| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. аяог̇ул̣асуд̇д̇ам̣
2. Ayoguḷasuttaṃ
834. саавад̇т̇инид̣̇аанам̣. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘абхиж̇аанаад̇и ну ко, бханд̇з, бхаг̇аваа ид̣̇д̇хияаа маномаязна гааязна б̣рахмалогам̣ убасан̇гамид̇аа’’д̇и? ‘‘абхиж̇аанаами кваахам̣, аананд̣̇а, ид̣̇д̇хияаа маномаязна гааязна б̣рахмалогам̣ убасан̇гамид̇аа’’д̇и. ‘‘абхиж̇аанаад̇и бана, бханд̇з, бхаг̇аваа иминаа жаад̇умахаабхууд̇игзна гааязна ид̣̇д̇хияаа б̣рахмалогам̣ убасан̇гамид̇аа’’д̇и ? ‘‘абхиж̇аанаами кваахам̣, аананд̣̇а, иминаа жаад̇умахаабхууд̇игзна 1 гааязна ид̣̇д̇хияаа б̣рахмалогам̣ убасан̇гамид̇аа’’д̇и.
834. Sāvatthinidānaṃ. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘abhijānāti nu kho, bhante, bhagavā iddhiyā manomayena kāyena brahmalokaṃ upasaṅkamitā’’ti? ‘‘Abhijānāmi khvāhaṃ, ānanda, iddhiyā manomayena kāyena brahmalokaṃ upasaṅkamitā’’ti. ‘‘Abhijānāti pana, bhante, bhagavā iminā cātumahābhūtikena kāyena iddhiyā brahmalokaṃ upasaṅkamitā’’ti ? ‘‘Abhijānāmi khvāhaṃ, ānanda, iminā cātumahābhūtikena 2 kāyena iddhiyā brahmalokaṃ upasaṅkamitā’’ti.
‘‘яан̃жа ко, омаад̇и, бханд̇з, бхаг̇аваа ид̣̇д̇хияаа маномаязна гааязна б̣рахмалогам̣ убасан̇гамид̇ум̣, яан̃жа ко абхиж̇аанаад̇и, бханд̇з, бхаг̇аваа иминаа жаад̇умахаабхууд̇игзна гааязна ид̣̇д̇хияаа б̣рахмалогам̣ убасан̇гамид̇аа , д̇аяид̣̇ам̣, бханд̇з, бхаг̇авад̇о ажчарияан̃жзва аб̣бхуд̇ан̃жаа’’д̇и. ‘‘ажчарияаа жзва, аананд̣̇а, д̇ат̇ааг̇ад̇аа ажчарияад̇хаммасаманнааг̇ад̇аа жа, аб̣бхуд̇аа жзва, аананд̣̇а, д̇ат̇ааг̇ад̇аа аб̣бхуд̇ад̇хаммасаманнааг̇ад̇аа жа’’.
‘‘Yañca kho, omāti, bhante, bhagavā iddhiyā manomayena kāyena brahmalokaṃ upasaṅkamituṃ, yañca kho abhijānāti, bhante, bhagavā iminā cātumahābhūtikena kāyena iddhiyā brahmalokaṃ upasaṅkamitā , tayidaṃ, bhante, bhagavato acchariyañceva abbhutañcā’’ti. ‘‘Acchariyā ceva, ānanda, tathāgatā acchariyadhammasamannāgatā ca, abbhutā ceva, ānanda, tathāgatā abbhutadhammasamannāgatā ca’’.
‘‘яасмим̣, аананд̣̇а, самаяз д̇ат̇ааг̇ад̇о гааяамби жид̇д̇з самод̣̇ахад̇и 3 жид̇д̇амби гааяз самод̣̇ахад̇и, сукасан̃н̃ан̃жа лахусан̃н̃ан̃жа гааяз оггамид̇ваа вихарад̇и; д̇асмим̣, аананд̣̇а, самаяз д̇ат̇ааг̇ад̇асса гааяо лахуд̇аро жзва ход̇и муд̣̇уд̇аро жа гамманияад̇аро жа бабхассарад̇аро жа.
‘‘Yasmiṃ, ānanda, samaye tathāgato kāyampi citte samodahati 4 cittampi kāye samodahati, sukhasaññañca lahusaññañca kāye okkamitvā viharati; tasmiṃ, ānanda, samaye tathāgatassa kāyo lahutaro ceva hoti mudutaro ca kammaniyataro ca pabhassarataro ca.
