| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
214. бхан̣д̣ааг̇аарасаммуд̇иаад̣̇игат̇аа
214. Bhaṇḍāgārasammutiādikathā
343. яо вихааро ваа яо ад̣дхаяог̇о ваа ход̇и, со вихаараад̣̇иго самманид̇аб̣б̣од̇и яож̇анаа. ‘‘аараамигасааман̣зраад̣̇ийхий’’д̇и бад̣̇ам̣ вивид̇д̇ад̇т̇з абаад̣̇аанам̣, гаран̣амби яуж̇ж̇ад̇и. бажжанд̇асзнаасанам̣ бана на самманид̇аб̣б̣ам̣ жораад̣̇иубад̣̇д̣̇авад̇д̇аа. вихаарамаж̇жхзязваад̇и бхан̣д̣ааг̇ааравихаарамаж̇жхзязва.
343. Yo vihāro vā yo aḍḍhayogo vā hoti, so vihārādiko sammanitabboti yojanā. ‘‘Ārāmikasāmaṇerādīhī’’ti padaṃ vivittatthe apādānaṃ, karaṇampi yujjati. Paccantasenāsanaṃ pana na sammanitabbaṃ corādiupaddavattā. Vihāramajjheyevāti bhaṇḍāgāravihāramajjheyeva.
яассаад̇и бхан̣д̣ааг̇аарасса. ид̣̇ам̣ бад̣̇ам̣ ‘‘чад̣̇анаад̣̇ийсуу’’д̇и бад̣̇з саамий, ‘‘над̇т̇ий’’д̇и бад̣̇з самбад̣̇аанам̣ . яасса банаад̇и бхан̣д̣ааг̇аарасса бана. яад̇т̇а гад̇т̇ажийд̇и яасмим̣ гасмим̣жи таанз. язнаад̇и бад̇ид̇ахзд̇унаа. муусид̇ваа каад̣̇ад̇ийд̇и муусиго. аад̣̇исад̣̇д̣̇зна г̇од̇хааман̇г̇усаад̣̇аяо сан̇г̇ан̣хаад̇и. уба бхусам̣, убаг̇ухид̇ваа ваа жинанд̇ийд̇и убажигаа. д̇анд̇и овассанаад̣̇им̣. хийд̇и сажжам̣, яасмаа ваа. званд̇иаад̣̇и ниг̇аманам̣.
Yassāti bhaṇḍāgārassa. Idaṃ padaṃ ‘‘chadanādīsū’’ti pade sāmī, ‘‘natthī’’ti pade sampadānaṃ . Yassa panāti bhaṇḍāgārassa pana. Yattha katthacīti yasmiṃ kasmiṃci ṭhāne. Yenāti patitahetunā. Mūsitvā khādatīti mūsiko. Ādisaddena godhāmaṅgusādayo saṅgaṇhāti. Upa bhusaṃ, upaguhitvā vā cinantīti upacikā. Tanti ovassanādiṃ. Hīti saccaṃ, yasmā vā. Evantiādi nigamanaṃ.
жийварабадиг̇г̇аахагаад̣̇ийхийд̇и аад̣̇исад̣̇д̣̇зна жийваранид̣̇ахагабхан̣д̣ааг̇ааригз сан̇г̇ан̣хаад̇и. д̇ад̇т̇аад̇и д̇зсу. жийварабадиг̇г̇аахагзна на г̇ан̣хид̇аб̣б̣анд̇и самб̣анд̇хо. д̇ааваад̇и жийваранид̣̇ахагабхан̣д̣ааг̇ааригаанам̣, д̇зхи ваа батамам̣. яам̣ яанд̇и жийварам̣. д̇ат̇зваад̇и яат̇аа висум̣ висум̣ гад̇ваа г̇ан̣хад̇и, д̇ат̇зва. жийваранид̣̇ахагзнаабийд̇и бисад̣̇д̣̇о на гзвалам̣ бадиг̇г̇аахагзнзва, ат̇а ко нид̣̇ахагзнабийд̇и самбин̣д̣зд̇и. д̇ат̇зваад̇и яат̇аа нид̣̇ахаго аажигкад̇и, д̇ат̇зва. д̇ад̇од̇и д̇зхи жийварзхи, вибхад̇д̇аабаад̣̇аанам̣, д̇зсу жийварзсу ваа нид̣̇д̇хааран̣ам̣. д̇ад̣̇зваад̇и сан̇гхзна вуд̇д̇ажийварамзва.
