| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
8. бхид̣̇урасуд̇д̇аван̣н̣анаа
8. Bhidurasuttavaṇṇanā
77. адтамз бхид̣̇урааяанд̇и бхид̣̇уро аяам̣. гааяод̇и руубагааяо. со хи ан̇г̇абажжан̇г̇аанам̣ гзсаад̣̇ийнан̃жа самуухадтзна, звам̣ гужчид̇аанам̣ ж̇зг̇ужчаанам̣ ааяо уббад̇д̇ид̣̇зсод̇иби гааяо. д̇ад̇рааяам̣ важанад̇т̇о – ааяанд̇и зд̇т̇аад̇и ааяо. гз ааяанд̇и? гужчид̇аа гзсаад̣̇аяо. ид̇и гужчид̇аанам̣ ааяод̇иби гааяо . ад̇т̇ад̇о бана жад̇усанд̇ад̇ивасзна бавад̇д̇амаанаанам̣ бхууд̇убаад̣̇ааяад̇хаммаанам̣ бун̃ж̇о. ид̣̇ам̣ вуд̇д̇ам̣ ход̇и – бхигкавз, аяам̣ жад̇умахаабхууд̇амаяо руубагааяо бхид̣̇уро бхзд̣̇анасийло бхзд̣̇анасабхааво кан̣з кан̣з вид̣̇д̇хам̣санасабхаавод̇и. ‘‘бхинд̣̇арааяа’’нд̇иби баато, со звад̇т̇о. вин̃н̃аан̣анд̇и д̇збхуумагам̣ гусалаад̣̇ижид̇д̇ам̣. важанад̇т̇о бана – д̇ам̣ д̇ам̣ аарамман̣ам̣ виж̇аанаад̇ийд̇и вин̃н̃аан̣ам̣. яан̃хи сан̃ж̇аананабаж̇аананавид̇хурам̣ аарамман̣авиж̇аананам̣ убалад̣̇д̇хи, д̇ам̣ вин̃н̃аан̣ам̣. вирааг̇ад̇хамманд̇и вираж̇ж̇анад̇хаммам̣, балуж̇ж̇анасабхааванд̇и ад̇т̇о. саб̣б̣з убад̇хийд̇и канд̇хуубад̇хи, гилзсуубад̇хи, абхисан̇кааруубад̇хи, бан̃жагаамаг̇ун̣уубад̇хийд̇и зд̇з ‘‘убад̇хийяад̇и зд̇т̇а д̣̇угка’’нд̇и убад̇хисан̃н̃ид̇аа саб̣б̣зби убаад̣̇аанагканд̇хагилзсаабхисан̇каарабан̃жагаамаг̇ун̣ад̇хаммаа худ̇ваа абхаавадтзна анижжаа, уд̣̇аяаб̣б̣аяаббадибийл̣анадтзна д̣̇угкаа, ж̇арааяа маран̣зна жаад̇и д̣̇вид̇хаа вибарин̣аамзд̇аб̣б̣асабхаавад̇ааяа багад̇ивиж̇аханадтзна вибарин̣аамад̇хаммаа. звамзд̇т̇а анижжад̣̇ассанасукад̇ааяа руубад̇хаммз вин̃н̃аан̣ан̃жа висум̣ г̇ахзд̇ваа буна убад̇хивибхааг̇зна саб̣б̣зби д̇збхуумагад̇хаммз згаж̇жхам̣ г̇ахзд̇ваа анижжад̣̇угкаанубассанаамукзна д̇ат̇ааб̣уж̇жханагаанам̣ буг̇г̇алаанам̣ аж̇жхаасаязна саммасанажааро.гат̇ид̇о. гааман̃жзд̇т̇а лагкан̣ад̣̇ваяамзва баал̣ияам̣ ааг̇ад̇ам̣, ‘‘яам̣ д̣̇угкам̣, д̇ад̣̇анад̇д̇аа’’д̇и (сам̣. ни. 3.15) бана важанад̇о д̣̇угкалагкан̣знзва анад̇д̇алагкан̣амби д̣̇ассид̇амзваад̇и взд̣̇ид̇аб̣б̣ам̣.
77. Aṭṭhame bhidurāyanti bhiduro ayaṃ. Kāyoti rūpakāyo. So hi aṅgapaccaṅgānaṃ kesādīnañca samūhaṭṭhena, evaṃ kucchitānaṃ jegucchānaṃ āyo uppattidesotipi kāyo. Tatrāyaṃ vacanattho – āyanti etthāti āyo. Ke āyanti? Kucchitā kesādayo. Iti kucchitānaṃ āyotipi kāyo . Atthato pana catusantativasena pavattamānānaṃ bhūtupādāyadhammānaṃ puñjo. Idaṃ vuttaṃ hoti – bhikkhave, ayaṃ catumahābhūtamayo rūpakāyo bhiduro bhedanasīlo bhedanasabhāvo khaṇe khaṇe viddhaṃsanasabhāvoti. ‘‘Bhindarāya’’ntipi pāṭho, so evattho. Viññāṇanti tebhūmakaṃ kusalādicittaṃ. Vacanattho pana – taṃ taṃ ārammaṇaṃ vijānātīti viññāṇaṃ. Yañhi sañjānanapajānanavidhuraṃ ārammaṇavijānanaṃ upaladdhi, taṃ viññāṇaṃ. Virāgadhammanti virajjanadhammaṃ, palujjanasabhāvanti attho. Sabbe upadhīti khandhūpadhi, kilesūpadhi, abhisaṅkhārūpadhi, pañcakāmaguṇūpadhīti ete ‘‘upadhīyati ettha dukkha’’nti upadhisaññitā sabbepi upādānakkhandhakilesābhisaṅkhārapañcakāmaguṇadhammā hutvā abhāvaṭṭhena aniccā, udayabbayappaṭipīḷanaṭṭhena dukkhā, jarāya maraṇena cāti dvidhā vipariṇāmetabbasabhāvatāya pakativijahanaṭṭhena vipariṇāmadhammā. Evamettha aniccadassanasukhatāya rūpadhamme viññāṇañca visuṃ gahetvā puna upadhivibhāgena sabbepi tebhūmakadhamme ekajjhaṃ gahetvā aniccadukkhānupassanāmukhena tathābujjhanakānaṃ puggalānaṃ ajjhāsayena sammasanacāro.kathito. Kāmañcettha lakkhaṇadvayameva pāḷiyaṃ āgataṃ, ‘‘yaṃ dukkhaṃ, tadanattā’’ti (saṃ. ni. 3.15) pana vacanato dukkhalakkhaṇeneva anattalakkhaṇampi dassitamevāti veditabbaṃ.
г̇аат̇ааяам̣ убад̇хийсу бхаяам̣ д̣̇исваад̇и убад̇хийсу бхаяад̇убадтаанан̃аан̣авасзна бхаяам̣ д̣̇исваа, д̇зсам̣ бхааяид̇аб̣б̣ад̇ам̣ бассид̇ваа. иминаа б̣алававибассанам̣ д̣̇ассзд̇и. бхаяад̇убадтаанан̃аан̣амзва хи вибхаж̇ид̇ваа висзсавасзна аад̣̇ийнаваанубассанаа ниб̣б̣ид̣̇аанубассанаад̇и жа вужжад̇и. ж̇аад̇имаран̣амажжаг̇аад̇и звам̣ саммасанд̇о вибассанаан̃аан̣ам̣ маг̇г̇зна гхадзд̇ваа маг̇г̇абарамбарааяа арахад̇д̇ам̣ бад̇д̇о ж̇аад̇имаран̣ам̣ ад̇ийд̇о наама ход̇и. гат̇ам̣? самбад̇ваа барамам̣ санд̇инд̇и барамам̣ уд̇д̇амам̣ ануд̇д̇арам̣ санд̇им̣ саб̣б̣асан̇кааруубасамам̣ ниб̣б̣аанам̣ ад̇хиг̇анд̇ваа. звам̣бхууд̇о жа гаалам̣ ган̇кад̇и бхаавид̇ад̇д̇од̇и жад̇уннам̣ арияамаг̇г̇аанам̣ васзна бхааванаабхисамаяанибпад̇д̇ияаа бхаавид̇агааяасийлажид̇д̇абан̃н̃ад̇д̇аа бхаавид̇ад̇д̇о маран̣ам̣ ж̇ийвид̇ан̃жа анабхинанд̣̇анд̇о гзвалам̣ ад̇д̇ано канд̇хабариниб̣б̣аанагаалам̣ ган̇кад̇и уд̣̇игкад̇и, на д̇асса гад̇т̇ажи бад̇т̇анаа ход̇ийд̇и. д̇знааха –
Gāthāyaṃ upadhīsu bhayaṃ disvāti upadhīsu bhayatupaṭṭhānañāṇavasena bhayaṃ disvā, tesaṃ bhāyitabbataṃ passitvā. Iminā balavavipassanaṃ dasseti. Bhayatupaṭṭhānañāṇameva hi vibhajitvā visesavasena ādīnavānupassanā nibbidānupassanāti ca vuccati. Jātimaraṇamaccagāti evaṃ sammasanto vipassanāñāṇaṃ maggena ghaṭetvā maggaparamparāya arahattaṃ patto jātimaraṇaṃ atīto nāma hoti. Kathaṃ? Sampatvāparamaṃ santinti paramaṃ uttamaṃ anuttaraṃ santiṃ sabbasaṅkhārūpasamaṃ nibbānaṃ adhigantvā. Evaṃbhūto ca kālaṃ kaṅkhati bhāvitattoti catunnaṃ ariyamaggānaṃ vasena bhāvanābhisamayanipphattiyā bhāvitakāyasīlacittapaññattā bhāvitatto maraṇaṃ jīvitañca anabhinandanto kevalaṃ attano khandhaparinibbānakālaṃ kaṅkhati udikkhati, na tassa katthaci patthanā hotīti. Tenāha –
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;
‘‘Nābhinandāmi maraṇaṃ, nābhinandāmi jīvitaṃ;
гаалан̃жа бадиган̇каами, ниб̣б̣исам̣ бхад̇аго яат̇аа’’д̇и. (т̇зраг̇аа. 606);
Kālañca paṭikaṅkhāmi, nibbisaṃ bhatako yathā’’ti. (theragā. 606);
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 8. бхид̣̇урасуд̇д̇ам̣ • 8. Bhidurasuttaṃ
