| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਅવੋਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
2. Avopupphiyattheraapadānavaṇṇanā
વਿਹਾਰਾ ਅਭਿਨਿਕ੍ਖਮ੍ਮਾਤਿਆਦਿਕਂ ਆਯਸ੍ਮਤੋ ਅવੋਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਦ੍ਧਾਸਮ੍ਪਨ੍ਨੋ ਧਮ੍ਮਂ ਸੁਤ੍વਾ ਸੋਮਨਸ੍ਸਪ੍ਪਤ੍ਤੋ ਨਾਨਾਪੁਪ੍ਫਾਨਿ ਉਭੋਹਿ ਹਤ੍ਥੇਹਿ ਗਹੇਤ੍વਾ ਬੁਦ੍ਧਸ੍ਸ ਉਪਰਿ ਅਬ੍ਭੁਕ੍ਕਿਰਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਸਗ੍ਗਸਮ੍ਪਤ੍ਤਿਞ੍ਚ ਚਕ੍ਕવਤ੍ਤਿਸਮ੍ਪਤ੍ਤਿਞ੍ਚ ਅਨੁਭવਿਤ੍વਾ ਸਬ੍ਬਤ੍ਥ ਪੂਜਿਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤੋ વੁਦ੍ਧਿਪ੍ਪਤ੍ਤੋ ਸਾਸਨੇ ਪਸੀਦਿਤ੍વਾ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ। ਆ ਸਮਨ੍ਤਤੋ ਕਾਸਤਿ ਦਿਪ੍ਪਤੀਤਿ ਆਕਾਸੋ, ਤਸ੍ਮਿਂ ਆਕਾਸੇ ਪੁਪ੍ਫਾਨਂ ਅવਕਿਰਿਤਤ੍ਤਾ ਅવੋਪੁਪ੍ਫਿਯਤ੍ਥੇਰੋਤਿ ਪਾਕਟੋ।
Vihārā abhinikkhammātiādikaṃ āyasmato avopupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle kulagehe nibbatto viññutaṃ patto saddhāsampanno dhammaṃ sutvā somanassappatto nānāpupphāni ubhohi hatthehi gahetvā buddhassa upari abbhukkiri. So tena puññena devamanussesu saṃsaranto saggasampattiñca cakkavattisampattiñca anubhavitvā sabbattha pūjito imasmiṃ buddhuppāde ekasmiṃ kulagehe nibbato vuddhippatto sāsane pasīditvā pabbajitvā nacirasseva arahā ahosi. Ā samantato kāsati dippatīti ākāso, tasmiṃ ākāse pupphānaṃ avakiritattā avopupphiyattheroti pākaṭo.
੭. ਏવਂ ਪਤ੍ਤਸਨ੍ਤਿਪਦੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਹਾਰਾ ਅਭਿਨਿਕ੍ਖਮ੍ਮਾਤਿਆਦਿਮਾਹ। ਤਤ੍ਥ વਿਹਾਰਾਤਿ વਿਸੇਸੇਨ ਹਰਤਿ ਚਤੂਹਿ ਇਰਿਯਾਪਥੇਹਿ ਅਪਤਨ੍ਤਂ ਅਤ੍ਤਭਾવਂ ਆਹਰਤਿ ਪવਤ੍ਤੇਤਿ ਏਤ੍ਥਾਤਿ વਿਹਾਰੋ, ਤਸ੍ਮਾ વਿਹਾਰਾ ਅਭਿ વਿਸੇਸੇਨ ਨਿਕ੍ਖਮ੍ਮ ਨਿਕ੍ਖਮਿਤ੍વਾ। ਅਬ੍ਭੁਟ੍ਠਾਸਿ ਚ ਚਙ੍ਕਮੇਤਿ ਚਙ੍ਕਮਨਤ੍ਥਾਯ ਸਟ੍ਠਿਰਤਨੇ ਚਙ੍ਕਮੇ ਅਭਿવਿਸੇਸੇਨ ਉਟ੍ਠਾਸਿ, ਅਭਿਰੁਹੀਤਿ ਅਤ੍ਥੋ। ਚਤੁਸਚ੍ਚਂ ਪਕਾਸੇਨ੍ਤੋਤਿ ਤਸ੍ਮਿਂ ਚਙ੍ਕਮੇ ਚਙ੍ਕਮਨ੍ਤੋ ਦੁਕ੍ਖਸਮੁਦਯਨਿਰੋਧਮਗ੍ਗਸਚ੍ਚਸਙ੍ਖਾਤਂ ਚਤੁਸਚ੍ਚਂ ਪਕਾਸੇਨ੍ਤੋ ਪਾਕਟਂ ਕਰੋਨ੍ਤੋ ਅਮਤਂ ਪਦਂ ਨਿਬ੍ਬਾਨਂ ਦੇਸੇਨ੍ਤੋ વਿਭਜਨ੍ਤੋ ਉਤ੍ਤਾਨੀਕਰੋਨ੍ਤੋ ਤਸ੍ਮਿਂ ਚਙ੍ਕਮੇਤਿ ਸਮ੍ਬਨ੍ਧੋ।
7. Evaṃ pattasantipado attano pubbakammaṃ saritvā somanassajāto pubbacaritāpadānaṃ pakāsento vihārā abhinikkhammātiādimāha. Tattha vihārāti visesena harati catūhi iriyāpathehi apatantaṃ attabhāvaṃ āharati pavatteti etthāti vihāro, tasmā vihārā abhi visesena nikkhamma nikkhamitvā. Abbhuṭṭhāsi ca caṅkameti caṅkamanatthāya saṭṭhiratane caṅkame abhivisesena uṭṭhāsi, abhiruhīti attho. Catusaccaṃpakāsentoti tasmiṃ caṅkame caṅkamanto dukkhasamudayanirodhamaggasaccasaṅkhātaṃ catusaccaṃ pakāsento pākaṭaṃ karonto amataṃ padaṃ nibbānaṃ desento vibhajanto uttānīkaronto tasmiṃ caṅkameti sambandho.