Cīvarapaṭiggāhakādīhīti ādisaddena cīvaranidahakabhaṇḍāgārike saṅgaṇhāti. Tatthāti tesu. Cīvarapaṭiggāhakena na gaṇhitabbanti sambandho. Tāvāti cīvaranidahakabhaṇḍāgārikānaṃ, tehi vā paṭhamaṃ. Yaṃ yanti cīvaraṃ. Tathevāti yathā visuṃ visuṃ katvā gaṇhati, tatheva. Cīvaranidahakenāpīti pisaddo na kevalaṃ paṭiggāhakeneva, atha kho nidahakenapīti sampiṇḍeti. Tathevāti yathā nidahako ācikkhati, tatheva. Tatoti tehi cīvarehi, vibhattaapādānaṃ, tesu cīvaresu vā niddhāraṇaṃ. Tadevāti saṅghena vuttacīvarameva.
ид̇ийд̇иаад̣̇и ниг̇аманам̣. бхаг̇авад̇аа анун̃н̃аад̇од̇и самб̣анд̇хо. бхан̣д̣ааг̇ааранд̇и бхан̣д̣асса табаногаасам̣ аг̇аарам̣. бхан̣д̣ааг̇ааригод̇и бхан̣д̣ааг̇аарз нияуд̇д̇о. б̣аахуллигад̇ааяаад̇и бажжаяаб̣аахуллзна нияуд̇д̇абхаавад̇т̇ам̣. звам̣ санд̇з гимад̇т̇ааяа анун̃н̃аад̇од̇и ааха ‘‘аби жаа’’д̇иаад̣̇и. ануг̇г̇ахааяа анун̃н̃аад̇од̇и самб̣анд̇хо. хийд̇и вид̇т̇ааро. нзва ж̇аанзяяунд̇и яож̇анаа. д̣̇вз д̣̇вз ваа жийварзд̇и самб̣анд̇хо. сан̇г̇ахам̣ гаад̇унд̇и сан̇гхзна сан̇г̇ахам̣ гаад̇ум̣.
Itītiādi nigamanaṃ. Bhagavatā anuññātoti sambandho. Bhaṇḍāgāranti bhaṇḍassa ṭhapanokāsaṃ agāraṃ. Bhaṇḍāgārikoti bhaṇḍāgāre niyutto. Bāhullikatāyāti paccayabāhullena niyuttabhāvatthaṃ. Evaṃ sante kimatthāya anuññātoti āha ‘‘api cā’’tiādi. Anuggahāya anuññātoti sambandho. Hīti vitthāro. Neva jāneyyunti yojanā. Dve dve vā cīvareti sambandho. Saṅgahaṃ kātunti saṅghena saṅgahaṃ kātuṃ.
на вудтаабзд̇аб̣б̣од̇и зд̇т̇а ад̇т̇уд̣̇д̇хааравасзна ан̃н̃зби авудтаабанийяз д̣̇ассзнд̇о ааха ‘‘ан̃н̃збий’’д̇иаад̣̇и. хийд̇и вид̇т̇ааро. д̇ад̇т̇аад̇и жад̇уусу. сан̇гхо бана д̣̇зд̇ийд̇и самб̣анд̇хо. убагаарад̇ааяа жаад̇и сан̇гхасса убагаарад̇ааяа жа. зд̇т̇а жа буримзсу д̇ийсу згоязва хзд̇у, бажчимз бана д̣̇вз хзд̇авод̇и д̣̇адтаб̣б̣ам̣.
Na vuṭṭhāpetabboti ettha atthuddhāravasena aññepi avuṭṭhāpanīye dassento āha ‘‘aññepī’’tiādi. Hīti vitthāro. Tatthāti catūsu. Saṅgho pana detīti sambandho. Upakāratāya cāti saṅghassa upakāratāya ca. Ettha ca purimesu tīsu ekoyeva hetu, pacchime pana dve hetavoti daṭṭhabbaṃ.
