| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. бхож̇анаваг̇г̇о
4. Bhojanavaggo
1. аавасат̇абин̣д̣асигкаабад̣̇аван̣н̣анаа
1. Āvasathapiṇḍasikkhāpadavaṇṇanā
203. бхож̇анаваг̇г̇асса батамасигкаабад̣̇з – аавасат̇абин̣д̣од̇и аавасат̇з бин̣д̣о. саманд̇аа баригкид̇д̇ам̣ ад̣̇д̇хигаг̇илаанаг̇аб̣бхинибаб̣б̣аж̇ид̇аанам̣ яат̇аануруубам̣ бан̃н̃ад̇д̇аман̃жабийтам̣ анзгаг̇аб̣бхабамукабарижчзд̣̇ам̣ аавасат̇ам̣ гад̇ваа д̇ад̇т̇а бун̃н̃агаамад̇ааяа бин̣д̣о бан̃н̃ад̇д̇о ход̇и, яааг̇убхад̇д̇абхзсаж̇ж̇аад̣̇и саб̣б̣ам̣ д̇зсам̣ д̇зсам̣ д̣̇аанад̇т̇ааяа табид̇ам̣ ход̇ийд̇и ад̇т̇о. хияяобийд̇и свзби. абасагганд̇ийд̇и абаг̇ажчанд̇и. мануссаа уж̇жхааяанд̇ийд̇и д̇ид̇т̇ияз абассанд̇аа ‘‘д̇ид̇т̇ияаа гухим̣ г̇ад̇аа’’‘‘имз бассид̇ваа багганд̇аа’’д̇и суд̇ваа уж̇жхааяанд̇и. гуггужжааяанд̇од̇и гуггужжам̣ гаронд̇о, агаббияасан̃н̃ам̣ уббаад̣̇знд̇од̇и ад̇т̇о.
203. Bhojanavaggassa paṭhamasikkhāpade – āvasathapiṇḍoti āvasathe piṇḍo. Samantā parikkhittaṃ addhikagilānagabbhinipabbajitānaṃ yathānurūpaṃ paññattamañcapīṭhaṃ anekagabbhapamukhaparicchedaṃ āvasathaṃ katvā tattha puññakāmatāya piṇḍo paññatto hoti, yāgubhattabhesajjādi sabbaṃ tesaṃ tesaṃ dānatthāya ṭhapitaṃ hotīti attho. Hiyyopīti svepi. Apasakkantīti apagacchanti. Manussā ujjhāyantīti titthiye apassantā ‘‘titthiyā kuhiṃ gatā’’‘‘ime passitvā pakkantā’’ti sutvā ujjhāyanti. Kukkuccāyantoti kukkuccaṃ karonto, akappiyasaññaṃ uppādentoti attho.
206. саггод̇и д̇амхаа аавасат̇аа баггамид̇унд̇и ад̣̇д̇хаяож̇анам̣ ваа яож̇анам̣ ваа г̇анд̇ум̣ саггод̇и. на саггод̇ийд̇и зд̇д̇агамзва на саггод̇и. анод̣̇иссаад̇и имзсам̣язва ваа зд̇д̇агаанам̣язва ваад̇и згам̣ баасан̣д̣ам̣ ануд̣̇д̣̇исид̇ваа саб̣б̣зсам̣ бан̃н̃ад̇д̇о ход̇и. яаавад̣̇ад̇т̇од̇и бхож̇анамби зд̇д̇аганд̇и абарижчинд̣̇ид̇ваа яаавад̣̇ад̇т̇о бан̃н̃ад̇д̇о ход̇и. сагим̣ бхун̃ж̇ид̇аб̣б̣анд̇и згад̣̇ивасам̣ бхун̃ж̇ид̇аб̣б̣ам̣, д̣̇уд̇ияад̣̇ивасад̇о бадтааяа бадиг̇г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣.
206.Sakkoti tamhā āvasathā pakkamitunti addhayojanaṃ vā yojanaṃ vā gantuṃ sakkoti. Na sakkotīti ettakameva na sakkoti. Anodissāti imesaṃyeva vā ettakānaṃyeva vāti ekaṃ pāsaṇḍaṃ anuddisitvā sabbesaṃ paññatto hoti. Yāvadatthoti bhojanampi ettakanti aparicchinditvā yāvadattho paññatto hoti. Sakiṃ bhuñjitabbanti ekadivasaṃ bhuñjitabbaṃ, dutiyadivasato paṭṭhāya paṭiggahaṇe dukkaṭaṃ, ajjhohāre ajjhohāre pācittiyaṃ.
аяам̣ банзд̇т̇а винижчаяо – згагулзна ваа наанаагулзхи ваа згад̇о худ̇ваа згасмим̣ таанз ваа наанаатаанзсу ваа ‘‘аж̇ж̇а згасмим̣; свз згасми’’нд̇и звам̣ анияамид̇адтаанз ваа бан̃н̃ад̇д̇ам̣ згасмим̣ таанз згад̣̇ивасам̣ бхун̃ж̇ид̇ваа д̣̇уд̇ияад̣̇ивасз д̇асмим̣ таанз ан̃н̃асмим̣ ваа бхун̃ж̇ид̇ум̣ на ваддад̇и. наанаагулзхи бана наанаатаанзсу бан̃н̃ад̇д̇ам̣ згасмим̣ таанз згад̣̇ивасам̣ бхун̃ж̇ид̇ваа д̣̇уд̇ияад̣̇ивасз ан̃н̃ад̇т̇а бхун̃ж̇ид̇ум̣ ваддад̇и. бадибаадим̣ бана кзбзд̇ваа буна аад̣̇ид̇о бадтааяа бхун̃ж̇ид̇ум̣ на ваддад̇ийд̇и махаабажжарияам̣ вуд̇д̇ам̣. згабууг̇анаанаабууг̇азгаг̇ааманаанааг̇аамзсуби зсзва наяо. яоби згагуласса ваа наанаагулаанам̣ ваа згад̇о бан̃н̃ад̇д̇о д̇ан̣д̣улаад̣̇ийнам̣ абхаавзна анд̇аранд̇араа чиж̇ж̇ад̇и, соби на бхун̃ж̇ид̇аб̣б̣о. сажз бана ‘‘на саггома д̣̇аад̇у’’нд̇и убажчинд̣̇ид̇ваа буна галяаан̣ажид̇д̇з уббаннз д̣̇аад̇ум̣ аарабханд̇и, зд̇ам̣ буна згад̣̇ивасам̣ бхун̃ж̇ид̇ум̣ ваддад̇ийд̇и махаабажжарияам̣ вуд̇д̇ам̣.
Ayaṃ panettha vinicchayo – ekakulena vā nānākulehi vā ekato hutvā ekasmiṃ ṭhāne vā nānāṭhānesu vā ‘‘ajja ekasmiṃ; sve ekasmi’’nti evaṃ aniyamitaṭṭhāne vā paññattaṃ ekasmiṃ ṭhāne ekadivasaṃ bhuñjitvā dutiyadivase tasmiṃ ṭhāne aññasmiṃ vā bhuñjituṃ na vaṭṭati. Nānākulehi pana nānāṭhānesu paññattaṃ ekasmiṃ ṭhāne ekadivasaṃ bhuñjitvā dutiyadivase aññattha bhuñjituṃ vaṭṭati. Paṭipāṭiṃ pana khepetvā puna ādito paṭṭhāya bhuñjituṃ na vaṭṭatīti mahāpaccariyaṃ vuttaṃ. Ekapūganānāpūgaekagāmanānāgāmesupi eseva nayo. Yopi ekakulassa vā nānākulānaṃ vā ekato paññatto taṇḍulādīnaṃ abhāvena antarantarā chijjati, sopi na bhuñjitabbo. Sace pana ‘‘na sakkoma dātu’’nti upacchinditvā puna kalyāṇacitte uppanne dātuṃ ārabhanti, etaṃ puna ekadivasaṃ bhuñjituṃ vaṭṭatīti mahāpaccariyaṃ vuttaṃ.
