| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
74. авиббаваасасиймаануж̇аананагат̇аа
74. Avippavāsasīmānujānanakathā
143. анд̇хагавинд̣̇ам̣ наамаад̇и д̇асса г̇аамасса наамам̣. д̇анд̇и анд̇хагавинд̣̇ам̣. т̇зрод̇и махаагассабад̇т̇зро. д̇ад̇од̇и анд̇хагавинд̣̇ад̇о. иминаа ‘‘анд̇хагавинд̣̇аа’’д̇и зд̇т̇а ниссаггад̇т̇з ниссаггаважананд̇и д̣̇ассзд̇и. убосат̇анд̇и д̇ад̣̇ад̇т̇з убаяог̇аважанам̣. убосат̇ад̇т̇ааяаад̇и хи ад̇т̇о. анд̇хагавинд̣̇аа рааж̇аг̇ахам̣ ааг̇аманасса гааран̣ам̣ д̣̇ассзнд̇о ааха ‘‘рааж̇аг̇ахам̣ хий’’д̇иаад̣̇и. д̇ад̇т̇а хийд̇и яасмаа. анд̇хагавинд̣̇аа вихаарам̣ анд̇о гад̇ваа ‘‘адтаараса махаавихаараа’’д̇и вуд̇д̇ам̣. нзсанд̇и адтаарасаннам̣ махаавихаараанам̣. сан̇гхасса саамаг̇г̇ид̣̇аанад̇т̇анд̇и зд̇т̇а сан̇гхасса саамаг̇г̇ид̣̇аанам̣ ад̇д̇ано убосат̇агижжам̣ сид̣̇д̇хам̣. д̇асмаа баал̣ияам̣ ‘‘убосат̇ам̣ ааг̇ажчанд̇о’’д̇и вуд̇д̇ам̣. ‘‘сиббинияам̣ наамаа’’д̇и иминаа над̣̇им̣ д̇аранд̇од̇и зд̇т̇а над̣̇ияаа наамам̣ д̣̇ассзд̇и. манам̣ вуул̣ход̇и зд̇т̇а мананд̇и нибаад̇о ийсагад̇т̇од̇и д̣̇ассзнд̇о ааха ‘‘ийсага’’нд̇и. ‘‘аббамад̇д̇а’’нд̇и иминаа ‘‘ийсага’’нд̇ибад̣̇асса ад̇т̇ам̣ д̣̇ассзд̇и. ‘‘вуул̣хабхааво’’д̇и иминаа бхаавабажжаязна винаа бхаавад̇т̇о н̃аад̇аб̣б̣од̇и д̣̇ассзд̇и. жан̣д̣знаад̇и карзна. д̇ад̇т̇аад̇и над̣̇ияам̣. аманасигаронд̇од̇и ‘‘жан̣д̣асод̇а’’нд̇и аабхог̇ам̣ агаронд̇о. на бана вуул̣ход̇и на бана махаавуул̣хо. уд̣̇агаб̣бхаахад̇аанийд̇и уд̣̇агзна абхиаахад̇аани. ассаад̇и т̇зрасса. аллаанийд̇и д̇инд̇аани.
143.Andhakavindaṃ nāmāti tassa gāmassa nāmaṃ. Tanti andhakavindaṃ. Theroti mahākassapatthero. Tatoti andhakavindato. Iminā ‘‘andhakavindā’’ti ettha nissakkatthe nissakkavacananti dasseti. Uposathanti tadatthe upayogavacanaṃ. Uposathatthāyāti hi attho. Andhakavindā rājagahaṃ āgamanassa kāraṇaṃ dassento āha ‘‘rājagahaṃ hī’’tiādi. Tattha hīti yasmā. Andhakavindā vihāraṃ anto katvā ‘‘aṭṭhārasa mahāvihārā’’ti vuttaṃ. Nesanti aṭṭhārasannaṃ mahāvihārānaṃ. Saṅghassa sāmaggidānatthanti ettha saṅghassa sāmaggidānaṃ attano uposathakiccaṃ siddhaṃ. Tasmā pāḷiyaṃ ‘‘uposathaṃ āgacchanto’’ti vuttaṃ. ‘‘Sippiniyaṃ nāmā’’ti iminā nadiṃ tarantoti ettha nadiyā nāmaṃ dasseti. Manaṃ vūḷhoti ettha mananti nipāto īsakatthoti dassento āha ‘‘īsaka’’nti. ‘‘Appamatta’’nti iminā ‘‘īsaka’’ntipadassa atthaṃ dasseti. ‘‘Vūḷhabhāvo’’ti iminā bhāvapaccayena vinā bhāvattho ñātabboti dasseti. Caṇḍenāti kharena. Tatthāti nadiyaṃ. Amanasikarontoti ‘‘caṇḍasota’’nti ābhogaṃ akaronto. Na pana vūḷhoti na pana mahāvūḷho. Udakabbhāhatānīti udakena abhiāhatāni. Assāti therassa. Allānīti tintāni.