саммукийбхууд̇знаад̇и ан̃н̃аман̃н̃асса мукз сам̣виж̇ж̇амаано, саннибад̇ид̇о ваа саммуко, саммуко худ̇ваа бхууд̇о саммукийбхууд̇о. бхуусад̣̇д̣̇аяог̇ад̇д̇аа агаарассийгааро ход̇и, анд̇оубажаарасиймааяам̣ тид̇о сан̇гхо . д̇амад̇т̇ам̣ д̣̇ассзнд̇о ааха ‘‘анд̇оубажаарасиймааяам̣ тид̇знаа’’д̇и. голаахаланд̇и б̣ахуж̇анзхи саннибад̇ид̇ваа згад̇о гад̇ам̣ аб̣яад̇д̇асад̣̇д̣̇ам̣. д̇ад̣̇аагаарам̣ д̣̇ассзнд̇о ааха ‘‘амхаага’’нд̇иаад̣̇и. ‘‘жийварабхааж̇агзсуу’’д̇иаад̣̇инаа аг̇ад̇иг̇аманаагаарам̣ д̣̇ассзд̇и, д̇ам̣ сувин̃н̃зяяамзва. д̇улаабхууд̇од̇и д̇улааяа сад̣̇исо худ̇ваа бхууд̇о, д̇улааяа сад̣̇исабхаавам̣ бад̇д̇о ваа. маж̇жхад̇д̇од̇и маж̇жхз тид̇о ад̇д̇аа сабхааво зд̇ассаад̇и маж̇жхад̇д̇о.
Sammukhībhūtenāti aññamaññassa mukhe saṃvijjamāno, sannipatito vā sammukho, sammukho hutvā bhūto sammukhībhūto. Bhūsaddayogattā akārassīkāro hoti, antoupacārasīmāyaṃ ṭhito saṅgho . Tamatthaṃ dassento āha ‘‘antoupacārasīmāyaṃ ṭhitenā’’ti. Kolāhalanti bahujanehi sannipatitvā ekato kataṃ abyattasaddaṃ. Tadākāraṃ dassento āha ‘‘amhāka’’ntiādi. ‘‘Cīvarabhājakesū’’tiādinā agatigamanākāraṃ dasseti, taṃ suviññeyyameva. Tulābhūtoti tulāya sadiso hutvā bhūto, tulāya sadisabhāvaṃ patto vā. Majjhattoti majjhe ṭhito attā sabhāvo etassāti majjhatto.
ид̣̇анд̇и жийварам̣. гхананд̇и ниранд̇арам̣. д̇ануганд̇и вирал̣ам̣. зд̇т̇а ‘‘ужжинид̇ваа’’д̇и иминаа вад̇т̇асса бамаан̣зна ужжинанам̣ д̣̇ассзд̇и. ‘‘д̇улаяид̇ваа’’д̇и иминаа аг̇гхзна д̇уланам̣ д̣̇ассзд̇и. ван̣н̣ааван̣н̣ам̣ гад̇ваад̇и ван̣н̣ан̃жа аван̣н̣ан̃жа куд̣̇д̣̇аган̃жа бамаан̣ам̣, маханд̇ан̃жа бамаан̣ам̣ гад̇ваад̇и ад̇т̇о. згажжаани жийвараани аббаг̇гхаани хонд̇и, згажжаани махаг̇гхаанийд̇и вуд̇д̇ам̣ ход̇и. д̣̇асад̣̇асааг̇гханаганд̇и д̣̇асахи д̣̇асахи гахаабан̣зхи аг̇гханагам̣. яанд̇и жийварам̣, б̣анд̇хид̇ваад̇и наваг̇гханагам̣ згаг̇гханагзна, адтаг̇гханаган̃жа д̣̇виаг̇гханагзна б̣анд̇хид̇ваад̇и ад̇т̇о. самз бадивийсзд̇и самабамаан̣з бадивийсз табзд̇ваа, иминаа ‘‘ван̣н̣ааван̣н̣а’’нд̇и зд̇т̇а ван̣н̣асад̣̇д̣̇о бамаан̣ад̇т̇од̇и д̣̇ийбзд̇и. д̣̇аса д̣̇аса бхигкууд̇и ид̣̇ам̣ убалагкан̣авасзна вуд̇д̇ам̣ ан̃н̃знаагаарзнааби г̇ан̣зд̇ум̣ саггун̣зяяад̇д̇аа. бхан̣д̣иганд̇и жийварабхан̣д̣зна нияуд̇д̇ам̣ будам̣. гусод̇и салаагад̣̇ан̣д̣о.
