| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
4. бхож̇анаваг̇г̇о
4. Bhojanavaggo
1. аавасат̇абин̣д̣асигкаабад̣̇а-ад̇т̇аяож̇анаа
1. Āvasathapiṇḍasikkhāpada-atthayojanā
203. бхож̇анаваг̇г̇асса батамз аавасат̇з бан̃н̃ад̇д̇о бин̣д̣о аавасат̇абин̣д̣од̇и д̣̇ассзнд̇о ааха ‘‘саманд̇аа’’д̇иаад̣̇и. баригкид̇д̇анд̇и баривуд̇ам̣ аавасат̇анд̇и самб̣анд̇хо. ад̣̇д̇хам̣ бат̇ам̣ г̇ажчанд̇ийд̇и ад̣̇д̇хигаа. г̇илааяанд̇и руж̇анд̇ийд̇и г̇илаанаа. г̇аб̣бхо гужчидтасад̇д̇о зд̇аасанд̇и г̇аб̣бхинияо. малам̣ баб̣б̣ааж̇знд̇ийд̇и баб̣б̣аж̇ид̇аа, д̇зсам̣ яат̇аануруубанд̇и самб̣анд̇хо. бан̃н̃ад̇д̇аани ман̃жабийтаани зд̇т̇аад̇и бан̃н̃ад̇д̇аман̃жабийто, д̇ам̣. анзгаг̇аб̣бхабарижчзд̣̇ам̣ анзгабамукабарижчзд̣̇ам̣ аавасат̇ам̣ гад̇ваад̇и яож̇анаа. д̇ад̇т̇аад̇и аавасат̇з. д̇зсам̣ д̇зсанд̇и ад̣̇д̇хигаад̣̇ийнам̣. хияяосад̣̇д̣̇асса ад̇ийд̇аананд̇араахасса жа анааг̇ад̇аананд̇араахасса жа ваажагад̇д̇аа ид̇ха анааг̇ад̇аананд̇араахаваажагод̇и ааха ‘‘свзбий’’д̇и. гухим̣ г̇ад̇аа ид̇и вуд̇д̇зд̇и яож̇анаа. ‘‘гуггужжааяанд̇о’’д̇ибад̣̇асса наамад̇хаад̇ум̣ д̣̇ассзнд̇о ааха ‘‘гуггужжам̣ гаронд̇о’’д̇и.
203. Bhojanavaggassa paṭhame āvasathe paññatto piṇḍo āvasathapiṇḍoti dassento āha ‘‘samantā’’tiādi. Parikkhittanti parivutaṃ āvasathanti sambandho. Addhaṃ pathaṃ gacchantīti addhikā. Gilāyanti rujantīti gilānā. Gabbho kucchiṭṭhasatto etāsanti gabbhiniyo. Malaṃ pabbājentīti pabbajitā, tesaṃ yathānurūpanti sambandho. Paññattāni mañcapīṭhāni etthāti paññattamañcapīṭho, taṃ. Anekagabbhaparicchedaṃ anekapamukhaparicchedaṃ āvasathaṃ katvāti yojanā. Tatthāti āvasathe. Tesaṃ tesanti addhikādīnaṃ. Hiyyosaddassa atītānantarāhassa ca anāgatānantarāhassa ca vācakattā idha anāgatānantarāhavācakoti āha ‘‘svepī’’ti. Kuhiṃ gatā iti vutteti yojanā. ‘‘Kukkuccāyanto’’tipadassa nāmadhātuṃ dassento āha ‘‘kukkuccaṃ karonto’’ti.
206. ‘‘ад̣̇д̇хаяож̇анам̣ ваа яож̇анам̣ ваа’’д̇ииминаа ‘‘баггамид̇у’’нд̇ибад̣̇асса гаммам̣ д̣̇ассзд̇и. ‘‘г̇анд̇у’’нд̇ииминаа гамусад̣̇д̣̇асса бад̣̇авигкзбад̇т̇ам̣ д̣̇ассзд̇и. ‘‘анод̣̇иссаа’’д̇ибад̣̇асса д̇ваабажжаяанд̇абхаавам̣ д̣̇ассзд̇ум̣ ‘‘ануд̣̇д̣̇исид̇ваа’’д̇и вуд̇д̇ам̣. баасам̣ д̣зд̇ийд̇и баасан̣д̣о, сад̇д̇аанам̣ жид̇д̇зсу д̣̇идтибаасам̣ кибад̇ийд̇и ад̇т̇о. ат̇а ваа д̇ан̣хаабаасам̣, д̣̇идтибаасан̃жа д̣зд̇и уд̣д̣зд̇ийд̇и баасан̣д̣о, д̇ам̣ баасан̣д̣ам̣. яаавад̇ад̇т̇о бан̃н̃ад̇д̇о ход̇ийд̇и яаавад̇аа ад̇т̇о ход̇и, д̇аавад̇аа бан̃н̃ад̇д̇о ход̇ийд̇и яож̇анаа. ‘‘яаавад̣̇ад̇т̇о’’д̇иби баато, аяамзвад̇т̇о. д̣̇агааро бад̣̇асанд̇хигаро. сагим̣ бхун̃ж̇ид̇аб̣б̣анд̇и згад̣̇ивасам̣ сагим̣ бхун̃ж̇ид̇аб̣б̣анд̇и ад̇т̇о. д̇знааха ‘‘згад̣̇ивасам̣ бхун̃ж̇ид̇аб̣б̣а’’нд̇и.
