| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. авассуд̇абарияааяасуд̇д̇ам̣
6. Avassutapariyāyasuttaṃ
243. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна гаабилавад̇т̇аваанам̣ сагяаанам̣ навам̣ сант̇ааг̇аарам̣ 1 ажирагаарид̇ам̣ ход̇и анаж̇жхаавудтам̣ 2 саман̣зна ваа б̣раахман̣зна ваа гзнажи ваа мануссабхууд̇зна. ат̇а ко гаабилавад̇т̇аваа сагяаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко гаабилавад̇т̇аваа сагяаа бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, гаабилавад̇т̇аваанам̣ сагяаанам̣ навам̣ сант̇ааг̇аарам̣ ажирагаарид̇ам̣ 3 анаж̇жхаавудтам̣ саман̣зна ваа б̣раахман̣зна ваа гзнажи ваа мануссабхууд̇зна . д̇ам̣, бханд̇з, бхаг̇аваа батамам̣ барибхун̃ж̇ад̇у. бхаг̇авад̇аа батамам̣ барибхуд̇д̇ам̣ бажчаа гаабилавад̇т̇аваа сагяаа барибхун̃ж̇иссанд̇и. д̇ад̣̇асса гаабилавад̇т̇аваанам̣ сагяаанам̣ д̣̇ийгхарад̇д̇ам̣ хид̇ааяа сукааяаа’’д̇и. ад̇хиваасзси бхаг̇аваа д̇ун̣хийбхаавзна.
243. Ekaṃ samayaṃ bhagavā sakkesu viharati kapilavatthusmiṃ nigrodhārāme. Tena kho pana samayena kāpilavatthavānaṃ sakyānaṃ navaṃ santhāgāraṃ 4 acirakāritaṃ hoti anajjhāvuṭṭhaṃ 5 samaṇena vā brāhmaṇena vā kenaci vā manussabhūtena. Atha kho kāpilavatthavā sakyā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho kāpilavatthavā sakyā bhagavantaṃ etadavocuṃ – ‘‘idha, bhante, kāpilavatthavānaṃ sakyānaṃ navaṃ santhāgāraṃ acirakāritaṃ 6 anajjhāvuṭṭhaṃ samaṇena vā brāhmaṇena vā kenaci vā manussabhūtena . Taṃ, bhante, bhagavā paṭhamaṃ paribhuñjatu. Bhagavatā paṭhamaṃ paribhuttaṃ pacchā kāpilavatthavā sakyā paribhuñjissanti. Tadassa kāpilavatthavānaṃ sakyānaṃ dīgharattaṃ hitāya sukhāyā’’ti. Adhivāsesi bhagavā tuṇhībhāvena.
ат̇а ко гаабилавад̇т̇аваа сагяаа бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна навам̣ сант̇ааг̇аарам̣ д̇знубасан̇гамим̣су; убасан̇гамид̇ваа саб̣б̣асант̇арим̣ 7 сант̇ааг̇аарам̣ сант̇арид̇ваа аасанаани бан̃н̃аабзд̇ваа уд̣̇агаман̣игам̣ бад̇идтаабзд̇ваа д̇злаббад̣̇ийбам̣ ааробзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ зд̇ад̣̇авожум̣ – ‘‘саб̣б̣асант̇арисант̇ад̇ам̣ 8, бханд̇з, сант̇ааг̇аарам̣, аасанаани бан̃н̃ад̇д̇аани, уд̣̇агаман̣иго бад̇идтаабид̇о, д̇злаббад̣̇ийбо ааробид̇о. яасса д̣̇аани , бханд̇з, бхаг̇аваа гаалам̣ ман̃н̃ад̇ий’’д̇и. ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна навам̣ сант̇ааг̇аарам̣ д̇знубасан̇гами; убасан̇гамид̇ваа баад̣̇з багкаалзд̇ваа сант̇ааг̇аарам̣ бависид̇ваа маж̇жхимам̣ т̇амбхам̣ ниссааяа бурад̇т̇аабхимуко нисийд̣̇и. бхигкусан̇гхоби ко баад̣̇з багкаалзд̇ваа сант̇ааг̇аарам̣ бависид̇ваа бажчимам̣ бхид̇д̇им̣ ниссааяа бурад̇т̇аабхимуко нисийд̣̇и бхаг̇аванд̇ам̣язва бурагкад̇ваа. гаабилавад̇т̇аваа сагяаа баад̣̇з багкаалзд̇ваа сант̇ааг̇аарам̣ бависид̇ваа бурад̇т̇имам̣ бхид̇д̇им̣ ниссааяа бажчимаабхимукаа нисийд̣̇им̣су бхаг̇аванд̇ам̣язва бурагкад̇ваа. ат̇а ко бхаг̇аваа гаабилавад̇т̇авз сагяз б̣ахуд̣̇зва рад̇д̇им̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа уяяож̇зси – ‘‘абхигганд̇аа ко, г̇од̇амаа, рад̇д̇и. яасса д̣̇аани гаалам̣ ман̃н̃ат̇аа’’д̇и . ‘‘звам̣ , бханд̇з’’д̇и ко гаабилавад̇т̇аваа сагяаа бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.
