| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
6. над̇ам̣д̣̇ал̣хаваг̇г̇о
6. Nataṃdaḷhavaggo
[201] 1. б̣анд̇ханааг̇аараж̇аад̇агаван̣н̣анаа
[201] 1. Bandhanāgārajātakavaṇṇanā
на д̇ам̣ д̣̇ал̣хам̣ б̣анд̇ханамааху д̇хийраад̇и ид̣̇ам̣ сад̇т̇аа ж̇зд̇аванз вихаранд̇о б̣анд̇ханааг̇аарам̣ аараб̣бха гат̇зси. д̇асмим̣ гира гаалз б̣ахуу санд̇хижчзд̣̇агабант̇агхаад̇агажорз аанзд̇ваа госаларан̃н̃о д̣̇ассзсум̣. д̇з рааж̇аа ад̣̇д̣̇уб̣анд̇ханараж̇ж̇уб̣анд̇ханасан̇калигаб̣анд̇ханзхи б̣анд̇хаабзси. д̇им̣самад̇д̇аа ж̇аанабад̣̇аа бхигкуу сад̇т̇аарам̣ д̣̇адтугаамаа ааг̇анд̇ваа д̣̇исваа ванд̣̇ид̇ваа бунад̣̇ивасз бин̣д̣ааяа жаранд̇аа б̣анд̇ханааг̇аарам̣ г̇анд̇ваа д̇з жорз д̣̇исваа бин̣д̣абаад̇абадигганд̇аа сааяанхасамаяз д̇ат̇ааг̇ад̇ам̣ убасан̇гамид̇ваа ‘‘бханд̇з, аж̇ж̇а амхзхи бин̣д̣ааяа жаранд̇зхи б̣анд̇ханааг̇аарз б̣ахуу жораа ад̣̇д̣̇уб̣анд̇ханаад̣̇ийхи б̣ад̣̇д̇хаа махаад̣̇угкам̣ анубхаванд̇аа д̣̇идтаа, д̇з д̇аани б̣анд̇ханаани чинд̣̇ид̇ваа балааяид̇ум̣ на саггонд̇и, ад̇т̇и ну ко д̇зхи б̣анд̇ханзхи т̇ирад̇арам̣ наама ан̃н̃ам̣ б̣анд̇хана’’нд̇и бужчим̣су. сад̇т̇аа ‘‘бхигкавз, гим̣ б̣анд̇ханаани наамзд̇аани, яам̣ банзд̇ам̣ д̇ханад̇хан̃н̃абуд̇д̇ад̣̇аараад̣̇ийсу д̇ан̣хаасан̇каад̇ам̣ гилзсаб̣анд̇ханам̣, зд̇ам̣ зд̇зхи б̣анд̇ханзхи сад̇аг̇ун̣зна сахассаг̇ун̣зна т̇ирад̇арам̣, звам̣ маханд̇амби банзд̇ам̣ д̣̇ужчинд̣̇анияам̣ б̣анд̇ханам̣ бораан̣агабан̣д̣ид̇аа чинд̣̇ид̇ваа химаванд̇ам̣ бависид̇ваа баб̣б̣аж̇им̣суу’’д̇и вад̇ваа ад̇ийд̇ам̣ аахари.
Nataṃ daḷhaṃ bandhanamāhu dhīrāti idaṃ satthā jetavane viharanto bandhanāgāraṃ ārabbha kathesi. Tasmiṃ kira kāle bahū sandhicchedakapanthaghātakacore ānetvā kosalarañño dassesuṃ. Te rājā addubandhanarajjubandhanasaṅkhalikabandhanehi bandhāpesi. Tiṃsamattā jānapadā bhikkhū satthāraṃ daṭṭhukāmā āgantvā disvā vanditvā punadivase piṇḍāya carantā bandhanāgāraṃ gantvā te core disvā piṇḍapātapaṭikkantā sāyanhasamaye tathāgataṃ upasaṅkamitvā ‘‘bhante, ajja amhehi piṇḍāya carantehi bandhanāgāre bahū corā addubandhanādīhi baddhā mahādukkhaṃ anubhavantā diṭṭhā, te tāni bandhanāni chinditvā palāyituṃ na sakkonti, atthi nu kho tehi bandhanehi thirataraṃ nāma aññaṃ bandhana’’nti pucchiṃsu. Satthā ‘‘bhikkhave, kiṃ bandhanāni nāmetāni, yaṃ panetaṃ dhanadhaññaputtadārādīsu taṇhāsaṅkhātaṃ kilesabandhanaṃ, etaṃ etehi bandhanehi sataguṇena sahassaguṇena thirataraṃ, evaṃ mahantampi panetaṃ ducchindaniyaṃ bandhanaṃ porāṇakapaṇḍitā chinditvā himavantaṃ pavisitvā pabbajiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ д̣̇уг̇г̇ад̇аг̇ахабад̇игулз ниб̣б̣ад̇д̇и, д̇асса ваяаббад̇д̇асса бид̇аа гааламагааси. со бхад̇им̣ гад̇ваа маад̇арам̣ босзси, ат̇асса маад̇аа анижчамаанассзва згам̣ гулад̇хийд̇арам̣ г̇зхз гад̇ваа абарабхааг̇з гааламагааси. бхарияааяабисса гужчияам̣ г̇аб̣бхо бад̇идтааси. со г̇аб̣бхасса бад̇идтид̇абхаавам̣ аж̇аананд̇о ‘‘бхад̣̇д̣̇з, д̇вам̣ бхад̇им̣ гад̇ваа ж̇ийваахи, ахам̣ баб̣б̣аж̇иссаамий’’д̇и ааха . сааби ‘‘г̇аб̣бхо мз бад̇идтид̇о, маяи виж̇аад̇ааяа д̣̇аарагам̣ д̣̇исваа баб̣б̣аж̇иссасий’’д̇и ааха. со ‘‘саад̇хуу’’д̇и самбадижчид̇ваа д̇ассаа виж̇аад̇агаалз ‘‘бхад̣̇д̣̇з, д̇вам̣ сод̇т̇инаа виж̇аад̇аа, ид̣̇аанаахам̣ баб̣б̣аж̇иссаамий’’д̇и аабужчи. ат̇а нам̣ саа ‘‘буд̇д̇агасса д̇аава т̇анабаанад̇о абаг̇аманагаалам̣ ааг̇амзхий’’д̇и вад̇ваа буна г̇аб̣бхам̣ г̇ан̣хи.
Atīte bārāṇasiyaṃ brahmadatte rajjaṃ kārente bodhisatto ekasmiṃ duggatagahapatikule nibbatti, tassa vayappattassa pitā kālamakāsi. So bhatiṃ katvā mātaraṃ posesi, athassa mātā anicchamānasseva ekaṃ kuladhītaraṃ gehe katvā aparabhāge kālamakāsi. Bhariyāyapissa kucchiyaṃ gabbho patiṭṭhāsi. So gabbhassa patiṭṭhitabhāvaṃ ajānanto ‘‘bhadde, tvaṃ bhatiṃ katvā jīvāhi, ahaṃ pabbajissāmī’’ti āha . Sāpi ‘‘gabbho me patiṭṭhito, mayi vijātāya dārakaṃ disvā pabbajissasī’’ti āha. So ‘‘sādhū’’ti sampaṭicchitvā tassā vijātakāle ‘‘bhadde, tvaṃ sotthinā vijātā, idānāhaṃ pabbajissāmī’’ti āpucchi. Atha naṃ sā ‘‘puttakassa tāva thanapānato apagamanakālaṃ āgamehī’’ti vatvā puna gabbhaṃ gaṇhi.
со жинд̇зси – ‘‘имам̣ самбадижчаабзд̇ваа г̇анд̇ум̣ на саггаа, имиссаа анаажигкид̇ваава балааяид̇ваа баб̣б̣аж̇иссаамий’’д̇и. со д̇ассаа анаажигкид̇ваа рад̇т̇ибхааг̇з удтааяа балааяи. ат̇а нам̣ наг̇араг̇уд̇д̇игаа аг̇г̇ахзсум̣. со ‘‘ахам̣, саами, маад̇убосаго наама, виссаж̇ж̇зт̇а ма’’нд̇и д̇зхи ад̇д̇аанам̣ виссаж̇ж̇аабзд̇ваа згасмим̣ таанз васид̇ваа аг̇г̇ад̣̇ваарзнзва нигкамид̇ваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа жхаанагийл̣ам̣ гийл̣анд̇о вихааси. со д̇ад̇т̇а васанд̇о ‘‘зваруубамби наама мз д̣̇ужчинд̣̇анияам̣ буд̇д̇ад̣̇аараб̣анд̇ханам̣ гилзсаб̣анд̇ханам̣ чинд̣̇ид̇а’’нд̇и уд̣̇аанам̣ уд̣̇аанзнд̇о имаа г̇аат̇аа авожа –
So cintesi – ‘‘imaṃ sampaṭicchāpetvā gantuṃ na sakkā, imissā anācikkhitvāva palāyitvā pabbajissāmī’’ti. So tassā anācikkhitvā ratthibhāge uṭṭhāya palāyi. Atha naṃ nagaraguttikā aggahesuṃ. So ‘‘ahaṃ, sāmi, mātuposako nāma, vissajjetha ma’’nti tehi attānaṃ vissajjāpetvā ekasmiṃ ṭhāne vasitvā aggadvāreneva nikkhamitvā himavantaṃ pavisitvā isipabbajjaṃ pabbajitvā abhiññā ca samāpattiyo ca nibbattetvā jhānakīḷaṃ kīḷanto vihāsi. So tattha vasanto ‘‘evarūpampi nāma me ducchindaniyaṃ puttadārabandhanaṃ kilesabandhanaṃ chindita’’nti udānaṃ udānento imā gāthā avoca –
101.