144. буримагаммаваажаад̇и ‘‘саммад̇аа саа сиймаа сан̇гхзна д̇ижийварзна авиббаваасаа’’д̇и бурз вуд̇д̇аа гаммаваажаа. аяамзваад̇и ‘‘табзд̇ваа г̇ааман̃жа г̇аамуубажааран̃жаа’’д̇ибад̣̇ам̣ багкибид̇ваа анубан̃н̃ад̇д̇аа аяамзва гаммаваажаа. аяанд̇и бажчимагаммаваажаа. хи яасмаа бхигкунисан̇гхо анд̇ог̇аамз васад̇и, д̇асмаа буримааязва ваддад̇ийд̇и яож̇анаа. яад̣̇и званд̇и яад̣̇и бхигкунисан̇гхасса аяам̣ бажчимагаммаваажаа вадданам̣ сияаа бхавзяяа, звам̣ сад̇ийд̇и яож̇анаа. сод̇и бхигкунисан̇гхо. зд̇ааяа гаммаваажааяаад̇и бажчимагаммаваажааяа. на лабхзяяаад̇и анд̇ог̇аамз васанад̇д̇аа д̇ижийварабарихаарам̣ на лабхзяяа. гим̣ на лабхад̇иязваад̇и ааха ‘‘ад̇т̇и жасса барихааро’’д̇и. ассаад̇и бхигкунисан̇гхасса. д̣̇взби сиймааяод̇и самаанасам̣ваасагасиймаа жа авиббаваасасиймаа жаад̇и д̣̇взби сиймааяо. д̇ад̇т̇аад̇и бхигкубхигкунийсу. д̇ассаад̇и бхигкуунам̣ сиймааяа. зсзва наяод̇и бхигкунийнам̣ сиймам̣ аж̇жход̇т̇арид̇вааби анд̇обависид̇вааби бхигкуунам̣ сиймааяа самманз зсзва наяо. зд̇зд̇и бхигкубхигкунияо. сааман̃н̃ад̇д̇аа хи буллин̇г̇зна вуд̇д̇ам̣. зд̇т̇а жаад̇и ‘‘табзд̇ваа г̇ааман̃жа г̇аамуубажааран̃жаа’’д̇ибад̣̇з жа. сан̇г̇ахо взд̣̇ид̇аб̣б̣о, гасмаа? г̇аамзна ниг̇аманаг̇араанам̣ згалагкан̣ад̇д̇аа.
144.Purimakammavācāti ‘‘sammatā sā sīmā saṅghena ticīvarena avippavāsā’’ti pure vuttā kammavācā. Ayamevāti ‘‘ṭhapetvā gāmañca gāmūpacārañcā’’tipadaṃ pakkhipitvā anupaññattā ayameva kammavācā. Ayanti pacchimakammavācā. Hi yasmā bhikkhunisaṅgho antogāme vasati, tasmā purimāyeva vaṭṭatīti yojanā. Yadi evanti yadi bhikkhunisaṅghassa ayaṃ pacchimakammavācā vaṭṭanaṃ siyā bhaveyya, evaṃ satīti yojanā. Soti bhikkhunisaṅgho. Etāya kammavācāyāti pacchimakammavācāya. Na labheyyāti antogāme vasanattā ticīvaraparihāraṃ na labheyya. Kiṃ na labhatiyevāti āha ‘‘atthi cassa parihāro’’ti. Assāti bhikkhunisaṅghassa. Dvepi sīmāyoti samānasaṃvāsakasīmā ca avippavāsasīmā cāti dvepi sīmāyo. Tatthāti bhikkhubhikkhunīsu. Tassāti bhikkhūnaṃ sīmāya. Eseva nayoti bhikkhunīnaṃ sīmaṃ ajjhottharitvāpi antopavisitvāpi bhikkhūnaṃ sīmāya sammane eseva nayo. Eteti bhikkhubhikkhuniyo. Sāmaññattā hi pulliṅgena vuttaṃ. Ettha cāti ‘‘ṭhapetvā gāmañca gāmūpacārañcā’’tipade ca. Saṅgaho veditabbo, kasmā? Gāmena nigamanagarānaṃ ekalakkhaṇattā.
