| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਅવੇਭਙ੍ਗਿਯવਤ੍ਥੁ
Avebhaṅgiyavatthu
੩੨੨. ਅਥ ਖੋ ਭਗવਾ ਸਾવਤ੍ਥਿਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਕੀਟਾਗਿਰਿ ਤੇਨ ਚਾਰਿਕਂ ਪਕ੍ਕਾਮਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ ਸਾਰਿਪੁਤ੍ਤਮੋਗ੍ਗਲ੍ਲਾਨੇਹਿ ਚ। ਅਸ੍ਸੋਸੁਂ ਖੋ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ – ‘‘ਭਗવਾ ਕਿਰ ਕੀਟਾਗਿਰਿਂ ਆਗਚ੍ਛਤਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ ਸਾਰਿਪੁਤ੍ਤਮੋਗ੍ਗਲ੍ਲਾਨੇਹਿ ਚ’’। ‘‘ਹਨ੍ਦ ਮਯਂ, ਆવੁਸੋ, ਸਬ੍ਬਂ ਸਙ੍ਘਿਕਂ ਸੇਨਾਸਨਂ ਭਾਜੇਮ। ਪਾਪਿਚ੍ਛਾ ਸਾਰਿਪੁਤ੍ਤਮੋਗ੍ਗਲ੍ਲਾਨਾ, ਪਾਪਿਕਾਨਂ ਇਚ੍ਛਾਨਂ વਸਂ ਗਤਾ; ਨ ਮਯਂ ਤੇਸਂ ਸੇਨਾਸਨਂ ਪਞ੍ਞਪੇਸ੍ਸਾਮਾ’’ਤਿ, ਤੇ ਸਬ੍ਬਂ ਸਙ੍ਘਿਕਂ ਸੇਨਾਸਨਂ ਭਾਜੇਸੁਂ। ਅਥ ਖੋ ਭਗવਾ ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਕੀਟਾਗਿਰਿ ਤਦવਸਰਿ। ਅਥ ਖੋ ਭਗવਾ ਸਮ੍ਬਹੁਲੇ ਭਿਕ੍ਖੂ ਆਮਨ੍ਤੇਸਿ – ‘‘ਗਚ੍ਛਥ ਤੁਮ੍ਹੇ, ਭਿਕ੍ਖવੇ; ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਉਪਸਙ੍ਕਮਿਤ੍વਾ ਏવਂ વਦੇਥ – ‘ਭਗવਾ, ਆવੁਸੋ, ਆਗਚ੍ਛਤਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ ਸਾਰਿਪੁਤ੍ਤਮੋਗ੍ਗਲ੍ਲਾਨੇਹਿ ਚ। ਭਗવਤੋ ਚ, ਆવੁਸੋ, ਸੇਨਾਸਨਂ ਪਞ੍ਞਪੇਥ, ਭਿਕ੍ਖੁਸਙ੍ਘਸ੍ਸ ਚ, ਸਾਰਿਪੁਤ੍ਤਮੋਗ੍ਗਲ੍ਲਾਨਾਨਞ੍ਚਾ’’’ਤਿ। ‘‘ਏવਂ ਭਨ੍ਤੇ’’ਤਿ ਖੋ ਤੇ ਭਿਕ੍ਖੂ ਭਗવਤੋ ਪਟਿਸ੍ਸੁਤ੍વਾ ਯੇਨ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਤੇਨੁਪਸਙ੍ਕਮਿਂਸੁ, ਉਪਸਙ੍ਕਮਿਤ੍વਾ ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਏਤਦવੋਚੁਂ – ‘‘ਭਗવਾ, ਆવੁਸੋ, ਆਗਚ੍ਛਤਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ ਸਾਰਿਪੁਤ੍ਤਮੋਗ੍ਗਲ੍ਲਾਨੇਹਿ ਚ । ਭਗવਤੋ ਚ, ਆવੁਸੋ, ਸੇਨਾਸਨਂ ਪਞ੍ਞਪੇਥ, ਭਿਕ੍ਖੁਸਙ੍ਘਸ੍ਸ ਚ, ਸਾਰਿਪੁਤ੍ਤਮੋਗ੍ਗਲ੍ਲਾਨਾਨਞ੍ਚਾ’’ਤਿ। ‘‘ਨਤ੍ਥਾવੁਸੋ, ਸਙ੍ਘਿਕਂ ਸੇਨਾਸਨਂ। ਸਬ੍ਬਂ ਅਮ੍ਹੇਹਿ ਭਾਜਿਤਂ। ਸ੍વਾਗਤਂ, ਆવੁਸੋ, ਭਗવਤੋ। ਯਸ੍ਮਿਂ વਿਹਾਰੇ ਭਗવਾ ਇਚ੍ਛਿਸ੍ਸਤਿ ਤਸ੍ਮਿਂ વਿਹਾਰੇ વਸਿਸ੍ਸਤਿ। ਪਾਪਿਚ੍ਛਾ ਸਾਰਿਪੁਤ੍ਤਮੋਗ੍ਗਲ੍ਲਾਨਾ, ਪਾਪਿਕਾਨਂ ਇਚ੍ਛਾਨਂ વਸਂ ਗਤਾ। ਨ ਮਯਂ ਤੇਸਂ ਸੇਨਾਸਨਂ ਪਞ੍ਞਪੇਸ੍ਸਾਮਾ’’ਤਿ। ‘‘ਕਿਂ ਪਨ ਤੁਮ੍ਹੇ, ਆવੁਸੋ, ਸਙ੍ਘਿਕਂ ਸੇਨਾਸਨਂ ਭਾਜਿਤ੍ਥਾ’’ਤਿ? ‘‘ਏવਮਾવੁਸੋ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਸਙ੍ਘਿਕਂ ਸੇਨਾਸਨਂ ਭਾਜੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ…ਪੇ॰… ‘‘ਸਚ੍ਚਂ ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ‘‘ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਸਙ੍ਘਿਕਂ ਸੇਨਾਸਨਂ ਭਾਜੇਸ੍ਸਨ੍ਤਿ? ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
