| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[120] 10. б̣анд̇ханамогкаж̇аад̇агаван̣н̣анаа
[120] 10. Bandhanamokkhajātakavaṇṇanā
аб̣ад̣̇д̇хаа д̇ад̇т̇а б̣аж̇жханд̇ийд̇и ид̣̇ам̣ сад̇т̇аа ж̇зд̇аванз вихаранд̇о жин̃жамаан̣авигам̣ аараб̣бха гат̇зси. д̇ассаа вад̇т̇у д̣̇ваад̣̇асаганибаад̇з махаабад̣̇умаж̇аад̇агз (ж̇аа. 1.12.106 аад̣̇аяо) аави бхависсад̇и. д̇ад̣̇аа бана сад̇т̇аа ‘‘на, бхигкавз, жин̃жамаан̣авигаа ид̣̇аанзва мам̣ абхууд̇зна аб̣бхаажигкад̇и, буб̣б̣зби аб̣бхаажигкиязваа’’д̇и вад̇ваа ад̇ийд̇ам̣ аахари.
Abaddhātattha bajjhantīti idaṃ satthā jetavane viharanto ciñcamāṇavikaṃ ārabbha kathesi. Tassā vatthu dvādasakanipāte mahāpadumajātake (jā. 1.12.106 ādayo) āvi bhavissati. Tadā pana satthā ‘‘na, bhikkhave, ciñcamāṇavikā idāneva maṃ abhūtena abbhācikkhati, pubbepi abbhācikkhiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бурохид̇асса г̇зхз ниб̣б̣ад̇д̇ид̇ваа ваяаббад̇д̇о бид̇у ажжаязна д̇ассзва бурохид̇о ахоси. д̇зна аг̇г̇амахзсияаа варо д̣̇инно ход̇и ‘‘бхад̣̇д̣̇з, яам̣ ижчаси, д̇ам̣ вад̣̇зяяаасий’’д̇и. саа звамааха ‘‘на маяхам̣ ан̃н̃о варо наама д̣̇уллабхо, ид̇о бана д̇з бадтааяа ан̃н̃аа ид̇т̇ий гилзсавасзна на ологзд̇аб̣б̣аа’’д̇и. со бадигкибид̇ваа бунаббунам̣ ниббийл̣ияамаано д̇ассаа важанам̣ ад̇иггамид̇ум̣ асаггонд̇о самбадижчид̇ваа д̇ад̇о бадтааяа сол̣асасу наадагид̇т̇исахассзсу гилзсавасзна згид̇т̇имби на ологзси.
Atīte bārāṇasiyaṃ brahmadatte rajjaṃ kārente bodhisatto purohitassa gehe nibbattitvā vayappatto pitu accayena tasseva purohito ahosi. Tena aggamahesiyā varo dinno hoti ‘‘bhadde, yaṃ icchasi, taṃ vadeyyāsī’’ti. Sā evamāha ‘‘na mayhaṃ añño varo nāma dullabho, ito pana te paṭṭhāya aññā itthī kilesavasena na oloketabbā’’ti. So paṭikkhipitvā punappunaṃ nippīḷiyamāno tassā vacanaṃ atikkamituṃ asakkonto sampaṭicchitvā tato paṭṭhāya soḷasasu nāṭakitthisahassesu kilesavasena ekitthimpi na olokesi.
