| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
сзд̣̇аможигаг̇аат̇аа
Sedamocikagāthā
(1) авиббаваасабан̃хааван̣н̣анаа
(1) Avippavāsapañhāvaṇṇanā
479. сзд̣̇аможигаг̇аат̇аасууд̇и ад̇хиббааяад̇т̇асса г̇амбхийрад̇д̇аа д̇ам̣ жинд̇знд̇аанам̣ винаяад̇хараанам̣ гааяз сзд̣̇ам̣ можзд̇ийд̇и сзд̣̇аможигаа, сааязва г̇аат̇аа сзд̣̇аможигаг̇аат̇аа, д̇аасу. ‘‘агаббияасамбхог̇о на лаб̣бхад̇ий’’д̇и иминаа габбияасамбхог̇о лаб̣бхад̇ийд̇и д̣̇ассзд̇и. габбияасамбхог̇ам̣ д̣̇ассзд̇ум̣ ‘‘нахаабанабхож̇анаад̣̇ий’’д̇и вуд̇д̇ам̣. анаабад̇д̇ийд̇и маад̇убхигкунияаа анаабад̇д̇и. зсаа бан̃хаад̇и зд̇т̇а бан̃хасад̣̇д̣̇о сабхаавад̇илин̇г̇од̇и сад̣̇д̣̇асад̇т̇зсу (сад̣̇д̣̇анийд̇ид̇хаад̇умаалааяам̣ 16 хагааранд̇ад̇хаад̇у; абхид̇хаанаббад̣̇ийбигааяам̣ 115 г̇аат̇ааяам̣) вуд̇д̇о, ид̇ха ид̇т̇илин̇г̇авасзна вуд̇д̇о. ‘‘бан̣д̣ид̇зхий’’д̇и иминаа гусаласса гааран̣ам̣ д̣̇ассзд̇и, бан̣д̣ид̇ад̇д̇аа гусалод̇и ад̇хиббааяо. ассаад̇и бан̃хааяа. зд̇анд̇и виссаж̇ж̇анам̣. ассаад̇и г̇аат̇ааяа.
479.Sedamocikagāthāsūti adhippāyatthassa gambhīrattā taṃ cintentānaṃ vinayadharānaṃ kāye sedaṃ mocetīti sedamocikā, sāyeva gāthā sedamocikagāthā, tāsu. ‘‘Akappiyasambhogo na labbhatī’’ti iminā kappiyasambhogo labbhatīti dasseti. Kappiyasambhogaṃ dassetuṃ ‘‘nahāpanabhojanādī’’ti vuttaṃ. Anāpattīti mātubhikkhuniyā anāpatti. Esā pañhāti ettha pañhasaddo sabhāvatiliṅgoti saddasatthesu (saddanītidhātumālāyaṃ 16 hakārantadhātu; abhidhānappadīpikāyaṃ 115 gāthāyaṃ) vutto, idha itthiliṅgavasena vutto. ‘‘Paṇḍitehī’’ti iminā kusalassa kāraṇaṃ dasseti, paṇḍitattā kusaloti adhippāyo. Assāti pañhāya. Etanti vissajjanaṃ. Assāti gāthāya.
згаад̣̇аса виваж̇ж̇ияаад̇и авибхад̇д̇иганид̣̇д̣̇зсо, згаад̣̇аса виваж̇ж̇иязд̇и ад̇т̇о. д̇зна вуд̇д̇ам̣ ‘‘яз’’д̇иаад̣̇и. д̇збийд̇и бисад̣̇д̣̇о г̇аат̇ааяам̣ луд̇д̇анид̣̇д̣̇идтаг̇амяамаанабхаавам̣ д̣̇ассзд̇и.
Ekādasa vivajjiyāti avibhattikaniddeso, ekādasa vivajjiyeti attho. Tena vuttaṃ ‘‘ye’’tiādi. Tepīti pisaddo gāthāyaṃ luttaniddiṭṭhagamyamānabhāvaṃ dasseti.
аяанд̇и нхаабид̇абуб̣б̣аго бхигку. ниммид̇аб̣уд̣̇д̇ханд̇и б̣уд̣̇д̇хзна ниммид̇ам̣ б̣уд̣̇д̇харуубам̣.
Ayanti nhāpitapubbako bhikkhu. Nimmitabuddhanti buddhena nimmitaṃ buddharūpaṃ.
виваж̇ж̇ияаад̇и зд̇т̇а яагааро д̇ваабажжаяасса гаарияод̇и ааха ‘‘виваж̇ж̇зд̇ваа’’д̇и. асийсагам̣ яам̣ д̇ам̣ габ̣анд̇хам̣ ад̇т̇ийд̇и яож̇анаа. асийсагад̇д̇аа гзна сарийрзна ж̇ийвид̇ам̣ б̣анд̇хад̇ийд̇и габ̣анд̇хо. яассаад̇и габ̣анд̇хасса.