‘‘сзяяат̇ааби, аананд̣̇а, аяог̇ул̣о д̣̇ивасам̣ санд̇ад̇д̇о лахуд̇аро жзва ход̇и муд̣̇уд̇аро жа гамманияад̇аро жа бабхассарад̇аро жа; звамзва ко, аананд̣̇а, яасмим̣ самаяз д̇ат̇ааг̇ад̇о гааяамби жид̇д̇з самод̣̇ахад̇и, жид̇д̇амби гааяз самод̣̇ахад̇и, сукасан̃н̃ан̃жа лахусан̃н̃ан̃жа гааяз оггамид̇ваа вихарад̇и; д̇асмим̣, аананд̣̇а, самаяз д̇ат̇ааг̇ад̇асса гааяо лахуд̇аро жзва ход̇и муд̣̇уд̇аро жа гамманияад̇аро жа бабхассарад̇аро жа.
‘‘Seyyathāpi, ānanda, ayoguḷo divasaṃ santatto lahutaro ceva hoti mudutaro ca kammaniyataro ca pabhassarataro ca; evameva kho, ānanda, yasmiṃ samaye tathāgato kāyampi citte samodahati, cittampi kāye samodahati, sukhasaññañca lahusaññañca kāye okkamitvā viharati; tasmiṃ, ānanda, samaye tathāgatassa kāyo lahutaro ceva hoti mudutaro ca kammaniyataro ca pabhassarataro ca.
‘‘яасмим̣, аананд̣̇а, самаяз д̇ат̇ааг̇ад̇о гааяамби жид̇д̇з самод̣̇ахад̇и, жид̇д̇амби гааяз самод̣̇ахад̇и, сукасан̃н̃ан̃жа лахусан̃н̃ан̃жа гааяз оггамид̇ваа вихарад̇и; д̇асмим̣, аананд̣̇а, самаяз д̇ат̇ааг̇ад̇асса гааяо аббагасирзнзва бат̇авияаа взхаасам̣ аб̣бхуг̇г̇ажчад̇и, со анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и…бз… яаава б̣рахмалогааби гааязна васам̣ вад̇д̇зд̇и.
‘‘Yasmiṃ, ānanda, samaye tathāgato kāyampi citte samodahati, cittampi kāye samodahati, sukhasaññañca lahusaññañca kāye okkamitvā viharati; tasmiṃ, ānanda, samaye tathāgatassa kāyo appakasireneva pathaviyā vehāsaṃ abbhuggacchati, so anekavihitaṃ iddhividhaṃ paccanubhoti – ekopi hutvā bahudhā hoti, bahudhāpi hutvā eko hoti…pe… yāva brahmalokāpi kāyena vasaṃ vatteti.
‘‘сзяяат̇ааби , аананд̣̇а, д̇уулабижу ваа габбаасабижу ваа лахуго ваад̇уубаад̣̇аано аббагасирзнзва бат̇авияаа взхаасам̣ аб̣бхуг̇г̇ажчад̇и; звамзва ко, аананд̣̇а, яасмим̣ самаяз д̇ат̇ааг̇ад̇о гааяамби жид̇д̇з самод̣̇ахад̇и, жид̇д̇амби гааяз самод̣̇ахад̇и, сукасан̃н̃ан̃жа лахусан̃н̃ан̃жа гааяз оггамид̇ваа вихарад̇и; д̇асмим̣, аананд̣̇а, самаяз д̇ат̇ааг̇ад̇асса гааяо аббагасирзнзва бат̇авияаа взхаасам̣ аб̣бхуг̇г̇ажчад̇и, со анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и…бз… яаава б̣рахмалогааби гааязна васам̣ вад̇д̇зд̇ий’’д̇и. д̣̇уд̇ияам̣.
‘‘Seyyathāpi , ānanda, tūlapicu vā kappāsapicu vā lahuko vātūpādāno appakasireneva pathaviyā vehāsaṃ abbhuggacchati; evameva kho, ānanda, yasmiṃ samaye tathāgato kāyampi citte samodahati, cittampi kāye samodahati, sukhasaññañca lahusaññañca kāye okkamitvā viharati; tasmiṃ, ānanda, samaye tathāgatassa kāyo appakasireneva pathaviyā vehāsaṃ abbhuggacchati, so anekavihitaṃ iddhividhaṃ paccanubhoti – ekopi hutvā bahudhā hoti…pe… yāva brahmalokāpi kāyena vasaṃ vattetī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. аяог̇ул̣асуд̇д̇аван̣н̣анаа • 2. Ayoguḷasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. аяог̇ул̣асуд̇д̇аван̣н̣анаа • 2. Ayoguḷasuttavaṇṇanā
