| Library / Tipiṭaka / તિપિટક • Tipiṭaka / નેત્તિપ્પકરણ-અટ્ઠકથા • Nettippakaraṇa-aṭṭhakathā |
૭. આવટ્ટહારસમ્પાતવણ્ણના
7. Āvaṭṭahārasampātavaṇṇanā
૬૯. નેક્ખમ્મસઙ્કપ્પબહુલો કસિણવસેન મેત્તાદિવસેન વા લદ્ધાય ચિત્તેકગ્ગતાસઙ્ખાતાય ચિત્તમઞ્જૂસાય ચિત્તં ઠપેત્વા સમાધિંયેવ વા યથાલદ્ધં સંકિલેસતો રક્ખિતચિત્તો નામ હોતીતિ વુત્તં – ‘‘તસ્મા રક્ખિતચિત્તસ્સ સમ્માસઙ્કપ્પગોચરોતિ અયં સમથો’’તિ. પઞ્ઞાપધાના વિપસ્સનાતિ આહ – ‘‘સમ્માદિટ્ઠિપુરેક્ખારોતિ અયં વિપસ્સના’’તિ. અરિયમગ્ગેન દુક્ખસચ્ચે પરિઞ્ઞાતે ઉદયબ્બયદસ્સનં મત્થકપ્પત્તં નામ હોતીતિ વુત્તં – ‘‘ઞત્વાન ઉદયબ્બયન્તિ દુક્ખપરિઞ્ઞા’’તિ. ‘‘યં કિઞ્ચિ સમુદયધમ્મં, સબ્બં તં નિરોધધમ્મ’’ન્તિ હિ મગ્ગઞાણસ્સ પવત્તિદસ્સનાતિ. ઇમાનિ ચત્તારિ સચ્ચાનીતિ ચતુસચ્ચધમ્મવસેન આવટ્ટનં નિટ્ઠપેતિ. તત્થ પુરિમેન સચ્ચદ્વયટ્ઠપનેન વિસભાગધમ્મવસેન, પચ્છિમેન સભાગધમ્મવસેન આવટ્ટનન્તિ દટ્ઠબ્બં.
69. Nekkhammasaṅkappabahulo kasiṇavasena mettādivasena vā laddhāya cittekaggatāsaṅkhātāya cittamañjūsāya cittaṃ ṭhapetvā samādhiṃyeva vā yathāladdhaṃ saṃkilesato rakkhitacitto nāma hotīti vuttaṃ – ‘‘tasmā rakkhitacittassa sammāsaṅkappagocaroti ayaṃ samatho’’ti. Paññāpadhānā vipassanāti āha – ‘‘sammādiṭṭhipurekkhāroti ayaṃ vipassanā’’ti. Ariyamaggena dukkhasacce pariññāte udayabbayadassanaṃ matthakappattaṃ nāma hotīti vuttaṃ – ‘‘ñatvāna udayabbayanti dukkhapariññā’’ti. ‘‘Yaṃ kiñci samudayadhammaṃ, sabbaṃ taṃ nirodhadhamma’’nti hi maggañāṇassa pavattidassanāti. Imāni cattāri saccānīti catusaccadhammavasena āvaṭṭanaṃ niṭṭhapeti. Tattha purimena saccadvayaṭṭhapanena visabhāgadhammavasena, pacchimena sabhāgadhammavasena āvaṭṭananti daṭṭhabbaṃ.
આવટ્ટહારસમ્પાતવણ્ણના નિટ્ઠિતા.
Āvaṭṭahārasampātavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / નેત્તિપ્પકરણપાળિ • Nettippakaraṇapāḷi / ૭. આવટ્ટહારસમ્પાતો • 7. Āvaṭṭahārasampāto
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૭. આવટ્ટહારસમ્પાતવિભાવના • 7. Āvaṭṭahārasampātavibhāvanā
