| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਆਯਾਗਦਾਯਕਤ੍ਥੇਰਅਪਦਾਨવਣ੍ਣਨਾ
8. Āyāgadāyakattheraapadānavaṇṇanā
ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਕਂ ਆਯਸ੍ਮਤੋ ਆਯਾਗਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਪਰਿਨਿਬ੍ਬੁਤਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਸਾਸਨੇ ਪਸਨ੍ਨੋ વਡ੍ਢਕੀਨਂ ਮੂਲਂ ਦਤ੍વਾ ਅਤਿਮਨੋਹਰਂ ਦੀਘਂ ਭੋਜਨਸਾਲਂ ਕਾਰਾਪੇਤ੍વਾ ਭਿਕ੍ਖੁਸਙ੍ਘਂ ਨਿਮਨ੍ਤੇਤ੍વਾ ਪਣੀਤੇਨਾਹਾਰੇਨ ਭੋਜੇਤ੍વਾ ਮਹਾਦਾਨਂ ਦਤ੍વਾ ਚਿਤ੍ਤਂ ਪਸਾਦੇਸਿ। ਸੋ ਯਾવਤਾਯੁਕਂ ਪੁਞ੍ਞਾਨਿ ਕਤ੍વਾ ਦੇવਮਨੁਸ੍ਸੇਸੁਯੇવ ਸਂਸਰਨ੍ਤੋ ਉਭਯਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਘਟੇਨ੍ਤੋ વਾਯਮਨ੍ਤੋ વਿਪਸ੍ਸਨਂ વਡ੍ਢੇਤ੍વਾ ਨ ਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ। ਪੁਬ੍ਬੇ ਕਤਪੁਞ੍ਞવਸੇਨ ਆਯਾਗਤ੍ਥੇਰੋਤਿ ਪਾਕਟੋ।
Nibbutelokanāthamhītiādikaṃ āyasmato āyāgadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato parinibbutakāle ekasmiṃ kulagehe nibbatto sāsane pasanno vaḍḍhakīnaṃ mūlaṃ datvā atimanoharaṃ dīghaṃ bhojanasālaṃ kārāpetvā bhikkhusaṅghaṃ nimantetvā paṇītenāhārena bhojetvā mahādānaṃ datvā cittaṃ pasādesi. So yāvatāyukaṃ puññāni katvā devamanussesuyeva saṃsaranto ubhayasampattiṃ anubhavitvā imasmiṃ buddhuppāde kulagehe nibbatto paṭiladdhasaddho pabbajitvā ghaṭento vāyamanto vipassanaṃ vaḍḍhetvā na cirasseva arahattaṃ pāpuṇi. Pubbe katapuññavasena āyāgattheroti pākaṭo.
੯੪. ਏવਂ ਸੋ ਕਤਪੁਞ੍ਞਸਮ੍ਭਾਰવਸੇਨ ਅਰਹਤ੍ਤਂ ਪਤ੍વਾ ਅਤ੍ਤਨਾ ਪੁਬ੍ਬੇ ਕਤਕੁਸਲਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਮਾਹ। ਤਤ੍ਥ ਨਿਬ੍ਬੁਤੇਤਿ વਦਤਂ ‘‘ਮਯਂ ਬੁਦ੍ਧਾ’’ਤਿ વਦਨ੍ਤਾਨਂ ਅਨ੍ਤਰੇ વਰੇ ਉਤ੍ਤਮੇ ਸਿਖਿਮ੍ਹਿ ਭਗવਤਿ ਪਰਿਨਿਬ੍ਬੁਤੇਤਿ ਅਤ੍ਥੋ। ਹਟ੍ਠੋ ਹਟ੍ਠੇਨ ਚਿਤ੍ਤੇਨਾਤਿ ਸਦ੍ਧਤਾਯ ਹਟ੍ਠਪਹਟ੍ਠੋ ਸੋਮਨਸ੍ਸਯੁਤ੍ਤਚਿਤ੍ਤਤਾਯ ਪਹਟ੍ਠੇਨ ਚਿਤ੍ਤੇਨ ਉਤ੍ਤਮਂ ਥੂਪਂ ਸੇਟ੍ਠਂ ਚੇਤਿਯਂ ਅવਨ੍ਦਿਂ ਪਣਾਮਯਿਨ੍ਤਿ ਅਤ੍ਥੋ।
94. Evaṃ so katapuññasambhāravasena arahattaṃ patvā attanā pubbe katakusalakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Tattha nibbuteti vadataṃ ‘‘mayaṃ buddhā’’ti vadantānaṃ antare vare uttame sikhimhi bhagavati parinibbuteti attho. Haṭṭho haṭṭhena cittenāti saddhatāya haṭṭhapahaṭṭho somanassayuttacittatāya pahaṭṭhena cittena uttamaṃ thūpaṃ seṭṭhaṃ cetiyaṃ avandiṃ paṇāmayinti attho.
੯੫. વਡ੍ਢਕੀਹਿ ਕਥਾਪੇਤ੍વਾਤਿ ‘‘ਭੋਜਨਸਾਲਾਯ ਪਮਾਣਂ ਕਿਤ੍ਤਕ’’ਨ੍ਤਿ ਪਮਾਣਂ ਕਥਾਪੇਤ੍વਾਤਿ ਅਤ੍ਥੋ। ਮੂਲਂ ਦਤ੍વਾਨਹਂ ਤਦਾਤਿ ਤਦਾ ਤਸ੍ਮਿਂ ਕਾਲੇ ਅਹਂ ਕਮ੍ਮਕਰਣਤ੍ਥਾਯ ਤੇਸਂ વਡ੍ਢਕੀਨਂ ਮੂਲਂ ਦਤ੍વਾ ਆਯਾਗਂ ਆਯਤਂ ਦੀਘਂ ਭੋਜਨਸਾਲਂ ਅਹਂ ਸਨ੍ਤੁਟ੍ਠੋ ਸੋਮਨਸ੍ਸਚਿਤ੍ਤੇਨ ਕਾਰਪੇਸਹਂ ਕਾਰਾਪੇਸਿਂ ਅਹਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
95.Vaḍḍhakīhi kathāpetvāti ‘‘bhojanasālāya pamāṇaṃ kittaka’’nti pamāṇaṃ kathāpetvāti attho. Mūlaṃ datvānahaṃ tadāti tadā tasmiṃ kāle ahaṃ kammakaraṇatthāya tesaṃ vaḍḍhakīnaṃ mūlaṃ datvā āyāgaṃ āyataṃ dīghaṃ bhojanasālaṃ ahaṃ santuṭṭho somanassacittena kārapesahaṃ kārāpesiṃ ahanti attho. Sesaṃ suviññeyyamevāti.
੯੭. ਆਯਾਗਸ੍ਸ ਇਦਂ ਫਲਨ੍ਤਿ ਭੋਜਨਸਾਲਦਾਨਸ੍ਸ ਇਦਂ વਿਪਾਕਨ੍ਤਿ ਅਤ੍ਥੋ।
97.Āyāgassa idaṃ phalanti bhojanasāladānassa idaṃ vipākanti attho.
ਆਯਾਗਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Āyāgadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਆਯਾਗਦਾਯਕਤ੍ਥੇਰਅਪਦਾਨਂ • 8. Āyāgadāyakattheraapadānaṃ
