| Library / Tipiṭaka / திபிடக • Tipiṭaka / நெத்திப்பகரண-அட்ட²கதா² • Nettippakaraṇa-aṭṭhakathā |
7. ஆவட்டஹாரஸம்பாதவண்ணனா
7. Āvaṭṭahārasampātavaṇṇanā
69. நெக்க²ம்மஸங்கப்பப³ஹுலோ கஸிணவஸேன மெத்தாதி³வஸேன வா லத்³தா⁴ய சித்தேகக்³க³தாஸங்கா²தாய சித்தமஞ்ஜூஸாய சித்தங் ட²பெத்வா ஸமாதி⁴ங்யேவ வா யதா²லத்³த⁴ங் ஸங்கிலேஸதோ ரக்கி²தசித்தோ நாம ஹோதீதி வுத்தங் – ‘‘தஸ்மா ரக்கி²தசித்தஸ்ஸ ஸம்மாஸங்கப்பகோ³சரோதி அயங் ஸமதோ²’’தி. பஞ்ஞாபதா⁴னா விபஸ்ஸனாதி ஆஹ – ‘‘ஸம்மாதி³ட்டி²புரெக்கா²ரோதி அயங் விபஸ்ஸனா’’தி. அரியமக்³கே³ன து³க்க²ஸச்சே பரிஞ்ஞாதே உத³யப்³ப³யத³ஸ்ஸனங் மத்த²கப்பத்தங் நாம ஹோதீதி வுத்தங் – ‘‘ஞத்வான உத³யப்³ப³யந்தி து³க்க²பரிஞ்ஞா’’தி. ‘‘யங் கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்தி ஹி மக்³க³ஞாணஸ்ஸ பவத்தித³ஸ்ஸனாதி. இமானி சத்தாரி ஸச்சானீதி சதுஸச்சத⁴ம்மவஸேன ஆவட்டனங் நிட்ட²பேதி. தத்த² புரிமேன ஸச்சத்³வயட்ட²பனேன விஸபா⁴க³த⁴ம்மவஸேன, பச்சி²மேன ஸபா⁴க³த⁴ம்மவஸேன ஆவட்டனந்தி த³ட்ட²ப்³ப³ங்.
69. Nekkhammasaṅkappabahulo kasiṇavasena mettādivasena vā laddhāya cittekaggatāsaṅkhātāya cittamañjūsāya cittaṃ ṭhapetvā samādhiṃyeva vā yathāladdhaṃ saṃkilesato rakkhitacitto nāma hotīti vuttaṃ – ‘‘tasmā rakkhitacittassa sammāsaṅkappagocaroti ayaṃ samatho’’ti. Paññāpadhānā vipassanāti āha – ‘‘sammādiṭṭhipurekkhāroti ayaṃ vipassanā’’ti. Ariyamaggena dukkhasacce pariññāte udayabbayadassanaṃ matthakappattaṃ nāma hotīti vuttaṃ – ‘‘ñatvāna udayabbayanti dukkhapariññā’’ti. ‘‘Yaṃ kiñci samudayadhammaṃ, sabbaṃ taṃ nirodhadhamma’’nti hi maggañāṇassa pavattidassanāti. Imāni cattāri saccānīti catusaccadhammavasena āvaṭṭanaṃ niṭṭhapeti. Tattha purimena saccadvayaṭṭhapanena visabhāgadhammavasena, pacchimena sabhāgadhammavasena āvaṭṭananti daṭṭhabbaṃ.
ஆவட்டஹாரஸம்பாதவண்ணனா நிட்டி²தா.
Āvaṭṭahārasampātavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 7. ஆவட்டஹாரஸம்பாதோ • 7. Āvaṭṭahārasampāto
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 7. ஆவட்டஹாரஸம்பாதவிபா⁴வனா • 7. Āvaṭṭahārasampātavibhāvanā
