| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. б̣аал̣хаг̇илаанасуд̇д̇ам̣
10. Bāḷhagilānasuttaṃ
908. згам̣ самаяам̣ ааяасмаа ануруд̣̇д̇хо саавад̇т̇ияам̣ вихарад̇и анд̇хаванасмим̣ ааб̣аад̇хиго д̣̇угкид̇о б̣аал̣хаг̇илаано. ат̇а ко самб̣ахулаа бхигкуу язнааяасмаа ануруд̣̇д̇хо д̇знубасан̇гамим̣су; убасан̇гамид̇ваа ааяасманд̇ам̣ ануруд̣̇д̇хам̣ зд̇ад̣̇авожум̣ –
908. Ekaṃ samayaṃ āyasmā anuruddho sāvatthiyaṃ viharati andhavanasmiṃ ābādhiko dukkhito bāḷhagilāno. Atha kho sambahulā bhikkhū yenāyasmā anuruddho tenupasaṅkamiṃsu; upasaṅkamitvā āyasmantaṃ anuruddhaṃ etadavocuṃ –
‘‘гад̇амзнааяасмад̇о ануруд̣̇д̇хасса вихаарзна вихарад̇о уббаннаа саарийригаа д̣̇угкаа взд̣̇анаа жид̇д̇ам̣ на барияаад̣̇ааяа д̇идтанд̇ий’’д̇и? ‘‘жад̇уусу ко мз, аавусо, сад̇ибадтаанзсу суббад̇идтид̇ажид̇д̇асса вихарад̇о уббаннаа саарийригаа д̣̇угкаа взд̣̇анаа жид̇д̇ам̣ на барияаад̣̇ааяа д̇идтанд̇и. гад̇амзсу жад̇уусу? ид̇хаахам̣, аавусо, гааяз гааяаанубассий вихараами…бз… взд̣̇анаасу…бз… жид̇д̇з…бз… д̇хаммзсу д̇хаммаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ – имзсу ко мз, аавусо, жад̇уусу сад̇ибадтаанзсу суббад̇идтид̇ажид̇д̇асса вихарад̇о уббаннаа саарийригаа д̣̇угкаа взд̣̇анаа жид̇д̇ам̣ на барияаад̣̇ааяа д̇идтанд̇ий’’д̇и. д̣̇асамам̣.
‘‘Katamenāyasmato anuruddhassa vihārena viharato uppannā sārīrikā dukkhā vedanā cittaṃ na pariyādāya tiṭṭhantī’’ti? ‘‘Catūsu kho me, āvuso, satipaṭṭhānesu suppatiṭṭhitacittassa viharato uppannā sārīrikā dukkhā vedanā cittaṃ na pariyādāya tiṭṭhanti. Katamesu catūsu? Idhāhaṃ, āvuso, kāye kāyānupassī viharāmi…pe… vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ – imesu kho me, āvuso, catūsu satipaṭṭhānesu suppatiṭṭhitacittassa viharato uppannā sārīrikā dukkhā vedanā cittaṃ na pariyādāya tiṭṭhantī’’ti. Dasamaṃ.
рахог̇ад̇аваг̇г̇о батамо.
Rahogatavaggo paṭhamo.
д̇ассуд̣̇д̣̇аанам̣ –
Tassuddānaṃ –
рахог̇ад̇зна д̣̇вз вуд̇д̇аа, суд̇ану ган̣д̣агий д̇аяо;
Rahogatena dve vuttā, sutanu kaṇḍakī tayo;
д̇ан̣хагкаяасалал̣ааг̇аарам̣, амб̣абаали жа г̇илаананд̇и.
Taṇhakkhayasalaḷāgāraṃ, ambapāli ca gilānanti.