Atha kho kāpilavatthavā sakyā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā yena navaṃ santhāgāraṃ tenupasaṅkamiṃsu; upasaṅkamitvā sabbasanthariṃ 9 santhāgāraṃ santharitvā āsanāni paññāpetvā udakamaṇikaṃ patiṭṭhāpetvā telappadīpaṃ āropetvā yena bhagavā tenupasaṅkamiṃsu; upasaṅkamitvā bhagavantaṃ etadavocuṃ – ‘‘sabbasantharisanthataṃ 10, bhante, santhāgāraṃ, āsanāni paññattāni, udakamaṇiko patiṭṭhāpito, telappadīpo āropito. Yassa dāni , bhante, bhagavā kālaṃ maññatī’’ti. Atha kho bhagavā nivāsetvā pattacīvaramādāya saddhiṃ bhikkhusaṅghena yena navaṃ santhāgāraṃ tenupasaṅkami; upasaṅkamitvā pāde pakkhāletvā santhāgāraṃ pavisitvā majjhimaṃ thambhaṃ nissāya puratthābhimukho nisīdi. Bhikkhusaṅghopi kho pāde pakkhāletvā santhāgāraṃ pavisitvā pacchimaṃ bhittiṃ nissāya puratthābhimukho nisīdi bhagavantaṃyeva purakkhatvā. Kāpilavatthavā sakyā pāde pakkhāletvā santhāgāraṃ pavisitvā puratthimaṃ bhittiṃ nissāya pacchimābhimukhā nisīdiṃsu bhagavantaṃyeva purakkhatvā. Atha kho bhagavā kāpilavatthave sakye bahudeva rattiṃ dhammiyā kathāya sandassetvā samādapetvā samuttejetvā sampahaṃsetvā uyyojesi – ‘‘abhikkantā kho, gotamā, ratti. Yassa dāni kālaṃ maññathā’’ti . ‘‘Evaṃ , bhante’’ti kho kāpilavatthavā sakyā bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu.
