| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
5. бхад̇д̇аг̇г̇авад̇д̇агат̇аа
5. Bhattaggavattakathā
364. бхад̇д̇аг̇г̇авад̇д̇зд̇и бхад̇д̇ам̣ г̇ан̣ханд̇и зд̇т̇аад̇и бхад̇д̇аг̇г̇ам̣, баривисанадтаанам̣. д̇асмим̣ гад̇д̇аб̣б̣ам̣ вад̇д̇ам̣ бхад̇д̇аг̇г̇авад̇д̇ам̣, д̇асмим̣ бхад̇д̇аг̇г̇авад̇д̇з звам̣ винижчаяо взд̣̇ид̇аб̣б̣од̇и яож̇анаа. мануссаанам̣ баривисанадтаанам̣ наама яад̇т̇а мануссаа сабуд̇д̇ад̣̇аараа аавасид̇ваа бхигкуубхож̇знд̇и. ‘‘ад̇иаллийяид̇ваа’’д̇и иминаа анубакаж̇ж̇аад̇и зд̇т̇а кад̣̇ад̇хаад̇усса хим̣санам̣ наама ад̇иаллийяананд̇и д̣̇ассзд̇и. аасанзсу сад̇ийд̇и аасанзсу санд̇зсу. нисийд̣̇анд̇асса навагассаад̇и самб̣анд̇хо. аабаж̇ж̇ад̇ийд̇и аабад̇д̇им̣ аабаж̇ж̇ад̇и. аабужчид̇з анануж̇аананд̇о т̇зро аабаж̇ж̇ад̇ийд̇и яож̇анаа. сан̇гхаадинд̇и бааруд̇асан̇гхаадим̣.
364.Bhattaggavatteti bhattaṃ gaṇhanti etthāti bhattaggaṃ, parivisanaṭṭhānaṃ. Tasmiṃ kattabbaṃ vattaṃ bhattaggavattaṃ, tasmiṃ bhattaggavatte evaṃ vinicchayo veditabboti yojanā. Manussānaṃ parivisanaṭṭhānaṃ nāma yattha manussā saputtadārā āvasitvā bhikkhūbhojenti. ‘‘Atiallīyitvā’’ti iminā anupakhajjāti ettha khadadhātussa hiṃsanaṃ nāma atiallīyananti dasseti. Āsanesu satīti āsanesu santesu. Nisīdantassa navakassāti sambandho. Āpajjatīti āpattiṃ āpajjati. Āpucchite ananujānanto thero āpajjatīti yojanā. Saṅghāṭinti pārutasaṅghāṭiṃ.
бад̇д̇ад̇хованауд̣̇аганд̇и бхун̃ж̇анад̇т̇ааяа бад̇д̇аанам̣ д̇хованауд̣̇агам̣. г̇ахзд̇аб̣б̣анд̇и хад̇т̇зна г̇ахзд̇аб̣б̣ам̣.
Pattadhovanaudakanti bhuñjanatthāya pattānaṃ dhovanaudakaṃ. Gahetabbanti hatthena gahetabbaṃ.
яат̇аа г̇ан̣хияамаанзд̇и яож̇анаа. мад̇д̇ааяаад̇и бамаан̣ааяа. саб̣б̣иаад̣̇ийсу зваад̇и звасад̣̇д̣̇о аж̇жхаахарид̇аб̣б̣о. саб̣б̣иаад̣̇ийсууд̇и саб̣б̣ид̇злауд̇д̇арибхан̇г̇зсу, нид̣̇д̇хааран̣з бхуммам̣. яанд̇и саб̣б̣иаад̣̇игам̣. аббаход̇ийд̇и саб̣б̣зсам̣ бхигкуунам̣ наббаход̇и. д̇анд̇и саб̣б̣иаад̣̇игам̣, самбаад̣̇зхийд̇и самб̣анд̇хо. д̇аад̣̇исам̣ саб̣б̣иаад̣̇иганд̇и самб̣анд̇хо.
Yathā gaṇhiyamāneti yojanā. Mattāyāti pamāṇāya. Sabbiādīsu evāti evasaddo ajjhāharitabbo. Sabbiādīsūti sabbitelauttaribhaṅgesu, niddhāraṇe bhummaṃ. Yanti sabbiādikaṃ. Appahotīti sabbesaṃ bhikkhūnaṃ nappahoti. Tanti sabbiādikaṃ, sampādehīti sambandho. Tādisaṃ sabbiādikanti sambandho.
яам̣ бхад̇д̇аг̇г̇анд̇и яож̇анаа. хад̇т̇ад̇хованауд̣̇аганд̇и бхуд̇д̇аавийнам̣ хад̇т̇асса д̇хованауд̣̇агам̣. анд̇араад̇и бхож̇анасса маж̇жхз. бибаасид̇знаад̇и бивид̇ум̣ ижчанд̇зна. г̇алзд̇и ган̣тз.
Yaṃ bhattagganti yojanā. Hatthadhovanaudakanti bhuttāvīnaṃ hatthassa dhovanaudakaṃ. Antarāti bhojanassa majjhe. Pipāsitenāti pivituṃ icchantena. Galeti kaṇṭhe.
нивад̇д̇анд̇знаад̇и зд̇т̇а гасмаа таанаа нивад̇д̇анд̇знаад̇и ааха ‘‘бхад̇д̇аг̇г̇ад̇о’’д̇и. гат̇ам̣ гзнаагаарзна нивад̇д̇ид̇аб̣б̣анд̇и яож̇анаа. гасмаа навагзхи бхигкуухи батамад̇арам̣ нивад̇д̇ид̇аб̣б̣анд̇и ааха ‘‘самб̣аад̇хзсу хий’’д̇иаад̣̇и. нигкаманогаасод̇и батамад̇арам̣ нигканд̇огаасо. бадибаадияаад̇и вуд̣дхабадибаадияаа. д̇хурзд̇и г̇зхад̣̇ваарасса самийбз. д̇хурасад̣̇д̣̇о хи ид̇ха самийбаваажаго. навагаа анд̇ог̇зхз жз нисиннаа хонд̇ийд̇и яож̇анаа. анд̇арзнаад̇и бхигкуунам̣ виварзна, маж̇жхзна ваа. вирал̣ааяаад̇и д̇анугааяа.
Nivattantenāti ettha kasmā ṭhānā nivattantenāti āha ‘‘bhattaggato’’ti. Kathaṃ kenākārena nivattitabbanti yojanā. Kasmā navakehi bhikkhūhi paṭhamataraṃ nivattitabbanti āha ‘‘sambādhesu hī’’tiādi. Nikkhamanokāsoti paṭhamataraṃ nikkhantokāso. Paṭipāṭiyāti vuḍḍhapaṭipāṭiyā. Dhureti gehadvārassa samīpe. Dhurasaddo hi idha samīpavācako. Navakā antogehe ce nisinnā hontīti yojanā. Antarenāti bhikkhūnaṃ vivarena, majjhena vā. Viraḷāyāti tanukāya.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 5. бхад̇д̇аг̇г̇авад̇д̇агат̇аа • 5. Bhattaggavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бхад̇д̇аг̇г̇авад̇д̇агат̇аа • Bhattaggavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхад̇д̇аг̇г̇авад̇д̇агат̇ааван̣н̣анаа • Bhattaggavattakathāvaṇṇanā
