| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. жад̇угганибаад̇о
4. Catukkanipāto
1. бхад̣̇д̣̇аагаабилаанийт̇зрийг̇аат̇ааван̣н̣анаа
1. Bhaddākāpilānītherīgāthāvaṇṇanā
жад̇угганибаад̇з буд̇д̇о б̣уд̣̇д̇хасса д̣̇ааяаад̣̇од̇иаад̣̇игаа бхад̣̇д̣̇ааяа гаабилаанияаа т̇зрияаа г̇аат̇аа. саа гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ буб̣б̣зниваасам̣ ануссаранд̇ийнам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа саяамби д̇ам̣ таананд̇арам̣ бад̇т̇зд̇ваа яааваж̇ийвам̣ бун̃н̃аани гад̇ваа д̇ад̇о жуд̇аа д̣̇звамануссзсу сам̣саранд̇ий ануббаннз б̣уд̣̇д̇хз б̣аараан̣асияам̣ гулаг̇зхз ниб̣б̣ад̇д̇ид̇ваа бад̇игулам̣ г̇анд̇ваа, згад̣̇ивасам̣ ад̇д̇ано нананд̣̇ааяа сад̣̇д̇хим̣ галахам̣ гаронд̇ий д̇ааяа бажжзгаб̣уд̣̇д̇хасса бин̣д̣абаад̇з д̣̇иннз ‘‘аяам̣ имасса д̣̇аанам̣ д̣̇ад̇ваа ул̣аарасамбад̇д̇им̣ лабхиссад̇ий’’д̇и бажжзгаб̣уд̣̇д̇хасса хад̇т̇ад̇о бад̇д̇ам̣ г̇ахзд̇ваа бхад̇д̇ам̣ чад̣д̣зд̇ваа галаласса буурзд̇ваа ад̣̇ааси. махааж̇ано г̇арахи – ‘‘б̣аалз, бажжзгаб̣уд̣̇д̇хо д̇з гим̣ абараж̇жхий’’д̇и? саа д̇зсам̣ важанзна лаж̇ж̇амаанаа буна бад̇д̇ам̣ г̇ахзд̇ваа галалам̣ нийхарид̇ваа д̇ховид̇ваа г̇анд̇хажун̣н̣зна уб̣б̣аддзд̇ваа жад̇умад̇хурасса буурзд̇ваа убари аасид̇д̇зна бад̣̇умаг̇аб̣бхаван̣н̣зна саббинаа виж̇ж̇од̇амаанам̣ бажжзгаб̣уд̣̇д̇хасса хад̇т̇з табзд̇ваа ‘‘яат̇аа аяам̣ бин̣д̣абаад̇о обхаасаж̇аад̇о, звам̣ обхаасаж̇аад̇ам̣ мз сарийрам̣ ход̇уу’’д̇и бад̇т̇анам̣ бадтабзси. саа д̇ад̇о жавид̇ваа суг̇ад̇ийсуязва сам̣саранд̇ий гассабаб̣уд̣̇д̇хагаалз б̣аараан̣асияам̣ махаавибхавасса сздтино д̇хийд̇аа худ̇ваа ниб̣б̣ад̇д̇и. буб̣б̣агаммапалзна д̣̇уг̇г̇анд̇хасарийраа мануссзхи ж̇иг̇ужчид̇аб̣б̣аа худ̇ваа сам̣взг̇аж̇аад̇аа ад̇д̇ано аабхаран̣зхи суван̣н̣идтагам̣ гаарзд̇ваа бхаг̇авад̇о жзд̇ияз бад̇идтабзси, уббалахад̇т̇зна жа бууж̇ам̣ агааси. д̇знассаа сарийрам̣ д̇асмим̣язва бхавз суг̇анд̇хам̣ манохарам̣ ж̇аад̇ам̣. саа бад̇ино бияаа манаабаа худ̇ваа яааваж̇ийвам̣ гусалам̣ гад̇ваа д̇ад̇о жуд̇аа саг̇г̇з ниб̣б̣ад̇д̇и. д̇ад̇т̇ааби яааваж̇ийвам̣ д̣̇иб̣б̣асукам̣ анубхавид̇ваа, д̇ад̇о жуд̇аа б̣аараан̣асиран̃н̃о д̇хийд̇аа худ̇ваа д̇ад̇т̇а д̣̇звасамбад̇д̇исад̣̇исам̣ самбад̇д̇им̣ анубхаванд̇ий жирагаалам̣ бажжзгаб̣уд̣̇д̇хз убадтахид̇ваа, д̇зсу бариниб̣б̣уд̇зсу сам̣взг̇аж̇аад̇аа д̇аабасабаб̣б̣аж̇ж̇ааяа баб̣б̣аж̇ид̇ваа уяяаанз васанд̇ий жхаанаани бхаавзд̇ваа б̣рахмалогз ниб̣б̣ад̇д̇ид̇ваа д̇ад̇о жуд̇аа сааг̇аланаг̇арз госияаг̇од̇д̇асса б̣раахман̣агуласса г̇зхз ниб̣б̣ад̇д̇ид̇ваа махад̇аа барихаарзна вад̣дхид̇ваа ваяаббад̇д̇аа махаад̇ид̇т̇аг̇аамз бибпалигумаарасса г̇зхам̣ нийд̇аа. д̇асмим̣ баб̣б̣аж̇ид̇ум̣ нигканд̇з маханд̇ам̣ бхог̇агканд̇хам̣ маханд̇ан̃жа н̃аад̇ибариваддам̣ бахааяа баб̣б̣аж̇ж̇ад̇т̇ааяа нигкамид̇ваа бан̃жа вассаани д̇ид̇т̇ияаараамз бависид̇ваа абарабхааг̇з махаабаж̇аабад̇иг̇од̇амияаа санд̇игз баб̣б̣аж̇ж̇ам̣ убасамбад̣̇ан̃жа лабхид̇ваа вибассанам̣ бадтабзд̇ваа на жирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.3.244-313) –