208. анаабад̇д̇и г̇илаанассаад̇и г̇илаанасса анувасид̇ваа бхун̃ж̇анд̇асса анаабад̇д̇и. г̇ажчанд̇о ваад̇и яо г̇ажчанд̇о анд̇араамаг̇г̇з згад̣̇ивасам̣ г̇ад̇адтаанз жа згад̣̇ивасам̣ бхун̃ж̇ад̇и, д̇ассааби анаабад̇д̇и. ааг̇ажчанд̇зби зсзва наяо. г̇анд̇ваа бажжааг̇ажчанд̇оби анд̇араамаг̇г̇з згад̣̇ивасам̣ ааг̇ад̇адтаанз жа згад̣̇ивасам̣ бхун̃ж̇ид̇ум̣ лабхад̇и. г̇ажчиссаамийд̇и бхун̃ж̇ид̇ваа нигканд̇асса над̣̇ий ваа буурад̇и жораад̣̇ибхаяам̣ ваа ход̇и, со нивад̇д̇ид̇ваа кзмабхаавам̣ н̃ад̇ваа г̇ажчанд̇о буна згад̣̇ивасам̣ бхун̃ж̇ид̇ум̣ лабхад̇ийд̇и саб̣б̣амид̣̇ам̣ махаабажжарияаад̣̇ийсу вуд̇д̇ам̣ . од̣̇исса бан̃н̃ад̇д̇о ход̇ийд̇и бхигкуунам̣язва ад̇т̇ааяа уд̣̇д̣̇исид̇ваа бан̃н̃ад̇д̇о ход̇и. на яаавад̣̇ад̇т̇од̇и яаавад̣̇ад̇т̇ам̣ бан̃н̃ад̇д̇о на ход̇и, т̇огам̣ т̇огам̣ лаб̣бхад̇и, д̇аад̣̇исам̣ нижжамби бхун̃ж̇ид̇ум̣ ваддад̇и. бан̃жа бхож̇анаани табзд̇ваа саб̣б̣ад̇т̇аад̇и яааг̇укаж̇ж̇агапалаапалаад̣̇ибхзд̣̇з саб̣б̣ад̇т̇а анаабад̇д̇и. яааг̇уаад̣̇ийни хи нижжамби бхун̃ж̇ид̇ум̣ ваддад̇и. сзсам̣ уд̇д̇аанамзва. зл̣агаломасамудтаанам̣ – гааяад̇о жа гааяажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣ д̇ижид̇д̇ам̣, д̇ивзд̣̇ананд̇и.
208.Anāpatti gilānassāti gilānassa anuvasitvā bhuñjantassa anāpatti. Gacchanto vāti yo gacchanto antarāmagge ekadivasaṃ gataṭṭhāne ca ekadivasaṃ bhuñjati, tassāpi anāpatti. Āgacchantepi eseva nayo. Gantvā paccāgacchantopi antarāmagge ekadivasaṃ āgataṭṭhāne ca ekadivasaṃ bhuñjituṃ labhati. Gacchissāmīti bhuñjitvā nikkhantassa nadī vā pūrati corādibhayaṃ vā hoti, so nivattitvā khemabhāvaṃ ñatvā gacchanto puna ekadivasaṃ bhuñjituṃ labhatīti sabbamidaṃ mahāpaccariyādīsu vuttaṃ . Odissa paññatto hotīti bhikkhūnaṃyeva atthāya uddisitvā paññatto hoti. Na yāvadatthoti yāvadatthaṃ paññatto na hoti, thokaṃ thokaṃ labbhati, tādisaṃ niccampi bhuñjituṃ vaṭṭati. Pañca bhojanāni ṭhapetvā sabbatthāti yāgukhajjakaphalāphalādibhede sabbattha anāpatti. Yāguādīni hi niccampi bhuñjituṃ vaṭṭati. Sesaṃ uttānameva. Eḷakalomasamuṭṭhānaṃ – kāyato ca kāyacittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ ticittaṃ, tivedananti.
аавасат̇абин̣д̣асигкаабад̣̇ам̣ батамам̣.
Āvasathapiṇḍasikkhāpadaṃ paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. аавасат̇абин̣д̣асигкаабад̣̇аван̣н̣анаа • 1. Āvasathapiṇḍasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. аавасат̇абин̣д̣асигкаабад̣̇а-ад̇т̇аяож̇анаа • 1. Āvasathapiṇḍasikkhāpada-atthayojanā
