਨਾਮ। ਆਧੇਯ੍ਯਮੁਖੋਤਿ ਆਦਿਤੋ ਧੇਯ੍ਯਮੁਖੋ, ਪਠਮવਚਨਸ੍ਮਿਂਯੇવ ਠਪਿਤਮੁਖੋਤਿ ਅਤ੍ਥੋ। ਤਤ੍ਥਾਯਂ ਨਯੋ – ਏਕੋ ਪੁਗ੍ਗਲੋ ਸਾਰੁਪ੍ਪਂਯੇવ ਭਿਕ੍ਖੁਂ ‘‘ਅਸਾਰੁਪ੍ਪੋ ਏਸੋ’’ਤਿ ਕਥੇਤਿ। ਤਂ ਸੁਤ੍વਾ ਏਸ ਨਿਟ੍ਠਂ ਗਚ੍ਛਤਿ, ਪੁਨ ਅਞ੍ਞੇਨ ਸਭਾਗੇਨ ਭਿਕ੍ਖੁਨਾ ‘‘ਸਾਰੁਪ੍ਪੋ ਅਯ’’ਨ੍ਤਿ વੁਤ੍ਤੇਪਿ ਤਸ੍ਸ વਚਨਂ ਨ ਗਣ੍ਹਾਤਿ। ਅਸੁਕੇਨ ਨਾਮ ‘‘ਅਸਾਰੁਪ੍ਪੋ ਅਯ’’ਨ੍ਤਿ ਅਮ੍ਹਾਕਂ ਕਥਿਤਨ੍ਤਿ ਪੁਰਿਮਭਿਕ੍ਖੁਨੋવ ਕਥਂ ਗਣ੍ਹਾਤਿ। ਅਪਰੋਪਿਸ੍ਸ ਦੁਸ੍ਸੀਲਂ ‘‘ਸੀਲવਾ’’ਤਿ ਕਥੇਤਿ। ਤਸ੍ਸ વਚਨਂ ਸਦ੍ਦਹਿਤ੍વਾ ਪੁਨ ਅਞ੍ਞੇਨ ‘‘ਅਸਾਰੁਪ੍ਪੋ ਏਸੋ ਭਿਕ੍ਖੁ, ਨਾਯਂ ਤੁਮ੍ਹਾਕਂ ਸਨ੍ਤਿਕਂ ਉਪਸਙ੍ਕਮਿਤੁਂ ਯੁਤ੍ਤੋ’’ਤਿ વੁਤ੍ਤੇਪਿ ਤਸ੍ਸ વਚਨਂ ਅਗ੍ਗਹੇਤ੍વਾ ਪੁਰਿਮਂਯੇવ ਕਥਂ ਗਣ੍ਹਾਤਿ। ਅਪਰੋ વਣ੍ਣਮ੍ਪਿ ਕਥਿਤਂ ਗਣ੍ਹਾਤਿ, ਅવਣ੍ਣਮ੍ਪਿ ਕਥਿਤਂ ਗਣ੍ਹਾਤਿਯੇવ। ਅਯਮ੍ਪਿ ਆਧੇਯ੍ਯਮੁਖੋਯੇવ ਨਾਮ ਆਧਾਤਬ੍ਬਮੁਖੋ, ਯਂ ਯਂ ਸੁਣਾਤਿ, ਤਤ੍ਥ ਤਤ੍ਥ ਠਪਿਤਮੁਖੋਤਿ ਅਤ੍ਥੋ।
141. Pañcamassa paṭhame datvā avajānātīti ettha eko bhikkhu mahāpuñño catupaccayalābhī hoti, so cīvarādīni labhitvā aññaṃ appapuññaṃ āpucchati. Sopi tasmiṃ punappunaṃ āpucchantepi gaṇhātiyeva. Athassa itaro thokaṃ kupito hutvā maṅkubhāvaṃ uppādetukāmo vadati ‘‘ayaṃ attano dhammatāya cīvarādīni na labhati, amhe nissāya labhatī’’ti. Evampi datvā avajānāti nāma. Eko pana ekena saddhiṃ dve tīṇi vassāni vasanto pubbe taṃ puggalaṃ garuṃ katvā gacchante gacchante kāle cittīkāraṃ na karoti, āsananisinnaṭṭhānampi na gacchati. Ayampi puggalo saṃvāsena avajānāti nāma. Ādheyyamukhoti ādito dheyyamukho, paṭhamavacanasmiṃyeva ṭhapitamukhoti attho. Tatthāyaṃ nayo – eko puggalo sāruppaṃyeva bhikkhuṃ ‘‘asāruppo eso’’ti katheti. Taṃ sutvā esa niṭṭhaṃ gacchati, puna aññena sabhāgena bhikkhunā ‘‘sāruppo aya’’nti vuttepi tassa vacanaṃ na gaṇhāti. Asukena nāma ‘‘asāruppo aya’’nti amhākaṃ kathitanti purimabhikkhunova kathaṃ gaṇhāti. Aparopissa dussīlaṃ ‘‘sīlavā’’ti katheti. Tassa vacanaṃ saddahitvā puna aññena ‘‘asāruppo eso bhikkhu, nāyaṃ tumhākaṃ santikaṃ upasaṅkamituṃ yutto’’ti vuttepi tassa vacanaṃ aggahetvā purimaṃyeva kathaṃ gaṇhāti. Aparo vaṇṇampi kathitaṃ gaṇhāti, avaṇṇampi kathitaṃ gaṇhātiyeva. Ayampi ādheyyamukhoyeva nāma ādhātabbamukho, yaṃ yaṃ suṇāti, tattha tattha ṭhapitamukhoti attho.
