| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. અવકુજ્જસુત્તવણ્ણના
10. Avakujjasuttavaṇṇanā
૩૦. દસમે અવકુજ્જપઞ્ઞોતિ નિક્કુજ્જપઞ્ઞો. તેનાહ ‘‘અધોમુખપઞ્ઞો’’તિ. પુબ્બપટ્ઠપનાતિ પઠમારમ્ભો. સન્નિટ્ઠાનન્તિ કથાપરિયોસાનં. અપ્પનાતિ દેસનાય નિટ્ઠાપનં. અનેકે વા અનુસન્ધિયોતિ યોજેતબ્બં. સમાધિ વાતિઆદીસુ લોકુત્તરધમ્મા પરમત્થતો સાસનન્તિ તદત્થોપાદકસમાધિ તસ્સ આદીતિ વુત્તો, તદાસન્નત્તા વિપસ્સના, તસ્સ મૂલભાવેન એકદેસત્તા મગ્ગો.
30. Dasame avakujjapaññoti nikkujjapañño. Tenāha ‘‘adhomukhapañño’’ti. Pubbapaṭṭhapanāti paṭhamārambho. Sanniṭṭhānanti kathāpariyosānaṃ. Appanāti desanāya niṭṭhāpanaṃ. Aneke vā anusandhiyoti yojetabbaṃ. Samādhi vātiādīsu lokuttaradhammā paramatthato sāsananti tadatthopādakasamādhi tassa ādīti vutto, tadāsannattā vipassanā, tassa mūlabhāvena ekadesattā maggo.
સાસનસ્સ પારિપૂરિસુદ્ધિયો નામ સત્થારા દેસિતનિયામેનેવ સિદ્ધા, તા પનેત્થ કથેન્તસ્સ વસેન ગહેતબ્બાતિ દસ્સેતું ‘‘અનૂનં કત્વા દેસેન્તી’’તિ, ‘‘નિગ્ગણ્ઠિં કત્વા દેસેન્તી’’તિ ચ વુત્તં. તત્થ નિજ્જટન્તિ નિગ્ગુમ્બં અનાકુલં. નિગ્ગણ્ઠિન્તિ ગણ્ઠિટ્ઠાનરહિતં સુવિઞ્ઞેય્યં કત્વા.
Sāsanassa pāripūrisuddhiyo nāma satthārā desitaniyāmeneva siddhā, tā panettha kathentassa vasena gahetabbāti dassetuṃ ‘‘anūnaṃ katvā desentī’’ti, ‘‘niggaṇṭhiṃ katvā desentī’’ti ca vuttaṃ. Tattha nijjaṭanti niggumbaṃ anākulaṃ. Niggaṇṭhinti gaṇṭhiṭṭhānarahitaṃ suviññeyyaṃ katvā.
આકિણ્ણાનીતિ આકિરિત્વા સંકિરિત્વા ઠપિતાનીતિ અત્થો. તેનાહ ‘‘પક્ખિત્તાની’’તિ. ઉચ્છઙ્ગો વિય ઉચ્છઙ્ગપઞ્ઞો પુગ્ગલો દટ્ઠબ્બોતિ ઉચ્છઙ્ગસદિસપઞ્ઞતાય ઉચ્છઙ્ગપઞ્ઞો. એવં પઞ્ઞા વિય પુગ્ગલોપિ ઉચ્છઙ્ગો વિય હોતિ, તસ્મિં ધમ્માનં અચિરટ્ઠાનતોતિ અધિપ્પાયેન વુત્તં. યથા ચ ઉચ્છઙ્ગસદિસા પઞ્ઞા, એવં નિક્કુજ્જકુમ્ભસદિસા પઞ્ઞા એવાતિ દટ્ઠબ્બા.
Ākiṇṇānīti ākiritvā saṃkiritvā ṭhapitānīti attho. Tenāha ‘‘pakkhittānī’’ti. Ucchaṅgo viya ucchaṅgapañño puggalo daṭṭhabboti ucchaṅgasadisapaññatāya ucchaṅgapañño. Evaṃ paññā viya puggalopi ucchaṅgo viya hoti, tasmiṃ dhammānaṃ aciraṭṭhānatoti adhippāyena vuttaṃ. Yathā ca ucchaṅgasadisā paññā, evaṃ nikkujjakumbhasadisā paññā evāti daṭṭhabbā.
સંવિદહનપઞ્ઞાયાતિ ‘‘એવં કતે ઇદં નામ ભવિસ્સતી’’તિ એવં તંતંઅત્થકિચ્ચં સંવિધાતું સમત્થતાય વિચારણપઞ્ઞાય રહિતો. સેય્યોતિ સેટ્ઠો પાસંસો. પુબ્બભાગપટિપદન્તિ ચિત્તવિસુદ્ધિઆદિકં અરિયમગ્ગસ્સ અધિગમાય પુબ્બભાગપટિપત્તિં.
Saṃvidahanapaññāyāti ‘‘evaṃ kate idaṃ nāma bhavissatī’’ti evaṃ taṃtaṃatthakiccaṃ saṃvidhātuṃ samatthatāya vicāraṇapaññāya rahito. Seyyoti seṭṭho pāsaṃso. Pubbabhāgapaṭipadanti cittavisuddhiādikaṃ ariyamaggassa adhigamāya pubbabhāgapaṭipattiṃ.
અવકુજ્જસુત્તવણ્ણના નિટ્ઠિતા.
Avakujjasuttavaṇṇanā niṭṭhitā.
પુગ્ગલવગ્ગવણ્ણના નિટ્ઠિતા.
Puggalavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. અવકુજ્જસુત્તં • 10. Avakujjasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. અવકુજ્જસુત્તવણ્ણના • 10. Avakujjasuttavaṇṇanā
