A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    40. авзбхан̇г̇ияанид̣̇д̣̇зсаван̣н̣анаа

    40. Avebhaṅgiyaniddesavaṇṇanā

    322-5. аараамаа…бз… мад̇д̇игабхан̣д̣аанийд̇и зд̇з бан̃жа авибхааж̇ияаад̇и самб̣анд̇хид̇аб̣б̣ам̣ . бан̃жаад̇и ‘‘аараамаараамавад̇т̇ууни зга’’нд̇иаад̣̇инаа раасивасзна бан̃жа, саруубавасзна банзд̇аани бан̣н̣ам̣ д̇ин̣з багкибид̇ваа бан̃жавийсад̇ивид̇хаани хонд̇и. д̇ат̇аа жааха –

    322-5. Ārāmā…pe… mattikabhaṇḍānīti ete pañca avibhājiyāti sambandhitabbaṃ . Pañcāti ‘‘ārāmārāmavatthūni eka’’ntiādinā rāsivasena pañca, sarūpavasena panetāni paṇṇaṃ tiṇe pakkhipitvā pañcavīsatividhāni honti. Tathā cāha –

    ‘‘д̣̇висан̇г̇ахаани д̣̇вз хонд̇и, д̇ад̇ияам̣ жад̇усан̇г̇ахам̣;

    ‘‘Dvisaṅgahāni dve honti, tatiyaṃ catusaṅgahaṃ;

    жад̇уд̇т̇ам̣ навагодтаасам̣, бан̃жамам̣ адтабхзд̣̇анам̣.

    Catutthaṃ navakoṭṭhāsaṃ, pañcamaṃ aṭṭhabhedanaṃ.

    ‘‘ид̇и бан̃жахи раасийхи, бан̃жаниммалаложано;

    ‘‘Iti pañcahi rāsīhi, pañcanimmalalocano;

    бан̃жавийсавид̇хам̣ наат̇о, г̇арубхан̣д̣ам̣ багаасаяий’’д̇и. (жуул̣ава. адта. 321);

    Pañcavīsavidhaṃ nātho, garubhaṇḍaṃ pakāsayī’’ti. (cūḷava. aṭṭha. 321);

    д̇ад̇т̇а аараамо наама бубпаараамо ваа палаараамо ваа. аараамавад̇т̇у наама д̇зсам̣язва бад̇идтааногаасо, винадтзсу ваа д̇зсу бораан̣агабхуумибхааг̇о. вихааро наама баасаад̣̇аад̣̇и яам̣ гин̃жи сзнаасанам̣. лохагумбхий наама гаал̣алохзна ваа д̇амб̣алохзна ваа гад̇агумбхий. гадаахаад̣̇ийсуби зсзва наяо. зд̇т̇а бхаан̣аганд̇и аран̃ж̇аро вужжад̇и. ваарагод̇и гхадо. раасим̣ абзгкид̇ваа зд̇зд̇и буллин̇г̇анид̣̇д̣̇зсо. авибхааж̇ияаад̇и муулажчзж̇ж̇авасзна авзбхан̇г̇ияаа. баривад̇д̇анавасзна бана барибхун̃ж̇анд̇асса виссаж̇ж̇знд̇асса жа анаабад̇д̇и. ависсаж̇ж̇ияаани жаад̇и жа-сад̣̇д̣̇зна авзбхан̇г̇ияаани жаад̇и авуд̇д̇ам̣ самбин̣д̣зд̇и.

    Tattha ārāmo nāma pupphārāmo vā phalārāmo vā. Ārāmavatthu nāma tesaṃyeva patiṭṭhānokāso, vinaṭṭhesu vā tesu porāṇakabhūmibhāgo. Vihāro nāma pāsādādi yaṃ kiñci senāsanaṃ. Lohakumbhī nāma kāḷalohena vā tambalohena vā katakumbhī. Kaṭāhādīsupi eseva nayo. Ettha bhāṇakanti arañjaro vuccati. Vārakoti ghaṭo. Rāsiṃ apekkhitvā eteti pulliṅganiddeso. Avibhājiyāti mūlacchejjavasena avebhaṅgiyā. Parivattanavasena pana paribhuñjantassa vissajjentassa ca anāpatti. Avissajjiyāni cāti ca-saddena avebhaṅgiyāni cāti avuttaṃ sampiṇḍeti.

