| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
(૧૨) ૨. આયાચનવગ્ગવણ્ણના
(12) 2. Āyācanavaggavaṇṇanā
૧૩૧. સદ્ધો ભિક્ખૂતિ સદ્ધાય સમન્નાગતો ભિક્ખુ. યો ભિક્ખુ સારિપુત્તમોગ્ગલ્લાનેહિ સદિસભાવં પત્થેતિ, સો યેહિ ગુણેહિ સારિપુત્તમોગ્ગલ્લાના એતદગ્ગે ઠપિતા, તે ગુણે અત્તનો અભિકઙ્ખેય્યાતિ આહ ‘‘યાદિસો સારિપુત્તત્થેરો પઞ્ઞાયા’’તિઆદિ. ઇતો ઉત્તરિ પત્થેન્તો મિચ્છા પત્થેય્યાતિ સારિપુત્તમોગ્ગલ્લાનાનં યે પઞ્ઞાદયો ગુણા ઉપલબ્ભન્તિ, તતો ઉત્તરિ પત્થેન્તો મિચ્છા પત્થેય્ય. અગ્ગસાવકગુણપરમા હિ સાવકગુણમરિયાદા. તેસં સાવકગુણાનં યદિદં અગ્ગસાવકગુણા, ન તતો પરં સાવકગુણા નામ અત્થિ. તેનેવાહ ‘‘યં નત્થિ, તસ્સ પત્થિતત્તા’’તિ. સેસમેત્થ ઉત્તાનમેવ.
131.Saddho bhikkhūti saddhāya samannāgato bhikkhu. Yo bhikkhu sāriputtamoggallānehi sadisabhāvaṃ pattheti, so yehi guṇehi sāriputtamoggallānā etadagge ṭhapitā, te guṇe attano abhikaṅkheyyāti āha ‘‘yādiso sāriputtatthero paññāyā’’tiādi. Ito uttari patthento micchā pattheyyāti sāriputtamoggallānānaṃ ye paññādayo guṇā upalabbhanti, tato uttari patthento micchā pattheyya. Aggasāvakaguṇaparamā hi sāvakaguṇamariyādā. Tesaṃ sāvakaguṇānaṃ yadidaṃ aggasāvakaguṇā, na tato paraṃ sāvakaguṇā nāma atthi. Tenevāha ‘‘yaṃ natthi, tassa patthitattā’’ti. Sesamettha uttānameva.
૧૩૫. પઞ્ચમે યસ્સ ગુણા ખતા ઉપહતા ચ, સો ખતો ઉપહતો નામ હોતીતિ આહ ‘‘ગુણાનં ખતત્તા’’તિઆદિ. ખતત્તાતિ છિન્નત્તા. ઉપહતત્તાતિ નટ્ઠત્તા. તેનાહ ‘‘છિન્નગુણં નટ્ઠગુણન્તિ અત્થો’’તિ. અપુઞ્ઞસ્સ પસવો નામ અત્થતો પટિલાભોતિ આહ ‘‘પસવતીતિ પટિલભતી’’તિ, અત્તનો સન્તાને ઉપ્પાદેતીતિ અત્થો. અનનુપવિસિત્વાતિ ઞાણેન અનોગાહેત્વા. સેસમેત્થ છટ્ઠાદીનિ ચ સુવિઞ્ઞેય્યાનેવ.
135. Pañcame yassa guṇā khatā upahatā ca, so khato upahato nāma hotīti āha ‘‘guṇānaṃ khatattā’’tiādi. Khatattāti chinnattā. Upahatattāti naṭṭhattā. Tenāha ‘‘chinnaguṇaṃ naṭṭhaguṇantiattho’’ti. Apuññassa pasavo nāma atthato paṭilābhoti āha ‘‘pasavatīti paṭilabhatī’’ti, attano santāne uppādetīti attho. Ananupavisitvāti ñāṇena anogāhetvā. Sesamettha chaṭṭhādīni ca suviññeyyāneva.
આયાચનવગ્ગવણ્ણના નિટ્ઠિતા.
Āyācanavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / (૧૨) ૨. આયાચનવગ્ગો • (12) 2. Āyācanavaggo
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / (૧૨) ૨. આયાચનવગ્ગવણ્ણના • (12) 2. Āyācanavaggavaṇṇanā