ат̇а ко бхаг̇аваа ажирабагганд̇зсу гаабилавад̇т̇авзсу сагязсу ааяасманд̇ам̣ махаамог̇г̇аллаанам̣ ааманд̇зси – ‘‘виг̇ад̇ат̇инамид̣̇д̇хо ко, мог̇г̇аллаана, бхигкусан̇гхо. бадибхаад̇у д̇ам̣, мог̇г̇аллаана, бхигкуунам̣ д̇хаммий гат̇аа. бидти мз ааг̇илааяад̇и; д̇амахам̣ ааяамиссаамий’’д̇и. ‘‘звам̣, бханд̇з’’д̇и ко ааяасмаа махаамог̇г̇аллаано бхаг̇авад̇о бажжассоси. ат̇а ко бхаг̇аваа жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сийхасзяяам̣ габбзси , баад̣̇з баад̣̇ам̣ ажжаад̇хааяа, сад̇о самбаж̇аано удтаанасан̃н̃ам̣ манаси гарид̇ваа. д̇ад̇ра ко ааяасмаа махаамог̇г̇аллаано бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о махаамог̇г̇аллаанасса бажжассосум̣. ааяасмаа махаамог̇г̇аллаано зд̇ад̣̇авожа – ‘‘авассуд̇абарияааяан̃жа во, аавусо, д̣̇зсзссаами, анавассуд̇абарияааяан̃жа. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о махаамог̇г̇аллаанасса бажжассосум̣. ааяасмаа махаамог̇г̇аллаано зд̇ад̣̇авожа –
Atha kho bhagavā acirapakkantesu kāpilavatthavesu sakyesu āyasmantaṃ mahāmoggallānaṃ āmantesi – ‘‘vigatathinamiddho kho, moggallāna, bhikkhusaṅgho. Paṭibhātu taṃ, moggallāna, bhikkhūnaṃ dhammī kathā. Piṭṭhi me āgilāyati; tamahaṃ āyamissāmī’’ti. ‘‘Evaṃ, bhante’’ti kho āyasmā mahāmoggallāno bhagavato paccassosi. Atha kho bhagavā catugguṇaṃ saṅghāṭiṃ paññapetvā dakkhiṇena passena sīhaseyyaṃ kappesi , pāde pādaṃ accādhāya, sato sampajāno uṭṭhānasaññaṃ manasi karitvā. Tatra kho āyasmā mahāmoggallāno bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato mahāmoggallānassa paccassosuṃ. Āyasmā mahāmoggallāno etadavoca – ‘‘avassutapariyāyañca vo, āvuso, desessāmi, anavassutapariyāyañca. Taṃ suṇātha, sādhukaṃ manasi karotha; bhāsissāmī’’ti. ‘‘Evamāvuso’’ti kho te bhikkhū āyasmato mahāmoggallānassa paccassosuṃ. Āyasmā mahāmoggallāno etadavoca –
‘‘гат̇ам̣, аавусо, авассуд̇о ход̇и? ид̇хаавусо, бхигку жагкунаа руубам̣ д̣̇исваа бияаруубз руубз ад̇химужжад̇и, аббияаруубз руубз б̣яаабаж̇ж̇ад̇и, анубадтид̇агааяассад̇и вихарад̇и барид̇д̇ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и …бз… ж̇ивхааяа расам̣ сааяид̇ваа…бз… манасаа д̇хаммам̣ вин̃н̃ааяа бияаруубз д̇хаммз ад̇химужжад̇и, аббияаруубз д̇хаммз б̣яаабаж̇ж̇ад̇и, анубадтид̇агааяассад̇и жа вихарад̇и барид̇д̇ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. аяам̣ вужжад̇и, аавусо, бхигку авассуд̇о жагкувин̃н̃зяязсу руубзсу…бз… авассуд̇о ж̇ивхаавин̃н̃зяязсу расзсу…бз… авассуд̇о мановин̃н̃зяязсу д̇хаммзсу. звам̣вихаарин̃жаавусо, бхигкум̣ жагкуд̇о жзби нам̣ мааро убасан̇гамад̇и лабхад̇зва мааро од̇аарам̣, лабхад̇и мааро аарамман̣ам̣…бз… ж̇ивхаад̇о жзби нам̣ мааро убасан̇гамад̇и, лабхад̇зва 11 мааро од̇аарам̣ , лабхад̇и 12 мааро аарамман̣ам̣…бз… манад̇о жзби нам̣ мааро убасан̇гамад̇и, лабхад̇зва мааро од̇аарам̣, лабхад̇и мааро аарамман̣ам̣.
