| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਙ੍ਗੁਤ੍ਤਰਨਿਕਾਯੇ
Aṅguttaranikāye
ਤਿਕਨਿਪਾਤ-ਟੀਕਾ
Tikanipāta-ṭīkā
੧. ਪਠਮਪਣ੍ਣਾਸਕਂ
1. Paṭhamapaṇṇāsakaṃ
੧. ਬਾਲવਗ੍ਗੋ
1. Bālavaggo
੧. ਭਯਸੁਤ੍ਤવਣ੍ਣਨਾ
1. Bhayasuttavaṇṇanā
੧. ਤਿਕਨਿਪਾਤਸ੍ਸ ਪਠਮੇ ਭਯਨ੍ਤਿ ਭੀਤਿ ਚੇਤਸੋ ਬ੍ਯਧੋਤਿ ਆਹ ‘‘ਚਿਤ੍ਤੁਤ੍ਰਾਸੋ’’ਤਿ। ਉਪਦ੍ਦવੋਤਿ ਅਨ੍ਤਰਾਯੋ। ਤਸ੍ਸ ਪਨ વਿਕ੍ਖੇਪਕਾਰਣਤ੍ਤਾ વੁਤ੍ਤਂ ‘‘ਅਨੇਕਗ੍ਗਤਾਕਾਰੋ’’ਤਿ। ਉਪਸਗ੍ਗੋਤਿ ਉਪਸਜ੍ਜਨਂ, ਦੇવਤੋਪਪੀਲ਼ਾਦਿਨਾ ਅਪ੍ਪਟਿਕਾਰવਿਘਾਤਾਪਤ੍ਤਿ। ਸਾ ਪਨ ਯਸ੍ਮਾ ਪਟਿਕਾਰਾਭਾવੇਨ વਿਹਞ੍ਞਮਾਨਸ੍ਸ ਕਿਞ੍ਚਿ ਕਾਤੁਂ ਅਸਮਤ੍ਥਸ੍ਸ ਓਸੀਦਨਕਾਰਣਂ, ਤਸ੍ਮਾ વੁਤ੍ਤਂ ‘‘ਤਤ੍ਥ ਤਤ੍ਥ ਲਗ੍ਗਨਾਕਾਰੋ’’ਤਿ। ਯਥਾવੁਤ੍ਤੇ ਦਿવਸੇ ਅਨਾਗਚ੍ਛਨ੍ਤੇਸੂਤਿ વਞ੍ਚੇਤ੍વਾ ਆਗਨ੍ਤੁਂ ਨਿਯਮਿਤਦਿવਸੇ ਅਨਾਗਚ੍ਛਨ੍ਤੇਸੁ। ਦ੍વਾਰੇ ਅਗ੍ਗਿਂ ਦਤ੍વਾਤਿ ਬਹਿ ਅਨਿਕ੍ਖਮਨਤ੍ਥਾਯ ਦ੍વਾਰੇ ਅਗ੍ਗਿਂ ਦਤ੍વਾ।
1. Tikanipātassa paṭhame bhayanti bhīti cetaso byadhoti āha ‘‘cittutrāso’’ti. Upaddavoti antarāyo. Tassa pana vikkhepakāraṇattā vuttaṃ ‘‘anekaggatākāro’’ti. Upasaggoti upasajjanaṃ, devatopapīḷādinā appaṭikāravighātāpatti. Sā pana yasmā paṭikārābhāvena vihaññamānassa kiñci kātuṃ asamatthassa osīdanakāraṇaṃ, tasmā vuttaṃ ‘‘tattha tattha lagganākāro’’ti. Yathāvutte divase anāgacchantesūti vañcetvā āgantuṃ niyamitadivase anāgacchantesu. Dvāre aggiṃ datvāti bahi anikkhamanatthāya dvāre aggiṃ datvā.
ਨਲ਼ੇਹਿ ਛਨ੍ਨਪਟਿਚ੍ਛਨ੍ਨਾਤਿ ਨਲ਼ੇਹਿ ਤਿਣਚ੍ਛਦਨਸਙ੍ਖੇਪੇਨ ਉਪਰਿ ਛਾਦੇਤ੍વਾ ਤੇਹਿਯੇવ ਦਾਰੁਕੁਟਿਕਨਿਯਾਮੇਨ ਪਰਿਤੋਪਿ ਛਾਦਿਤਾ। ਏਸੇવ ਨਯੋਤਿ ਇਮਿਨਾ ਤਿਣੇਹਿ ਛਨ੍ਨਤਂ ਸੇਸਸਮ੍ਭਾਰਾਨਂ ਰੁਕ੍ਖਮਯਤਞ੍ਚ ਅਤਿਦਿਸਤਿ।
Naḷehichannapaṭicchannāti naḷehi tiṇacchadanasaṅkhepena upari chādetvā tehiyeva dārukuṭikaniyāmena paritopi chāditā. Eseva nayoti iminā tiṇehi channataṃ sesasambhārānaṃ rukkhamayatañca atidisati.
વਿਧવਪੁਤ੍ਤੇਤਿ ਅਨ੍ਤਭਾવੋਪਲਕ੍ਖਣਂ। ਤੇ ਹਿ ਨਿਪ੍ਪਿਤਿਕਾ ਅવਿਨੀਤਾ ਅਸਂਯਤਾ ਯਂ ਕਿਞ੍ਚਿ ਕਾਰਿਨੋ। ਸੇਸਮੇਤ੍ਥ ਉਤ੍ਤਾਨਮੇવ।
Vidhavaputteti antabhāvopalakkhaṇaṃ. Te hi nippitikā avinītā asaṃyatā yaṃ kiñci kārino. Sesamettha uttānameva.
ਭਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bhayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਭਯਸੁਤ੍ਤਂ • 1. Bhayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਭਯਸੁਤ੍ਤવਣ੍ਣਨਾ • 1. Bhayasuttavaṇṇanā
