| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
144. бхан̣д̣анагаарагавад̇т̇угат̇аа
144. Bhaṇḍanakārakavatthukathā
240. жад̇уд̇т̇абан̃жамаад̇и часу багкзсу бодтабаад̣̇амаасасса ж̇ун̣хабагкагаал̣абагкасан̇каад̇аа жад̇уд̇т̇абан̃жамаа. д̇ад̇ияод̇и сааван̣амаасасса гаал̣абагко д̇ад̇ияо. д̇ад̇ияажад̇уд̇т̇абан̃жамаа ваад̇и зд̇т̇а д̇ад̇ияод̇и сааван̣амаасасса гаал̣абагко. жад̇уд̇т̇од̇и бодтабаад̣̇амаасасса ж̇ун̣хабагко. бан̃жамод̇и д̇ассзва гаал̣абагко. ‘‘д̇ад̇ияа…бз… бан̃жамаа ваа’’д̇и бад̣̇аани ‘‘д̣̇вз ваа д̇аяо ваа’’д̇и бад̣̇зхи яат̇ааггамам̣ яож̇зд̇аб̣б̣аани. жад̇уд̇т̇з ваа гад̇зд̇и жад̇уд̇т̇абагкз ваа баннарасибхаавзна гад̇з. д̣̇вз жаад̇уд̣̇д̣̇асигаад̇и д̇ад̇ияабагкз жа жаад̇уд̣̇д̣̇асияаа сад̣̇д̇хим̣ д̣̇вз жаад̇уд̣̇д̣̇асигаа. имзд̇и бхан̣д̣анагаарагаа. д̇зд̇и бхан̣д̣анагаарагаа.
240.Catutthapañcamāti chasu pakkhesu poṭṭhapādamāsassa juṇhapakkhakāḷapakkhasaṅkhātā catutthapañcamā. Tatiyoti sāvaṇamāsassa kāḷapakkho tatiyo. Tatiyacatutthapañcamā vāti ettha tatiyoti sāvaṇamāsassa kāḷapakkho. Catutthoti poṭṭhapādamāsassa juṇhapakkho. Pañcamoti tasseva kāḷapakkho. ‘‘Tatiya…pe… pañcamā vā’’ti padāni ‘‘dve vā tayo vā’’ti padehi yathākkamaṃ yojetabbāni. Catutthe vā kateti catutthapakkhe vā pannarasibhāvena kate. Dve cātuddasikāti tatiyapakkhe ca cātuddasiyā saddhiṃ dve cātuddasikā. Imeti bhaṇḍanakārakā. Teti bhaṇḍanakārakā.
асам̣вихид̇аад̇и зд̇т̇а агаарасса вирахад̇т̇ам̣ д̣̇ассзнд̇о ааха ‘‘сам̣вид̣̇аханавирахид̇аа’’д̇и. д̇ад̇т̇а сам̣вид̣̇аханавирахид̇аад̇и сам̣вид̣̇аханарагкавирахид̇аа. ааг̇аманаж̇аананад̇т̇ааяаад̇и бхан̣д̣анагаарагаанам̣ ааг̇аманасса ж̇аананад̇т̇ааяа. гиланд̇ад̇т̇аад̇и д̇умхз гиланд̇аа бхават̇а. ‘‘саммохам̣ гад̇ваа’’д̇и иминаа вигкид̇ваад̇и бад̣̇асса вигкзбам̣ гад̇ваад̇и ад̇т̇ам̣ д̣̇ассзд̇и. но жз лабхзт̇аад̇и зд̇т̇а гимад̇т̇ааяа на лабхзт̇аад̇и ааха ‘‘б̣ахисиймам̣ г̇анд̇у’’нд̇и. ‘‘бхан̣д̣анагаарагаанам̣…бз… хонд̇ий’’д̇и иминаа алабханасса гааран̣ам̣ д̣̇ассзд̇и. яанд̇и ааг̇амам̣ ж̇ун̣хам̣. гомуд̣̇ияаа жаад̇умаасинияаад̇и бажчимагад̇д̇игабун̣н̣амааяам̣. саа хи гумуд̣̇аанамад̇т̇ид̇ааяа гомуд̣̇ий, жад̇уннам̣ вассигаанам̣ маасаанам̣ бууран̣ад̇д̇аа жаад̇умаасинийд̇и вужжад̇и. д̇ад̣̇аа хи гумуд̣̇аани субубпид̇аани хонд̇и, д̇асмаа гумуд̣̇аанам̣ самуухаа, гумуд̣̇аани зва ваа гомуд̣̇аа, д̇з зд̇т̇а ад̇т̇ийд̇и гомуд̣̇ийд̇и вужжад̇и, гумуд̣̇авад̇ийд̇и вуд̇д̇ам̣ ход̇и . авассам̣ баваарзд̇аб̣б̣анд̇и д̇хувам̣ баваарзд̇аб̣б̣ам̣. хийд̇и сажжам̣, яасмаа ваа. д̇анд̇и гомуд̣̇им̣ жаад̇умаасиним̣.
Asaṃvihitāti ettha akārassa virahatthaṃ dassento āha ‘‘saṃvidahanavirahitā’’ti. Tattha saṃvidahanavirahitāti saṃvidahanarakkhavirahitā. Āgamanajānanatthāyāti bhaṇḍanakārakānaṃ āgamanassa jānanatthāya. Kilantatthāti tumhe kilantā bhavatha. ‘‘Sammohaṃ katvā’’ti iminā vikkhitvāti padassa vikkhepaṃ katvāti atthaṃ dasseti. No ce labhethāti ettha kimatthāya na labhethāti āha ‘‘bahisīmaṃ gantu’’nti. ‘‘Bhaṇḍanakārakānaṃ…pe… hontī’’ti iminā alabhanassa kāraṇaṃ dasseti. Yanti āgamaṃ juṇhaṃ. Komudiyā cātumāsiniyāti pacchimakattikapuṇṇamāyaṃ. Sā hi kumudānamatthitāya komudī, catunnaṃ vassikānaṃ māsānaṃ pūraṇattā cātumāsinīti vuccati. Tadā hi kumudāni supupphitāni honti, tasmā kumudānaṃ samūhā, kumudāni eva vā komudā, te ettha atthīti komudīti vuccati, kumudavatīti vuttaṃ hoti . Avassaṃ pavāretabbanti dhuvaṃ pavāretabbaṃ. Hīti saccaṃ, yasmā vā. Tanti komudiṃ cātumāsiniṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 144. бхан̣д̣анагаарагавад̇т̇у • 144. Bhaṇḍanakārakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бхан̣д̣анагаарагавад̇т̇угат̇аа • Bhaṇḍanakārakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхан̣д̣анагаарагавад̇т̇угат̇ааван̣н̣анаа • Bhaṇḍanakārakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхан̣д̣анагаарагавад̇т̇угат̇ааван̣н̣анаа • Bhaṇḍanakārakavatthukathāvaṇṇanā
