| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਅવਕੁਜ੍ਜਸੁਤ੍ਤવਣ੍ਣਨਾ
10. Avakujjasuttavaṇṇanā
੩੦. ਦਸਮੇ ਅવਕੁਜ੍ਜਪਞ੍ਞੋਤਿ ਨਿਕ੍ਕੁਜ੍ਜਪਞ੍ਞੋ। ਤੇਨਾਹ ‘‘ਅਧੋਮੁਖਪਞ੍ਞੋ’’ਤਿ। ਪੁਬ੍ਬਪਟ੍ਠਪਨਾਤਿ ਪਠਮਾਰਮ੍ਭੋ। ਸਨ੍ਨਿਟ੍ਠਾਨਨ੍ਤਿ ਕਥਾਪਰਿਯੋਸਾਨਂ। ਅਪ੍ਪਨਾਤਿ ਦੇਸਨਾਯ ਨਿਟ੍ਠਾਪਨਂ। ਅਨੇਕੇ વਾ ਅਨੁਸਨ੍ਧਿਯੋਤਿ ਯੋਜੇਤਬ੍ਬਂ। ਸਮਾਧਿ વਾਤਿਆਦੀਸੁ ਲੋਕੁਤ੍ਤਰਧਮ੍ਮਾ ਪਰਮਤ੍ਥਤੋ ਸਾਸਨਨ੍ਤਿ ਤਦਤ੍ਥੋਪਾਦਕਸਮਾਧਿ ਤਸ੍ਸ ਆਦੀਤਿ વੁਤ੍ਤੋ, ਤਦਾਸਨ੍ਨਤ੍ਤਾ વਿਪਸ੍ਸਨਾ, ਤਸ੍ਸ ਮੂਲਭਾવੇਨ ਏਕਦੇਸਤ੍ਤਾ ਮਗ੍ਗੋ।
30. Dasame avakujjapaññoti nikkujjapañño. Tenāha ‘‘adhomukhapañño’’ti. Pubbapaṭṭhapanāti paṭhamārambho. Sanniṭṭhānanti kathāpariyosānaṃ. Appanāti desanāya niṭṭhāpanaṃ. Aneke vā anusandhiyoti yojetabbaṃ. Samādhi vātiādīsu lokuttaradhammā paramatthato sāsananti tadatthopādakasamādhi tassa ādīti vutto, tadāsannattā vipassanā, tassa mūlabhāvena ekadesattā maggo.
ਸਾਸਨਸ੍ਸ ਪਾਰਿਪੂਰਿਸੁਦ੍ਧਿਯੋ ਨਾਮ ਸਤ੍ਥਾਰਾ ਦੇਸਿਤਨਿਯਾਮੇਨੇવ ਸਿਦ੍ਧਾ, ਤਾ ਪਨੇਤ੍ਥ ਕਥੇਨ੍ਤਸ੍ਸ વਸੇਨ ਗਹੇਤਬ੍ਬਾਤਿ ਦਸ੍ਸੇਤੁਂ ‘‘ਅਨੂਨਂ ਕਤ੍વਾ ਦੇਸੇਨ੍ਤੀ’’ਤਿ, ‘‘ਨਿਗ੍ਗਣ੍ਠਿਂ ਕਤ੍વਾ ਦੇਸੇਨ੍ਤੀ’’ਤਿ ਚ વੁਤ੍ਤਂ। ਤਤ੍ਥ ਨਿਜ੍ਜਟਨ੍ਤਿ ਨਿਗ੍ਗੁਮ੍ਬਂ ਅਨਾਕੁਲਂ। ਨਿਗ੍ਗਣ੍ਠਿਨ੍ਤਿ ਗਣ੍ਠਿਟ੍ਠਾਨਰਹਿਤਂ ਸੁવਿਞ੍ਞੇਯ੍ਯਂ ਕਤ੍વਾ।
Sāsanassa pāripūrisuddhiyo nāma satthārā desitaniyāmeneva siddhā, tā panettha kathentassa vasena gahetabbāti dassetuṃ ‘‘anūnaṃ katvā desentī’’ti, ‘‘niggaṇṭhiṃ katvā desentī’’ti ca vuttaṃ. Tattha nijjaṭanti niggumbaṃ anākulaṃ. Niggaṇṭhinti gaṇṭhiṭṭhānarahitaṃ suviññeyyaṃ katvā.