‘‘Kathaṃ, āvuso, avassuto hoti? Idhāvuso, bhikkhu cakkhunā rūpaṃ disvā piyarūpe rūpe adhimuccati, appiyarūpe rūpe byāpajjati, anupaṭṭhitakāyassati viharati parittacetaso, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti …pe… jivhāya rasaṃ sāyitvā…pe… manasā dhammaṃ viññāya piyarūpe dhamme adhimuccati, appiyarūpe dhamme byāpajjati, anupaṭṭhitakāyassati ca viharati parittacetaso, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti. Ayaṃ vuccati, āvuso, bhikkhu avassuto cakkhuviññeyyesu rūpesu…pe… avassuto jivhāviññeyyesu rasesu…pe… avassuto manoviññeyyesu dhammesu. Evaṃvihāriñcāvuso, bhikkhuṃ cakkhuto cepi naṃ māro upasaṅkamati labhateva māro otāraṃ, labhati māro ārammaṇaṃ…pe… jivhāto cepi naṃ māro upasaṅkamati, labhateva 13 māro otāraṃ , labhati 14 māro ārammaṇaṃ…pe… manato cepi naṃ māro upasaṅkamati, labhateva māro otāraṃ, labhati māro ārammaṇaṃ.
‘‘сзяяат̇ааби, аавусо, нал̣ааг̇аарам̣ ваа д̇ин̣ааг̇аарам̣ ваа сугкам̣ голаабам̣ д̇зровассигам̣. бурад̇т̇имааяа жзби нам̣ д̣̇исааяа бурисо аад̣̇ид̇д̇ааяа д̇ин̣уггааяа убасан̇гамзяяа, лабхзт̇зва 15 аг̇г̇и од̇аарам̣, лабхзт̇а аг̇г̇и аарамман̣ам̣; бажчимааяа жзби нам̣ д̣̇исааяа бурисо аад̣̇ид̇д̇ааяа д̇ин̣уггааяа убасан̇гамзяяа…бз… уд̇д̇арааяа жзби нам̣ д̣̇исааяа…бз… д̣̇агкин̣ааяа жзби нам̣ д̣̇исааяа…бз… хздтимад̇о жзби нам̣…бз… убаримад̇о жзби нам̣… яад̇о гуд̇ожи жзби нам̣ бурисо аад̣̇ид̇д̇ааяа д̇ин̣уггааяа убасан̇гамзяяа, лабхзт̇зва аг̇г̇и од̇аарам̣ лабхзт̇а аг̇г̇и аарамман̣ам̣. звамзва ко, аавусо, звам̣вихаарим̣ бхигкум̣ жагкуд̇о жзби нам̣ мааро убасан̇гамад̇и, лабхад̇зва мааро од̇аарам̣, лабхад̇и мааро аарамман̣ам̣…бз… ж̇ивхаад̇о жзби нам̣ мааро убасан̇гамад̇и…бз… манад̇о жзби нам̣ мааро убасан̇гамад̇и, лабхад̇зва мааро од̇аарам̣, лабхад̇и мааро аарамман̣ам̣. звам̣вихаарин̃жаавусо, бхигкум̣ руубаа ад̇хибхам̣су, на бхигку руубз ад̇хибхоси; сад̣̇д̣̇аа бхигкум̣ ад̇хибхам̣су, на бхигку сад̣̇д̣̇з ад̇хибхоси; г̇анд̇хаа бхигкум̣ ад̇хибхам̣су, на бхигку г̇анд̇хз ад̇хибхоси; расаа бхигкум̣ ад̇хибхам̣су, на бхигку расз ад̇хибхоси; подтаб̣б̣аа бхигкум̣ ад̇хибхам̣су, на бхигку подтаб̣б̣з ад̇хибхоси ; д̇хаммаа бхигкум̣ ад̇хибхам̣су, на бхигку д̇хаммз ад̇хибхоси. аяам̣ вужжад̇аавусо, бхигку руубаад̇хибхууд̇о, сад̣̇д̣̇аад̇хибхууд̇о, г̇анд̇хаад̇хибхууд̇о, расаад̇хибхууд̇о, подтаб̣б̣аад̇хибхууд̇о, д̇хаммаад̇хибхууд̇о, ад̇хибхууд̇о, анад̇хибхуу, 16 ад̇хибхам̣су нам̣ баабагаа агусалаа д̇хаммаа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа. звам̣ ко, аавусо, авассуд̇о ход̇и.