    326-8. зганд̇аг̇арубхан̣д̣ад̇д̇аа аад̣̇ид̇о д̇аяо раасий табзд̇ваа жад̇уд̇т̇араасид̇о бадтааяа г̇арубхан̣д̣ааг̇арубхан̣д̣з вибхаж̇ид̇ум̣ ‘‘валлий’’д̇иаад̣̇и аарад̣̇д̇хам̣. ад̣дхаб̣аахумад̇д̇ааби валли жа адтан̇г̇улааяад̇о взл̣у жа мудтимад̇д̇амби д̇ин̣аад̣̇и жа згамби бан̣н̣ан̃жа баагад̇аа ваа бан̃жаван̣н̣аа ваа д̇аалабаггаббамаан̣ааби мад̇д̇игаа жа д̇аалабаггаббамаан̣ааби суд̇хаа жа д̇аалабаггаббамаан̣ааби ган̇г̇удтааад̣̇игаа жа д̣̇иннаа ваа д̇ад̇т̇аж̇аад̇агаа ваа сан̇гхигаа рагкид̇аа абхааж̇ияаа, раж̇ж̇уяод̇д̇аад̣̇и жа д̣̇иннаа сан̇гхигаа абхааж̇ияаад̇и яож̇анаа. взл̣у барин̣аахад̇о бан̣н̣асуужид̣̇ан̣д̣амад̇д̇о г̇ахзд̇аб̣б̣о. д̇ин̣ам̣ мун̃ж̇ам̣ баб̣б̣аж̇ан̃жа аад̣̇исад̣̇д̣̇асан̇г̇ахид̇ам̣ табзд̇ваа авасзсам̣ яам̣ гин̃жи д̇ин̣ам̣. бан̣н̣о адтан̇г̇улаббамаан̣о рид̇д̇абод̇т̇аго г̇арубхан̣д̣амзва. баагад̇аад̇и багад̇ияаа ж̇аад̇аа. бан̃жаван̣н̣аад̇и рад̇д̇асзд̇аад̣̇ибан̃жаван̣н̣аа. суд̇хааган̇г̇удтаад̣̇аяо мад̇д̇игаг̇г̇ахан̣зна г̇ахид̇аа. ган̇г̇удтааад̣̇игаад̇и аад̣̇и-сад̣̇д̣̇зна саж̇ж̇урасаж̇аад̇ихин̇г̇улагаад̣̇ийнам̣ г̇ахан̣ам̣. д̣̇иннаад̇и сан̇гхасса д̣̇иннаа. д̇ад̇т̇аж̇аад̇аад̇и сан̇гхигабхуумияам̣ ж̇аад̇аа. раж̇ж̇уяод̇д̇аад̣̇ийд̇и суд̇д̇амагаживааганаал̣игзрахийражаммамаяаа раж̇ж̇у жа яод̇д̇аад̣̇и жа. аад̣̇и-сад̣̇д̣̇зна магаживаагаад̣̇игз ваддзд̇ваа гад̇аа згаваддаа г̇ахид̇аа. б̣яад̇ирзгавасзна банзд̇т̇а жад̇уд̇т̇араасимхи ид̇арз бхааж̇ияаад̇и взд̣̇ид̇аб̣б̣аа. сан̇гхигз гаммз, жзд̇ияасса ваа гаммз нидтид̇з бхааж̇ияаад̇и яож̇анийяам̣.