ਲੋਲੋਤਿ ਸਦ੍ਧਾਦੀਨਂ ਇਤ੍ਤਰਕਾਲਪ੍ਪਤਿਤਤ੍ਤਾ ਅਸ੍ਸਦ੍ਧਿਯਾਦੀਹਿ ਲੁਲਿਤਭਾવੇਨ ਲੋਲੋ। ਇਤ੍ਤਰਭਤ੍ਤੀਤਿਆਦੀਸੁ ਪੁਨਪ੍ਪੁਨਂ ਭਜਨੇਨ ਸਦ੍ਧਾવ ਭਤ੍ਤਿਪੇਮਂ। ਸਦ੍ਧਾਪੇਮਮ੍ਪਿ ਗੇਹਸ੍ਸਿਤਪੇਮਮ੍ਪਿ વਟ੍ਟਤਿ, ਪਸਾਦੋ ਸਦ੍ਧਾਪਸਾਦੋ। ਏવਂ ਪੁਗ੍ਗਲੋ ਲੋਲੋ ਹੋਤੀਤਿ ਏવਂ ਇਤ੍ਤਰਸਦ੍ਧਾਦਿਤਾਯ ਪੁਗ੍ਗਲੋ ਲੋਲੋ ਨਾਮ ਹੋਤਿ। ਹਲਿਦ੍ਦਿਰਾਗੋ વਿਯ, ਥੁਸਰਾਸਿਮ੍ਹਿ ਕੋਟ੍ਟਿਤਖਾਨੁਕੋ વਿਯ, ਅਸ੍ਸਪਿਟ੍ਠਿਯਂ ਠਪਿਤਕੁਮ੍ਭਣ੍ਡਂ વਿਯ ਚ ਅਨਿਬਦ੍ਧਟ੍ਠਾਨੇ ਮੁਹੁਤ੍ਤੇਨ ਕੁਪ੍ਪਤਿ। ਮਨ੍ਦੋ ਮੋਮੂਹੋਤਿ ਅਞ੍ਞਾਣਭਾવੇਨ ਮਨ੍ਦੋ, ਅવਿਸਯਤਾਯ ਮੋਮੂਹੋ, ਮਹਾਮੂਲ਼੍ਹੋਤਿ ਅਤ੍ਥੋ।
Loloti saddhādīnaṃ ittarakālappatitattā assaddhiyādīhi lulitabhāvena lolo. Ittarabhattītiādīsu punappunaṃ bhajanena saddhāva bhattipemaṃ. Saddhāpemampi gehassitapemampi vaṭṭati, pasādo saddhāpasādo. Evaṃ puggalo lolo hotīti evaṃ ittarasaddhāditāya puggalo lolo nāma hoti. Haliddirāgo viya, thusarāsimhi koṭṭitakhānuko viya, assapiṭṭhiyaṃ ṭhapitakumbhaṇḍaṃ viya ca anibaddhaṭṭhāne muhuttena kuppati. Mando momūhoti aññāṇabhāvena mando, avisayatāya momūho, mahāmūḷhoti attho.
ਅવਜਾਨਾਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Avajānātisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਅવਜਾਨਾਤਿਸੁਤ੍ਤਂ • 1. Avajānātisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਅવਜਾਨਾਤਿਸੁਤ੍ਤવਣ੍ਣਨਾ • 1. Avajānātisuttavaṇṇanā