Vivajjiyāti ettha yakāro tvāpaccayassa kāriyoti āha ‘‘vivajjetvā’’ti. Asīsakaṃ yaṃ taṃ kabandhaṃ atthīti yojanā. Asīsakattā kena sarīrena jīvitaṃ bandhatīti kabandho. Yassāti kabandhassa.
хийд̇и сажжам̣. д̇зд̇и абхаб̣б̣абуг̇г̇алаа.
Hīti saccaṃ. Teti abhabbapuggalā.
ваажаад̇и зд̇т̇а яагааралобод̇и ааха ‘‘ваажааяаа’’д̇и. ид̇и мзд̇и звам̣ мама. звам̣ вад̣̇амаанз мама важананд̇и яож̇анаа. ат̇аваа ид̇имзд̇и звам̣ имз, звам̣ вад̣̇амаанз имз ж̇анаад̇и яож̇анаа. сад̣̇д̣̇амбийд̇и иминаа г̇ирасад̣̇д̣̇о сад̣̇д̣̇абарияааяод̇и д̣̇ассзд̇и. хийд̇и сажжам̣. д̇ун̣хийбхууд̇асса нисиннасса д̇асса бхигкунод̇и яож̇анаа. яад̣̇и манод̣̇ваарз аабад̇д̇и наама над̇т̇и, звам̣ сад̇и гасмаа аабаж̇ж̇зяяа ваажасиганд̇и вуд̇д̇анд̇и ааха ‘‘яасмаа банаа’’д̇иаад̣̇и. д̇знаад̇и д̇асмаа. ассаад̇и бхигкусса.
Vācāti ettha yakāralopoti āha ‘‘vācāyā’’ti. Iti meti evaṃ mama. Evaṃ vadamāne mama vacananti yojanā. Athavā itimeti evaṃ ime, evaṃ vadamāne ime janāti yojanā. Saddampīti iminā girasaddo saddapariyāyoti dasseti. Hīti saccaṃ. Tuṇhībhūtassa nisinnassa tassa bhikkhunoti yojanā. Yadi manodvāre āpatti nāma natthi, evaṃ sati kasmā āpajjeyya vācasikanti vuttanti āha ‘‘yasmā panā’’tiādi. Tenāti tasmā. Assāti bhikkhussa.
саад̇и бхигкуний, аабаж̇ж̇ад̇ийд̇и самб̣анд̇хо. вуд̇д̇аббагааранд̇и ‘‘г̇ааманд̇арабарияаабанна’’нд̇и вуд̇д̇аббагаарам̣.
Sāti bhikkhunī, āpajjatīti sambandho. Vuttappakāranti ‘‘gāmantarapariyāpanna’’nti vuttappakāraṃ.
д̇аасууд̇и д̣̇вийсу бхигкунийсу.
Tāsūti dvīsu bhikkhunīsu.
жад̇уро ж̇анаад̇и зд̇т̇а жад̇уннам̣ ж̇анаанам̣ саруубам̣ д̣̇ассзнд̇о ааха ‘‘аажарияо жа д̇аяо жа анд̇зваасигаа’’д̇и . саахад̇т̇игаад̇и сахад̇т̇аа авахарид̇аа. аан̣ад̇д̇ияаабийд̇и аан̣ад̇д̇зна авахарид̇ааби. ид̇арзсанд̇и анд̇зваасигаанам̣, згзго маасагод̇и самб̣анд̇хо. зд̇т̇аад̇и бариваарз сзд̣̇аможигаг̇аат̇ааяам̣.
Caturo janāti ettha catunnaṃ janānaṃ sarūpaṃ dassento āha ‘‘ācariyo ca tayo ca antevāsikā’’ti . Sāhatthikāti sahatthā avaharitā. Āṇattiyāpīti āṇattena avaharitāpi. Itaresanti antevāsikānaṃ, ekeko māsakoti sambandho. Etthāti parivāre sedamocikagāthāyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. авиббаваасабан̃хаа • 1. Avippavāsapañhā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / (1) авиббаваасабан̃хааван̣н̣анаа • (1) Avippavāsapañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / авиббаваасаад̣̇ибан̃хаван̣н̣анаа • Avippavāsādipañhavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / авиббаваасабан̃хааван̣н̣анаа • Avippavāsapañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / авиббаваасабан̃хааван̣н̣анаа • Avippavāsapañhāvaṇṇanā