    326-8. Ekantagarubhaṇḍattā ādito tayo rāsī ṭhapetvā catuttharāsito paṭṭhāya garubhaṇḍāgarubhaṇḍe vibhajituṃ ‘‘vallī’’tiādi āraddhaṃ. Aḍḍhabāhumattāpi valli ca aṭṭhaṅgulāyato veḷu ca muṭṭhimattampi tiṇādi ca ekampi paṇṇañca pākatā vā pañcavaṇṇā vā tālapakkappamāṇāpi mattikā ca tālapakkappamāṇāpi sudhā ca tālapakkappamāṇāpi kaṅguṭṭhaādikā ca dinnā vā tatthajātakā vā saṅghikā rakkhitā abhājiyā, rajjuyottādi ca dinnā saṅghikā abhājiyāti yojanā. Veḷu pariṇāhato paṇṇasūcidaṇḍamatto gahetabbo. Tiṇaṃ muñjaṃ pabbajañca ādisaddasaṅgahitaṃ ṭhapetvā avasesaṃ yaṃ kiñci tiṇaṃ. Paṇṇo aṭṭhaṅgulappamāṇo rittapotthako garubhaṇḍameva. Pākatāti pakatiyā jātā. Pañcavaṇṇāti rattasetādipañcavaṇṇā. Sudhākaṅguṭṭhādayo mattikaggahaṇena gahitā. Kaṅguṭṭhaādikāti ādi-saddena sajjurasajātihiṅgulakādīnaṃ gahaṇaṃ. Dinnāti saṅghassa dinnā. Tatthajātāti saṅghikabhūmiyaṃ jātā. Rajjuyottādīti suttamakacivākanāḷikerahīracammamayā rajju ca yottādi ca. Ādi-saddena makacivākādike vaṭṭetvā katā ekavaṭṭā gahitā. Byatirekavasena panettha catuttharāsimhi itare bhājiyāti veditabbā. Saṅghike kamme, cetiyassa vā kamme niṭṭhite bhājiyāti yojanīyaṃ.

    329. лохабхан̣д̣зсу бхигкусааруббам̣ бад̇д̇аад̣̇и ваа д̇ат̇аа виббагад̇аагад̇ам̣ лохабхан̣д̣ам̣ д̇ат̇аа баад̣̇аг̇ан̣хагам̣ ваарагам̣ бхааж̇ияанд̇и яож̇анаа. бад̇д̇аад̣̇ийд̇и аяобад̇д̇о аяат̇аалагам̣ д̇амб̣алохат̇аалагам̣ ан̃ж̇анисалаагаа ган̣н̣амалахаран̣ий суужи бан̣н̣асуужи куд̣̇д̣̇аго бибпалаго куд̣̇д̣̇агам̣ аараган̣д̣агам̣ гун̃жигаа д̇аал̣аад̣̇и. виббагад̇анд̇и абаринидтид̇ам̣. агад̇анд̇и саб̣б̣асо агад̇ам̣. баад̣̇аг̇ан̣хаганд̇и сийхал̣ад̣̇ийбз баад̣̇аг̇ан̣ханагам̣. баад̣̇о наама жад̇уд̇т̇ам̣со, маг̇ад̇ханаал̣ияаа бан̃жанаал̣имад̇д̇аа. маг̇ад̇ханаал̣и жа наамзсаа уунабан̃жабасад̇аа взд̣̇ид̇аб̣б̣аа. д̇ат̇аа гхадаго д̇злабхааж̇анан̃жа. яааяа ваасияаа табзд̇ваа д̣̇анд̇агадтажчзд̣̇анам̣ ваа ужчуд̇ажчанам̣ ваа ан̃н̃ам̣ махаагаммам̣ гаад̇ум̣ на саггаа, аяам̣ бхааж̇ияаа. саммун̃ж̇анид̣̇ан̣д̣акан̣анагам̣ бана ад̣̇ан̣д̣агам̣ паламад̇д̇амзва, яам̣ саггаа сибаадигааяа багкибид̇ваа барихарид̇ум̣, аяам̣ бхааж̇анийяаа. д̇ибугоддагаубагаран̣зсу д̇ибужчзд̣̇анагасад̇т̇агам̣ суван̣н̣агааруубагаран̣зсу суван̣н̣ажчзд̣̇анагасад̇т̇агам̣ жаммагаараубагаран̣зсу жаммачинд̣̇анагам̣ куд̣̇д̣̇агасад̇т̇ам̣ нахаабид̇ад̇ун̣н̣агаараубагаран̣зсу табзд̇ваа махаагад̇д̇арим̣ махаасан̣д̣аасан̃жа махаабибпалаган̃жа саб̣б̣аани бхааж̇анийяабхан̣д̣аани. д̇ат̇аа гун̃жигаа. вуд̇д̇авибаллаасзна бана лохабхан̣д̣з абхааж̇ияаад̇и взд̣̇ид̇аб̣б̣аа.

