| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१६. बन्धुजीवकवग्गो
16. Bandhujīvakavaggo
१. बन्धुजीवकत्थेरअपदानं
1. Bandhujīvakattheraapadānaṃ
१.
1.
‘‘चन्दंव विमलं सुद्धं, विप्पसन्नमनाविलं।
‘‘Candaṃva vimalaṃ suddhaṃ, vippasannamanāvilaṃ;
नन्दीभवपरिक्खीणं, तिण्णं लोके विसत्तिकं॥
Nandībhavaparikkhīṇaṃ, tiṇṇaṃ loke visattikaṃ.
२.
2.
३.
3.
‘‘बन्धुजीवकपुप्फानि, लगेत्वा सुत्तकेनहं।
‘‘Bandhujīvakapupphāni, lagetvā suttakenahaṃ;
बुद्धस्स अभिरोपयिं, सिखिनो लोकबन्धुनो॥
Buddhassa abhiropayiṃ, sikhino lokabandhuno.
४.
4.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
५.
5.
‘‘इतो सत्तमके कप्पे, मनुजिन्दो महायसो।
‘‘Ito sattamake kappe, manujindo mahāyaso;
समन्तचक्खु नामासि, चक्कवत्ती महब्बलो॥
Samantacakkhu nāmāsi, cakkavattī mahabbalo.
६.
6.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा बन्धुजीवको थेरो इमा गाथायो अभासित्थाति।
Itthaṃ sudaṃ āyasmā bandhujīvako thero imā gāthāyo abhāsitthāti.
बन्धुजीवकत्थेरस्सापदानं पठमं।
Bandhujīvakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. बन्धुजीवकत्थेरअपदानवण्णना • 1. Bandhujīvakattheraapadānavaṇṇanā