баригкзбогаасод̇и баригкзбаарахогаасо. д̇зсууд̇и г̇аамаг̇аамуубажаарзсу. барихааранд̇и жийваравиббаваасааабад̇д̇иабанаяанам̣. ‘‘ид̇ий’’д̇иаад̣̇и ниг̇аманам̣. зд̇т̇аад̇и самаанасам̣ваасагаавиббаваасасиймаасу. ад̇д̇ано д̇хаммад̇ааяаад̇и ад̇д̇ано сабхаавзна. яад̇т̇аад̇и яасмим̣ таанз. хийд̇и сажжам̣, яасмаа ваа. д̇ассаад̇и авиббаваасасиймааяа. висунд̇и самаанасам̣ваасагасиймад̇о баадзггам̣. д̇ад̇т̇аад̇и д̣̇вийсу сиймаасу. авиббаваасааяаад̇и авиббаваасасиймааяа. д̇анд̇и г̇аамам̣. саад̇и авиббаваасасиймаа. саммад̇ааяа сиймааяаад̇и авиббаваасасиймааяа саммад̇ааяа сад̇ияаад̇и самб̣анд̇хо. саммад̇ад̇о бажчаад̇и ваа яож̇анаа. нивисад̇ийд̇и ниваасад̇т̇ааяа висад̇и бависад̇и. собийд̇и г̇аамоби. сиймасан̇кяам̣язваад̇и авиббаасасиймавохаарамзва. ад̇хидтид̇ад̇зжийваригаа бхигкуу барихаарам̣ лабханд̇ийд̇и ад̇хиббааяо. яат̇аа бажчаа нивидто г̇аамо сиймасан̇кяам̣язва г̇ажчад̇и, званд̇и яож̇анаа. ‘‘бависиссаамаа’’д̇и г̇зхаани гад̇аани, ‘‘бависиссаамаа’’д̇и аалаяоби ад̇т̇ийд̇и яож̇анаа. аалаяобийд̇и абзгкоби. абавидтаад̇и г̇зхаани абавидтаа. г̇зхамзва чад̣д̣зд̇ваад̇и г̇зхам̣ чад̣д̣зд̇ваа зва. иминаа г̇зхз чад̣д̣ид̇з саб̣б̣ам̣ чад̣д̣ид̇амзваад̇и д̣̇ассзд̇и. бавидтам̣ ваа аг̇ад̇ам̣ ваа згамби гулам̣ ад̇т̇и сажзд̇и яож̇анаа. зд̇т̇а жа ‘‘згамби гулам̣ бавидтам̣ ваа’’д̇и ид̣̇ам̣ наваг̇аамам̣ санд̇хааяа вуд̇д̇ам̣. ‘‘згамби гулам̣ аг̇ад̇ам̣ ваа’’д̇и ид̣̇ам̣ бораан̣агаг̇аамам̣ санд̇хааяаад̇и д̣̇адтаб̣б̣ам̣.