101.
‘‘на д̇ам̣ д̣̇ал̣хам̣ б̣анд̇ханамааху д̇хийраа, яад̣̇ааяасам̣ д̣̇ааруж̇абаб̣б̣аж̇ан̃жа;
‘‘Na taṃ daḷhaṃ bandhanamāhu dhīrā, yadāyasaṃ dārujapabbajañca;
саарад̇д̇арад̇д̇аа ман̣игун̣д̣алзсу, буд̇д̇зсу д̣̇аарзсу жа яаа абзгкаа.
Sārattarattā maṇikuṇḍalesu, puttesu dāresu ca yā apekkhā.
102.
102.
‘‘зд̇ам̣ д̣̇ал̣хам̣ б̣анд̇ханамааху д̇хийраа, охааринам̣ сийт̇илам̣ д̣̇уббамун̃жам̣;
‘‘Etaṃ daḷhaṃ bandhanamāhu dhīrā, ohārinaṃ sīthilaṃ duppamuñcaṃ;
зд̇амби чзд̇ваана важ̇анд̇и д̇хийраа, анабзгкино гаамасукам̣ бахааяаа’’д̇и.
Etampi chetvāna vajanti dhīrā, anapekkhino kāmasukhaṃ pahāyā’’ti.
д̇ад̇т̇а д̇хийраад̇и д̇хид̇иманд̇аа, д̇хиггад̇абаабаад̇и д̇хийраа. ат̇а ваа д̇хий вужжад̇и бан̃н̃аа, д̇ааяа бан̃н̃ааяа саманнааг̇ад̇аад̇и д̇хийраа, б̣уд̣̇д̇хаа бажжзгаб̣уд̣̇д̇хаа б̣уд̣̇д̇хасаавагаа б̣од̇хисад̇д̇аа жа имз д̇хийраа наама. яад̣̇ааяасанд̇иаад̣̇ийсу яам̣ сан̇калигасан̇каад̇ам̣ аяасаа ниб̣б̣ад̇д̇ам̣ ааяасам̣, яам̣ ад̣̇д̣̇уб̣анд̇ханасан̇каад̇ам̣ д̣̇ааруж̇ам̣, яан̃жа баб̣б̣аж̇ад̇ин̣зхи ваа ан̃н̃зхи ваа ваагаад̣̇ийхи раж̇ж̇ум̣ гад̇ваа гад̇араж̇ж̇уб̣анд̇ханам̣, д̇ам̣ ааяасаад̣̇им̣ чинд̣̇ид̇ум̣ саггун̣зяяабхаавзна д̇хийраа д̣̇ал̣хам̣ т̇иранд̇и нааху на гат̇знд̇и. саарад̇д̇арад̇д̇аад̇и саарад̇д̇аа худ̇ваа рад̇д̇аа, б̣алаварааг̇арад̇д̇аад̇и ад̇т̇о. ман̣игун̣д̣алзсууд̇и ман̣ийсу жа гун̣д̣алзсу жа, ман̣ияуд̇д̇зсу ваа гун̣д̣алзсу.
Tattha dhīrāti dhitimantā, dhikkatapāpāti dhīrā. Atha vā dhī vuccati paññā, tāya paññāya samannāgatāti dhīrā, buddhā paccekabuddhā buddhasāvakā bodhisattā ca ime dhīrā nāma. Yadāyasantiādīsu yaṃ saṅkhalikasaṅkhātaṃ ayasā nibbattaṃ āyasaṃ, yaṃ addubandhanasaṅkhātaṃ dārujaṃ, yañca pabbajatiṇehi vā aññehi vā vākādīhi rajjuṃ katvā katarajjubandhanaṃ, taṃ āyasādiṃ chindituṃ sakkuṇeyyabhāvena dhīrā daḷhaṃ thiranti nāhu na kathenti. Sārattarattāti sārattā hutvā rattā, balavarāgarattāti attho. Maṇikuṇḍalesūti maṇīsu ca kuṇḍalesu ca, maṇiyuttesu vā kuṇḍalesu.