    329. Lohabhaṇḍesu bhikkhusāruppaṃ pattādi vā tathā vippakatākataṃ lohabhaṇḍaṃ tathā pādagaṇhakaṃ vārakaṃ bhājiyanti yojanā. Pattādīti ayopatto ayathālakaṃ tambalohathālakaṃ añjanisalākā kaṇṇamalaharaṇī sūci paṇṇasūci khuddako pipphalako khuddakaṃ ārakaṇḍakaṃ kuñcikā tāḷādi. Vippakatanti apariniṭṭhitaṃ. Akatanti sabbaso akataṃ. Pādagaṇhakanti sīhaḷadīpe pādagaṇhanakaṃ. Pādo nāma catutthaṃso, magadhanāḷiyā pañcanāḷimattā. Magadhanāḷi ca nāmesā ūnapañcapasatā veditabbā. Tathā ghaṭako telabhājanañca. Yāya vāsiyā ṭhapetvā dantakaṭṭhacchedanaṃ vā ucchutacchanaṃ vā aññaṃ mahākammaṃ kātuṃ na sakkā, ayaṃ bhājiyā. Sammuñjanidaṇḍakhaṇanakaṃ pana adaṇḍakaṃ phalamattameva, yaṃ sakkā sipāṭikāya pakkhipitvā pariharituṃ, ayaṃ bhājanīyā. Tipukoṭṭakaupakaraṇesu tipucchedanakasatthakaṃ suvaṇṇakārūpakaraṇesu suvaṇṇacchedanakasatthakaṃ cammakāraupakaraṇesu cammachindanakaṃ khuddakasatthaṃ nahāpitatuṇṇakāraupakaraṇesu ṭhapetvā mahākattariṃ mahāsaṇḍāsañca mahāpipphalakañca sabbāni bhājanīyabhaṇḍāni. Tathā kuñcikā. Vuttavipallāsena pana lohabhaṇḍe abhājiyāti veditabbā.

    330. ‘‘взл̣умхий’’д̇иаад̣̇инаа д̣̇аарубхан̣д̣аани д̣̇ассзд̇и. д̣̇аарубхан̣д̣зна бана сан̇г̇ахзд̇ваа саб̣б̣ааби д̣̇аарувзл̣ужаммубааханаад̣̇ивигад̇и взд̣̇ид̇аб̣б̣аа. чад̇д̇ад̣̇ан̣д̣о жа салаагаа жаад̇и д̣̇ванд̣̇о. убааханааяа д̣̇ан̣д̣аго убааханад̣̇ан̣д̣аго.

    330.‘‘Veḷumhī’’tiādinā dārubhaṇḍāni dasseti. Dārubhaṇḍena pana saṅgahetvā sabbāpi dāruveḷucammupāhanādivikati veditabbā. Chattadaṇḍo ca salākā cāti dvando. Upāhanāya daṇḍako upāhanadaṇḍako.

    331. анун̃н̃аад̇аваасид̣̇ан̣д̣од̇и анун̃н̃аад̇аваасияаа д̣̇ан̣д̣о. аран̣ан̃ж̇анисин̇г̇аад̣̇ийд̇и аад̣̇и-сад̣̇д̣̇зна ан̃ж̇анисалаагаа чад̇д̇ам̣ мудтибан̣н̣ам̣ убааханаа д̇хаммагаран̣о баад̣̇аг̇ан̣ханагад̇о анад̇ирид̇д̇ам̣ аамалагад̇умб̣ам̣ аамалагагхадо лааб̣угад̇умб̣ам̣ лааб̣угагхадо висаан̣ад̇умб̣анд̇и ид̣̇ам̣ сан̇г̇ан̣хаад̇и.