Parikkhepokāsoti parikkhepārahokāso. Tesūti gāmagāmūpacāresu. Parihāranti cīvaravippavāsaāpattiapanayanaṃ. ‘‘Itī’’tiādi nigamanaṃ. Etthāti samānasaṃvāsakaavippavāsasīmāsu. Attano dhammatāyāti attano sabhāvena. Yatthāti yasmiṃ ṭhāne. Hīti saccaṃ, yasmā vā. Tassāti avippavāsasīmāya. Visunti samānasaṃvāsakasīmato pāṭekkaṃ. Tatthāti dvīsu sīmāsu. Avippavāsāyāti avippavāsasīmāya. Tanti gāmaṃ. Sāti avippavāsasīmā. Sammatāya sīmāyāti avippavāsasīmāya sammatāya satiyāti sambandho. Sammatato pacchāti vā yojanā. Nivisatīti nivāsatthāya visati pavisati. Sopīti gāmopi. Sīmasaṅkhyaṃyevāti avippāsasīmavohārameva. Adhiṭṭhitatecīvarikā bhikkhū parihāraṃ labhantīti adhippāyo. Yathā pacchā niviṭṭho gāmo sīmasaṅkhyaṃyeva gacchati, evanti yojanā. ‘‘Pavisissāmā’’ti gehāni katāni, ‘‘pavisissāmā’’ti ālayopi atthīti yojanā. Ālayopīti apekkhopi. Apaviṭṭhāti gehāni apaviṭṭhā. Gehameva chaḍḍetvāti gehaṃ chaḍḍetvā eva. Iminā gehe chaḍḍite sabbaṃ chaḍḍitamevāti dasseti. Paviṭṭhaṃ vā agataṃ vā ekampi kulaṃ atthi saceti yojanā. Ettha ca ‘‘ekampi kulaṃ paviṭṭhaṃ vā’’ti idaṃ navagāmaṃ sandhāya vuttaṃ. ‘‘Ekampi kulaṃ agataṃ vā’’ti idaṃ porāṇakagāmaṃ sandhāyāti daṭṭhabbaṃ.
д̇ад̇раад̇и ‘‘вад̇д̇ам̣ ж̇аанид̇аб̣б̣а’’нд̇иважанз. авиббаваасасиймааяанд̇и махаасиймааяа. саа зва хи яасмаа авиббаваасагаммаваажааяа б̣ахулабаяож̇анаа ход̇и, д̇асмаа авиббаваасасиймаад̇и вужжад̇и. ид̇арааяаад̇и авиббаваасасиймааяа. д̇ад̇т̇аад̇и д̇аасу д̣̇вийсу сиймаасу. нираасан̇гадтаанзсу тад̇ваад̇и жзд̇ияан̇г̇ан̣аад̣̇ийнам̣ кан̣д̣асиймааяа аногаасад̇д̇аа вуд̇д̇ам̣. кан̣д̣асийман̃хи саммананд̇аа жзд̇ияан̇г̇ан̣аад̣̇идтаанам̣ бахааяа ан̃н̃асмим̣ вивид̇д̇огаасз вихаарабажжанд̇ам̣ кан̣д̣ид̇ваа саммананд̇и. самууханид̇унд̇и авиббаваасасиймам̣ самууханид̇ум̣. бадиб̣анд̇хид̇ум̣ на сагкиссанд̇зваад̇и авиббаваасам̣язва ж̇аанид̇ваа кан̣д̣асиймааяа ан̃н̃аад̇ад̇д̇аа бадиб̣анд̇хид̇ум̣ на сагкиссанд̇зва. сиймасамбхзд̣̇анд̇и кан̣д̣асиймаавиббаваасасиймаанам̣ самбхзд̣̇ам̣. саасананд̇арад̇хаанзна ваад̇и сад̇т̇у аан̣ааяа анд̇арад̇хаанзна ваа. саад̇хугам̣ банаад̇и нигган̇кам̣ бана.
Tatrāti ‘‘vattaṃ jānitabba’’ntivacane. Avippavāsasīmāyanti mahāsīmāya. Sā eva hi yasmā avippavāsakammavācāya bahulapayojanā hoti, tasmā avippavāsasīmāti vuccati. Itarāyāti avippavāsasīmāya. Tatthāti tāsu dvīsu sīmāsu. Nirāsaṅkaṭṭhānesu ṭhatvāti cetiyaṅgaṇādīnaṃ khaṇḍasīmāya anokāsattā vuttaṃ. Khaṇḍasīmañhi sammanantā cetiyaṅgaṇādiṭṭhānaṃ pahāya aññasmiṃ vivittokāse vihārapaccantaṃ khaṇḍitvā sammananti. Samūhanitunti avippavāsasīmaṃ samūhanituṃ. Paṭibandhituṃ na sakkhissantevāti avippavāsaṃyeva jānitvā khaṇḍasīmāya aññātattā paṭibandhituṃ na sakkhissanteva. Sīmasambhedanti khaṇḍasīmaavippavāsasīmānaṃ sambhedaṃ. Sāsanantaradhānena vāti satthu āṇāya antaradhānena vā. Sādhukaṃ panāti nikkaṅkhaṃ pana.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 74. авиббаваасасиймаануж̇аананаа • 74. Avippavāsasīmānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / авиббаваасасиймаануж̇аананагат̇аа • Avippavāsasīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