Catukkanipāte putto buddhassa dāyādotiādikā bhaddāya kāpilāniyā theriyā gāthā. Sā kira padumuttarassa bhagavato kāle haṃsavatīnagare kulagehe nibbattitvā viññutaṃ patvā satthu santike dhammaṃ suṇantī satthāraṃ ekaṃ bhikkhuniṃ pubbenivāsaṃ anussarantīnaṃ aggaṭṭhāne ṭhapentaṃ disvā adhikārakammaṃ katvā sayampi taṃ ṭhānantaraṃ patthetvā yāvajīvaṃ puññāni katvā tato cutā devamanussesu saṃsarantī anuppanne buddhe bārāṇasiyaṃ kulagehe nibbattitvā patikulaṃ gantvā, ekadivasaṃ attano nanandāya saddhiṃ kalahaṃ karontī tāya paccekabuddhassa piṇḍapāte dinne ‘‘ayaṃ imassa dānaṃ datvā uḷārasampattiṃ labhissatī’’ti paccekabuddhassa hatthato pattaṃ gahetvā bhattaṃ chaḍḍetvā kalalassa pūretvā adāsi. Mahājano garahi – ‘‘bāle, paccekabuddho te kiṃ aparajjhī’’ti? Sā tesaṃ vacanena lajjamānā puna pattaṃ gahetvā kalalaṃ nīharitvā dhovitvā gandhacuṇṇena ubbaṭṭetvā catumadhurassa pūretvā upari āsittena padumagabbhavaṇṇena sappinā vijjotamānaṃ paccekabuddhassa hatthe ṭhapetvā ‘‘yathā ayaṃ piṇḍapāto obhāsajāto, evaṃ obhāsajātaṃ me sarīraṃ hotū’’ti patthanaṃ paṭṭhapesi. Sā tato cavitvā sugatīsuyeva saṃsarantī kassapabuddhakāle bārāṇasiyaṃ mahāvibhavassa seṭṭhino dhītā hutvā nibbatti. Pubbakammaphalena duggandhasarīrā manussehi jigucchitabbā hutvā saṃvegajātā attano ābharaṇehi suvaṇṇiṭṭhakaṃ kāretvā bhagavato cetiye patiṭṭhapesi, uppalahatthena ca pūjaṃ akāsi. Tenassā sarīraṃ tasmiṃyeva bhave sugandhaṃ manoharaṃ jātaṃ. Sā patino piyā manāpā hutvā yāvajīvaṃ kusalaṃ katvā tato cutā sagge nibbatti. Tatthāpi yāvajīvaṃ dibbasukhaṃ anubhavitvā, tato cutā bārāṇasirañño dhītā hutvā tattha devasampattisadisaṃ sampattiṃ anubhavantī cirakālaṃ paccekabuddhe upaṭṭhahitvā, tesu parinibbutesu saṃvegajātā tāpasapabbajjāya pabbajitvā uyyāne vasantī jhānāni bhāvetvā brahmaloke nibbattitvā tato cutā sāgalanagare kosiyagottassa brāhmaṇakulassa gehe nibbattitvā mahatā parihārena vaḍḍhitvā vayappattā mahātitthagāme pipphalikumārassa gehaṃ nītā. Tasmiṃ pabbajituṃ nikkhante mahantaṃ bhogakkhandhaṃ mahantañca ñātiparivaṭṭaṃ pahāya pabbajjatthāya nikkhamitvā pañca vassāni titthiyārāme pavisitvā aparabhāge mahāpajāpatigotamiyā santike pabbajjaṃ upasampadañca labhitvā vipassanaṃ paṭṭhapetvā na cirasseva arahattaṃ pāpuṇi. Tena vuttaṃ apadāne (apa. therī 2.3.244-313) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇ааху хам̣савад̇ияам̣, вид̣̇зхо наама наамад̇о;
‘‘Tadāhu haṃsavatiyaṃ, videho nāma nāmato;
сздтий бахууд̇арад̇ано, д̇асса ж̇ааяаа ахосахам̣.
Seṭṭhī pahūtaratano, tassa jāyā ahosahaṃ.
‘‘гад̣̇аажи со нараад̣̇ижжам̣, убзжжа сабариж̇ж̇ано;
‘‘Kadāci so narādiccaṃ, upecca saparijjano;
д̇хаммамассоси б̣уд̣̇д̇хасса, саб̣б̣ад̣̇угкабхаяаббахам̣.
Dhammamassosi buddhassa, sabbadukkhabhayappahaṃ.
‘‘саавагам̣ д̇худ̇аваад̣̇аанам̣, аг̇г̇ам̣ гид̇д̇зси нааяаго;
‘‘Sāvakaṃ dhutavādānaṃ, aggaṃ kittesi nāyako;
суд̇ваа сад̇д̇аахигам̣ д̣̇аанам̣, д̣̇ад̇ваа б̣уд̣̇д̇хасса д̇аад̣̇ино.
Sutvā sattāhikaṃ dānaṃ, datvā buddhassa tādino.
‘‘нибажжа сирасаа баад̣̇з, д̇ам̣ таанамабхибад̇т̇аяим̣;
‘‘Nipacca sirasā pāde, taṃ ṭhānamabhipatthayiṃ;
са хаасаяанд̇о барисам̣, д̇ад̣̇аа хи нарабун̇г̇аво.
Sa hāsayanto parisaṃ, tadā hi narapuṅgavo.
‘‘сздтино анугамбааяа, имаа г̇аат̇аа абхаасат̇а;
‘‘Seṭṭhino anukampāya, imā gāthā abhāsatha;
лажчасз бад̇т̇ид̇ам̣ таанам̣, ниб̣б̣уд̇о хохи буд̇д̇ага.