‘‘Seyyathāpi, āvuso, naḷāgāraṃ vā tiṇāgāraṃ vā sukkhaṃ kolāpaṃ terovassikaṃ. Puratthimāya cepi naṃ disāya puriso ādittāya tiṇukkāya upasaṅkameyya, labhetheva 17 aggi otāraṃ, labhetha aggi ārammaṇaṃ; pacchimāya cepi naṃ disāya puriso ādittāya tiṇukkāya upasaṅkameyya…pe… uttarāya cepi naṃ disāya…pe… dakkhiṇāya cepi naṃ disāya…pe… heṭṭhimato cepi naṃ…pe… uparimato cepi naṃ… yato kutoci cepi naṃ puriso ādittāya tiṇukkāya upasaṅkameyya, labhetheva aggi otāraṃ labhetha aggi ārammaṇaṃ. Evameva kho, āvuso, evaṃvihāriṃ bhikkhuṃ cakkhuto cepi naṃ māro upasaṅkamati, labhateva māro otāraṃ, labhati māro ārammaṇaṃ…pe… jivhāto cepi naṃ māro upasaṅkamati…pe… manato cepi naṃ māro upasaṅkamati, labhateva māro otāraṃ, labhati māro ārammaṇaṃ. Evaṃvihāriñcāvuso, bhikkhuṃ rūpā adhibhaṃsu, na bhikkhu rūpe adhibhosi; saddā bhikkhuṃ adhibhaṃsu, na bhikkhu sadde adhibhosi; gandhā bhikkhuṃ adhibhaṃsu, na bhikkhu gandhe adhibhosi; rasā bhikkhuṃ adhibhaṃsu, na bhikkhu rase adhibhosi; phoṭṭhabbā bhikkhuṃ adhibhaṃsu, na bhikkhu phoṭṭhabbe adhibhosi ; dhammā bhikkhuṃ adhibhaṃsu, na bhikkhu dhamme adhibhosi. Ayaṃ vuccatāvuso, bhikkhu rūpādhibhūto, saddādhibhūto, gandhādhibhūto, rasādhibhūto, phoṭṭhabbādhibhūto, dhammādhibhūto, adhibhūto, anadhibhū, 18 adhibhaṃsu naṃ pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇiyā. Evaṃ kho, āvuso, avassuto hoti.
‘‘гат̇ан̃жаавусо, анавассуд̇о ход̇и? ид̇хаавусо, бхигку жагкунаа руубам̣ д̣̇исваа бияаруубз руубз наад̇химужжад̇и, аббияаруубз руубз на б̣яаабаж̇ж̇ад̇и, убадтид̇агааяассад̇и жа вихарад̇и аббамаан̣ажзд̇асо , д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и…бз… ж̇ивхааяа расам̣ сааяид̇ваа…бз… манасаа д̇хаммам̣ вин̃н̃ааяа бияаруубз д̇хаммз наад̇химужжад̇и, аббияаруубз д̇хаммз на б̣яаабаж̇ж̇ад̇и, убадтид̇агааяассад̇и жа вихарад̇и аббамаан̣ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. аяам̣ вужжад̇аавусо, бхигку анавассуд̇о жагкувин̃н̃зяязсу руубзсу…бз… анавассуд̇о мановин̃н̃зяязсу д̇хаммзсу. звам̣вихаарин̃жаавусо, бхигкум̣ жагкуд̇о жзби нам̣ мааро убасан̇гамад̇и, нзва лабхад̇и мааро од̇аарам̣, на лабхад̇и мааро аарамман̣ам̣…бз… ж̇ивхаад̇о жзби нам̣ мааро убасан̇гамад̇и…бз… манад̇о жзби нам̣ мааро убасан̇гамад̇и, нзва лабхад̇и мааро од̇аарам̣, на лабхад̇и мааро аарамман̣ам̣.
