| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. ભરિયાસુત્તવણ્ણના
10. Bhariyāsuttavaṇṇanā
૬૩. દસમે ઉચ્ચાસદ્દા મહાસદ્દા ઉદ્ધં ઉગ્ગતત્તા ઉચ્ચં પત્થટત્તા મહન્તં અવિનિબ્ભોગં વિનિભુઞ્જિત્વા ગહેતું અસક્કુણેય્યં સદ્દં કરોન્તા વદન્તિ. વચીઘોસોપિ હિ બહૂહિ એકજ્ઝં પવત્તિતો અત્થતો ચ સદ્દતો ચ દુરવબોધો કેવલં મહાનિગ્ઘોસો એવ હુત્વા સોતપથમાગચ્છતિ. મચ્છવિલોપેતિ મચ્છે વિલુમ્પિત્વા વિય ગહણે, મચ્છાનં વા વિલુમ્પને. કેવટ્ટાનઞ્હિ મચ્છપચ્છિટ્ઠપિતટ્ઠાને મહાજનો સન્નિપતિત્વા ‘‘ઇધ અઞ્ઞં એકં મચ્છં દેહિ, એકં મચ્છફાલં દેહિ, એતસ્સ તે મહા દિન્નો, મય્હં ખુદ્દકો’’તિ એવં ઉચ્ચાસદ્દમહાસદ્દં કરોન્તિ. તં સન્ધાયેતં વુત્તં ‘‘કેવટ્ટાનં મચ્છપચ્છિં ઓતારેત્વા ઠિતટ્ઠાને’’તિ. મચ્છગ્ગહણત્થં જાલે પક્ખિત્તેપિ તસ્મિં ઠાને કેવટ્ટા ચેવ અઞ્ઞે ચ ‘‘પવિટ્ઠો ન પવિટ્ઠો , ગહિતો ન ગહિતો’’તિ મહાસદ્દં કરોન્તિ. તં સન્ધાયેતં વુત્તં ‘‘જાલે વા…પે॰… મહાસદ્દો હોતી’’તિ. કત્તબ્બવત્તન્તિ પાદપરિકમ્માદિકત્તબ્બકિચ્ચં. ખરાતિ ચિત્તેન વાચાય ચ કક્ખળા. સેસમેત્થ ઉત્તાનમેવ.
63. Dasame uccāsaddā mahāsaddā uddhaṃ uggatattā uccaṃ patthaṭattā mahantaṃ avinibbhogaṃ vinibhuñjitvā gahetuṃ asakkuṇeyyaṃ saddaṃ karontā vadanti. Vacīghosopi hi bahūhi ekajjhaṃ pavattito atthato ca saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macche vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehi, etassa te mahā dinno, mayhaṃ khuddako’’ti evaṃ uccāsaddamahāsaddaṃ karonti. Taṃ sandhāyetaṃ vuttaṃ ‘‘kevaṭṭānaṃ macchapacchiṃ otāretvā ṭhitaṭṭhāne’’ti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho na paviṭṭho , gahito na gahito’’ti mahāsaddaṃ karonti. Taṃ sandhāyetaṃ vuttaṃ ‘‘jāle vā…pe… mahāsaddo hotī’’ti. Kattabbavattanti pādaparikammādikattabbakiccaṃ. Kharāti cittena vācāya ca kakkhaḷā. Sesamettha uttānameva.
ભરિયાસુત્તવણ્ણના નિટ્ઠિતા.
Bhariyāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. ભરિયાસુત્તં • 10. Bhariyāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. ભરિયાસુત્તવણ્ણના • 10. Bhariyāsuttavaṇṇanā
