| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
бхигкунивибхан̇г̇о
Bhikkhunivibhaṅgo
170. винаяасса винижчаяз бхигкуунам̣ баадавад̇т̇ааяаад̇и бхигкунийнам̣ баадавассааби д̇ад̣̇ад̇хийнад̇д̇аа бад̇хаанад̣̇ассанавасзна вуд̇д̇ам̣. ат̇а ваа д̣̇ассаналин̇г̇анд̇арасаад̇хааран̣ад̇д̇з ижчид̇з буллин̇г̇зна, набум̣сагалин̇г̇зна ваа нид̣̇д̣̇зсо сад̣̇д̣̇асад̇т̇аануяог̇ад̇од̇и ‘‘бхигкууна’’нд̇и буллин̇г̇зна вуд̇д̇ам̣.
170.Vinayassa vinicchaye bhikkhūnaṃ pāṭavatthāyāti bhikkhunīnaṃ pāṭavassāpi tadadhīnattā padhānadassanavasena vuttaṃ. Atha vā dassanaliṅgantarasādhāraṇatte icchite pulliṅgena, napuṃsakaliṅgena vā niddeso saddasatthānuyogatoti ‘‘bhikkhūna’’nti pulliṅgena vuttaṃ.
171. нанд̣̇анд̇ий саад̣̇ияанд̇ий.
171.Nandantī sādiyantī.
172. д̇иссо аабад̇д̇ияо пусзд̇и яож̇анаа. ж̇аан̣усса уд̣̇д̇хам̣, агкагасса ад̇хо г̇ахан̣ам̣ саад̣̇ияанд̇ияаа д̇ассаа баарааж̇иганд̇и яож̇анаа.
172. Tisso āpattiyo phuseti yojanā. Jāṇussa uddhaṃ, akkhakassa adho gahaṇaṃ sādiyantiyā tassā pārājikanti yojanā.
173. гааяабадиб̣ад̣̇д̇хз ваа г̇ахан̣ам̣ саад̣̇ияанд̇ияаа д̣̇уггадам̣.
173. Kāyapaṭibaddhe vā gahaṇaṃ sādiyantiyā dukkaṭaṃ.
174. важ̇ж̇анд̇и ан̃н̃иссаа бхигкунияаа баарааж̇игаабад̇д̇им̣.
174.Vajjanti aññissā bhikkhuniyā pārājikāpattiṃ.
176. д̇ам̣ лад̣̇д̇хинд̇и угкид̇д̇асса яам̣ лад̣̇д̇хим̣ ад̇д̇ано рожзси, д̇ам̣ лад̣̇д̇хим̣ на ниссаж̇ж̇анд̇ийд̇и яож̇анаа.
176.Taṃladdhinti ukkhittassa yaṃ laddhiṃ attano rocesi, taṃ laddhiṃ na nissajjantīti yojanā.
178. ‘‘ид̇ха ааг̇ажчаа’’д̇и бад̣̇ажчзд̣̇о. ‘‘вуд̇д̇аа ааг̇ажчад̇ий’’д̇и бад̣̇ажчзд̣̇о.
178. ‘‘Idha āgacchā’’ti padacchedo. ‘‘Vuttā āgacchatī’’ti padacchedo.
179. хад̇т̇абаасаббавзсанзд̇и хад̇т̇абаасуубаг̇аманз. ‘‘хад̇т̇аг̇ад̇аббавзсанз’’д̇и ваа баато, соязва ад̇т̇о.
179.Hatthapāsappavesaneti hatthapāsūpagamane. ‘‘Hatthagatappavesane’’ti vā pāṭho, soyeva attho.
ид̇и уд̇д̇арз лийнад̇т̇абагаасанияаа бхигкунивибхан̇г̇з
Iti uttare līnatthapakāsaniyā bhikkhunivibhaṅge
баарааж̇игагат̇ааван̣н̣анаа нидтид̇аа.
Pārājikakathāvaṇṇanā niṭṭhitā.
180. згассаад̇и ад̇д̇ано ад̇д̇ано аддагаарасса ваа. аарожанзд̇и вад̇д̇аб̣б̣асса вохааригаанам̣ нивзд̣̇анз.
180.Ekassāti attano attano aṭṭakārassa vā. Ārocaneti vattabbassa vohārikānaṃ nivedane.
181. д̣̇уд̇ияаарожанзд̇и д̣̇уд̇ияасса, д̣̇уд̇ияам̣ звам̣ аарожанз.
181.Dutiyārocaneti dutiyassa, dutiyaṃ evaṃ ārocane.
182. д̣̇вийхийд̇и д̣̇вийхи гаммаваажаахи. гаммаваажосаанзд̇и гаммаваажааосаанз.
182.Dvīhīti dvīhi kammavācāhi. Kammavācosāneti kammavācāosāne.