‘‘Kathañcāvuso, anavassuto hoti? Idhāvuso, bhikkhu cakkhunā rūpaṃ disvā piyarūpe rūpe nādhimuccati, appiyarūpe rūpe na byāpajjati, upaṭṭhitakāyassati ca viharati appamāṇacetaso , tañca cetovimuttiṃ paññāvimuttiṃ yathābhūtaṃ pajānāti yatthassa te uppannā pāpakā akusalā dhammā aparisesā nirujjhanti…pe… jivhāya rasaṃ sāyitvā…pe… manasā dhammaṃ viññāya piyarūpe dhamme nādhimuccati, appiyarūpe dhamme na byāpajjati, upaṭṭhitakāyassati ca viharati appamāṇacetaso, tañca cetovimuttiṃ paññāvimuttiṃ yathābhūtaṃ pajānāti yatthassa te uppannā pāpakā akusalā dhammā aparisesā nirujjhanti. Ayaṃ vuccatāvuso, bhikkhu anavassuto cakkhuviññeyyesu rūpesu…pe… anavassuto manoviññeyyesu dhammesu. Evaṃvihāriñcāvuso, bhikkhuṃ cakkhuto cepi naṃ māro upasaṅkamati, neva labhati māro otāraṃ, na labhati māro ārammaṇaṃ…pe… jivhāto cepi naṃ māro upasaṅkamati…pe… manato cepi naṃ māro upasaṅkamati, neva labhati māro otāraṃ, na labhati māro ārammaṇaṃ.
‘‘сзяяат̇ааби, аавусо, гуудааг̇аарам̣ ваа саалаа ваа б̣ахаламад̇д̇игаа ад̣̇д̣̇аавалзбанаа. бурад̇т̇имааяа жзби нам̣ д̣̇исааяа бурисо аад̣̇ид̇д̇ааяа д̇ин̣уггааяа убасан̇гамзяяа, нзва лабхзт̇а аг̇г̇и од̇аарам̣, на лабхзт̇а аг̇г̇и аарамман̣ам̣…бз… бажчимааяа жзби нам̣… уд̇д̇арааяа жзби нам̣… д̣̇агкин̣ааяа жзби нам̣… хздтимад̇о жзби нам̣… убаримад̇о жзби нам̣… яад̇о гуд̇ожи жзби нам̣ бурисо аад̣̇ид̇д̇ааяа д̇ин̣уггааяа убасан̇гамзяяа, нзва лабхзт̇а аг̇г̇и од̇аарам̣, на лабхзт̇а аг̇г̇и аарамман̣ам̣. звамзва ко, аавусо, звам̣вихаарим̣ бхигкум̣ жагкуд̇о жзби нам̣ мааро убасан̇гамад̇и, нзва лабхад̇и мааро од̇аарам̣, на лабхад̇и мааро аарамман̣ам̣…бз… манад̇о жзби нам̣ мааро убасан̇гамад̇и, нзва лабхад̇и мааро од̇аарам̣, на лабхад̇и мааро аарамман̣ам̣. звам̣вихаарий жаавусо, бхигку руубз ад̇хибхоси, на руубаа бхигкум̣ ад̇хибхам̣су; сад̣̇д̣̇з бхигку ад̇хибхоси, на сад̣̇д̣̇аа бхигкум̣ ад̇хибхам̣су; г̇анд̇хз бхигку ад̇хибхоси, на г̇анд̇хаа бхигкум̣ ад̇хибхам̣су; расз бхигку ад̇хибхоси, на расаа бхигкум̣ ад̇хибхам̣су; подтаб̣б̣з бхигку ад̇хибхоси, на подтаб̣б̣аа бхигкум̣ ад̇хибхам̣су; д̇хаммз бхигку ад̇хибхоси, на д̇хаммаа бхигкум̣ ад̇хибхам̣су. аяам̣ вужжад̇аавусо, бхигку руубаад̇хибхуу, сад̣̇д̣̇аад̇хибхуу, г̇анд̇хаад̇хибхуу, расаад̇хибхуу, подтаб̣б̣аад̇хибхуу, д̇хаммаад̇хибхуу, ад̇хибхуу, анад̇хибхууд̇о 19, ад̇хибхоси д̇з баабагз агусалз д̇хаммз сам̣гилзсигз боноб̣бхавигз сад̣̇арз д̣̇угкавибаагз ааяад̇им̣ ж̇аад̇иж̇араамаран̣ияз. звам̣ ко, аавусо, анавассуд̇о ход̇ий’’д̇и.