Lacchase patthitaṃ ṭhānaṃ, nibbuto hohi puttaka.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
гассабо наама г̇од̇д̇зна, хзссад̇и сад̇т̇у сааваго.
Kassapo nāma gottena, hessati satthu sāvako.
‘‘д̇ам̣ суд̇ваа муд̣̇ид̇о худ̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvā mudito hutvā, yāvajīvaṃ tadā jinaṃ;
мзд̇д̇ажид̇д̇о барижари, бажжаязхи винааяагам̣.
Mettacitto paricari, paccayehi vināyakaṃ.
‘‘саасанам̣ ж̇од̇аяид̇ваана, со мад̣̇д̣̇ид̇ваа гуд̇ид̇т̇ияз;
‘‘Sāsanaṃ jotayitvāna, so madditvā kutitthiye;
взнзяяам̣ винаяид̇ваа жа, ниб̣б̣уд̇о со сасааваго.
Veneyyaṃ vinayitvā ca, nibbuto so sasāvako.
‘‘ниб̣б̣уд̇з д̇амхи логаг̇г̇з, бууж̇анад̇т̇ааяа сад̇т̇уно;
‘‘Nibbute tamhi lokagge, pūjanatthāya satthuno;
н̃аад̇имид̇д̇з самаанзд̇ваа, саха д̇зхи агаараяи.
Ñātimitte samānetvā, saha tehi akārayi.
‘‘сад̇д̇аяож̇анигам̣ т̇уубам̣, уб̣б̣ид̣̇д̇хам̣ рад̇анаамаяам̣;
‘‘Sattayojanikaṃ thūpaṃ, ubbiddhaṃ ratanāmayaṃ;
ж̇аланд̇ам̣ сад̇арам̣сим̣ва, сааларааж̇ам̣ва пуллид̇ам̣.
Jalantaṃ sataraṃsiṃva, sālarājaṃva phullitaṃ.
‘‘сад̇д̇асад̇асахассаани, баад̇ияо д̇ад̇т̇а гаараяи;
‘‘Sattasatasahassāni, pātiyo tattha kārayi;
нал̣аг̇г̇ий вияа ж̇од̇анд̇ий, рад̇анзхзва сад̇д̇ахи.
Naḷaggī viya jotantī, rataneheva sattahi.
‘‘г̇анд̇хад̇злзна буурзд̇ваа, д̣̇ийбаануж̇ж̇алаяий д̇ахим̣;
‘‘Gandhatelena pūretvā, dīpānujjalayī tahiṃ;
бууж̇анад̇т̇ааяа махзсисса, саб̣б̣абхууд̇аанугамбино.
Pūjanatthāya mahesissa, sabbabhūtānukampino.
‘‘сад̇д̇асад̇асахассаани, бун̣н̣агумбхаани гаараяи;
‘‘Sattasatasahassāni, puṇṇakumbhāni kārayi;
рад̇анзхзва бун̣н̣аани, бууж̇анад̇т̇ааяа махзсино.
Rataneheva puṇṇāni, pūjanatthāya mahesino.
‘‘маж̇жхз адтадтагумбхийнам̣, уссид̇аа ган̃жанаг̇гхияо;
‘‘Majjhe aṭṭhaṭṭhakumbhīnaṃ, ussitā kañcanagghiyo;
ад̇ирожанд̇и ван̣н̣зна, сарад̣̇зва д̣̇иваагаро.
Atirocanti vaṇṇena, saradeva divākaro.
‘‘жад̇уд̣̇ваарзсу собханд̇и, д̇оран̣аа рад̇анаамаяаа;
‘‘Catudvāresu sobhanti, toraṇā ratanāmayā;
уссид̇аа палагаа раммаа, собханд̇и рад̇анаамаяаа.
Ussitā phalakā rammā, sobhanti ratanāmayā.
‘‘вирожанд̇и баригкид̇д̇аа, авадам̣саа суниммид̇аа;
‘‘Virocanti parikkhittā, avaṭaṃsā sunimmitā;
уссид̇аани бадаагаани, рад̇анаани вирожарз.
Ussitāni paṭākāni, ratanāni virocare.
‘‘сурад̇д̇ам̣ сугад̇ам̣ жид̇д̇ам̣, жзд̇ияам̣ рад̇анаамаяам̣;
‘‘Surattaṃ sukataṃ cittaṃ, cetiyaṃ ratanāmayaṃ;
ад̇ирожад̇и ван̣н̣зна, сасан̃жхова д̣̇иваагаро.
Atirocati vaṇṇena, sasañjhova divākaro.
‘‘т̇уубасса взд̣̇ияо д̇иссо, харид̇аалзна буураяи;
‘‘Thūpassa vediyo tisso, haritālena pūrayi;
згам̣ маносилааязгам̣, ан̃ж̇анзна жа згигам̣.
Ekaṃ manosilāyekaṃ, añjanena ca ekikaṃ.
‘‘бууж̇ам̣ зд̇аад̣̇исам̣ раммам̣, гаарзд̇ваа вараваад̣̇ино;
‘‘Pūjaṃ etādisaṃ rammaṃ, kāretvā varavādino;
ад̣̇ааси д̣̇аанам̣ сан̇гхасса, яааваж̇ийвам̣ яат̇ааб̣алам̣.
Adāsi dānaṃ saṅghassa, yāvajīvaṃ yathābalaṃ.
‘‘сахаава сздтинаа д̇зна, д̇аани бун̃н̃аани саб̣б̣асо;
‘‘Sahāva seṭṭhinā tena, tāni puññāni sabbaso;
яааваж̇ийвам̣ гарид̇ваана, сахаава суг̇ад̇им̣ г̇ад̇аа.
Yāvajīvaṃ karitvāna, sahāva sugatiṃ gatā.
‘‘самбад̇д̇ияонубход̇ваана, д̣̇звад̇д̇з ат̇а маанусз;
‘‘Sampattiyonubhotvāna, devatte atha mānuse;
чааяаа вияа сарийрзна, саха д̇знзва сам̣сарим̣.
Chāyā viya sarīrena, saha teneva saṃsariṃ.
‘‘зганавуд̇ид̇о габбз, вибассий наама нааяаго;
‘‘Ekanavutito kappe, vipassī nāma nāyako;
уббаж̇ж̇и жааруд̣̇ассано, саб̣б̣ад̇хаммавибассаго.
Uppajji cārudassano, sabbadhammavipassako.
‘‘д̇ад̣̇ааяам̣ б̣анд̇хубад̇ияам̣, б̣раахман̣о саад̇хусаммад̇о;
‘‘Tadāyaṃ bandhupatiyaṃ, brāhmaṇo sādhusammato;
ад̣дхо санд̇о г̇ун̣знааби, д̇ханзна жа суд̣̇уг̇г̇ад̇о.
Aḍḍho santo guṇenāpi, dhanena ca suduggato.
‘‘д̇ад̣̇ааби д̇ассаахам̣ аасим̣, б̣раахман̣ий самажзд̇асаа;
‘‘Tadāpi tassāhaṃ āsiṃ, brāhmaṇī samacetasā;
гад̣̇аажи со д̣̇иж̇аваро, сан̇г̇амзси махаамуним̣.
Kadāci so dijavaro, saṅgamesi mahāmuniṃ.
‘‘нисиннам̣ ж̇анагааяамхи, д̣̇зсзнд̇ам̣ амад̇ам̣ бад̣̇ам̣;
‘‘Nisinnaṃ janakāyamhi, desentaṃ amataṃ padaṃ;
суд̇ваа д̇хаммам̣ бамуд̣̇ид̇о, ад̣̇ааси згасаадагам̣.
Sutvā dhammaṃ pamudito, adāsi ekasāṭakaṃ.
‘‘гхарамзгзна вад̇т̇зна, г̇анд̇ваанзд̇ам̣ са маб̣рави;
‘‘Gharamekena vatthena, gantvānetaṃ sa mabravi;
анумод̣̇а махаабун̃н̃ам̣, д̣̇иннам̣ б̣уд̣̇д̇хасса саадагам̣.
Anumoda mahāpuññaṃ, dinnaṃ buddhassa sāṭakaṃ.
‘‘д̇ад̣̇аахам̣ ан̃ж̇алим̣ гад̇ваа, анумод̣̇им̣ субийн̣ид̇аа;
‘‘Tadāhaṃ añjaliṃ katvā, anumodiṃ supīṇitā;
суд̣̇инно саадаго саами, б̣уд̣̇д̇хасздтасса д̇аад̣̇ино.
Sudinno sāṭako sāmi, buddhaseṭṭhassa tādino.
‘‘сукид̇о саж̇ж̇ид̇о худ̇ваа, сам̣саранд̇о бхаваабхавз;
‘‘Sukhito sajjito hutvā, saṃsaranto bhavābhave;
б̣аараан̣асибурз раммз, рааж̇аа ааси махийбад̇и.
Bārāṇasipure ramme, rājā āsi mahīpati.
‘‘д̇ад̣̇аа д̇асса махзсийхам̣, ид̇т̇иг̇умб̣асса уд̇д̇амаа;
‘‘Tadā tassa mahesīhaṃ, itthigumbassa uttamā;
д̇ассаад̇и д̣̇аяид̇аа аасим̣, буб̣б̣аснзхзна бхад̇д̇уно.
Tassāti dayitā āsiṃ, pubbasnehena bhattuno.
‘‘бин̣д̣ааяа вижаранд̇з д̇з, адта бажжзганааяагз;
‘‘Piṇḍāya vicarante te, aṭṭha paccekanāyake;
д̣̇исваа бамуд̣̇ид̇о худ̇ваа, д̣̇ад̇ваа бин̣д̣ам̣ махаарахам̣.
Disvā pamudito hutvā, datvā piṇḍaṃ mahārahaṃ.
‘‘буно ниманд̇аяид̇ваана, гад̇ваа рад̇анаман̣д̣абам̣;
‘‘Puno nimantayitvāna, katvā ratanamaṇḍapaṃ;
гаммаарзхи гад̇ам̣ бад̇д̇ам̣, сован̣н̣ам̣ вад̇а д̇ад̇д̇агам̣.
Kammārehi kataṃ pattaṃ, sovaṇṇaṃ vata tattakaṃ.
‘‘самаанзд̇ваана д̇з саб̣б̣з, д̇зсам̣ д̣̇аанамад̣̇ааси со;
‘‘Samānetvāna te sabbe, tesaṃ dānamadāsi so;
сон̣н̣аасанз бавидтаанам̣, басанно сзхи баан̣ибхи.
Soṇṇāsane paviṭṭhānaṃ, pasanno sehi pāṇibhi.
‘‘д̇амби д̣̇аанам̣ сахаад̣̇аасим̣, гаасирааж̇знахам̣ д̇ад̣̇аа;
‘‘Tampi dānaṃ sahādāsiṃ, kāsirājenahaṃ tadā;
бунаахам̣ б̣аараан̣асияам̣, ж̇аад̇аа гаасигаг̇аамагз.
Punāhaṃ bārāṇasiyaṃ, jātā kāsikagāmake.
‘‘гудумб̣игагулз пийд̇з, сукид̇о со сабхаад̇уго;
‘‘Kuṭumbikakule phīte, sukhito so sabhātuko;
ж̇здтасса бхаад̇уно ж̇ааяаа, ахосим̣ субад̇иб̣б̣ад̇аа.
Jeṭṭhassa bhātuno jāyā, ahosiṃ supatibbatā.
‘‘бажжзгаб̣уд̣̇д̇хам̣ д̣̇исваана, ганияасса мама бхад̇д̇уно;
‘‘Paccekabuddhaṃ disvāna, kaniyassa mama bhattuno;
бхааг̇аннам̣ д̇асса д̣̇ад̇ваана, ааг̇ад̇з д̇амхи баавад̣̇им̣.
Bhāgannaṃ tassa datvāna, āgate tamhi pāvadiṃ.
‘‘наабхинанд̣̇ид̇т̇а со д̣̇аанам̣, д̇ад̇о д̇асса ад̣̇аасахам̣;
‘‘Nābhinandittha so dānaṃ, tato tassa adāsahaṃ;
укаа аанияа д̇ам̣ аннам̣, буно д̇ассзва со ад̣̇аа.
Ukhā āniya taṃ annaṃ, puno tasseva so adā.
‘‘д̇ад̣̇аннам̣ чад̣д̣аяид̇ваана, д̣̇удтаа б̣уд̣̇д̇хассахам̣ д̇ад̣̇аа;
‘‘Tadannaṃ chaḍḍayitvāna, duṭṭhā buddhassahaṃ tadā;
бад̇д̇ам̣ галалабун̣н̣ам̣ д̇ам̣, ад̣̇аасим̣ д̇асса д̇аад̣̇ино.
Pattaṃ kalalapuṇṇaṃ taṃ, adāsiṃ tassa tādino.
‘‘д̣̇аанз жа г̇ахан̣з жзва, абажз бад̣̇усзби жа;
‘‘Dāne ca gahaṇe ceva, apace padusepi ca;
самажид̇д̇амукам̣ д̣̇исваа, д̇ад̣̇аахам̣ сам̣виж̇им̣ бхусам̣.
Samacittamukhaṃ disvā, tadāhaṃ saṃvijiṃ bhusaṃ.
‘‘буно бад̇д̇ам̣ г̇ахзд̇ваана, сод̇хаяид̇ваа суг̇анд̇хинаа,
‘‘Puno pattaṃ gahetvāna, sodhayitvā sugandhinā,
басаннажид̇д̇аа буурзд̇ваа, сагхад̇ам̣ саггарам̣ ад̣̇ам̣.
Pasannacittā pūretvā, saghataṃ sakkaraṃ adaṃ.
‘‘яад̇т̇а яад̇т̇уубабаж̇ж̇аами, суруубаа хоми д̣̇аанад̇о;
‘‘Yattha yatthūpapajjāmi, surūpā homi dānato;
б̣уд̣̇д̇хасса абагаарзна, д̣̇уг̇г̇анд̇хаа вад̣̇анзна жа.
Buddhassa apakārena, duggandhā vadanena ca.
‘‘буна гассабавийрасса, нид̇хааяанд̇амхи жзд̇ияз;
‘‘Puna kassapavīrassa, nidhāyantamhi cetiye;
сован̣н̣ам̣ идтагам̣ варам̣, ад̣̇аасим̣ муд̣̇ид̇аа ахам̣.
Sovaṇṇaṃ iṭṭhakaṃ varaṃ, adāsiṃ muditā ahaṃ.
‘‘жад̇уж̇ж̇аад̇зна г̇анд̇хзна, нижаяид̇ваа д̇амидтагам̣;
‘‘Catujjātena gandhena, nicayitvā tamiṭṭhakaṃ;
муд̇д̇аа д̣̇уг̇г̇анд̇хад̣̇осамхаа, саб̣б̣ан̇г̇асусамааг̇ад̇аа.
Muttā duggandhadosamhā, sabbaṅgasusamāgatā.
‘‘сад̇д̇а баад̇исахассаани, рад̇анзхзва сад̇д̇ахи;
‘‘Satta pātisahassāni, rataneheva sattahi;
гаарзд̇ваа гхад̇абуураани, ваддийни жа сахассасо.
Kāretvā ghatapūrāni, vaṭṭīni ca sahassaso.
‘‘багкибид̇ваа бад̣̇ийбзд̇ваа, табаяим̣ сад̇д̇абанд̇ияо;
‘‘Pakkhipitvā padīpetvā, ṭhapayiṃ sattapantiyo;
бууж̇анад̇т̇ам̣ логанаат̇асса, виббасаннзна жзд̇асаа.
Pūjanatthaṃ lokanāthassa, vippasannena cetasā.
‘‘д̇ад̣̇ааби д̇амхи бун̃н̃амхи, бхааг̇инийяи висзсад̇о;
‘‘Tadāpi tamhi puññamhi, bhāginīyi visesato;
буна гаасийсу сан̃ж̇аад̇о, сумид̇д̇аа ид̇и виссуд̇о.
Puna kāsīsu sañjāto, sumittā iti vissuto.
‘‘д̇ассаахам̣ бхарияаа аасим̣, сукид̇аа саж̇ж̇ид̇аа бияаа;
‘‘Tassāhaṃ bhariyā āsiṃ, sukhitā sajjitā piyā;
д̇ад̣̇аа бажжзгамунино, ад̣̇аасим̣ гханавзтанам̣.
Tadā paccekamunino, adāsiṃ ghanaveṭhanaṃ.
‘‘д̇ассааби бхааг̇иний аасим̣, мод̣̇ид̇ваа д̣̇аанамуд̇д̇амам̣;
‘‘Tassāpi bhāginī āsiṃ, moditvā dānamuttamaṃ;
бунааби гаасирадтамхи, ж̇аад̇о голияаж̇аад̇ияаа.
Punāpi kāsiraṭṭhamhi, jāto koliyajātiyā.
‘‘д̇ад̣̇аа голияабуд̇д̇аанам̣, сад̇зхи саха бан̃жахи;
‘‘Tadā koliyaputtānaṃ, satehi saha pañcahi;
бан̃жа бажжзгаб̣уд̣̇д̇хаанам̣, сад̇аани самубадтахи.
Pañca paccekabuddhānaṃ, satāni samupaṭṭhahi.
‘‘д̇змаасам̣ д̇аббаяид̇ваана, ад̣̇ааси жа д̇ижийварз;
‘‘Temāsaṃ tappayitvāna, adāsi ca ticīvare;
ж̇ааяаа д̇асса д̇ад̣̇аа аасим̣, бун̃н̃агаммабат̇аануг̇аа.
Jāyā tassa tadā āsiṃ, puññakammapathānugā.
‘‘д̇ад̇о жуд̇о аху рааж̇аа, нанд̣̇о наама махааяасо;
‘‘Tato cuto ahu rājā, nando nāma mahāyaso;
д̇ассааби махзсий аасим̣, саб̣б̣агаамасамид̣̇д̇хиний.
Tassāpi mahesī āsiṃ, sabbakāmasamiddhinī.
‘‘д̇ад̣̇аа рааж̇аа бхавид̇ваана, б̣рахмад̣̇ад̇д̇о махийбад̇и;
‘‘Tadā rājā bhavitvāna, brahmadatto mahīpati;
бад̣̇умавад̇ийбуд̇д̇аанам̣, бажжзгамунинам̣ д̇ад̣̇аа.
Padumavatīputtānaṃ, paccekamuninaṃ tadā.
‘‘сад̇аани бан̃жануунаани, яааваж̇ийвам̣ убадтахим̣;
‘‘Satāni pañcanūnāni, yāvajīvaṃ upaṭṭhahiṃ;
рааж̇уяяаанз ниваасзд̇ваа, ниб̣б̣уд̇аани жа бууж̇аяим̣.
Rājuyyāne nivāsetvā, nibbutāni ca pūjayiṃ.
‘‘жзд̇ияаани жа гаарзд̇ваа, баб̣б̣аж̇ид̇ваа убхо маяам̣;
‘‘Cetiyāni ca kāretvā, pabbajitvā ubho mayaṃ;
бхаавзд̇ваа аббаман̃н̃ааяо, б̣рахмалогам̣ аг̇амхасз.
Bhāvetvā appamaññāyo, brahmalokaṃ agamhase.
‘‘д̇ад̇о жуд̇о махаад̇ид̇т̇з, суж̇аад̇о бибпалааяано;
‘‘Tato cuto mahātitthe, sujāto pipphalāyano;
маад̇аа суманад̣̇звийд̇и, госиг̇од̇д̇о д̣̇иж̇о бид̇аа.
Mātā sumanadevīti, kosigotto dijo pitā.
‘‘ахам̣ мад̣̇д̣̇з ж̇анабад̣̇з, саагалааяа буруд̇д̇амз;
‘‘Ahaṃ madde janapade, sākalāya puruttame;
габбиласса д̣̇иж̇ассаасим̣, д̇хийд̇аа маад̇аа сужиймад̇и.
Kappilassa dijassāsiṃ, dhītā mātā sucīmati.
‘‘гхараган̃жанаб̣имб̣зна, нимминид̇ваана мам̣ бид̇аа;
‘‘Gharakañcanabimbena, nimminitvāna maṃ pitā;
ад̣̇аа гассабад̇хийрасса, гаамзхи важ̇ж̇ид̇ассамам̣.
Adā kassapadhīrassa, kāmehi vajjitassamaṃ.
‘‘гад̣̇аажи со гаарун̣иго, г̇анд̇ваа гамманд̇абзгкаго;
‘‘Kadāci so kāruṇiko, gantvā kammantapekkhako;
гаагаад̣̇игзхи каж̇ж̇анд̇з, баан̣з д̣̇исваана сам̣виж̇и.
Kākādikehi khajjante, pāṇe disvāna saṃviji.
‘‘гхарзваахам̣ д̇илз ж̇аад̇з, д̣̇исваанаад̇абад̇аабанз;
‘‘Gharevāhaṃ tile jāte, disvānātapatāpane;
гимий гаагзхи каж̇ж̇анд̇з, сам̣взг̇амалабхим̣ д̇ад̣̇аа.
Kimī kākehi khajjante, saṃvegamalabhiṃ tadā.
‘‘д̇ад̣̇аа со баб̣б̣аж̇ий д̇хийро, ахам̣ д̇аманубаб̣б̣аж̇им̣;
‘‘Tadā so pabbajī dhīro, ahaṃ tamanupabbajiṃ;
бан̃жа вассаани нивасим̣, бариб̣б̣ааж̇авад̇з ахам̣.
Pañca vassāni nivasiṃ, paribbājavate ahaṃ.
‘‘яад̣̇аа баб̣б̣аж̇ид̇аа ааси, г̇од̇амий ж̇инабосигаа;
‘‘Yadā pabbajitā āsi, gotamī jinaposikā;
д̇ад̣̇аахам̣ д̇амубаг̇анд̇ваа, б̣уд̣̇д̇хзна анусаасид̇аа.
Tadāhaṃ tamupagantvā, buddhena anusāsitā.
‘‘на жирзнзва гаалзна, арахад̇д̇амабаабун̣им̣;
‘‘Na cireneva kālena, arahattamapāpuṇiṃ;
ахо галяаан̣амид̇д̇ад̇д̇ам̣, гассабасса сириймад̇о.
Aho kalyāṇamittattaṃ, kassapassa sirīmato.
‘‘суд̇о б̣уд̣̇д̇хасса д̣̇ааяаад̣̇о, гассабо сусамаахид̇о;
‘‘Suto buddhassa dāyādo, kassapo susamāhito;
буб̣б̣зниваасам̣ яо взд̣̇и, саг̇г̇аабааяан̃жа бассад̇и.
Pubbenivāsaṃ yo vedi, saggāpāyañca passati.
‘‘ат̇о ж̇аад̇игкаяам̣ бад̇д̇о, абхин̃н̃аавосид̇о муни;
‘‘Atho jātikkhayaṃ patto, abhiññāvosito muni;
зд̇аахи д̇ийхи виж̇ж̇аахи, д̇звиж̇ж̇о ход̇и б̣раахман̣о.
Etāhi tīhi vijjāhi, tevijjo hoti brāhmaṇo.
‘‘д̇ат̇зва бхад̣̇д̣̇аагаабилааний, д̇звиж̇ж̇аа мажжухааяиний;
‘‘Tatheva bhaddākāpilānī, tevijjā maccuhāyinī;
д̇хаарзд̇и анд̇имам̣ д̣̇зхам̣, ж̇ид̇ваа маарам̣ савааханам̣.
Dhāreti antimaṃ dehaṃ, jitvā māraṃ savāhanaṃ.
‘‘д̣̇исваа аад̣̇ийнавам̣ логз, убхо баб̣б̣аж̇ид̇аа маяам̣;
‘‘Disvā ādīnavaṃ loke, ubho pabbajitā mayaṃ;
д̇яамха кийн̣аасаваа д̣̇анд̇аа, сийд̇ибхууд̇аамха ниб̣б̣уд̇аа.
Tyamha khīṇāsavā dantā, sītibhūtāmha nibbutā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и. (аба. т̇зрий 2.3.244-313);
‘‘Kilesā jhāpitā mayhaṃ…pe… kataṃ buddhassa sāsana’’nti. (apa. therī 2.3.244-313);
арахад̇д̇ам̣ бана бад̇ваа буб̣б̣зниваасан̃аан̣з жин̣н̣авасий ахоси. д̇ад̇т̇а саад̇исаяам̣ гад̇аад̇хигаарад̇д̇аа абарабхааг̇з д̇ам̣ сад̇т̇аа ж̇зд̇аванз арияаг̇ан̣амаж̇жхз нисинно бхигкунияо бадибаадияаа таананд̇арзсу табзнд̇о буб̣б̣зниваасам̣ ануссаранд̇ийнам̣ аг̇г̇адтаанз табзси. саа згад̣̇ивасам̣ махаагассабад̇т̇зрасса г̇ун̣аабхид̇т̇аванабуб̣б̣агам̣ ад̇д̇ано гад̇агижжад̇аад̣̇ивибхааванамукзна уд̣̇аанам̣ уд̣̇аанзнд̇ий –
Arahattaṃ pana patvā pubbenivāsañāṇe ciṇṇavasī ahosi. Tattha sātisayaṃ katādhikārattā aparabhāge taṃ satthā jetavane ariyagaṇamajjhe nisinno bhikkhuniyo paṭipāṭiyā ṭhānantaresu ṭhapento pubbenivāsaṃ anussarantīnaṃ aggaṭṭhāne ṭhapesi. Sā ekadivasaṃ mahākassapattherassa guṇābhitthavanapubbakaṃ attano katakiccatādivibhāvanamukhena udānaṃ udānentī –
63.
63.
‘‘буд̇д̇о б̣уд̣̇д̇хасса д̣̇ааяаад̣̇о, гассабо сусамаахид̇о;
‘‘Putto buddhassa dāyādo, kassapo susamāhito;
буб̣б̣зниваасам̣ яовзд̣̇и, саг̇г̇аабааяан̃жа бассад̇и.
Pubbenivāsaṃ yovedi, saggāpāyañca passati.
64.
64.
‘‘ат̇о ж̇аад̇игкаяам̣ бад̇д̇о, абхин̃н̃аавосид̇о муни;
‘‘Atho jātikkhayaṃ patto, abhiññāvosito muni;
зд̇аахи д̇ийхи виж̇ж̇аахи, д̇звиж̇ж̇о ход̇и б̣раахман̣о.
Etāhi tīhi vijjāhi, tevijjo hoti brāhmaṇo.
65.
65.
‘‘д̇ат̇зва бхад̣̇д̣̇аагаабилааний, д̇звиж̇ж̇аа мажжухааяиний;
‘‘Tatheva bhaddākāpilānī, tevijjā maccuhāyinī;
д̇хаарзд̇и анд̇имам̣ д̣̇зхам̣, ж̇зд̇ваа маарам̣ савааханам̣.
Dhāreti antimaṃ dehaṃ, jetvā māraṃ savāhanaṃ.
66.
66.
‘‘д̣̇исваа аад̣̇ийнавам̣ логз, убхо баб̣б̣аж̇ид̇аа маяам̣;
‘‘Disvā ādīnavaṃ loke, ubho pabbajitā mayaṃ;
д̇яамха кийн̣аасаваа д̣̇анд̇аа, сийд̇ибхууд̇аамха ниб̣б̣уд̇аа’’д̇и. –
Tyamha khīṇāsavā dantā, sītibhūtāmha nibbutā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а буд̇д̇о б̣уд̣̇д̇хасса д̣̇ааяаад̣̇од̇и б̣уд̣̇д̇хаануб̣уд̣̇д̇хабхаавад̇о саммаасамб̣уд̣̇д̇хасса ануж̇аад̇асуд̇о д̇ад̇о зва д̇асса д̣̇ааяабхууд̇асса навалогуд̇д̇арад̇хаммасса аад̣̇аанзна д̣̇ааяаад̣̇о гассабо логияалогуд̇д̇арзхи самаад̇хийхи судту самаахид̇ажид̇д̇ад̇ааяа сусамаахид̇о. буб̣б̣зниваасам̣ яовзд̣̇ийд̇и яо махаагассабад̇т̇зро буб̣б̣зниваасам̣ ад̇д̇ано барзсан̃жа нивуд̇т̇агканд̇хасанд̇аанам̣ буб̣б̣зниваасаануссад̇ин̃аан̣зна баагадам̣ гад̇ваа авзд̣̇и ан̃н̃ааси бадивиж̇жхи. саг̇г̇аабааяан̃жа бассад̇ийд̇и чаб̣б̣ийсад̇ид̣̇звалогабхзд̣̇ам̣ саг̇г̇ам̣ жад̇уб̣б̣ид̇хам̣ абааяан̃жа д̣̇иб̣б̣ажагкунаа хад̇т̇ад̇алз аамалагам̣ вияа бассад̇и.
