| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
2. ஆவாஸிகவத்தகதா²
2. Āvāsikavattakathā
359. ஆவாஸிகவத்தே ஏவங் வினிச்ச²யோ வேதி³தப்³போ³தி யோஜனா. ஸப்³ப³ங் காதப்³ப³ந்தி ஸம்ப³ந்தோ⁴. தஸ்ஸாதி வுட்³ட⁴தரஸ்ஸ ஆக³ந்துகஸ்ஸ. ‘‘பண்டி³தோ’’திஆதி³னா ஸசே பா³லோ ‘‘ஸம்மஜ்ஜாஹி தாவ சேதியங்க³ண’’ந்தி ந வத³தி, ஸம்மஜ்ஜனிங் நிக்கி²பித்வா தஸ்ஸ வத்தமேவ காதப்³ப³ந்தி த³ஸ்ஸேதி. பே⁴ஸஜ்ஜமேவ காதப்³ப³ந்தி ஸஹாவதா⁴ரணேன வுத்தத்தா பா³லோ ‘‘கரோஹி தாவ பே⁴ஸஜ்ஜ’’ந்தி அவத³ந்தோபி பே⁴ஸஜ்ஜமேவ காதப்³ப³ங். ‘‘பண்டி³தோ ஹீ’’திஆதி³னா பன ஆக³ந்துகஸ்ஸ வத்தப்³ப³பா⁴வமத்தமேவ த³ஸ்ஸேதி. பாளிமுத்தகவத்தங் த³ஸ்ஸெந்தோ ஆஹ ‘‘அபிசா’’திஆதி³. பீ³ஜனேனாதி பீ³ஜனியா. ‘‘பீ³ஜன’’ந்தி ஹி நபுங்ஸகலிங்கோ³, ‘‘பீ³ஜனீ’’தி இத்தி²லிங்கோ³. ‘‘பீ³ஜிதப்³போ³’’தி ச ‘‘பீ³ஜிதப்³ப³’’ந்தி ச இமினா அட்ட²கதா²வசனேன பீ³ஜியதி அனேனாதி பீ³ஜனங், பீ³ஜியதி ஏதாயாதி பீ³ஜனீதி வசனத்தோ² காதப்³போ³. அஸ்ஸாதி வுட்³ட⁴தரஆக³ந்துகஸ்ஸ. மக்கே²தப்³பா³தி அஞ்ஜேதப்³பா³. ஹீதி ஸச்சங். எத்தா²தி உபாஹனபுஞ்ச²னே. கத்தா²தி கஸ்மிங் விஹாரே. புச்சி²தேன ஆவாஸிகேனாதி ஸம்ப³ந்தோ⁴.
359. Āvāsikavatte evaṃ vinicchayo veditabboti yojanā. Sabbaṃ kātabbanti sambandho. Tassāti vuḍḍhatarassa āgantukassa. ‘‘Paṇḍito’’tiādinā sace bālo ‘‘sammajjāhi tāva cetiyaṅgaṇa’’nti na vadati, sammajjaniṃ nikkhipitvā tassa vattameva kātabbanti dasseti. Bhesajjameva kātabbanti sahāvadhāraṇena vuttattā bālo ‘‘karohi tāva bhesajja’’nti avadantopi bhesajjameva kātabbaṃ. ‘‘Paṇḍito hī’’tiādinā pana āgantukassa vattabbabhāvamattameva dasseti. Pāḷimuttakavattaṃ dassento āha ‘‘apicā’’tiādi. Bījanenāti bījaniyā. ‘‘Bījana’’nti hi napuṃsakaliṅgo, ‘‘bījanī’’ti itthiliṅgo. ‘‘Bījitabbo’’ti ca ‘‘bījitabba’’nti ca iminā aṭṭhakathāvacanena bījiyati anenāti bījanaṃ, bījiyati etāyāti bījanīti vacanattho kātabbo. Assāti vuḍḍhataraāgantukassa. Makkhetabbāti añjetabbā. Hīti saccaṃ. Etthāti upāhanapuñchane. Katthāti kasmiṃ vihāre. Pucchitena āvāsikenāti sambandho.
‘‘அத்தனோ ஸந்திகங்…பே॰… ந லப⁴தீ’’தி இமினா அத்தானங் ஸந்தா⁴ய அனாக³ச்ச²ந்தோபி அத்தனோ ஸந்திகங் ஸம்பத்தஸ்ஸ ஆக³ந்துகஸ்ஸ வத்தங் அகாதுங் ந லப⁴தீதி த³ஸ்ஸேதி.
‘‘Attano santikaṃ…pe… na labhatī’’ti iminā attānaṃ sandhāya anāgacchantopi attano santikaṃ sampattassa āgantukassa vattaṃ akātuṃ na labhatīti dasseti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 2. ஆவாஸிகவத்தகதா² • 2. Āvāsikavattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / ஆவாஸிகவத்தகதா² • Āvāsikavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஆவாஸிகவத்தகதா²வண்ணனா • Āvāsikavattakathāvaṇṇanā