ат̇асса бажжанд̇о губби, бажжанд̇з тид̇аа яод̇хаа жорзхи сад̣̇д̇хим̣ д̣̇вз д̇аяо сан̇г̇аамз гад̇ваа ‘‘ид̇о уд̇д̇ари маяам̣ на саггомаа’’д̇и ран̃н̃о бан̣н̣ам̣ бзсзсум̣. рааж̇аа д̇ад̇т̇а г̇анд̇угаамо б̣алагааяам̣ сам̣харид̇ваа д̇ам̣ баггосаабзд̇ваа ‘‘бхад̣̇д̣̇з, ахам̣ бажжанд̇ам̣ г̇ажчаами, д̇ад̇т̇а наанаббагаараани яуд̣̇д̇хаани хонд̇и, ж̇аяабарааж̇аяоби аниб̣ад̣̇д̇хо, д̇аад̣̇исзсу таанзсу маад̇уг̇аамо д̣̇уббарихааро, д̇вам̣ ид̇хзва нивад̇д̇аахий’’д̇и ааха. саа ‘‘на саггаа, д̣̇зва, маяаа нивад̇д̇ид̇у’’нд̇и бунаббунам̣ ран̃н̃аа бадигкид̇д̇аа ааха ‘‘д̇зна хи згзгам̣ яож̇анам̣ г̇анд̇ваа маяхам̣ сукад̣̇угкаж̇аананад̇т̇ам̣ згзгам̣ мануссам̣ бзсзяяаат̇аа’’д̇и. рааж̇аа ‘‘саад̇хуу’’д̇и самбадижчид̇ваа б̣од̇хисад̇д̇ам̣ наг̇арз табзд̇ваа маханд̇зна б̣алагааязна нигкамид̇ваа г̇ажчанд̇о яож̇анз яож̇анз згзгам̣ бурисам̣ ‘‘амхаагам̣ аарог̇яам̣ аарожзд̇ваа д̣̇звияаа сукад̣̇угкам̣ ж̇аанид̇ваа ааг̇ажчаа’’д̇и бзсзси. саа ааг̇ад̇ааг̇ад̇ам̣ бурисам̣ ‘‘рааж̇аа гимад̇т̇ам̣ д̇ам̣ бзсзд̇ий’’д̇и бужчид̇ваа ‘‘д̇умхаагам̣ сукад̣̇угкаж̇аананад̇т̇ааяаа’’д̇и вуд̇д̇з ‘‘д̇зна хи зхий’’д̇и д̇зна сад̣̇д̇хим̣ асад̣̇д̇хаммам̣ бадисзвад̇и. рааж̇аа д̣̇вад̇д̇им̣саяож̇анамаг̇г̇ам̣ г̇ажчанд̇о д̣̇вад̇д̇им̣са ж̇анз бзсзси, саа саб̣б̣зхиби д̇зхи сад̣̇д̇хим̣ д̇ат̇зва агааси.
Athassa paccanto kuppi, paccante ṭhitā yodhā corehi saddhiṃ dve tayo saṅgāme katvā ‘‘ito uttari mayaṃ na sakkomā’’ti rañño paṇṇaṃ pesesuṃ. Rājā tattha gantukāmo balakāyaṃ saṃharitvā taṃ pakkosāpetvā ‘‘bhadde, ahaṃ paccantaṃ gacchāmi, tattha nānappakārāni yuddhāni honti, jayaparājayopi anibaddho, tādisesu ṭhānesu mātugāmo dupparihāro, tvaṃ idheva nivattāhī’’ti āha. Sā ‘‘na sakkā, deva, mayā nivattitu’’nti punappunaṃ raññā paṭikkhittā āha ‘‘tena hi ekekaṃ yojanaṃ gantvā mayhaṃ sukhadukkhajānanatthaṃ ekekaṃ manussaṃ peseyyāthā’’ti. Rājā ‘‘sādhū’’ti sampaṭicchitvā bodhisattaṃ nagare ṭhapetvā mahantena balakāyena nikkhamitvā gacchanto yojane yojane ekekaṃ purisaṃ ‘‘amhākaṃ ārogyaṃ ārocetvā deviyā sukhadukkhaṃ jānitvā āgacchā’’ti pesesi. Sā āgatāgataṃ purisaṃ ‘‘rājā kimatthaṃ taṃ pesetī’’ti pucchitvā ‘‘tumhākaṃ sukhadukkhajānanatthāyā’’ti vutte ‘‘tena hi ehī’’ti tena saddhiṃ asaddhammaṃ paṭisevati. Rājā dvattiṃsayojanamaggaṃ gacchanto dvattiṃsa jane pesesi, sā sabbehipi tehi saddhiṃ tatheva akāsi.