183. баригкзбз ад̇игганд̇зд̇и ад̇д̇ано г̇аамад̇о г̇анд̇ваа ид̇арам̣ г̇аамам̣ бависанд̇ияаа батамзна баад̣̇зна д̇асса г̇аамасса баригкзбз ад̇игганд̇з, батамабаад̣̇з баригкзбам̣ ад̇иггамзд̇ваа анд̇ог̇аамасан̇кзбам̣ г̇ад̇зд̇и ад̇т̇о.
183.Parikkhepe atikkanteti attano gāmato gantvā itaraṃ gāmaṃ pavisantiyā paṭhamena pādena tassa gāmassa parikkhepe atikkante, paṭhamapāde parikkhepaṃ atikkametvā antogāmasaṅkhepaṃ gateti attho.
184. д̣̇уд̇иязнаад̇и г̇аамабаригкзбад̇о б̣ахи тид̇зна д̣̇уд̇ияабаад̣̇зна. ад̇игганд̇зд̇и д̇асмим̣ г̇аамабаригкзбз ад̇игганд̇з, д̇асмим̣ баад̣̇з анд̇ог̇аамам̣ бавзсид̇зд̇и ад̇т̇о. сзсам̣ уд̇д̇аанад̇т̇амзва.
184.Dutiyenāti gāmaparikkhepato bahi ṭhitena dutiyapādena. Atikkanteti tasmiṃ gāmaparikkhepe atikkante, tasmiṃ pāde antogāmaṃ pavesiteti attho. Sesaṃ uttānatthameva.
ид̇и уд̇д̇арз лийнад̇т̇абагаасанияаа бхигкунивибхан̇г̇з
Iti uttare līnatthapakāsaniyā bhikkhunivibhaṅge
сан̇гхаад̣̇исзсагат̇ааван̣н̣анаа нидтид̇аа.
Saṅghādisesakathāvaṇṇanā niṭṭhitā.
193. иха бхигкуний бад̇д̇асаннижаяам̣ гаронд̇ий ход̇и, саа згам̣ ниссаг̇г̇ияам̣ баажид̇д̇ияам̣язва пусзд̇и яож̇анаа.
193. Iha bhikkhunī pattasannicayaṃ karontī hoti, sā ekaṃ nissaggiyaṃ pācittiyaṃyeva phuseti yojanā.
194. агаалажийварам̣ гаалажийварам̣ гад̇ваа бхааж̇аабзнд̇ияаад̇и яож̇анаа. баяог̇зд̇и бхааж̇анабаяог̇з.
194.Akālacīvaraṃ kālacīvaraṃ katvā bhājāpentiyāti yojanā. Payogeti bhājanapayoge.
195. чиннзд̇и ажчиннз.
195.Chinneti acchinne.
196. д̇ад̇о баранд̇и д̇ад̇о батамад̇о ан̃н̃ам̣.
196.Tato paranti tato paṭhamato aññaṃ.
ид̇и уд̇д̇арз лийнад̇т̇абагаасанияаа бхигкунивибхан̇г̇з
Iti uttare līnatthapakāsaniyā bhikkhunivibhaṅge
ниссаг̇г̇ияагат̇ааван̣н̣анаа нидтид̇аа.
Nissaggiyakathāvaṇṇanā niṭṭhitā.
199. ласун̣ам̣ каад̣̇ад̇и жз, д̣̇вз аабад̇д̇ияо пудаад̇и яож̇анаа.
199. Lasuṇaṃ khādati ce, dve āpattiyo phuṭāti yojanā.
200. баяог̇зд̇и сам̣хаараабанабаяог̇з. сам̣хадзд̇и ад̇д̇анаа сам̣хадз, барзна сам̣хараабид̇з жа аабад̇д̇и баажид̇д̇и ход̇и.
200.Payogeti saṃhārāpanapayoge. Saṃhaṭeti attanā saṃhaṭe, parena saṃharāpite ca āpatti pācitti hoti.
201. гад̇зд̇и д̇алагхаад̇з гад̇з.
201.Kateti talaghāte kate.
202. ж̇ад̇унаа мадтаганд̇и ж̇ад̇унаа гад̇ам̣ мадтад̣̇ан̣д̣агам̣. ‘‘д̣̇уггадам̣ аад̣̇иннз’’д̇и бад̣̇ажчзд̣̇о.
202.Jatunā maṭṭhakanti jatunā kataṃ maṭṭhadaṇḍakaṃ. ‘‘Dukkaṭaṃ ādinne’’ti padacchedo.
204. бхун̃ж̇амаанасса бхигкусса хад̇т̇абаасзд̇и яож̇анаа. хид̇ваа хад̇т̇абаасам̣.
204. Bhuñjamānassa bhikkhussa hatthapāseti yojanā. Hitvā hatthapāsaṃ.
205. вин̃н̃аабзд̇ваад̇и анд̇амасо маад̇арамби яаажид̇ваа. аж̇жхохаарз баажид̇д̇им̣ д̣̇ийбаязд̇и яож̇анаа.
