| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[108] 8. б̣аахияаж̇аад̇агаван̣н̣анаа
[108] 8. Bāhiyajātakavaṇṇanā
сигкзяяа сигкид̇аб̣б̣аанийд̇и ид̣̇ам̣ сад̇т̇аа взсаалим̣ убаниссааяа махааванз гуудааг̇аарасаалааяам̣ вихаранд̇о згам̣ лижчавим̣ аараб̣бха гат̇зси. со гира лижчавирааж̇аа сад̣̇д̇хо басанно б̣уд̣̇д̇хаббамукам̣ бхигкусан̇гхам̣ ниманд̇зд̇ваа ад̇д̇ано нивзсанз махаад̣̇аанам̣ бавад̇д̇зси. бхарияаа банасса т̇уулан̇г̇абажжан̇г̇аа уд̣̇д̇хумаад̇аганимид̇д̇асад̣̇исаа анаагаббасамбаннаа ахоси. сад̇т̇аа бхад̇д̇агижжаавасаанз анумод̣̇анам̣ гад̇ваа вихаарам̣ г̇анд̇ваа бхигкуунам̣ оваад̣̇ам̣ д̣̇ад̇ваа г̇анд̇хагудим̣ баависи. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̇асса наама лижчавиран̃н̃о д̇аава абхируубасса д̇аад̣̇исаа бхарияаа т̇уулан̇г̇абажжан̇г̇аа анаагаббасамбаннаа, гат̇ам̣ со д̇ааяа сад̣̇д̇хим̣ абхирамад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, зса ид̣̇аанзва, буб̣б̣зби т̇ууласарийрааяа зва ид̇т̇ияаа сад̣̇д̇хим̣ абхирамий’’д̇и вад̇ваа д̇зхи яаажид̇о ад̇ийд̇ам̣ аахари.
Sikkheyyasikkhitabbānīti idaṃ satthā vesāliṃ upanissāya mahāvane kūṭāgārasālāyaṃ viharanto ekaṃ licchaviṃ ārabbha kathesi. So kira licchavirājā saddho pasanno buddhappamukhaṃ bhikkhusaṅghaṃ nimantetvā attano nivesane mahādānaṃ pavattesi. Bhariyā panassa thūlaṅgapaccaṅgā uddhumātakanimittasadisā anākappasampannā ahosi. Satthā bhattakiccāvasāne anumodanaṃ katvā vihāraṃ gantvā bhikkhūnaṃ ovādaṃ datvā gandhakuṭiṃ pāvisi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, tassa nāma licchavirañño tāva abhirūpassa tādisā bhariyā thūlaṅgapaccaṅgā anākappasampannā, kathaṃ so tāya saddhiṃ abhiramatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, esa idāneva, pubbepi thūlasarīrāya eva itthiyā saddhiṃ abhiramī’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса амажжо ахоси. ат̇згаа ж̇анабад̣̇ид̇т̇ий т̇ууласарийраа анаагаббасамбаннаа бхад̇им̣ гурумаанаа рааж̇ан̇г̇ан̣асса авид̣̇уурзна г̇ажчамаанаа сарийравал̣ан̃ж̇абийл̣ид̇аа худ̇ваа нивад̇т̇асаадагзна сарийрам̣ бадижчаад̣̇зд̇ваа нисийд̣̇ид̇ваа сарийравал̣ан̃ж̇ам̣ мун̃жид̇ваа киббамзва удтааси. д̇асмим̣ кан̣з б̣аараан̣асирааж̇аа ваад̇абаанзна рааж̇ан̇г̇ан̣ам̣ ологзнд̇о д̇ам̣ д̣̇исваа жинд̇зси ‘‘аяам̣ зваруубз ан̇г̇ан̣адтаанз сарийравал̣ан̃ж̇ам̣ мун̃жамаанаа хирод̇д̇аббам̣ аббахааяа ниваасанзнзва бадижчаннаа худ̇ваа сарийравал̣ан̃ж̇ам̣ можзд̇ваа киббам̣ удтид̇аа, имааяа нирог̇ааяа бхавид̇аб̣б̣ам̣, зд̇иссаа вад̇т̇у висад̣̇ам̣ бхависсад̇и, висад̣̇з бана вад̇т̇усмим̣ зго буд̇д̇о лаб̣бхамаано висад̣̇о бун̃н̃аваа бхависсад̇и, имам̣ маяаа аг̇г̇амахзсим̣ гаад̇ум̣ ваддад̇ий’’д̇и. со д̇ассаа абариг̇г̇ахид̇абхаавам̣ н̃ад̇ваа аахараабзд̇ваа аг̇г̇амахзсидтаанам̣ ад̣̇ааси. саа д̇асса бияаа ахоси манаабаа, на жирассзва згам̣ буд̇д̇ам̣ виж̇ааяи. со банассаа буд̇д̇о жаггавад̇д̇ий рааж̇аа ахоси.
Atīte bārāṇasiyaṃ brahmadatte rajjaṃ kārente bodhisatto tassa amacco ahosi. Athekā janapaditthī thūlasarīrā anākappasampannā bhatiṃ kurumānā rājaṅgaṇassa avidūrena gacchamānā sarīravaḷañjapīḷitā hutvā nivatthasāṭakena sarīraṃ paṭicchādetvā nisīditvā sarīravaḷañjaṃ muñcitvā khippameva uṭṭhāsi. Tasmiṃ khaṇe bārāṇasirājā vātapānena rājaṅgaṇaṃ olokento taṃ disvā cintesi ‘‘ayaṃ evarūpe aṅgaṇaṭṭhāne sarīravaḷañjaṃ muñcamānā hirottappaṃ appahāya nivāsaneneva paṭicchannā hutvā sarīravaḷañjaṃ mocetvā khippaṃ uṭṭhitā, imāya nirogāya bhavitabbaṃ, etissā vatthu visadaṃ bhavissati, visade pana vatthusmiṃ eko putto labbhamāno visado puññavā bhavissati, imaṃ mayā aggamahesiṃ kātuṃ vaṭṭatī’’ti. So tassā apariggahitabhāvaṃ ñatvā āharāpetvā aggamahesiṭṭhānaṃ adāsi. Sā tassa piyā ahosi manāpā, na cirasseva ekaṃ puttaṃ vijāyi. So panassā putto cakkavattī rājā ahosi.
б̣од̇хисад̇д̇о д̇ассаа самбад̇д̇им̣ д̣̇исваа д̇ат̇ааруубам̣ важаногаасам̣ лабхид̇ваа ‘‘д̣̇зва, сигкид̇аб̣б̣аяуд̇д̇агам̣ наама сиббам̣ гасмаа на сигкид̇аб̣б̣ам̣, яад̇ра хи наамааяам̣ махаабун̃н̃аа хирод̇д̇аббам̣ аббахааяа бадижчаннаагаарзна сарийравал̣ан̃ж̇ам̣ гурумаанаа д̇умхз аараад̇хзд̇ваа зваруубам̣ самбад̇д̇им̣ бад̇д̇аа’’д̇и вад̇ваа сигкид̇аб̣б̣аяуд̇д̇агаанам̣ сиббаанам̣ ван̣н̣ам̣ гат̇знд̇о имам̣ г̇аат̇амааха –
Bodhisatto tassā sampattiṃ disvā tathārūpaṃ vacanokāsaṃ labhitvā ‘‘deva, sikkhitabbayuttakaṃ nāma sippaṃ kasmā na sikkhitabbaṃ, yatra hi nāmāyaṃ mahāpuññā hirottappaṃ appahāya paṭicchannākārena sarīravaḷañjaṃ kurumānā tumhe ārādhetvā evarūpaṃ sampattiṃ pattā’’ti vatvā sikkhitabbayuttakānaṃ sippānaṃ vaṇṇaṃ kathento imaṃ gāthamāha –
108.
108.
‘‘сигкзяяа сигкид̇аб̣б̣аани, санд̇и сажчанд̣̇ино ж̇анаа;
‘‘Sikkheyya sikkhitabbāni, santi sacchandino janā;
б̣аахияаа хи суханнзна, рааж̇аанамабхираад̇хаяий’’д̇и.
Bāhiyā hi suhannena, rājānamabhirādhayī’’ti.
д̇ад̇т̇а санд̇и сажчанд̣̇ино ж̇анаад̇и д̇зсу д̇зсу сиббзсу сажчанд̣̇аа ж̇анаа ад̇т̇иязва. б̣аахияаад̇и б̣ахиж̇анабад̣̇з ж̇аад̇аа сам̣вад̣дхаа ид̇т̇ий. суханнзнаад̇и хирод̇д̇аббам̣ аббахааяа бадижчаннзнаагаарзна ханнам̣ суханнам̣ наама, д̇зна суханнзна. рааж̇аанамабхираад̇хаяийд̇и д̣̇звам̣ абхираад̇хаяид̇ваа имам̣ самбад̇д̇им̣ бад̇д̇аад̇и. звам̣ махаасад̇д̇о сигкид̇аб̣б̣аяуд̇д̇агаанам̣ сиббаанам̣ г̇ун̣ам̣ гат̇зси.
Tattha santi sacchandino janāti tesu tesu sippesu sacchandā janā atthiyeva. Bāhiyāti bahijanapade jātā saṃvaḍḍhā itthī. Suhannenāti hirottappaṃ appahāya paṭicchannenākārena hannaṃ suhannaṃ nāma, tena suhannena. Rājānamabhirādhayīti devaṃ abhirādhayitvā imaṃ sampattiṃ pattāti. Evaṃ mahāsatto sikkhitabbayuttakānaṃ sippānaṃ guṇaṃ kathesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ж̇аяамбад̇игаа зд̇арахиби ж̇аяамбад̇игаава, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā jayampatikā etarahipi jayampatikāva, paṇḍitāmacco pana ahameva ahosi’’nti.
б̣аахияаж̇аад̇агаван̣н̣анаа адтамаа.
Bāhiyajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 108. б̣аахияаж̇аад̇агам̣ • 108. Bāhiyajātakaṃ