рааж̇аа бажжанд̇ам̣ вуубасамзд̇ваа ж̇анабад̣̇ам̣ самассаасзд̇ваа буна ааг̇ажчанд̇оби д̇ат̇зва д̣̇вад̇д̇им̣са ж̇анз бзсзси, саа д̇зхиби сад̣̇д̇хим̣ д̇ат̇зва виббадибаж̇ж̇иязва. рааж̇аа ааг̇анд̇ваа ж̇аяагканд̇хааваарадтаанз тад̇ваа ‘‘наг̇арам̣ бадиж̇аг̇г̇аабзд̇уу’’д̇и б̣од̇хисад̇д̇асса бан̣н̣ам̣ бзсзси. б̣од̇хисад̇д̇о сагаланаг̇арам̣ бадиж̇аг̇г̇аабзд̇ваа рааж̇анивзсанам̣ бадиж̇аг̇г̇аабзнд̇о д̣̇звияаа васанадтаанам̣ аг̇амааси. саа б̣од̇хисад̇д̇асса руубасобхаг̇г̇аббад̇д̇ам̣ гааяам̣ д̣̇исваа сан̣таад̇ум̣ асаггонд̇ий ‘‘зхи , б̣раахман̣а, саяанам̣ абхирухаа’’д̇и ааха. б̣од̇хисад̇д̇о ‘‘маа звам̣ аважа, рааж̇ааби г̇ару, агусаламби бхааяаами, на саггаа маяаа звам̣ гаад̇у’’нд̇и ааха. ‘‘жад̇усадтияаа баад̣̇амуулигаанам̣ нзва рааж̇аа г̇ару, на агусалам̣ бхааяанд̇и. д̇авзва рааж̇аа г̇ару, д̇вам̣язва жа агусалам̣ бхааяасий’’д̇и. ‘‘аама, д̣̇зви, сажз д̇зсамби звам̣ бхавзяяа, на зваруубам̣ гарзяяум̣’’. ‘‘ахам̣ бана ж̇аанамаано зваруубам̣ саахасияагаммам̣ на гариссаамий’’д̇и. ‘‘гим̣ б̣ахум̣ виббалабаси, сажз мз важанам̣ на гароси, сийсам̣ д̇з чинд̣̇аабзссаамий’’д̇и. ‘‘д̇идтад̇у д̇аава згасмим̣ ад̇д̇абхаавз сийсам̣, ад̇д̇абхаавасахассзби сийсз чиж̇ж̇анд̇з на саггаа маяаа зваруубам̣ гаад̇у’’нд̇и. саа ‘‘ход̇у, ж̇ааниссаамий’’д̇и б̣од̇хисад̇д̇ам̣ д̇аж̇ж̇зд̇ваа ад̇д̇ано г̇аб̣бхам̣ бависид̇ваа сарийрз накавал̣ан̃ж̇ам̣ д̣̇ассзд̇ваа д̇злзна г̇ад̇д̇аани аб̣бхан̃ж̇ид̇ваа гилидтавад̇т̇ам̣ ниваасзд̇ваа г̇илаанаалаяам̣ гад̇ваа д̣̇аасияо аан̣аабзси ‘ран̃н̃аа гахам̣ д̣̇звий’д̇и вуд̇д̇з ‘г̇илаанаа’д̇и гат̇зяяаат̇аа’’д̇и.
Rājā paccantaṃ vūpasametvā janapadaṃ samassāsetvā puna āgacchantopi tatheva dvattiṃsa jane pesesi, sā tehipi saddhiṃ tatheva vippaṭipajjiyeva. Rājā āgantvā jayakkhandhāvāraṭṭhāne ṭhatvā ‘‘nagaraṃ paṭijaggāpetū’’ti bodhisattassa paṇṇaṃ pesesi. Bodhisatto sakalanagaraṃ paṭijaggāpetvā rājanivesanaṃ paṭijaggāpento deviyā vasanaṭṭhānaṃ agamāsi. Sā bodhisattassa rūpasobhaggappattaṃ kāyaṃ disvā saṇṭhātuṃ asakkontī ‘‘ehi , brāhmaṇa, sayanaṃ abhiruhā’’ti āha. Bodhisatto ‘‘mā evaṃ avaca, rājāpi garu, akusalampi bhāyāmi, na sakkā mayā evaṃ kātu’’nti āha. ‘‘Catusaṭṭhiyā pādamūlikānaṃ neva rājā garu, na akusalaṃ bhāyanti. Taveva rājā garu, tvaṃyeva ca akusalaṃ bhāyasī’’ti. ‘‘Āma, devi, sace tesampi evaṃ bhaveyya, na evarūpaṃ kareyyuṃ’’. ‘‘Ahaṃ pana jānamāno evarūpaṃ sāhasiyakammaṃ na karissāmī’’ti. ‘‘Kiṃ bahuṃ vippalapasi, sace me vacanaṃ na karosi, sīsaṃ te chindāpessāmī’’ti. ‘‘Tiṭṭhatu tāva ekasmiṃ attabhāve sīsaṃ, attabhāvasahassepi sīse chijjante na sakkā mayā evarūpaṃ kātu’’nti. Sā ‘‘hotu, jānissāmī’’ti bodhisattaṃ tajjetvā attano gabbhaṃ pavisitvā sarīre nakhavaḷañjaṃ dassetvā telena gattāni abbhañjitvā kiliṭṭhavatthaṃ nivāsetvā gilānālayaṃ katvā dāsiyo āṇāpesi ‘raññā kahaṃ devī’ti vutte ‘gilānā’ti katheyyāthā’’ti.