੮. ਸਿਖਿਸ੍ਸ ਗਿਰਮਞ੍ਞਾਯ, ਬੁਦ੍ਧਸੇਟ੍ਠਸ੍ਸ ਤਾਦਿਨੋਤਿ ਸੇਟ੍ਠਸ੍ਸ ਤਾਦਿਗੁਣਸਮਙ੍ਗਿਸ੍ਸ ਸਿਖਿਸ੍ਸ ਬੁਦ੍ਧਸ੍ਸ ਗਿਰਂ ਸਦ੍ਦਂ ਘੋਸਂ ਅਞ੍ਞਾਯ ਜਾਨਿਤ੍વਾ। ਨਾਨਾਪੁਪ੍ਫਂ ਗਹੇਤ੍વਾਨਾਤਿ ਨਾਗਪੁਨ੍ਨਾਗਾਦਿਅਨੇਕਾਨਿ ਪੁਪ੍ਫਾਨਿ ਗਹੇਤ੍વਾ ਆਹਰਿਤ੍વਾ। ਆਕਾਸਮ੍ਹਿ ਸਮੋਕਿਰਿਨ੍ਤਿ ਚਙ੍ਕਮਨ੍ਤਸ੍ਸ ਭਗવਤੋ ਮੁਦ੍ਧਨਿ ਆਕਾਸੇ ਓਕਿਰਿਂ ਪੂਜੇਸਿਂ।
8.Sikhissa giramaññāya, buddhaseṭṭhassa tādinoti seṭṭhassa tādiguṇasamaṅgissa sikhissa buddhassa giraṃ saddaṃ ghosaṃ aññāya jānitvā. Nānāpupphaṃ gahetvānāti nāgapunnāgādianekāni pupphāni gahetvā āharitvā. Ākāsamhi samokirinti caṅkamantassa bhagavato muddhani ākāse okiriṃ pūjesiṃ.
੯. ਤੇਨ ਕਮ੍ਮੇਨ ਦ੍વਿਪਦਿਨ੍ਦਾਤਿ ਦ੍વਿਪਦਾਨਂ ਦੇવਬ੍ਰਹ੍ਮਮਨੁਸ੍ਸਾਨਂ ਇਨ੍ਦ ਪਧਾਨਭੂਤ। ਨਰਾਸਭ ਨਰਾਨਂ ਆਸਭਭੂਤ। ਪਤ੍ਤੋਮ੍ਹਿ ਅਚਲਂ ਠਾਨਨ੍ਤਿ ਤੁਮ੍ਹਾਕਂ ਸਨ੍ਤਿਕੇ ਪਬ੍ਬਜਿਤ੍વਾ ਅਚਲਂ ਠਾਨਂ ਨਿਬ੍ਬਾਨਂ ਪਤ੍ਤੋ ਅਮ੍ਹਿ ਭવਾਮਿ। ਹਿਤ੍વਾ ਜਯਪਰਾਜਯਨ੍ਤਿ ਦਿਬ੍ਬਮਨੁਸ੍ਸਸਮ੍ਪਤ੍ਤਿਸਙ੍ਖਾਤਂ ਜਯਞ੍ਚ ਚਤੁਰਾਪਾਯਦੁਕ੍ਖਸਙ੍ਖਾਤਂ ਪਰਾਜਯਞ੍ਚ ਹਿਤ੍વਾ ਛਡ੍ਡੇਤ੍વਾ ਨਿਬ੍ਬਾਨਂ ਪਤ੍ਤੋਸ੍ਮੀਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
9.Tena kammena dvipadindāti dvipadānaṃ devabrahmamanussānaṃ inda padhānabhūta. Narāsabha narānaṃ āsabhabhūta. Pattomhi acalaṃ ṭhānanti tumhākaṃ santike pabbajitvā acalaṃ ṭhānaṃ nibbānaṃ patto amhi bhavāmi. Hitvā jayaparājayanti dibbamanussasampattisaṅkhātaṃ jayañca caturāpāyadukkhasaṅkhātaṃ parājayañca hitvā chaḍḍetvā nibbānaṃ pattosmīti attho. Sesaṃ suviññeyyamevāti.
ਅવੋਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤੋ।
Avopupphiyattheraapadānavaṇṇanā samatto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਅવੋਪੁਪ੍ਫਿਯਤ੍ਥੇਰਅਪਦਾਨਂ • 2. Avopupphiyattheraapadānaṃ