Idanti cīvaraṃ. Ghananti nirantaraṃ. Tanukanti viraḷaṃ. Ettha ‘‘uccinitvā’’ti iminā vatthassa pamāṇena uccinanaṃ dasseti. ‘‘Tulayitvā’’ti iminā agghena tulanaṃ dasseti. Vaṇṇāvaṇṇaṃ katvāti vaṇṇañca avaṇṇañca khuddakañca pamāṇaṃ, mahantañca pamāṇaṃ katvāti attho. Ekaccāni cīvarāni appagghāni honti, ekaccāni mahagghānīti vuttaṃ hoti. Dasadasaagghanakanti dasahi dasahi kahāpaṇehi agghanakaṃ. Yanti cīvaraṃ, bandhitvāti navagghanakaṃ ekagghanakena, aṭṭhagghanakañca dviagghanakena bandhitvāti attho. Same paṭivīseti samapamāṇe paṭivīse ṭhapetvā, iminā ‘‘vaṇṇāvaṇṇa’’nti ettha vaṇṇasaddo pamāṇatthoti dīpeti. Dasa dasa bhikkhūti idaṃ upalakkhaṇavasena vuttaṃ aññenākārenāpi gaṇetuṃ sakkuṇeyyattā. Bhaṇḍikanti cīvarabhaṇḍena niyuttaṃ puṭaṃ. Kusoti salākadaṇḍo.
ад̇д̇иссараад̇и ад̇д̇анаава ад̇д̇аанам̣ иссараа. ан̃н̃зсам̣ вад̇д̇абадибад̇д̇инд̇и самб̣анд̇хо. убад̣дхабхааг̇од̇и бхигкуунам̣ лад̣̇д̇хабхааг̇ад̇о убад̣дхо бхааг̇о. яз банаад̇и сааман̣зраа бана. самабхааг̇од̇и бхигкуунам̣ бхааг̇зна само бхааг̇о. ид̣̇ан̃жаад̇и ‘‘убад̣дхабадивийса’’нд̇и важанан̃жа, гат̇ид̇анд̇и самб̣анд̇хо. самагамзваад̇и бхигкусааман̣зраанам̣ самабамаан̣амзва. д̇ад̇руббаад̣̇авассааваасиганд̇и д̇асмим̣ вихаарз уббаад̣̇зна муулзна уббаад̣̇ид̇ам̣ вассааваасигам̣. паад̇игамманд̇и вад̣дханагаммам̣ ‘‘яад̇д̇агзна винаяааг̇ад̇зна саммун̃ж̇аниб̣анд̇ханаад̣̇инаа хад̇т̇агаммзна вихаарасса уунад̇аа на ход̇и, д̇ад̇д̇агам̣ гад̇ваад̇и ад̇т̇о. зд̇анд̇и паад̇игаммам̣ гад̇ваа г̇ахан̣ам̣ . хийд̇и сажжам̣. зд̇т̇аад̇и д̇ад̇руббаад̣̇авассааваасигаг̇ахан̣з. саб̣б̣зсанд̇и акилаанам̣ бхигкусааман̣зраанам̣. бхан̣д̣ааг̇ааригажийварзбийд̇и бхан̣д̣ааг̇аарз табид̇з агаалажийварзби. бисад̣̇д̣̇зна д̇ад̇руббаад̣̇авассааваасигамабзгкад̇и. сааман̣зраа уггудтим̣ гаронд̇ийд̇и самб̣анд̇хо. абахарид̇аганд̇и харид̇авирахид̇ам̣. ран̇г̇ачаллинд̇и раж̇анажчавим̣. зд̇анд̇и уггудтигаран̣ад̇о самабхааг̇ад̣̇аанам̣, вуд̇д̇анд̇и самб̣анд̇хо. яз жаад̇и сааман̣зраа жа. вираж̇жхид̇ваа гаронд̇ийд̇и гад̇д̇аб̣б̣агаалзсу агад̇ваа яат̇ижчид̇агкан̣з гаронд̇и. д̇зд̇и сааман̣зрз. самабадивийсо д̣̇аад̇аб̣б̣од̇и ‘‘гариссаамаа’’д̇и бадин̃н̃аад̇амад̇д̇зна само бадивийсо д̣̇аад̇аб̣б̣о.