322. Atha kho bhagavā sāvatthiyaṃ yathābhirantaṃ viharitvā yena kīṭāgiri tena cārikaṃ pakkāmi mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca. Assosuṃ kho assajipunabbasukā bhikkhū – ‘‘bhagavā kira kīṭāgiriṃ āgacchati mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca’’. ‘‘Handa mayaṃ, āvuso, sabbaṃ saṅghikaṃ senāsanaṃ bhājema. Pāpicchā sāriputtamoggallānā, pāpikānaṃ icchānaṃ vasaṃ gatā; na mayaṃ tesaṃ senāsanaṃ paññapessāmā’’ti, te sabbaṃ saṅghikaṃ senāsanaṃ bhājesuṃ. Atha kho bhagavā anupubbena cārikaṃ caramāno yena kīṭāgiri tadavasari. Atha kho bhagavā sambahule bhikkhū āmantesi – ‘‘gacchatha tumhe, bhikkhave; assajipunabbasuke bhikkhū upasaṅkamitvā evaṃ vadetha – ‘bhagavā, āvuso, āgacchati mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca. Bhagavato ca, āvuso, senāsanaṃ paññapetha, bhikkhusaṅghassa ca, sāriputtamoggallānānañcā’’’ti. ‘‘Evaṃ bhante’’ti kho te bhikkhū bhagavato paṭissutvā yena assajipunabbasukā bhikkhū tenupasaṅkamiṃsu, upasaṅkamitvā assajipunabbasuke bhikkhū etadavocuṃ – ‘‘bhagavā, āvuso, āgacchati mahatā bhikkhusaṅghena saddhiṃ pañcamattehi bhikkhusatehi sāriputtamoggallānehi ca . Bhagavato ca, āvuso, senāsanaṃ paññapetha, bhikkhusaṅghassa ca, sāriputtamoggallānānañcā’’ti. ‘‘Natthāvuso, saṅghikaṃ senāsanaṃ. Sabbaṃ amhehi bhājitaṃ. Svāgataṃ, āvuso, bhagavato. Yasmiṃ vihāre bhagavā icchissati tasmiṃ vihāre vasissati. Pāpicchā sāriputtamoggallānā, pāpikānaṃ icchānaṃ vasaṃ gatā. Na mayaṃ tesaṃ senāsanaṃ paññapessāmā’’ti. ‘‘Kiṃ pana tumhe, āvuso, saṅghikaṃ senāsanaṃ bhājitthā’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma assajipunabbasukā bhikkhū saṅghikaṃ senāsanaṃ bhājessantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… ‘‘saccaṃ bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā saṅghikaṃ senāsanaṃ bhājessanti? Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
‘‘ਪਞ੍ਚਿਮਾਨਿ, ਭਿਕ੍ਖવੇ, ਅવੇਭਙ੍ਗਿਯਾਨਿ 1, ਨ વਿਭਜਿਤਬ੍ਬਾਨਿ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਾਨਿਪਿ ਅવਿਭਤ੍ਤਾਨਿ ਹੋਨ੍ਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਕਤਮਾਨਿ ਪਞ੍ਚ? ਆਰਾਮੋ, ਆਰਾਮવਤ੍ਥੁ – ਇਦਂ ਪਠਮਂ ਅવੇਭਙ੍ਗਿਯਂ, ਨ વਿਭਜਿਤਬ੍ਬਂ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਮ੍ਪਿ ਅવਿਭਤ੍ਤਂ ਹੋਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