206. ‘‘Addhayojanaṃ vā yojanaṃ vā’’tiiminā ‘‘pakkamitu’’ntipadassa kammaṃ dasseti. ‘‘Gantu’’ntiiminā kamusaddassa padavikkhepatthaṃ dasseti. ‘‘Anodissā’’tipadassa tvāpaccayantabhāvaṃ dassetuṃ ‘‘anuddisitvā’’ti vuttaṃ. Pāsaṃ ḍetīti pāsaṇḍo, sattānaṃ cittesu diṭṭhipāsaṃ khipatīti attho. Atha vā taṇhāpāsaṃ, diṭṭhipāsañca ḍeti uḍḍetīti pāsaṇḍo, taṃ pāsaṇḍaṃ. Yāvatattho paññatto hotīti yāvatā attho hoti, tāvatā paññatto hotīti yojanā. ‘‘Yāvadattho’’tipi pāṭho, ayamevattho. Dakāro padasandhikaro. Sakiṃ bhuñjitabbanti ekadivasaṃ sakiṃ bhuñjitabbanti attho. Tenāha ‘‘ekadivasaṃ bhuñjitabba’’nti.
зд̇т̇аад̇и имасмим̣ сигкаабад̣̇з. згагулзна ваа бан̃н̃ад̇д̇анд̇и самб̣анд̇хо. бхун̃ж̇ид̇ум̣ на ваддад̇и згад̇о худ̇ваа бан̃н̃ад̇д̇ад̇д̇аад̇и ад̇хиббааяо. наанаагулзхи бан̃н̃ад̇д̇ам̣ бин̣д̣анд̇и яож̇анаа. бхун̃ж̇ид̇ум̣ ваддад̇и наанаагулаани згад̇о ахуд̇ваа висум̣ висум̣ бан̃н̃ад̇д̇ад̇д̇аад̇и ад̇хиббааяо. яоби бин̣д̣о чиж̇ж̇ад̇ийд̇и самб̣анд̇хо. убажчинд̣̇ид̇ваад̇и асад̣̇д̇хияаад̣̇ибаабажид̇д̇ад̇д̇аа убажчинд̣̇ид̇ваа.
Etthāti imasmiṃ sikkhāpade. Ekakulena vā paññattanti sambandho. Bhuñjituṃ na vaṭṭati ekato hutvā paññattattāti adhippāyo. Nānākulehi paññattaṃ piṇḍanti yojanā. Bhuñjituṃ vaṭṭati nānākulāni ekato ahutvā visuṃ visuṃ paññattattāti adhippāyo. Yopi piṇḍo chijjatīti sambandho. Upacchinditvāti asaddhiyādipāpacittattā upacchinditvā.
208. анувасид̇ваад̇и бунаббунам̣ васид̇ваа. анд̇араамаг̇г̇з г̇ажчанд̇ад̇д̇аа ‘‘г̇ажчанд̇о бхун̃ж̇ад̇ий’’д̇и ид̣̇ам̣ д̇аава яуд̇д̇ам̣ ход̇у, г̇ад̇адтаанз бана г̇амид̇ад̇д̇аа гат̇ам̣? бажжуббаннасамийбоби ад̇ийд̇о д̇зна сан̇г̇ахид̇ад̇д̇аа яуд̇д̇ам̣. ‘‘гуд̇о ну д̇вам̣ бхигку ааг̇ажчасий’’д̇иаад̣̇ийсу (сам̣. ни. 1.130) вияа. д̇ам̣самийбоби хи д̇аад̣̇исо. наанаадтаанзсу наанаагулаанам̣ санд̇агз багад̇ияаа анаабад̇д̇ибхаавад̇о наанаадтаанзсу згагулассзва санд̇агам̣ санд̇хааяа вуд̇д̇ам̣ ‘‘анаабад̇д̇ий’’д̇и. аарад̣̇д̇хасса вижчзд̣̇ад̇д̇аа ‘‘буна згад̣̇ивасам̣ бхун̃ж̇ид̇ум̣ лабхад̇ий’’д̇и вуд̇д̇ам̣. ‘‘од̣̇иссаа’’д̇и сааман̃н̃ад̇о вуд̇д̇зби бхигкууязва г̇ахзд̇аб̣б̣аад̇и ааха ‘‘бхигкуунам̣язваа’’д̇и. батамам̣.
208.Anuvasitvāti punappunaṃ vasitvā. Antarāmagge gacchantattā ‘‘gacchanto bhuñjatī’’ti idaṃ tāva yuttaṃ hotu, gataṭṭhāne pana gamitattā kathaṃ? Paccuppannasamīpopi atīto tena saṅgahitattā yuttaṃ. ‘‘Kuto nu tvaṃ bhikkhu āgacchasī’’tiādīsu (saṃ. ni. 1.130) viya. Taṃsamīpopi hi tādiso. Nānāṭṭhānesu nānākulānaṃ santake pakatiyā anāpattibhāvato nānāṭṭhānesu ekakulasseva santakaṃ sandhāya vuttaṃ ‘‘anāpattī’’ti. Āraddhassa vicchedattā ‘‘puna ekadivasaṃ bhuñjituṃ labhatī’’ti vuttaṃ. ‘‘Odissā’’ti sāmaññato vuttepi bhikkhūyeva gahetabbāti āha ‘‘bhikkhūnaṃyevā’’ti. Paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