б̣од̇хисад̇д̇оби ран̃н̃о бадибат̇ам̣ аг̇амааси. рааж̇аа наг̇арам̣ бад̣̇агкин̣ам̣ гад̇ваа баасаад̣̇ам̣ ааруяха д̣̇звим̣ абассанд̇о ‘‘гахам̣, д̣̇звий’’д̇и бужчи. ‘‘г̇илаанаа, д̣̇зваа’’д̇и. соби сириг̇аб̣бхам̣ бависид̇ваа д̇ассаа бидтим̣ баримаж̇ж̇анд̇о ‘‘гим̣ д̇з, бхад̣̇д̣̇з, апаасуга’’нд̇и бужчи. саа д̇ун̣хий ахоси. д̇ад̇ияаваарз рааж̇аанам̣ ологзд̇ваа ‘‘д̇вамби, махаарааж̇а, ж̇ийваси наама, маад̣̇исааби ид̇т̇ияо сассаамигааязва наамаа’’д̇и ааха. ‘‘гим̣ зд̇ам̣, бхад̣̇д̣̇з’’д̇и? д̇умхзхи наг̇арам̣ рагканад̇т̇ааяа табид̇о бурохид̇о ‘‘д̇умхаагам̣ нивзсанам̣ бадиж̇аг̇г̇аамий’’д̇и ид̇хааг̇анд̇ваа ад̇д̇ано важанам̣ агаронд̇им̣ мам̣ бахарид̇ваа ад̇д̇ано манам̣ буурзд̇ваа г̇ад̇од̇и. рааж̇аа аг̇г̇имхи багкид̇д̇алон̣асагкараа вияа год̇хзна д̇адад̇адааяанд̇о сириг̇аб̣бхаа нигкамид̇ваа д̣̇овааригабаад̣̇амуулигаад̣̇аяо баггосаабзд̇ваа ‘‘г̇ажчат̇а, бхан̣з, бурохид̇ам̣ бажчааб̣аахам̣ б̣анд̇хид̇ваа важ̇жхабхааваббад̇д̇ам̣ гад̇ваа наг̇араа нийхарид̇ваа аагхаад̇анам̣ нзд̇ваа сийсамасса чинд̣̇ат̇аа’’д̇и ааха. д̇з взг̇зна г̇анд̇ваа д̇ам̣ бажчааб̣аахам̣ б̣анд̇хид̇ваа важ̇жхабхзрим̣ жараабзсум̣.
Bodhisattopi rañño paṭipathaṃ agamāsi. Rājā nagaraṃ padakkhiṇaṃ katvā pāsādaṃ āruyha deviṃ apassanto ‘‘kahaṃ, devī’’ti pucchi. ‘‘Gilānā, devā’’ti. Sopi sirigabbhaṃ pavisitvā tassā piṭṭhiṃ parimajjanto ‘‘kiṃ te, bhadde, aphāsuka’’nti pucchi. Sā tuṇhī ahosi. Tatiyavāre rājānaṃ oloketvā ‘‘tvampi, mahārāja, jīvasi nāma, mādisāpi itthiyo sassāmikāyeva nāmā’’ti āha. ‘‘Kiṃ etaṃ, bhadde’’ti? Tumhehi nagaraṃ rakkhanatthāya ṭhapito purohito ‘‘tumhākaṃ nivesanaṃ paṭijaggāmī’’ti idhāgantvā attano vacanaṃ akarontiṃ maṃ paharitvā attano manaṃ pūretvā gatoti. Rājā aggimhi pakkhittaloṇasakkharā viya kodhena taṭataṭāyanto sirigabbhā nikkhamitvā dovārikapādamūlikādayo pakkosāpetvā ‘‘gacchatha, bhaṇe, purohitaṃ pacchābāhaṃ bandhitvā vajjhabhāvappattaṃ katvā nagarā nīharitvā āghātanaṃ netvā sīsamassa chindathā’’ti āha. Te vegena gantvā taṃ pacchābāhaṃ bandhitvā vajjhabheriṃ carāpesuṃ.
б̣од̇хисад̇д̇о жинд̇зси – ‘‘ад̣̇д̇хаа д̇ааяа д̣̇удтад̣̇звияаа рааж̇аа бурзд̇арамзва барибхинно, аж̇ж̇а д̣̇аанаахам̣ ад̇д̇ано б̣алзнзва ад̇д̇аанам̣ можзссаамий’’д̇и. со д̇з бурисз ааха ‘‘бхо, д̇умхз мам̣ маарзнд̇аа ран̃н̃о д̣̇ассзд̇ваава маарзт̇аа’’д̇и. ‘‘гим̣гааран̣аа’’д̇и? ‘‘ахам̣ рааж̇агаммиго, б̣аху мз гаммам̣ гад̇ам̣, б̣ахууни махаанид̇хидтаанаани ж̇аанаами, рааж̇агудумб̣ам̣ маяаа вижаарид̇ам̣. сажз мам̣ ран̃н̃о на д̣̇ассзссат̇а, б̣ахуд̇ханам̣ нассиссад̇и, маяаа ран̃н̃о саабад̇зяяз аажигкид̇з бажчаа гаад̇аб̣б̣ам̣ гарот̇аа’’д̇и. д̇з д̇ам̣ ран̃н̃о д̣̇ассаяим̣су. рааж̇аа д̇ам̣ д̣̇исваава ‘‘гасмаа бхо, б̣раахман̣а, маяи лаж̇ж̇ам̣ на агааси, гасмаа д̇з зваруубам̣ баабагаммам̣ гад̇а’’нд̇и ааха. ‘‘махаарааж̇а, ахам̣ сод̇т̇ияагулз ж̇аад̇о, маяаа гунт̇агибиллигамад̇д̇оби баан̣аад̇ибаад̇о на гад̇абуб̣б̣о, д̇ин̣асалаагамад̇д̇амби ад̣̇иннам̣ наад̣̇иннабуб̣б̣ам̣, лобхавасзна барзсам̣ ид̇т̇ий агкийни уммийлзд̇вааби на ологид̇абуб̣б̣аа, хассавасзнааби мусаа на бхаасид̇абуб̣б̣аа, гусаг̇г̇знааби маж̇ж̇ам̣ на бийд̇абуб̣б̣ам̣, ахам̣ д̇умхзсу нирабараад̇хо. саа бана б̣аалаа лобхавасзна мам̣ хад̇т̇з г̇ахзд̇ваа маяаа бадигкид̇д̇аа мам̣ д̇аж̇ж̇зд̇ваа ад̇д̇анаа гад̇ам̣ баабам̣ уд̇д̇аанам̣ гад̇ваа мама аажигкид̇ваа анд̇ог̇аб̣бхам̣ бавидтаа. ахам̣ нирабараад̇хо, бан̣н̣ам̣ г̇ахзд̇ваа бана ааг̇ад̇аа жад̇усадти ж̇анаа саабараад̇хаа, д̇з баггосаабзд̇ваа ‘‘д̇ааяа во важанам̣ гад̇ам̣, на гад̇а’’нд̇и бужча, д̣̇зваад̇и. рааж̇аа д̇з жад̇усадти ж̇анз б̣анд̇хаабзд̇ваа д̣̇звим̣ баггосаабзд̇ваа ‘‘д̇аяаа зд̇зхи сад̣̇д̇хим̣ баабам̣ гад̇ам̣, на гад̇а’’нд̇и бужчи. ‘‘гад̇ам̣, д̣̇зваа’’д̇и вуд̇д̇з д̇з бажчааб̣аахам̣ б̣анд̇хаабзд̇ваа ‘‘имзсам̣ жад̇усадтиж̇анаанам̣ сийсаани чинд̣̇ат̇аа’’д̇и аан̣аабзси.
Bodhisatto cintesi – ‘‘addhā tāya duṭṭhadeviyā rājā puretarameva paribhinno, ajja dānāhaṃ attano baleneva attānaṃ mocessāmī’’ti. So te purise āha ‘‘bho, tumhe maṃ mārentā rañño dassetvāva mārethā’’ti. ‘‘Kiṃkāraṇā’’ti? ‘‘Ahaṃ rājakammiko, bahu me kammaṃ kataṃ, bahūni mahānidhiṭṭhānāni jānāmi, rājakuṭumbaṃ mayā vicāritaṃ. Sace maṃ rañño na dassessatha, bahudhanaṃ nassissati, mayā rañño sāpateyye ācikkhite pacchā kātabbaṃ karothā’’ti. Te taṃ rañño dassayiṃsu. Rājā taṃ disvāva ‘‘kasmā bho, brāhmaṇa, mayi lajjaṃ na akāsi, kasmā te evarūpaṃ pāpakammaṃ kata’’nti āha. ‘‘Mahārāja, ahaṃ sotthiyakule jāto, mayā kunthakipillikamattopi pāṇātipāto na katapubbo, tiṇasalākamattampi adinnaṃ nādinnapubbaṃ, lobhavasena paresaṃ itthī akkhīni ummīletvāpi na olokitapubbā, hassavasenāpi musā na bhāsitapubbā, kusaggenāpi majjaṃ na pītapubbaṃ, ahaṃ tumhesu niraparādho. Sā pana bālā lobhavasena maṃ hatthe gahetvā mayā paṭikkhittā maṃ tajjetvā attanā kataṃ pāpaṃ uttānaṃ katvā mama ācikkhitvā antogabbhaṃ paviṭṭhā. Ahaṃ niraparādho, paṇṇaṃ gahetvā pana āgatā catusaṭṭhi janā sāparādhā, te pakkosāpetvā ‘‘tāya vo vacanaṃ kataṃ, na kata’’nti puccha, devāti. Rājā te catusaṭṭhi jane bandhāpetvā deviṃ pakkosāpetvā ‘‘tayā etehi saddhiṃ pāpaṃ kataṃ, na kata’’nti pucchi. ‘‘Kataṃ, devā’’ti vutte te pacchābāhaṃ bandhāpetvā ‘‘imesaṃ catusaṭṭhijanānaṃ sīsāni chindathā’’ti āṇāpesi.
ат̇а нам̣ б̣од̇хисад̇д̇о ааха – ‘‘над̇т̇и, махаарааж̇а, зд̇зсам̣ д̣̇осо, д̣̇звий ад̇д̇ано ружим̣ гаараабзси. нирабараад̇хаа зд̇з, д̇асмаа нзсам̣ камат̇а. д̇ассааби д̣̇осо над̇т̇и, ид̇т̇ияо наама мзт̇унад̇хаммзна ад̇ид̇д̇аа. ж̇аад̇исабхааво хи зса. зд̇аасам̣ камид̇аб̣б̣аяуд̇д̇амзва ход̇и. д̇асмаа зд̇иссааби камат̇аа’’д̇и наанаббагаарзна рааж̇аанам̣ сан̃н̃аабзд̇ваа д̇з жад̇усадтиби ж̇анз д̇ан̃жа б̣аалам̣ можаабзд̇ваа саб̣б̣зсам̣ яат̇аасагаани таанаани д̣̇аабзси. звам̣ д̇з саб̣б̣з можзд̇ваа сагадтаанз бад̇идтаабзд̇ваа б̣од̇хисад̇д̇о рааж̇аанам̣ убасан̇гамид̇ваа ‘‘махаарааж̇а, анд̇хаб̣аалаанам̣ наама авад̇т̇угзна важанзна аб̣анд̇хид̇аб̣б̣аяуд̇д̇агааби бан̣д̣ид̇аа бажчааб̣аахам̣ б̣ад̣̇д̇хаа, бан̣д̣ид̇аанам̣ гааран̣аяуд̇д̇зна важанзна бажчааб̣аахам̣ б̣ад̣̇д̇хааби муд̇д̇аа. звам̣ б̣аалаа наама аб̣анд̇хид̇аб̣б̣аяуд̇д̇агзби б̣анд̇хаабзнд̇и, бан̣д̣ид̇аа б̣ад̣̇д̇хзби можзнд̇ий’’д̇и вад̇ваа имам̣ г̇аат̇амааха –
Atha naṃ bodhisatto āha – ‘‘natthi, mahārāja, etesaṃ doso, devī attano ruciṃ kārāpesi. Niraparādhā ete, tasmā nesaṃ khamatha. Tassāpi doso natthi, itthiyo nāma methunadhammena atittā. Jātisabhāvo hi esa. Etāsaṃ khamitabbayuttameva hoti. Tasmā etissāpi khamathā’’ti nānappakārena rājānaṃ saññāpetvā te catusaṭṭhipi jane tañca bālaṃ mocāpetvā sabbesaṃ yathāsakāni ṭhānāni dāpesi. Evaṃ te sabbe mocetvā sakaṭṭhāne patiṭṭhāpetvā bodhisatto rājānaṃ upasaṅkamitvā ‘‘mahārāja, andhabālānaṃ nāma avatthukena vacanena abandhitabbayuttakāpi paṇḍitā pacchābāhaṃ baddhā, paṇḍitānaṃ kāraṇayuttena vacanena pacchābāhaṃ baddhāpi muttā. Evaṃ bālā nāma abandhitabbayuttakepi bandhāpenti, paṇḍitā baddhepi mocentī’’ti vatvā imaṃ gāthamāha –
120.