Attissarāti attanāva attānaṃ issarā. Aññesaṃ vattapaṭipattinti sambandho. Upaḍḍhabhāgoti bhikkhūnaṃ laddhabhāgato upaḍḍho bhāgo. Ye panāti sāmaṇerā pana. Samabhāgoti bhikkhūnaṃ bhāgena samo bhāgo. Idañcāti ‘‘upaḍḍhapaṭivīsa’’nti vacanañca, kathitanti sambandho. Samakamevāti bhikkhusāmaṇerānaṃ samapamāṇameva. Tatruppādavassāvāsikanti tasmiṃ vihāre uppādena mūlena uppāditaṃ vassāvāsikaṃ. Phātikammanti vaḍḍhanakammaṃ ‘‘yattakena vinayāgatena sammuñjanibandhanādinā hatthakammena vihārassa ūnatā na hoti, tattakaṃ katvāti attho. Etanti phātikammaṃ katvā gahaṇaṃ . Hīti saccaṃ. Etthāti tatruppādavassāvāsikagahaṇe. Sabbesanti akhilānaṃ bhikkhusāmaṇerānaṃ. Bhaṇḍāgārikacīvarepīti bhaṇḍāgāre ṭhapite akālacīvarepi. Pisaddena tatruppādavassāvāsikamapekkhati. Sāmaṇerā ukkuṭṭhiṃ karontīti sambandho. Apaharitakanti haritavirahitaṃ. Raṅgachallinti rajanacchaviṃ. Etanti ukkuṭṭhikaraṇato samabhāgadānaṃ, vuttanti sambandho. Ye cāti sāmaṇerā ca. Virajjhitvā karontīti kattabbakālesu akatvā yathicchitakkhaṇe karonti. Teti sāmaṇere. Samapaṭivīso dātabboti ‘‘karissāmā’’ti paṭiññātamattena samo paṭivīso dātabbo.
‘‘сагам̣ бхааг̇ам̣ д̣̇аад̇у’’нд̇и ид̣̇ам̣ вуд̇д̇анд̇и самб̣анд̇хо. гим̣ санд̇хааяа вуд̇д̇анд̇и ааха ‘‘бхан̣д̣ааг̇аарад̇о…бз… санд̇хааяаа’’д̇и. бахад̇ааяаад̇и бахарид̇аб̣б̣ааяа, баханид̇аб̣б̣ааяа ваа. д̇асмаад̇и яасмаа санд̇хааяа вуд̇д̇ам̣, д̇асмаа. анийхадзсууд̇и бхан̣д̣ааг̇аарад̇о анийхарид̇зсу. имасса бхигкунод̇и уд̇д̇арид̇угаамасса имасса бхигкуно. д̇улааяаад̇и маанзна.
‘‘Sakaṃ bhāgaṃ dātu’’nti idaṃ vuttanti sambandho. Kiṃ sandhāya vuttanti āha ‘‘bhaṇḍāgārato…pe… sandhāyā’’ti. Pahatāyāti paharitabbāya, pahanitabbāya vā. Tasmāti yasmā sandhāya vuttaṃ, tasmā. Anīhaṭesūti bhaṇḍāgārato anīharitesu. Imassa bhikkhunoti uttaritukāmassa imassa bhikkhuno. Tulāyāti mānena.
д̇зсууд̇и саадагзсу, зго саадагод̇и яож̇анаа. саб̣б̣зсу баад̇ид̇зсууд̇и самб̣анд̇хо. зд̇д̇агзнаад̇и д̣̇ваад̣̇асаг̇гханагзна. д̇ам̣ суд̇ваад̇и бхигкуунам̣ д̇ам̣ важанам̣ суд̇ваа. саб̣б̣ад̇т̇аад̇и саб̣б̣асмим̣ сан̇гхаг̇ан̣асанд̇агз. ануббад̣̇аанзна кибияад̇и багкибияад̇ийд̇и анугкзбанд̇и д̣̇ассзнд̇о ааха ‘‘анугкзбам̣ наамаа’’д̇иаад̣̇и. яад̇д̇агам̣ аг̇гханд̇и самб̣анд̇хо. д̇ад̇д̇агзна аг̇гхзна аг̇гханагзд̇и яож̇анаа. вигаллагаад̇и вигаласса бхааво вигаллам̣, жийварабуг̇г̇алаанам̣ абахонагабхааво, д̇ад̣̇зва вигаллагаа. ‘‘д̇ад̇т̇аа’’д̇и баатасзсо, д̇зсу д̣̇вийсу вигаллагзсууд̇и ад̇т̇о. ад̇т̇ийд̇и сам̣виж̇ж̇анд̇и, нибаад̇ояам̣. чинд̣̇анд̇зхи жа д̣̇аад̇аб̣б̣аанийд̇и самб̣анд̇хо. д̣̇аад̇аб̣б̣аанийд̇и жа чинд̣̇ид̇аб̣б̣аани. д̣̇аасад̣̇д̣̇о хи авакан̣д̣анад̇т̇о. д̣̇аад̇унд̇и авакан̣д̣ид̇ум̣. званд̇иаад̣̇и ниг̇аманам̣. зд̇т̇аад̇и зд̇зсу вигаллагзсу. д̇анд̇и жийварам̣ . ат̇аад̇и д̇осид̇ад̇о барам̣. д̇ад̇т̇аад̇и згасса бхигкуно годтаасз. сааман̣аганд̇и саман̣асса ануруубам̣. яод̇и бхигку. д̇знаад̇и баригкаарзна. ид̣̇амбийд̇и ан̃н̃ам̣ сааман̣агасса баригкаарасса табанамби. бисад̣̇д̣̇зна буримам̣ вад̇т̇ачинд̣̇анамабзгкад̇и.
