| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౨. అయ్యికాసుత్తవణ్ణనా
2. Ayyikāsuttavaṇṇanā
౧౩౩. దుతియే జిణ్ణాతి జరాజిణ్ణా. వుడ్ఢాతి వయోవుడ్ఢా. మహల్లికాతి జాతిమహల్లికా. అద్ధగతాతి అద్ధం చిరకాలం అతిక్కన్తా. వయోఅనుప్పత్తాతి పచ్ఛిమవయం సమ్పత్తా. పియా మనాపాతి రఞ్ఞో కిర మాతరి మతాయ అయ్యికా మాతుట్ఠానే ఠత్వా పటిజగ్గి, తేనస్స అయ్యికాయ బలవపేమం ఉప్పజ్జి. తస్మా ఏవమాహ. హత్థిరతనేనాతి సతసహస్సగ్ఘనకో హత్థీ సతసహస్సగ్ఘనకేన అలఙ్కారేన అలఙ్కతో హత్థిరతనం నామ. అస్సరతనేపి ఏసేవ నయో. గామవరోపి సతసహస్సుట్ఠానకగామోవ. సబ్బాని తాని భేదనధమ్మానీతి తేసు హి కిఞ్చి కరియమానమేవ భిజ్జతి, కిఞ్చి కతపరియోసితం చక్కతో అనపనీతమేవ, కిఞ్చి అపనేత్వా భూమియం ఠపితమత్తం, కిఞ్చి తతో పరం, ఏవమేవ సత్తేసుపి కోచి పటిసన్ధిం గహేత్వా మరతి, కోచి మూళ్హగబ్భాయ మాతరి మాతుకుచ్ఛితో అనిక్ఖన్తోవ, కోచి నిక్ఖన్తమత్తో, కోచి తతో పరన్తి. తస్మా ఏవమాహ. దుతియం.
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
౧౩౪. తతియే సబ్బం ఉత్తానమేవ. తతియం.
134. Tatiye sabbaṃ uttānameva. Tatiyaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౨. అయ్యికాసుత్తం • 2. Ayyikāsuttaṃ
౩. లోకసుత్తం • 3. Lokasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౨. అయ్యికాసుత్తవణ్ణనా • 2. Ayyikāsuttavaṇṇanā