зд̇ам̣ д̣̇ал̣ханд̇и яз ман̣игун̣д̣алзсу саарад̇д̇арад̇д̇аа, д̇зсам̣ яо жа саарааг̇о, яаа жа д̇зсам̣ буд̇д̇ад̣̇аарзсу абзгкаа д̇ан̣хаа, зд̇ам̣ гилзсамаяам̣ б̣анд̇ханам̣ д̣̇ал̣хам̣ т̇иранд̇и д̇хийраа ааху. охааринанд̇и аагад̣дхид̇ваа жад̇уусу абааязсу баад̇анад̇о авахарад̇и хздтаа харад̇ийд̇и охааринам̣. сит̇иланд̇и б̣анд̇ханадтаанз чавижаммамам̣саани на чинд̣̇ад̇и, лохид̇ам̣ на нийхарад̇и, б̣анд̇ханабхаавамби на ж̇аанаабзд̇и, т̇алабат̇аж̇алабат̇аад̣̇ийсу гаммаани гаад̇ум̣ д̣̇зд̇ийд̇и сит̇илам̣. д̣̇уббамун̃жанд̇и д̇ан̣хаалобхавасзна хи згаваарамби уббаннам̣ гилзсаб̣анд̇ханам̣ д̣̇адтадтаанад̇о гажчабо вияа д̣̇умможаяам̣ ход̇ийд̇и д̣̇уббамун̃жам̣. зд̇амби чзд̇ваанаад̇и зд̇ам̣ звам̣ д̣̇ал̣хамби гилзсаб̣анд̇ханам̣ н̃аан̣акаг̇г̇зна чинд̣̇ид̇ваа аяад̣̇аамаани чинд̣̇ид̇ваа мад̇д̇аваравааран̣аа вияа бан̃ж̇арз чинд̣̇ид̇ваа сийхабод̇агаа вияа жа д̇хийраа вад̇т̇угаамагилзсагаамз уггаарабхуумим̣ вияа ж̇иг̇ужчамаанаа анабзгкино худ̇ваа гаамасукам̣ бахааяа важ̇анд̇и баггаманд̇и, баггамид̇ваа жа бана химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанасукзна вийд̇инаамзнд̇ийд̇и.
Etaṃdaḷhanti ye maṇikuṇḍalesu sārattarattā, tesaṃ yo ca sārāgo, yā ca tesaṃ puttadāresu apekkhā taṇhā, etaṃ kilesamayaṃ bandhanaṃ daḷhaṃ thiranti dhīrā āhu. Ohārinanti ākaḍḍhitvā catūsu apāyesu pātanato avaharati heṭṭhā haratīti ohārinaṃ. Sithilanti bandhanaṭṭhāne chavicammamaṃsāni na chindati, lohitaṃ na nīharati, bandhanabhāvampi na jānāpeti, thalapathajalapathādīsu kammāni kātuṃ detīti sithilaṃ. Duppamuñcanti taṇhālobhavasena hi ekavārampi uppannaṃ kilesabandhanaṃ daṭṭhaṭṭhānato kacchapo viya dummocayaṃ hotīti duppamuñcaṃ. Etampi chetvānāti etaṃ evaṃ daḷhampi kilesabandhanaṃ ñāṇakhaggena chinditvā ayadāmāni chinditvā mattavaravāraṇā viya pañjare chinditvā sīhapotakā viya ca dhīrā vatthukāmakilesakāme ukkārabhūmiṃ viya jigucchamānā anapekkhino hutvā kāmasukhaṃ pahāya vajanti pakkamanti, pakkamitvā ca pana himavantaṃ pavisitvā isipabbajjaṃ pabbajitvā jhānasukhena vītināmentīti.
звам̣ б̣од̇хисад̇д̇о имам̣ уд̣̇аанам̣ уд̣̇аанзд̇ваа абарихийнаж̇жхаано б̣рахмалогабарааяан̣о ахоси.
Evaṃ bodhisatto imaṃ udānaṃ udānetvā aparihīnajjhāno brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гзжи сод̇аабаннаа, гзжи сагад̣̇ааг̇аамино, гзжи анааг̇аамино, гзжи араханд̇о ахзсум̣. ‘‘д̇ад̣̇аа маад̇аа махаамааяаа ахоси, бид̇аа суд̣̇д̇ход̣̇анамахаарааж̇аа, бхарияаа раахуламаад̇аа, буд̇д̇о раахуло, буд̇д̇ад̣̇аарам̣ бахааяа нигкамид̇ваа баб̣б̣аж̇ид̇о бурисо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne keci sotāpannā, keci sakadāgāmino, keci anāgāmino, keci arahanto ahesuṃ. ‘‘Tadā mātā mahāmāyā ahosi, pitā suddhodanamahārājā, bhariyā rāhulamātā, putto rāhulo, puttadāraṃ pahāya nikkhamitvā pabbajito puriso pana ahameva ahosi’’nti.
б̣анд̇ханааг̇аараж̇аад̇агаван̣н̣анаа батамаа.
Bandhanāgārajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 201. б̣анд̇ханааг̇аараж̇аад̇агам̣ • 201. Bandhanāgārajātakaṃ