Tesūti sāṭakesu, eko sāṭakoti yojanā. Sabbesu pātitesūti sambandho. Ettakenāti dvādasagghanakena. Taṃ sutvāti bhikkhūnaṃ taṃ vacanaṃ sutvā. Sabbatthāti sabbasmiṃ saṅghagaṇasantake. Anuppadānena khipiyati pakkhipiyatīti anukkhepanti dassento āha ‘‘anukkhepaṃ nāmā’’tiādi. Yattakaṃ agghanti sambandho. Tattakena agghena agghanaketi yojanā. Vikallakāti vikalassa bhāvo vikallaṃ, cīvarapuggalānaṃ apahonakabhāvo, tadeva vikallakā. ‘‘Tatthā’’ti pāṭhaseso, tesu dvīsu vikallakesūti attho. Atthīti saṃvijjanti, nipātoyaṃ. Chindantehi ca dātabbānīti sambandho. Dātabbānīti ca chinditabbāni. Dāsaddo hi avakhaṇḍanattho. Dātunti avakhaṇḍituṃ. Evantiādi nigamanaṃ. Etthāti etesu vikallakesu. Tanti cīvaraṃ . Athāti tositato paraṃ. Tatthāti ekassa bhikkhuno koṭṭhāse. Sāmaṇakanti samaṇassa anurūpaṃ. Yoti bhikkhu. Tenāti parikkhārena. Idampīti aññaṃ sāmaṇakassa parikkhārassa ṭhapanampi. Pisaddena purimaṃ vatthachindanamapekkhati.
ваг̇г̇анд̇и самуухам̣. адта ваа нава ваа бхигкуу хонд̇ийд̇и яож̇анаа. д̇зсанд̇и адтаннам̣ ваа наваннам̣ ваа. званд̇иаад̣̇и ниг̇аманам̣. аяам̣ абахонагабхаавод̇и яож̇анаа. буна жийварассзва вигаллагабхаавам̣ д̣̇ассзнд̇о ааха ‘‘ат̇аваа’’д̇иаад̣̇и. зд̇т̇а буриманаяз жийварасса жа буг̇г̇аласса жа вигаллагам̣ ход̇и, бажчимз жийварассзваад̇и аяамзд̇зсам̣ висзсо.
Vagganti samūhaṃ. Aṭṭha vā nava vā bhikkhū hontīti yojanā. Tesanti aṭṭhannaṃ vā navannaṃ vā. Evantiādi nigamanaṃ. Ayaṃ apahonakabhāvoti yojanā. Puna cīvarasseva vikallakabhāvaṃ dassento āha ‘‘athavā’’tiādi. Ettha purimanaye cīvarassa ca puggalassa ca vikallakaṃ hoti, pacchime cīvarassevāti ayametesaṃ viseso.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 214. бхан̣д̣ааг̇аарасаммуд̇иаад̣̇игат̇аа • 214. Bhaṇḍāgārasammutiādikathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бхан̣д̣ааг̇аарасаммуд̇иаад̣̇игат̇аа • Bhaṇḍāgārasammutiādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жийварабадиг̇г̇аахагасаммуд̇иаад̣̇игат̇ааван̣н̣анаа • Cīvarapaṭiggāhakasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхан̣д̣ааг̇аарасаммуд̇иаад̣̇игат̇ааван̣н̣анаа • Bhaṇḍāgārasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхан̣д̣ааг̇аарасаммуд̇иаад̣̇игат̇ааван̣н̣анаа • Bhaṇḍāgārasammutiādikathāvaṇṇanā