ਆਕਿਣ੍ਣਾਨੀਤਿ ਆਕਿਰਿਤ੍વਾ ਸਂਕਿਰਿਤ੍વਾ ਠਪਿਤਾਨੀਤਿ ਅਤ੍ਥੋ। ਤੇਨਾਹ ‘‘ਪਕ੍ਖਿਤ੍ਤਾਨੀ’’ਤਿ। ਉਚ੍ਛਙ੍ਗੋ વਿਯ ਉਚ੍ਛਙ੍ਗਪਞ੍ਞੋ ਪੁਗ੍ਗਲੋ ਦਟ੍ਠਬ੍ਬੋਤਿ ਉਚ੍ਛਙ੍ਗਸਦਿਸਪਞ੍ਞਤਾਯ ਉਚ੍ਛਙ੍ਗਪਞ੍ਞੋ। ਏવਂ ਪਞ੍ਞਾ વਿਯ ਪੁਗ੍ਗਲੋਪਿ ਉਚ੍ਛਙ੍ਗੋ વਿਯ ਹੋਤਿ, ਤਸ੍ਮਿਂ ਧਮ੍ਮਾਨਂ ਅਚਿਰਟ੍ਠਾਨਤੋਤਿ ਅਧਿਪ੍ਪਾਯੇਨ વੁਤ੍ਤਂ। ਯਥਾ ਚ ਉਚ੍ਛਙ੍ਗਸਦਿਸਾ ਪਞ੍ਞਾ, ਏવਂ ਨਿਕ੍ਕੁਜ੍ਜਕੁਮ੍ਭਸਦਿਸਾ ਪਞ੍ਞਾ ਏવਾਤਿ ਦਟ੍ਠਬ੍ਬਾ।
Ākiṇṇānīti ākiritvā saṃkiritvā ṭhapitānīti attho. Tenāha ‘‘pakkhittānī’’ti. Ucchaṅgo viya ucchaṅgapañño puggalo daṭṭhabboti ucchaṅgasadisapaññatāya ucchaṅgapañño. Evaṃ paññā viya puggalopi ucchaṅgo viya hoti, tasmiṃ dhammānaṃ aciraṭṭhānatoti adhippāyena vuttaṃ. Yathā ca ucchaṅgasadisā paññā, evaṃ nikkujjakumbhasadisā paññā evāti daṭṭhabbā.
ਸਂવਿਦਹਨਪਞ੍ਞਾਯਾਤਿ ‘‘ਏવਂ ਕਤੇ ਇਦਂ ਨਾਮ ਭવਿਸ੍ਸਤੀ’’ਤਿ ਏવਂ ਤਂਤਂਅਤ੍ਥਕਿਚ੍ਚਂ ਸਂવਿਧਾਤੁਂ ਸਮਤ੍ਥਤਾਯ વਿਚਾਰਣਪਞ੍ਞਾਯ ਰਹਿਤੋ। ਸੇਯ੍ਯੋਤਿ ਸੇਟ੍ਠੋ ਪਾਸਂਸੋ। ਪੁਬ੍ਬਭਾਗਪਟਿਪਦਨ੍ਤਿ ਚਿਤ੍ਤવਿਸੁਦ੍ਧਿਆਦਿਕਂ ਅਰਿਯਮਗ੍ਗਸ੍ਸ ਅਧਿਗਮਾਯ ਪੁਬ੍ਬਭਾਗਪਟਿਪਤ੍ਤਿਂ।
Saṃvidahanapaññāyāti ‘‘evaṃ kate idaṃ nāma bhavissatī’’ti evaṃ taṃtaṃatthakiccaṃ saṃvidhātuṃ samatthatāya vicāraṇapaññāya rahito. Seyyoti seṭṭho pāsaṃso. Pubbabhāgapaṭipadanti cittavisuddhiādikaṃ ariyamaggassa adhigamāya pubbabhāgapaṭipattiṃ.
ਅવਕੁਜ੍ਜਸੁਤ੍ਤવਣ੍ਣਨਾ ਨਿਟ੍ਠਿਤਾ।
Avakujjasuttavaṇṇanā niṭṭhitā.
ਪੁਗ੍ਗਲવਗ੍ਗવਣ੍ਣਨਾ ਨਿਟ੍ਠਿਤਾ।
Puggalavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅવਕੁਜ੍ਜਸੁਤ੍ਤਂ • 10. Avakujjasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਅવਕੁਜ੍ਜਸੁਤ੍ਤવਣ੍ਣਨਾ • 10. Avakujjasuttavaṇṇanā