205.Viññāpetvāti antamaso mātarampi yācitvā. Ajjhohāre pācittiṃ dīpayeti yojanā.
206. ужжаараад̣̇инд̇и аад̣̇и-сад̣̇д̣̇зна вигхаасасан̇гаарамуд̇д̇аанам̣ г̇ахан̣ам̣.
206.Uccārādinti ādi-saddena vighāsasaṅkāramuttānaṃ gahaṇaṃ.
ласун̣аваг̇г̇аван̣н̣анаа батамаа.
Lasuṇavaggavaṇṇanā paṭhamā.
209. ид̇ха имасмим̣ рад̇д̇анд̇хагаараваг̇г̇з. батамз, д̣̇уд̇ияз, д̇ад̇ияз, жад̇уд̇т̇зби винижчаяо ласун̣аваг̇г̇асса чадтзна сигкаабад̣̇зна д̇уляо сад̣̇исод̇и яож̇анаа.
209.Idha imasmiṃ rattandhakāravagge. Paṭhame, dutiye, tatiye, catutthepi vinicchayo lasuṇavaggassa chaṭṭhena sikkhāpadena tulyo sadisoti yojanā.
210. аасанзд̇и баллан̇гз д̇ассогаасабхууд̇з. саамигз анаабужчаад̇и д̇асмим̣ гулз яам̣ гин̃жи вин̃н̃умануссам̣ анаабужчаа.
210.Āsaneti pallaṅke tassokāsabhūte. Sāmike anāpucchāti tasmiṃ kule yaṃ kiñci viññumanussaṃ anāpucchā.
211. ановассанд̇и бхид̇д̇ияаа б̣ахи ниб̣б̣агосаб̣бханд̇арам̣. д̣̇уд̇ияаад̇иггамзд̇и д̣̇уд̇иязна баад̣̇зна ниб̣б̣агосасса уд̣̇агабаад̇адтаанаад̇иггамз.
211.Anovassanti bhittiyā bahi nibbakosabbhantaraṃ. Dutiyātikkameti dutiyena pādena nibbakosassa udakapātaṭṭhānātikkame.
212. нисийд̣̇ид̇зд̇и нисиннз.
212.Nisīditeti nisinne.
213. баяог̇зд̇и уж̇жхаабанабаяог̇з.
213.Payogeti ujjhāpanapayoge.
214. нираяаад̣̇инаа ад̇д̇аанам̣ ваа барам̣ ваа абхисаббзнд̇ий сабат̇ам̣ гаронд̇ий д̣̇вз пусзд̇и яож̇анаа. абхисаббид̇зд̇и абхисабид̇з.
214. Nirayādinā attānaṃ vā paraṃ vā abhisappentī sapathaṃ karontī dve phuseti yojanā. Abhisappiteti abhisapite.
215. вад̇хид̇ваад̇и хад̇т̇аад̣̇ийхи бахарид̇ваа. ‘‘гарод̇и зга’’нд̇и бад̣̇ажчзд̣̇о.
215.Vadhitvāti hatthādīhi paharitvā. ‘‘Karoti eka’’nti padacchedo.
рад̇д̇анд̇хагаараваг̇г̇аван̣н̣анаа д̣̇уд̇ияаа.
Rattandhakāravaggavaṇṇanā dutiyā.
216. наг̇г̇аад̇и анивад̇т̇аа ваа абааруд̇аа ваа. баяог̇зд̇и жун̣н̣амад̇д̇игааабхисан̇каран̣аад̣̇ибаяог̇з.
216.Naggāti anivatthā vā apārutā vā. Payogeti cuṇṇamattikāabhisaṅkharaṇādipayoge.
217. бамаан̣аад̇игганд̇анд̇и ‘‘д̣̇ийгхасожад̇ассо вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ д̣̇вз вид̣̇ад̇т̇ияо’’д̇и (баажи. 888) вуд̇д̇абамаан̣амад̇игганд̇ам̣. баяог̇зд̇и гаараабанабаяог̇з.
217.Pamāṇātikkantanti ‘‘dīghasocatasso vidatthiyo sugatavidatthiyā, tiriyaṃ dve vidatthiyo’’ti (pāci. 888) vuttapamāṇamatikkantaṃ. Payogeti kārāpanapayoge.
218. висиб̣б̣зд̇ваад̇и д̣̇уссиб̣б̣ид̇ам̣ буна сиб̣б̣анад̇т̇ааяа висиб̣б̣зд̇ваа.
218.Visibbetvāti dussibbitaṃ puna sibbanatthāya visibbetvā.
219. бан̃жа ахаани бан̃жаахам̣, бан̃жаахамзва бан̃жаахигам̣. сан̇гхаадийнам̣ жааро сан̇гхаадижааро, барибхог̇авасзна ваа од̇аабанавасзна ваа сан̇гхадид̇адтзна ‘‘сан̇гхаадий’’д̇и лад̣̇д̇ханаамаанам̣ ‘‘д̇ижийварам̣, уд̣̇агасаадигаа, сам̣гажжигаа’’д̇и имзсам̣ бан̃жаннам̣ жийвараанам̣ баривад̇д̇анам̣. ад̇иггамзд̇и бхигкуний ад̇иггамзяяа. ассаа бана згаава баажид̇д̇и барид̣̇ийбид̇аад̇и яож̇анаа.
219. Pañca ahāni pañcāhaṃ, pañcāhameva pañcāhikaṃ. Saṅghāṭīnaṃ cāro saṅghāṭicāro, paribhogavasena vā otāpanavasena vā saṅghaṭitaṭṭhena ‘‘saṅghāṭī’’ti laddhanāmānaṃ ‘‘ticīvaraṃ, udakasāṭikā, saṃkaccikā’’ti imesaṃ pañcannaṃ cīvarānaṃ parivattanaṃ. Atikkameti bhikkhunī atikkameyya. Assā pana ekāva pācitti paridīpitāti yojanā.
220. сан̇гаманийяанд̇и сан̇гамзд̇аб̣б̣ам̣. ан̃н̃иссаа санд̇агам̣ анаабужчаа г̇ахид̇ам̣ буна д̣̇аад̇аб̣б̣ам̣ бан̃жаннам̣ ан̃н̃ад̇арам̣.
220.Saṅkamanīyanti saṅkametabbaṃ. Aññissā santakaṃ anāpucchā gahitaṃ puna dātabbaṃ pañcannaṃ aññataraṃ.
221. г̇ан̣ажийваралаабхассаад̇и бхигкунисан̇гхзна лабхид̇аб̣б̣ажийварасса. анд̇арааяам̣ гарод̇ийд̇и яат̇аа д̇з д̣̇аад̇угаамаа на д̣̇знд̇и, звам̣ бараггамад̇и.
221.Gaṇacīvaralābhassāti bhikkhunisaṅghena labhitabbacīvarassa. Antarāyaṃ karotīti yathā te dātukāmā na denti, evaṃ parakkamati.
222. д̇хаммиганд̇и самаг̇г̇зна сан̇гхзна саннибад̇ид̇ваа гарияамаанам̣. бадиб̣ааханд̇ийд̇и бадисзд̇хзнд̇ий. бадиб̣аахид̇з бадисзд̇хид̇з.
222.Dhammikanti samaggena saṅghena sannipatitvā kariyamānaṃ. Paṭibāhantīti paṭisedhentī. Paṭibāhite paṭisedhite.
223. аг̇ааригаад̣̇инод̇и аад̣̇и-сад̣̇д̣̇зна ‘‘бариб̣б̣ааж̇агасса ваа бариб̣б̣ааж̇игааяа ваа’’д̇и (баараа. 917) вуд̇д̇з сан̇г̇ан̣хаад̇и. саман̣ажийваранд̇и габбагад̇ам̣ ниваасанабаарубанубаг̇ам̣. баяог̇зд̇и д̣̇аанабаяог̇з.
223.Agārikādinoti ādi-saddena ‘‘paribbājakassa vā paribbājikāya vā’’ti (pārā. 917) vutte saṅgaṇhāti. Samaṇacīvaranti kappakataṃ nivāsanapārupanupagaṃ. Payogeti dānapayoge.
224. жийварз д̣̇уб̣б̣алаасааяаад̇и д̣̇уб̣б̣алажийварабажжаасааяа ‘‘сажз саггома, д̣̇ассаамаа’’д̇и зд̇д̇агамад̇д̇ам̣ суд̇ваа уббаад̣̇ид̇ааяа аасааяаад̇и ад̇т̇о. гааланд̇и жийварагааласамаяам̣. самад̇иггамзд̇и бхигкунийхи гаалажийварз бхааж̇ияамаанз ‘‘ааг̇амзт̇а, аяяз, ад̇т̇и сан̇гхасса жийварабажжаасаа’’д̇и вад̇ваа д̇ам̣ жийваравибхан̇г̇ам̣ самад̇иггамзяяа.
224.Cīvare dubbalāsāyāti dubbalacīvarapaccāsāya ‘‘sace sakkoma, dassāmā’’ti ettakamattaṃ sutvā uppāditāya āsāyāti attho. Kālanti cīvarakālasamayaṃ. Samatikkameti bhikkhunīhi kālacīvare bhājiyamāne ‘‘āgametha, ayye, atthi saṅghassa cīvarapaccāsā’’ti vatvā taṃ cīvaravibhaṅgaṃ samatikkameyya.
225. д̇хаммигам̣ гат̇инуд̣̇д̇хааранд̇и самаг̇г̇зна сан̇гхзна гарияамаанам̣ гат̇инасса анд̇аруб̣бхаарам̣. бадиб̣ааханд̇ияаад̇и ниваарзнд̇ияаа.
225.Dhammikaṃ kathinuddhāranti samaggena saṅghena kariyamānaṃ kathinassa antarubbhāraṃ. Paṭibāhantiyāti nivārentiyā.
нхаанаваг̇г̇аван̣н̣анаа д̇ад̇ияаа.
Nhānavaggavaṇṇanā tatiyā.
226. д̇уваддзяяунд̇и нибаж̇ж̇зяяум̣. ид̇арам̣ баажид̇д̇ияам̣.
226.Tuvaṭṭeyyunti nipajjeyyuṃ. Itaraṃ pācittiyaṃ.
227. баяог̇зд̇и бхигкунияаа апаасугагаран̣абаяог̇з гарияамаанз.
227.Payogeti bhikkhuniyā aphāsukakaraṇapayoge kariyamāne.
228. д̣̇угкид̇анд̇и г̇илаанам̣. нубадтаабзнд̇ияаа ваабийд̇и д̇ассаа убадтаанам̣ барзхи агаараабзнд̇ияаа, саяам̣ ваа агаронд̇ияаа.
228.Dukkhitanti gilānaṃ. Nupaṭṭhāpentiyā vāpīti tassā upaṭṭhānaṃ parehi akārāpentiyā, sayaṃ vā akarontiyā.
229. убассаяам̣ д̣̇ад̇ваад̇и гаваадаб̣анд̇хам̣ ад̇д̇ано буг̇г̇алигавихаарам̣ д̣̇ад̇ваа. гад̣дхид̇зд̇и ниггад̣дхид̇з.
229.Upassayaṃ datvāti kavāṭabandhaṃ attano puggalikavihāraṃ datvā. Kaḍḍhiteti nikkaḍḍhite.
230. сам̣садтаад̇и г̇ахабад̇инаа ваа г̇ахабад̇ибуд̇д̇зна ваа сам̣садтавихаарий бхигкуний сан̇гхзна сам̣садтавихаарад̇о нивад̇д̇ияамаанаа. н̃ад̇д̇ияаа д̣̇уггадам̣ пусзд̇и саманубхаасанагамман̃ад̇д̇ияаа д̣̇уггадам̣ аабаж̇ж̇зяяа.
230.Saṃsaṭṭhāti gahapatinā vā gahapatiputtena vā saṃsaṭṭhavihārī bhikkhunī saṅghena saṃsaṭṭhavihārato nivattiyamānā. Ñattiyā dukkaṭaṃ phuseti samanubhāsanakammañattiyā dukkaṭaṃ āpajjeyya.
231. анд̇орадтзд̇и яасса виж̇ид̇з вихарад̇и, д̇асса радтз. бадибаннааяаад̇и жааригам̣ габбзнд̇ияаа. сзсаганд̇и баажид̇д̇ияам̣.
231.Antoraṭṭheti yassa vijite viharati, tassa raṭṭhe. Paṭipannāyāti cārikaṃ kappentiyā. Sesakanti pācittiyaṃ.
д̇уваддаваг̇г̇аван̣н̣анаа жад̇уд̇т̇аа.
Tuvaṭṭavaggavaṇṇanā catutthā.
233. рааж̇ааг̇аараад̣̇иганд̇и аад̣̇и-сад̣̇д̣̇зна жид̇д̇ааг̇аараад̣̇ийнам̣ г̇ахан̣ам̣.
233.Rājāgārādikanti ādi-saddena cittāgārādīnaṃ gahaṇaṃ.
235. баяог̇зд̇и габбаасавижааран̣ам̣ аад̣̇им̣ гад̇ваа саб̣б̣абаяог̇з. уж̇ж̇авуж̇ж̇аванзд̇и яад̇д̇агам̣ хад̇т̇зна ан̃чид̇ам̣ ход̇и, д̇асмим̣ д̇аггамхи взтид̇з.
235.Payogeti kappāsavicāraṇaṃ ādiṃ katvā sabbapayoge. Ujjavujjavaneti yattakaṃ hatthena añchitaṃ hoti, tasmiṃ takkamhi veṭhite.
237. баяог̇зд̇и аг̇ааригасса ваа бариб̣б̣ааж̇агасса ваа бариб̣б̣ааж̇игааяа ваа сахад̇т̇аа каад̣̇анийяаад̣̇ийнам̣ д̣̇аанабаяог̇з.
237.Payogeti agārikassa vā paribbājakassa vā paribbājikāya vā sahatthā khādanīyādīnaṃ dānapayoge.
238. ‘‘самам̣ аабад̇д̇ибабхзд̣̇ад̇о’’д̇и бад̣̇ажчзд̣̇о.
238. ‘‘Samaṃ āpattipabhedato’’ti padacchedo.
239. д̇иражчаанаг̇ад̇ам̣ виж̇ж̇анд̇и яам̣ гин̃жи б̣аахирагам̣ анад̇т̇асам̣хид̇ам̣ баруубагхаад̇агарам̣ хад̇т̇исигкаад̣̇исиббам̣ . батанд̇ияаад̇и сигканд̇ияаа. баяог̇зд̇и д̣̇урубасан̇гаманаад̣̇ибаяог̇з. бад̣̇з бад̣̇зд̇и бад̣̇аад̣̇ивасзна барияаабун̣анд̇ияаа бад̣̇з бад̣̇з агкарабад̣̇аанам̣ васзна.
239.Tiracchānagataṃvijjanti yaṃ kiñci bāhirakaṃ anatthasaṃhitaṃ parūpaghātakaraṃ hatthisikkhādisippaṃ . Paṭhantiyāti sikkhantiyā. Payogeti durupasaṅkamanādipayoge. Pade padeti padādivasena pariyāpuṇantiyā pade pade akkharapadānaṃ vasena.
240. навамз ‘‘барияаабун̣аад̇ий’’д̇и бад̣̇ам̣, д̣̇асамз ‘‘ваажзд̇ий’’д̇и бад̣̇анд̇и звам̣ бад̣̇амад̇д̇амзва убхиннам̣ висзсагам̣ бхзд̣̇агам̣.
240. Navame ‘‘pariyāpuṇātī’’ti padaṃ, dasame ‘‘vācetī’’ti padanti evaṃ padamattameva ubhinnaṃ visesakaṃ bhedakaṃ.
жид̇д̇ааг̇аараваг̇г̇аван̣н̣анаа бан̃жамаа.
Cittāgāravaggavaṇṇanā pañcamā.
241. д̇амаарааманд̇и яад̇т̇а бхигкуу ругкамуулзби васанд̇и, д̇ам̣ сабхигкугам̣ бад̣̇зсам̣.
241.Tamārāmanti yattha bhikkhū rukkhamūlepi vasanti, taṃ sabhikkhukaṃ padesaṃ.
243. аггосад̇ийд̇и д̣̇асаннам̣ аггосавад̇т̇уунам̣ ан̃н̃ад̇арзна саммукаа ваа бараммукаа ваа аггосад̇и. барибхаасад̇ийд̇и бхаяад̣̇ассанзна д̇аж̇ж̇зд̇и. ‘‘баажид̇д̇и аггосид̇з’’д̇и бад̣̇ажчзд̣̇о.
243.Akkosatīti dasannaṃ akkosavatthūnaṃ aññatarena sammukhā vā parammukhā vā akkosati. Paribhāsatīti bhayadassanena tajjeti. ‘‘Pācitti akkosite’’ti padacchedo.
244. жан̣д̣игабхаавзнаад̇и год̇хзна. г̇ан̣анд̇и бхигкунисан̇гхам̣. барибхаасад̇ийд̇и ‘‘б̣аалаа зд̇аа’’д̇иаад̣̇ийхи важанзхи аггосад̇и. баяог̇зд̇и барибхаасанабаяог̇з. барибхадтзд̇и аггосид̇з. ид̇арам̣ баажид̇д̇ияам̣.
244.Caṇḍikabhāvenāti kodhena. Gaṇanti bhikkhunisaṅghaṃ. Paribhāsatīti ‘‘bālā etā’’tiādīhi vacanehi akkosati. Payogeti paribhāsanapayoge. Paribhaṭṭheti akkosite. Itaraṃ pācittiyaṃ.
245. ниманд̇ид̇аад̇и г̇ан̣абхож̇анз вуд̇д̇анаязна ниманд̇ид̇аа. баваарид̇аад̇и бавааран̣асигкаабад̣̇з вуд̇д̇анаязна ваарид̇аа. каад̣̇анам̣ бхож̇анамби ваад̇и яааг̇убуувакаж̇ж̇агам̣, яаавагаалигам̣ муулакаад̣̇анийяаад̣̇икаад̣̇анийяам̣, од̣̇анаад̣̇ибхож̇анамби ваа яаа бхигкуний бхун̃ж̇анд̇ий ход̇и, саа бана д̣̇взязва аабад̇д̇ияо пусзд̇и яож̇анаа.
245.Nimantitāti gaṇabhojane vuttanayena nimantitā. Pavāritāti pavāraṇasikkhāpade vuttanayena vāritā. Khādanaṃ bhojanampi vāti yāgupūvakhajjakaṃ, yāvakālikaṃ mūlakhādanīyādikhādanīyaṃ, odanādibhojanampi vā yā bhikkhunī bhuñjantī hoti, sā pana dveyeva āpattiyo phuseti yojanā.
247. мажчарааяанд̇ийд̇и мажчарам̣ гаронд̇ий, ад̇д̇ано бажжаяад̣̇ааяагагуласса ан̃н̃зхи саад̇хааран̣абхаавам̣ асаханд̇ийд̇и ад̇т̇о . баяог̇зд̇и д̇ад̣̇ануруубз гааяаважийбаяог̇з. мажчарид̇зд̇и мажчаравасзна гад̇абаяог̇з нибпаннз.
247.Maccharāyantīti maccharaṃ karontī, attano paccayadāyakakulassa aññehi sādhāraṇabhāvaṃ asahantīti attho . Payogeti tadanurūpe kāyavacīpayoge. Macchariteti maccharavasena katapayoge nipphanne.
248. абхигкугз банааваасзд̇и яад̇о бхигкунубассаяад̇о ад̣̇д̇хаяож̇анаб̣бханд̇арз оваад̣̇ад̣̇ааяагаа бхигкуу на васанд̇и, маг̇г̇о ваа акзмо ход̇и, на саггаа ананд̇арааязна г̇анд̇ум̣, зваруубз ааваасз. буб̣б̣агижжзсууд̇и ‘‘вассам̣ васиссаамий’’д̇и сзнаасанабан̃н̃аабанабаанийяаубадтаабанаад̣̇ибуб̣б̣агижжз бана гарияамаанз д̣̇уггадам̣ бхавзд̇и яож̇анаа.
248.Abhikkhuke panāvāseti yato bhikkhunupassayato addhayojanabbhantare ovādadāyakā bhikkhū na vasanti, maggo vā akhemo hoti, na sakkā anantarāyena gantuṃ, evarūpe āvāse. Pubbakiccesūti ‘‘vassaṃ vasissāmī’’ti senāsanapaññāpanapānīyaupaṭṭhāpanādipubbakicce pana kariyamāne dukkaṭaṃ bhaveti yojanā.
249. вассам̣вуд̇т̇аад̇и буримам̣ ваа бажчимам̣ ваа д̇змаасам̣ вуд̇т̇аа. убхад̇осан̇гхзд̇и бхигкунисан̇гхз, бхигкусан̇гхз жа. д̇ийхиби таанзхийд̇и ‘‘д̣̇идтзна ваа’’д̇иаад̣̇инаа вуд̇д̇зхи д̇ийхи гааран̣зхи.
249.Vassaṃvutthāti purimaṃ vā pacchimaṃ vā temāsaṃ vutthā. Ubhatosaṅgheti bhikkhunisaṅghe, bhikkhusaṅghe ca. Tīhipi ṭhānehīti ‘‘diṭṭhena vā’’tiādinā vuttehi tīhi kāraṇehi.
250. оваад̣̇ад̇т̇ааяаад̇и г̇аруд̇хаммоваад̣̇анад̇т̇ааяа. сам̣ваасад̇т̇ааяаад̇и убосат̇абужчанад̇т̇ааяа жзва бавааран̣ад̇т̇ааяа жа. на г̇ажчад̇ийд̇и бхигкум̣ на убаг̇ажчад̇и.
250.Ovādatthāyāti garudhammovādanatthāya. Saṃvāsatthāyāti uposathapucchanatthāya ceva pavāraṇatthāya ca. Na gacchatīti bhikkhuṃ na upagacchati.
251. оваад̣̇амби на яаажанд̇ийд̇и убосат̇аад̣̇ивасзна оваад̣̇уубасан̇гаманам̣ бхигкум̣ на яаажанд̇ий на бужчанд̇ий. убосат̇анд̇и убосат̇ад̣̇ивасад̇о буримад̣̇ивасз д̇зрасияам̣ ваа жаад̇уд̣̇д̣̇асияам̣ ваа убосат̇ам̣ на бужчанд̇ий.
251.Ovādampi na yācantīti uposathādivasena ovādūpasaṅkamanaṃ bhikkhuṃ na yācantī na pucchantī. Uposathanti uposathadivasato purimadivase terasiyaṃ vā cātuddasiyaṃ vā uposathaṃ na pucchantī.
252. абужчид̇ваава сан̇гхам̣ ваад̇и сан̇гхам̣ ваа г̇ан̣ам̣ ваа анабалогзд̇ваава. ‘‘бхзд̣̇аабзд̇ий’’д̇и ид̣̇ам̣ нид̣̇ассанамад̇д̇ам̣ ‘‘паалаабзяяа ваа д̇ховаабзяяа ваа аалимбаабзяяа ваа б̣анд̇хаабзяяа ваа можаабзяяа ваа’’д̇и имзсамби гирияаавигаббаанам̣ сан̇г̇ахзд̇аб̣б̣ад̇д̇аа. басаакаж̇анд̇и наабхияаа хздтаа, ж̇аан̣уман̣д̣алаанам̣ убари бад̣̇зсз ж̇аад̇ам̣ г̇ан̣д̣ам̣ ваа руд̇хид̇ам̣ ваа. баяог̇зд̇и бхзд̣̇аабанаад̣̇ибаяог̇з.
