| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. बन्धुजीवकत्थेरअपदानं
2. Bandhujīvakattheraapadānaṃ
६.
6.
‘‘सिद्धत्थो नाम सम्बुद्धो, सयम्भू सब्भि वण्णितो।
‘‘Siddhattho nāma sambuddho, sayambhū sabbhi vaṇṇito;
समाधिं सो समापन्नो, निसीदि पब्बतन्तरे॥
Samādhiṃ so samāpanno, nisīdi pabbatantare.
७.
7.
‘‘जातस्सरे गवेसन्तो, दकजं पुप्फमुत्तमं।
‘‘Jātassare gavesanto, dakajaṃ pupphamuttamaṃ;
बन्धुजीवकपुप्फानि, अद्दसं समनन्तरं॥
Bandhujīvakapupphāni, addasaṃ samanantaraṃ.
८.
8.
‘‘उभो हत्थेहि पग्गय्ह, उपागच्छिं महामुनिं।
‘‘Ubho hatthehi paggayha, upāgacchiṃ mahāmuniṃ;
पसन्नचित्तो सुमनो, सिद्धत्थस्साभिरोपयिं॥
Pasannacitto sumano, siddhatthassābhiropayiṃ.
९.
9.
‘‘चतुन्नवुतितो कप्पे, यं पुप्फमभिरोपयिं।
‘‘Catunnavutito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१०.
10.
‘‘इतो चातुद्दसे कप्पे, एको आसिं जनाधिपो।
‘‘Ito cātuddase kappe, eko āsiṃ janādhipo;
समुद्दकप्पो नामेन, चक्कवत्ती महब्बलो॥
Samuddakappo nāmena, cakkavattī mahabbalo.
११.
11.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा बन्धुजीवको थेरो इमा गाथायो अभासित्थाति।
Itthaṃ sudaṃ āyasmā bandhujīvako thero imā gāthāyo abhāsitthāti.
बन्धुजीवकत्थेरस्सापदानं दुतियं।
Bandhujīvakattherassāpadānaṃ dutiyaṃ.