    331.Anuññātavāsidaṇḍoti anuññātavāsiyā daṇḍo. Araṇañjanisiṅgādīti ādi-saddena añjanisalākā chattaṃ muṭṭhipaṇṇaṃ upāhanā dhammakaraṇo pādagaṇhanakato anatirittaṃ āmalakatumbaṃ āmalakaghaṭo lābukatumbaṃ lābukaghaṭo visāṇatumbanti idaṃ saṅgaṇhāti.

    332. яат̇аавуд̇д̇ад̇о ан̃н̃ам̣ д̣̇аарубхан̣д̣зсу г̇арубхан̣д̣ам̣. мад̇д̇игаамаяо баад̣̇агхадаго бхааж̇ияод̇и яож̇анаа. баад̣̇агхадагод̇и баад̣̇асса бахонаго гхадаго. иминаа мад̇д̇игаабхан̣д̣ам̣ убалагкзд̇и, д̇асмаа бад̇д̇о т̇аалагам̣ гун̣д̣игаад̇и имаани бхааж̇анийяаани, вуд̇д̇аавасзсаа абхааж̇ияаа.

    332. Yathāvuttato aññaṃ dārubhaṇḍesu garubhaṇḍaṃ. Mattikāmayo pādaghaṭako bhājiyoti yojanā. Pādaghaṭakoti pādassa pahonako ghaṭako. Iminā mattikābhaṇḍaṃ upalakkheti, tasmā patto thālakaṃ kuṇḍikāti imāni bhājanīyāni, vuttāvasesā abhājiyā.

    333-4. г̇арунаа г̇арубхан̣д̣ан̃жа т̇ааваран̃жа баривад̇д̇зяяа, т̇ааварзна жа т̇ааварамби баривад̇д̇зяяаад̇и яож̇зд̇аб̣б̣ам̣. г̇арунаа ман̃жабийтаад̣̇инаа. т̇ааваранд̇и аараамаад̣̇и батамараасид̣̇ваяам̣. д̇ат̇аа гад̇ваа жа бхун̃ж̇ид̇унд̇и зван̃жа баривад̇д̇зд̇ваа д̇ад̇о аабхад̇ам̣ габбияабхан̣д̣ам̣ барибхун̃ж̇зяяаад̇и ад̇т̇о, вид̇химхи аяам̣ д̇ум̣бажжаяо. паад̇игаммзна валлаад̣̇им̣ г̇ан̣хзд̇и самб̣анд̇ханийяам̣. паад̇игаммам̣ наама самагам̣ ваа ад̇ирзгам̣ ваа д̇ад̣̇аг̇гханагам̣ ваа вад̣дхигаммам̣. сзсанд̇и батамараасид̇д̇иганд̇и.

    333-4. Garunā garubhaṇḍañca thāvarañca parivatteyya, thāvarena ca thāvarampi parivatteyyāti yojetabbaṃ. Garunā mañcapīṭhādinā. Thāvaranti ārāmādi paṭhamarāsidvayaṃ. Tathā katvā ca bhuñjitunti evañca parivattetvā tato ābhataṃ kappiyabhaṇḍaṃ paribhuñjeyyāti attho, vidhimhi ayaṃ tuṃpaccayo. Phātikammena vallādiṃ gaṇheti sambandhanīyaṃ. Phātikammaṃ nāma samakaṃ vā atirekaṃ vā tadagghanakaṃ vā vaḍḍhikammaṃ. Sesanti paṭhamarāsittikanti.

    авзбхан̇г̇ияанид̣̇д̣̇зсаван̣н̣анаа нидтид̇аа.

    Avebhaṅgiyaniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact