| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. б̣ахувзд̣̇анийяасуд̇д̇аван̣н̣анаа
9. Bahuvedanīyasuttavaṇṇanā
88. звам̣ мз суд̇анд̇и б̣ахувзд̣̇анийяасуд̇д̇ам̣. д̇ад̇т̇а бан̃жаган̇г̇о т̇абад̇ийд̇и бан̃жаган̇г̇од̇и д̇асса наамам̣. ваасипарасуникаад̣̇анад̣̇ан̣д̣амуг̇г̇арагаал̣асуд̇д̇анаал̣исан̇каад̇зхи ваа ан̇г̇зхи саманнааг̇ад̇ад̇д̇аа со бан̃жан̇г̇од̇и бан̃н̃аад̇о. т̇абад̇ийд̇и вад̣дхагийж̇здтаго. уд̣̇ааяийд̇и бан̣д̣ид̇ауд̣̇ааяид̇т̇зро.
88.Evaṃme sutanti bahuvedanīyasuttaṃ. Tattha pañcakaṅgo thapatīti pañcakaṅgoti tassa nāmaṃ. Vāsipharasunikhādanadaṇḍamuggarakāḷasuttanāḷisaṅkhātehi vā aṅgehi samannāgatattā so pañcaṅgoti paññāto. Thapatīti vaḍḍhakījeṭṭhako. Udāyīti paṇḍitaudāyitthero.
89. барияааяанд̇и гааран̣ам̣. д̣̇взбаананд̣̇аад̇и д̣̇взби, аананд̣̇а. барияааязнаад̇и гааран̣зна. зд̇т̇а жа гааяигажзд̇асигавасзна д̣̇вз взд̣̇ид̇аб̣б̣аа. сукаад̣̇ивасзна д̇иссо, инд̣̇рияавасзна сукинд̣̇рияаад̣̇игаа бан̃жа, д̣̇вааравасзна жагкусампассаж̇аад̣̇игаа ча, убавижааравасзна ‘‘жагкунаа руубам̣ д̣̇исваа соманассадтаанияам̣ руубам̣ убавижарад̇ий’’д̇иаад̣̇игаа адтаараса, ча г̇зхассид̇аани соманассаани, ча нзгкаммасид̇аани соманассаани, ча г̇зхассид̇аани д̣̇оманассаани, ча нзгкаммасид̇аани д̣̇оманассаани, ча г̇зхассид̇аа убзгкаа, ча нзгкаммасид̇аад̇и звам̣ чад̇д̇им̣са, д̇аа ад̇ийд̇з чад̇д̇им̣са, анааг̇ад̇з чад̇д̇им̣са, бажжуббаннз чад̇д̇им̣саад̇и звам̣ адтавзд̣̇анаасад̇ам̣ взд̣̇ид̇аб̣б̣ам̣.
89.Pariyāyanti kāraṇaṃ. Dvepānandāti dvepi, ānanda. Pariyāyenāti kāraṇena. Ettha ca kāyikacetasikavasena dve veditabbā. Sukhādivasena tisso, indriyavasena sukhindriyādikā pañca, dvāravasena cakkhusamphassajādikā cha, upavicāravasena ‘‘cakkhunā rūpaṃ disvā somanassaṭṭhāniyaṃ rūpaṃ upavicaratī’’tiādikā aṭṭhārasa, cha gehassitāni somanassāni, cha nekkhammasitāni somanassāni, cha gehassitāni domanassāni, cha nekkhammasitāni domanassāni, cha gehassitā upekkhā, cha nekkhammasitāti evaṃ chattiṃsa, tā atīte chattiṃsa, anāgate chattiṃsa, paccuppanne chattiṃsāti evaṃ aṭṭhavedanāsataṃ veditabbaṃ.
90. бан̃жа ко имз, аананд̣̇а, гаамаг̇ун̣аад̇и аяам̣ баадизгго анусанд̇хи. на гзваламби д̣̇вз аад̣̇им̣ гад̇ваа взд̣̇анаа бхаг̇авад̇аа бан̃н̃ад̇д̇аа, барияааязна згааби взд̣̇анаа гат̇ид̇аа. д̇ам̣ д̣̇ассзнд̇о бан̃жаган̇г̇асса т̇абад̇ино ваад̣̇ам̣ убад̇т̇амбхзд̇ум̣ имам̣ д̣̇зсанам̣ аарабхи.
90.Pañca kho ime, ānanda, kāmaguṇāti ayaṃ pāṭiekko anusandhi. Na kevalampi dve ādiṃ katvā vedanā bhagavatā paññattā, pariyāyena ekāpi vedanā kathitā. Taṃ dassento pañcakaṅgassa thapatino vādaṃ upatthambhetuṃ imaṃ desanaṃ ārabhi.
абхигганд̇ад̇аранд̇и сунд̣̇арад̇арам̣. бан̣ийд̇ад̇аранд̇и ад̇аббагад̇арам̣. зд̇т̇а жа жад̇уд̇т̇аж̇жхаанад̇о бадтааяа ад̣̇угкамасукаа взд̣̇анаа, сааби санд̇адтзна бан̣ийд̇адтзна жа суканд̇и вуд̇д̇аа. ча г̇зхассид̇аани суканд̇и вуд̇д̇аани. нирод̇хо авзд̣̇аяид̇асукавасзна сукам̣ наама ж̇аад̇о. бан̃жагаамаг̇ун̣авасзна хи адтасамаабад̇д̇ивасзна жа уббаннам̣ взд̣̇аяид̇асукам̣ наама. нирод̇хо авзд̣̇аяид̇асукам̣ наама. ид̇и взд̣̇аяид̇асукам̣ ваа ход̇у авзд̣̇аяид̇асукам̣ ваа, д̇ам̣ нид̣̇д̣̇угкабхаавасан̇каад̇зна сукадтзна зганд̇асукамзва ж̇аад̇ам̣.
Abhikkantataranti sundarataraṃ. Paṇītataranti atappakataraṃ. Ettha ca catutthajjhānato paṭṭhāya adukkhamasukhā vedanā, sāpi santaṭṭhena paṇītaṭṭhena ca sukhanti vuttā. Cha gehassitāni sukhanti vuttāni. Nirodho avedayitasukhavasena sukhaṃ nāma jāto. Pañcakāmaguṇavasena hi aṭṭhasamāpattivasena ca uppannaṃ vedayitasukhaṃ nāma. Nirodho avedayitasukhaṃ nāma. Iti vedayitasukhaṃ vā hotu avedayitasukhaṃ vā, taṃ niddukkhabhāvasaṅkhātena sukhaṭṭhena ekantasukhameva jātaṃ.
91. яад̇т̇а яад̇т̇аад̇и яасмим̣ яасмим̣ таанз. сукам̣ убалаб̣бхад̇ийд̇и взд̣̇аяид̇асукам̣ ваа авзд̣̇аяид̇асукам̣ ваа убалаб̣бхад̇и. д̇ам̣ д̇ам̣ д̇ат̇ааг̇ад̇о сукасмим̣ бан̃н̃абзд̇ийд̇и д̇ам̣ саб̣б̣ам̣ д̇ат̇ааг̇ад̇о нид̣̇д̣̇угкабхаавам̣ сукасмим̣язва бан̃н̃абзд̇ийд̇и. ид̇ха бхаг̇аваа нирод̇хасамаабад̇д̇им̣ сийсам̣ гад̇ваа нзяяабуг̇г̇алавасзна арахад̇д̇анигуудзнзва д̣̇зсанам̣ нидтаабзсийд̇и.
91.Yatthayatthāti yasmiṃ yasmiṃ ṭhāne. Sukhaṃ upalabbhatīti vedayitasukhaṃ vā avedayitasukhaṃ vā upalabbhati. Taṃ taṃ tathāgato sukhasmiṃ paññapetīti taṃ sabbaṃ tathāgato niddukkhabhāvaṃ sukhasmiṃyeva paññapetīti. Idha bhagavā nirodhasamāpattiṃ sīsaṃ katvā neyyapuggalavasena arahattanikūṭeneva desanaṃ niṭṭhāpesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣ахувзд̣̇анийяасуд̇д̇аван̣н̣анаа нидтид̇аа.
Bahuvedanīyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. б̣ахувзд̣̇анийяасуд̇д̇ам̣ • 9. Bahuvedanīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. б̣ахувзд̣̇анияасуд̇д̇аван̣н̣анаа • 9. Bahuvedaniyasuttavaṇṇanā