‘‘Pañcimāni, bhikkhave, avebhaṅgiyāni 2, na vibhajitabbāni, saṅghena vā gaṇena vā puggalena vā. Vibhattānipi avibhattāni honti. Yo vibhajeyya, āpatti thullaccayassa. Katamāni pañca? Ārāmo, ārāmavatthu – idaṃ paṭhamaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘વਿਹਾਰੋ, વਿਹਾਰવਤ੍ਥੁ – ਇਦਂ ਦੁਤਿਯਂ ਅવੇਭਙ੍ਗਿਯਂ, ਨ વਿਭਜਿਤਬ੍ਬਂ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਮ੍ਪਿ ਅવਿਭਤ੍ਤਂ ਹੋਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
‘‘Vihāro, vihāravatthu – idaṃ dutiyaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘ਮਞ੍ਚੋ, ਪੀਠਂ, ਭਿਸਿ, ਬਿਬ੍ਬੋਹਨਂ – ਇਦਂ ਤਤਿਯਂ ਅવੇਭਙ੍ਗਿਯਂ, ਨ વਿਭਜਿਤਬ੍ਬਂ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਮ੍ਪਿ ਅવਿਭਤ੍ਤਂ ਹੋਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
‘‘Mañco, pīṭhaṃ, bhisi, bibbohanaṃ – idaṃ tatiyaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘ਲੋਹਕੁਮ੍ਭੀ, ਲੋਹਭਾਣਕਂ, ਲੋਹવਾਰਕੋ, ਲੋਹਕਟਾਹਂ, વਾਸੀ, ਪਰਸੁ, ਕੁਠਾਰੀ, ਕੁਦਾਲੋ, ਨਿਖਾਦਨਂ – ਇਦਂ ਚਤੁਤ੍ਥਂ ਅવੇਭਙ੍ਗਿਯਂ, ਨ વਿਭਜਿਤਬ੍ਬਂ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਮ੍ਪਿ ਅવਿਭਤ੍ਤਂ ਹੋਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
‘‘Lohakumbhī, lohabhāṇakaṃ, lohavārako, lohakaṭāhaṃ, vāsī, parasu, kuṭhārī, kudālo, nikhādanaṃ – idaṃ catutthaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa.
‘‘વਲ੍ਲੀ, વੇਲ਼ੁ, ਮੁਞ੍ਜਂ, ਪਬ੍ਬਜਂ, ਤਿਣਂ, ਮਤ੍ਤਿਕਾ, ਦਾਰੁਭਣ੍ਡਂ, ਮਤ੍ਤਿਕਾਭਣ੍ਡਂ – ਇਦਂ ਪਞ੍ਚਮਂ ਅવੇਭਙ੍ਗਿਯਂ, ਨ વਿਭਜਿਤਬ੍ਬਂ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਮ੍ਪਿ ਅવਿਭਤ੍ਤਂ ਹੋਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਅવੇਭਙ੍ਗਿਯਾਨਿ, ਨ વਿਭਜਿਤਬ੍ਬਾਨਿ, ਸਙ੍ਘੇਨ વਾ ਗਣੇਨ વਾ ਪੁਗ੍ਗਲੇਨ વਾ। વਿਭਤ੍ਤਾਨਿਪਿ ਅવਿਭਤ੍ਤਾਨਿ ਹੋਨ੍ਤਿ। ਯੋ વਿਭਜੇਯ੍ਯ, ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
‘‘Vallī, veḷu, muñjaṃ, pabbajaṃ, tiṇaṃ, mattikā, dārubhaṇḍaṃ, mattikābhaṇḍaṃ – idaṃ pañcamaṃ avebhaṅgiyaṃ, na vibhajitabbaṃ, saṅghena vā gaṇena vā puggalena vā. Vibhattampi avibhattaṃ hoti. Yo vibhajeyya, āpatti thullaccayassa. Imāni kho, bhikkhave, pañca avebhaṅgiyāni, na vibhajitabbāni, saṅghena vā gaṇena vā puggalena vā. Vibhattānipi avibhattāni honti. Yo vibhajeyya, āpatti thullaccayassā’’ti.
Footnotes:
