| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༠. བནྡྷནསུཏྟཝཎྞནཱ
10. Bandhanasuttavaṇṇanā
༡༢༡. ཨིདནྟི ‘‘ཨིདྷ, བྷནྟེ’’ཏིཨཱདིཀཾ ཝཙནཾ། ཏེ བྷིཀྑཱུ ཨཱརོཙེསུནྟི སམྦནྡྷོ། ཏེསཱུཏི ཏེསུ རཉྙཱ བནྡྷཱཔིཏམནུསྶེསུ། སུཀཏཀཱརཎནྟི སུཀཱརཎཀིརིཡཾ ཨཱརོཙེསུཾ, ན ཀེཝལཾ ཏེསཾ མནུསྶཱནཾ བནྡྷཱཔིཏབྷཱཝཾ ། ཨིདཱནི ཏམཏྠཾ ཝིཏྠཱརཏོ དསྶེཏུཾ ‘‘རཉྙོ ཀིརཱ’’ཏིཨཱདི ཝུཏྟཾ། ཨཊྛཝངྐོཏི ཨཊྛཾསོ། ཨནྟོགྷརཙཱརིནོཏི ཨནྟེཔུརཝཱསིནོ།
121.Idanti ‘‘idha, bhante’’tiādikaṃ vacanaṃ. Te bhikkhū ārocesunti sambandho. Tesūti tesu raññā bandhāpitamanussesu. Sukatakāraṇanti sukāraṇakiriyaṃ ārocesuṃ, na kevalaṃ tesaṃ manussānaṃ bandhāpitabhāvaṃ . Idāni tamatthaṃ vitthārato dassetuṃ ‘‘rañño kirā’’tiādi vuttaṃ. Aṭṭhavaṅkoti aṭṭhaṃso. Antogharacārinoti antepuravāsino.
ཨུཀྐཊྛེཏི ཡུདྡྷེ། མནྟཱིསཱུཏི གུཏྟམནྟཱིསུ། ཨཀུཏཱུཧལནྟི སཉྙཏཾ། པིཡནྟི པིཡཱཡིཏབྦཾ། ཨནྣཔཱནམྷི མདྷུརེ ཨབྷུཏྟེ ཨུཔྤནྣེ། ཨཏྠེཏི ཨཏྠེ ཀིཙྩེ ཛཱཏེ ཐིརནྟི ན ཀཐེནྟི ཀཱཡབལམཏྟེན ཨཔནེཏུཾ སཀྐུཎེཡྻཏྟཱ། སུཊྛུ རཏྟརཏྟཱཏི ཨཏིཝིཡ རཏྟཱ ཨེཝ ཧུཏྭཱ རཏྟཱ། སཱརཏྟེནཱཏི སཱརབྷཱཝེན སཱརབྷཱཝསཉྙཱཡ། ཨོཧཱརིནནྟི ཧེཊྛཱ ཧརཎསཱིལནྟི ཨཱཧ ‘‘ཙཏཱུསུ ཨཔཱཡེསུ ཨཱཀཌྜྷནཀ’’ནྟི། སིཐིལནྟི སིཐིལཱཀཱརཾ, ན པན སིཐིལཾ། ཏེནཱཧ བྷགཝཱ ‘‘དུཔྤམུཉྩ’’ནྟི།
Ukkaṭṭheti yuddhe. Mantīsūti guttamantīsu. Akutūhalanti saññataṃ. Piyanti piyāyitabbaṃ. Annapānamhi madhure abhutte uppanne. Attheti atthe kicce jāte thiranti na kathenti kāyabalamattena apanetuṃ sakkuṇeyyattā. Suṭṭhu rattarattāti ativiya rattā eva hutvā rattā. Sārattenāti sārabhāvena sārabhāvasaññāya. Ohārinanti heṭṭhā haraṇasīlanti āha ‘‘catūsu apāyesu ākaḍḍhanaka’’nti. Sithilanti sithilākāraṃ, na pana sithilaṃ. Tenāha bhagavā ‘‘duppamuñca’’nti.
བནྡྷནསུཏྟཝཎྞནཱ ནིཊྛིཏཱ།
Bandhanasuttavaṇṇanā niṭṭhitā.
པཋམཝགྒཝཎྞནཱ ནིཊྛིཏཱ།
Paṭhamavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. བནྡྷནསུཏྟཾ • 10. Bandhanasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. བནྡྷནསུཏྟཝཎྞནཱ • 10. Bandhanasuttavaṇṇanā