Tattha putto buddhassa dāyādoti buddhānubuddhabhāvato sammāsambuddhassa anujātasuto tato eva tassa dāyabhūtassa navalokuttaradhammassa ādānena dāyādo kassapo lokiyalokuttarehi samādhīhi suṭṭhu samāhitacittatāya susamāhito. Pubbenivāsaṃ yovedīti yo mahākassapatthero pubbenivāsaṃ attano paresañca nivutthakkhandhasantānaṃ pubbenivāsānussatiñāṇena pākaṭaṃ katvā avedi aññāsi paṭivijjhi. Saggāpāyañca passatīti chabbīsatidevalokabhedaṃ saggaṃ catubbidhaṃ apāyañca dibbacakkhunā hatthatale āmalakaṃ viya passati.
ат̇о ж̇аад̇игкаяам̣ бад̇д̇од̇и д̇ад̇о барам̣ ж̇аад̇игкаяасан̇каад̇ам̣ арахад̇д̇ам̣ бад̇д̇о. абхин̃н̃ааяа абхивисидтзна н̃аан̣зна абхин̃н̃зяяам̣ д̇хаммам̣ абхиж̇аанид̇ваа барин̃н̃зяяам̣ бариж̇аанид̇ваа , бахаад̇аб̣б̣ам̣ бахааяа , сажчигаад̇аб̣б̣ам̣ сажчигад̇ваа восид̇о нидтам̣ бад̇д̇о гад̇агижжо. аасавагкаяабан̃н̃аасан̇каад̇ам̣ монам̣ бад̇д̇ад̇д̇аа муни.
Atho jātikkhayaṃ pattoti tato paraṃ jātikkhayasaṅkhātaṃ arahattaṃ patto. Abhiññāya abhivisiṭṭhena ñāṇena abhiññeyyaṃ dhammaṃ abhijānitvā pariññeyyaṃ parijānitvā , pahātabbaṃ pahāya , sacchikātabbaṃ sacchikatvā vosito niṭṭhaṃ patto katakicco. Āsavakkhayapaññāsaṅkhātaṃ monaṃ pattattā muni.
д̇ат̇зва бхад̣̇д̣̇аагаабилаанийд̇и яат̇аа махаагассабо зд̇аахи яат̇аавуд̇д̇аахи д̇ийхи виж̇ж̇аахи д̇звиж̇ж̇о мажжухааяий жа, д̇ат̇зва бхад̣̇д̣̇аагаабилааний д̇звиж̇ж̇аа мажжухааяинийд̇и. д̇ад̇о зва д̇хаарзд̇и анд̇имам̣ д̣̇зхам̣, ж̇зд̇ваа маарам̣ саваахананд̇и ад̇д̇аанамзва барам̣ вияа гад̇ваа д̣̇ассзд̇и.
Tatheva bhaddākāpilānīti yathā mahākassapo etāhi yathāvuttāhi tīhi vijjāhi tevijjo maccuhāyī ca, tatheva bhaddākāpilānī tevijjā maccuhāyinīti. Tato eva dhāreti antimaṃ dehaṃ, jetvā māraṃ savāhananti attānameva paraṃ viya katvā dasseti.
ид̣̇аани яат̇аа т̇зрасса бадибад̇д̇и аад̣̇имаж̇жхабарияосаанагаляаан̣аа, звам̣ мамабийд̇и д̣̇ассзнд̇ий ‘‘д̣̇исваа аад̣̇ийнава’’нд̇и осаанаг̇аат̇амааха. д̇ад̇т̇а д̇яамха кийн̣аасаваа д̣̇анд̇аад̇и д̇з маяам̣ махаагассабад̇т̇зро ахан̃жа уд̇д̇амзна д̣̇амзна д̣̇анд̇аа саб̣б̣асо кийн̣аасаваа жа амха. сийд̇ибхууд̇аамха ниб̣б̣уд̇аад̇и д̇ад̇о зва гилзсабарил̣аахаабхаавад̇о сийд̇ибхууд̇аа саубаад̣̇исзсааяа ниб̣б̣аанад̇хаад̇уяаа ниб̣б̣уд̇аа жа амха бхаваамаад̇и ад̇т̇о.
Idāni yathā therassa paṭipatti ādimajjhapariyosānakalyāṇā, evaṃ mamapīti dassentī ‘‘disvā ādīnava’’nti osānagāthamāha. Tattha tyamha khīṇāsavā dantāti te mayaṃ mahākassapatthero ahañca uttamena damena dantā sabbaso khīṇāsavā ca amha. Sītibhūtāmha nibbutāti tato eva kilesapariḷāhābhāvato sītibhūtā saupādisesāya nibbānadhātuyā nibbutā ca amha bhavāmāti attho.
бхад̣̇д̣̇аагаабилаанийт̇зрийг̇аат̇ааван̣н̣анаа нидтид̇аа.
Bhaddākāpilānītherīgāthāvaṇṇanā niṭṭhitā.
жад̇угганибаад̇аван̣н̣анаа нидтид̇аа.
Catukkanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. бхад̣̇д̣̇аагаабилаанийт̇зрийг̇аат̇аа • 1. Bhaddākāpilānītherīgāthā