120.
‘‘аб̣ад̣̇д̇хаа д̇ад̇т̇а б̣аж̇жханд̇и, яад̇т̇а б̣аалаа бабхаасарз;
‘‘Abaddhā tattha bajjhanti, yattha bālā pabhāsare;
б̣ад̣̇д̇хааби д̇ад̇т̇а мужжанд̇и, яад̇т̇а д̇хийраа бабхаасарз’’д̇и.
Baddhāpi tattha muccanti, yattha dhīrā pabhāsare’’ti.
д̇ад̇т̇а аб̣ад̣̇д̇хаад̇и аб̣анд̇хид̇аб̣б̣аяуд̇д̇аа. бабхаасарзд̇и бабхаасанд̇и вад̣̇анд̇и гат̇знд̇и.
Tattha abaddhāti abandhitabbayuttā. Pabhāsareti pabhāsanti vadanti kathenti.
звам̣ махаасад̇д̇о имааяа г̇аат̇ааяа ран̃н̃о д̇хаммам̣ д̣̇зсзд̇ваа ‘‘маяаа имам̣ д̣̇угкам̣ аг̇аарз васанабхаавзна лад̣̇д̇хам̣, ид̣̇аани мз аг̇аарзна гижжам̣ над̇т̇и, баб̣б̣аж̇ж̇ам̣ мз ануж̇аана, д̣̇зваа’’д̇и баб̣б̣аж̇ж̇ам̣ ануж̇аанаабзд̇ваа ассумукам̣ н̃аад̇иж̇анам̣ маханд̇ан̃жа вибхавам̣ бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ mahāsatto imāya gāthāya rañño dhammaṃ desetvā ‘‘mayā imaṃ dukkhaṃ agāre vasanabhāvena laddhaṃ, idāni me agārena kiccaṃ natthi, pabbajjaṃ me anujāna, devā’’ti pabbajjaṃ anujānāpetvā assumukhaṃ ñātijanaṃ mahantañca vibhavaṃ pahāya isipabbajjaṃ pabbajitvā himavante vasanto abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇удтад̣̇звий жин̃жамаан̣авигаа ахоси, рааж̇аа аананд̣̇о, бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā duṭṭhadevī ciñcamāṇavikā ahosi, rājā ānando, purohito pana ahameva ahosi’’nti.
б̣анд̇ханамогкаж̇аад̇агаван̣н̣анаа д̣̇асамаа.
Bandhanamokkhajātakavaṇṇanā dasamā.
хам̣живаг̇г̇о д̣̇ваад̣̇асамо.
Haṃcivaggo dvādasamo.
д̇ассуд̣̇д̣̇аанам̣ –
Tassuddānaṃ –
г̇ад̣̇рабхабан̃хаа амараа, син̇г̇аалам̣ мид̇ажинд̇и жа;
Gadrabhapañhā amarā, siṅgālaṃ mitacinti ca;
анусаасигад̣̇уб̣б̣ажам̣, д̇ид̇д̇ирам̣ ваддагам̣ буна;
Anusāsikadubbacaṃ, tittiraṃ vaṭṭakaṃ puna;
агаалараави б̣анд̇хананд̇и.
Akālarāvi bandhananti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 120. б̣анд̇ханамогкаж̇аад̇агам̣ • 120. Bandhanamokkhajātakaṃ