‘‘Seyyathāpi, āvuso, kūṭāgāraṃ vā sālā vā bahalamattikā addāvalepanā. Puratthimāya cepi naṃ disāya puriso ādittāya tiṇukkāya upasaṅkameyya, neva labhetha aggi otāraṃ, na labhetha aggi ārammaṇaṃ…pe… pacchimāya cepi naṃ… uttarāya cepi naṃ… dakkhiṇāya cepi naṃ… heṭṭhimato cepi naṃ… uparimato cepi naṃ… yato kutoci cepi naṃ puriso ādittāya tiṇukkāya upasaṅkameyya, neva labhetha aggi otāraṃ, na labhetha aggi ārammaṇaṃ. Evameva kho, āvuso, evaṃvihāriṃ bhikkhuṃ cakkhuto cepi naṃ māro upasaṅkamati, neva labhati māro otāraṃ, na labhati māro ārammaṇaṃ…pe… manato cepi naṃ māro upasaṅkamati, neva labhati māro otāraṃ, na labhati māro ārammaṇaṃ. Evaṃvihārī cāvuso, bhikkhu rūpe adhibhosi, na rūpā bhikkhuṃ adhibhaṃsu; sadde bhikkhu adhibhosi, na saddā bhikkhuṃ adhibhaṃsu; gandhe bhikkhu adhibhosi, na gandhā bhikkhuṃ adhibhaṃsu; rase bhikkhu adhibhosi, na rasā bhikkhuṃ adhibhaṃsu; phoṭṭhabbe bhikkhu adhibhosi, na phoṭṭhabbā bhikkhuṃ adhibhaṃsu; dhamme bhikkhu adhibhosi, na dhammā bhikkhuṃ adhibhaṃsu. Ayaṃ vuccatāvuso, bhikkhu rūpādhibhū, saddādhibhū, gandhādhibhū, rasādhibhū, phoṭṭhabbādhibhū, dhammādhibhū, adhibhū, anadhibhūto 20, adhibhosi te pāpake akusale dhamme saṃkilesike ponobbhavike sadare dukkhavipāke āyatiṃ jātijarāmaraṇiye. Evaṃ kho, āvuso, anavassuto hotī’’ti.
ат̇а ко бхаг̇аваа вудтахид̇ваа ааяасманд̇ам̣ махаамог̇г̇аллаанам̣ ааманд̇зси – ‘‘саад̇ху саад̇ху, мог̇г̇аллаана! саад̇ху ко д̇вам̣, мог̇г̇аллаана, бхигкуунам̣ авассуд̇абарияааяан̃жа анавассуд̇абарияааяан̃жа абхаасий’’д̇и.
Atha kho bhagavā vuṭṭhahitvā āyasmantaṃ mahāmoggallānaṃ āmantesi – ‘‘sādhu sādhu, moggallāna! Sādhu kho tvaṃ, moggallāna, bhikkhūnaṃ avassutapariyāyañca anavassutapariyāyañca abhāsī’’ti.
ид̣̇амавожа ааяасмаа махаамог̇г̇аллаано. саманун̃н̃о сад̇т̇аа ахоси. ад̇д̇аманаа д̇з бхигкуу ааяасмад̇о махаамог̇г̇аллаанасса бхаасид̇ам̣ абхинанд̣̇унд̇и. чадтам̣.
Idamavoca āyasmā mahāmoggallāno. Samanuñño satthā ahosi. Attamanā te bhikkhū āyasmato mahāmoggallānassa bhāsitaṃ abhinandunti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. авассуд̇абарияааяасуд̇д̇аван̣н̣анаа • 6. Avassutapariyāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. авассуд̇абарияааяасуд̇д̇аван̣н̣анаа • 6. Avassutapariyāyasuttavaṇṇanā