252.Apucchitvāva saṅghaṃ vāti saṅghaṃ vā gaṇaṃ vā anapaloketvāva. ‘‘Bhedāpetī’’ti idaṃ nidassanamattaṃ ‘‘phālāpeyya vā dhovāpeyya vā ālimpāpeyya vā bandhāpeyya vā mocāpeyya vā’’ti imesampi kiriyāvikappānaṃ saṅgahetabbattā. Pasākhajanti nābhiyā heṭṭhā, jāṇumaṇḍalānaṃ upari padese jātaṃ gaṇḍaṃ vā rudhitaṃ vā. Payogeti bhedāpanādipayoge.
аараамаваг̇г̇аван̣н̣анаа чадтаа.
Ārāmavaggavaṇṇanā chaṭṭhā.
253. г̇аб̣бхининд̇и аабаннасад̇д̇ам̣ сигкамаанам̣. вудтаабзнд̇ийд̇и убаж̇жхааяаа худ̇ваа убасамбаад̣̇знд̇ий. баяог̇зд̇и г̇ан̣абариязсанаад̣̇ибаяог̇з. вудтаабид̇зд̇и убасамбаад̣̇ид̇з, гаммаваажаабарияосаанзд̇и ад̇т̇о.
253.Gabbhininti āpannasattaṃ sikkhamānaṃ. Vuṭṭhāpentīti upajjhāyā hutvā upasampādentī. Payogeti gaṇapariyesanādipayoge. Vuṭṭhāpiteti upasampādite, kammavācāpariyosāneti attho.
255. сахаж̇ийвининд̇и сад̣̇д̇хивихаариним̣. наануг̇г̇ан̣ханд̇ийд̇и уд̣̇д̣̇зсад̣̇аанаад̣̇ийхи на сан̇г̇ан̣ханд̇ий.
255.Sahajīvininti saddhivihāriniṃ. Nānuggaṇhantīti uddesadānādīhi na saṅgaṇhantī.
г̇аб̣бхиниваг̇г̇аван̣н̣анаа сад̇д̇амаа.
Gabbhinivaggavaṇṇanā sattamā.
258. ‘‘алам̣ вудтаабид̇знаа’’д̇и вужжамаанаа бхигкунийхи ниваарияамаанаа. кийяад̇ийд̇и ан̃н̃аасам̣ б̣яад̇д̇аанам̣ лаж̇ж̇ийнам̣ вудтаанасаммуд̇им̣ д̣̇ийяамаанам̣ д̣̇исваа ‘‘ахамзва нууна б̣аалаа’’д̇иаад̣̇инаа бхан̣амаанаа кийяад̇и. баяог̇зд̇и кийяамаанабаяог̇з. кийяид̇зд̇и кийяанабаяог̇з нидтид̇з.
258. ‘‘Alaṃ vuṭṭhāpitenā’’ti vuccamānā bhikkhunīhi nivāriyamānā. Khīyatīti aññāsaṃ byattānaṃ lajjīnaṃ vuṭṭhānasammutiṃ dīyamānaṃ disvā ‘‘ahameva nūna bālā’’tiādinā bhaṇamānā khīyati. Payogeti khīyamānapayoge. Khīyiteti khīyanapayoge niṭṭhite.
гумаарибхууд̇аваг̇г̇аван̣н̣анаа адтамаа.
Kumāribhūtavaggavaṇṇanā aṭṭhamā.
260. чад̇д̇убаахананд̇и вуд̇д̇алагкан̣ам̣ чад̇д̇ан̃жа убааханааяо жа. баяог̇зд̇и д̇хааран̣абаяог̇з.
260.Chattupāhananti vuttalakkhaṇaṃ chattañca upāhanāyo ca. Payogeti dhāraṇapayoge.
261. яаанзнаад̇и ваяхаад̣̇инаа. яааяанд̇ийд̇и сажз яаанзна г̇ад̇аа ход̇и.
261.Yānenāti vayhādinā. Yāyantīti sace yānena gatā hoti.
262. сан̇гхаан̣инд̇и яам̣ гин̃жи гадуубаг̇ам̣. д̇хаарзнд̇ияаад̇и гадияам̣ бадимужжанд̇ияаа.
262.Saṅghāṇinti yaṃ kiñci kaṭūpagaṃ. Dhārentiyāti kaṭiyaṃ paṭimuccantiyā.
263. г̇анд̇хаван̣н̣знаад̇и язна гзнажи ван̣н̣зна жа язна гзнажи г̇анд̇хзна жа. г̇анд̇хо наама жанд̣̇анаалзбаад̣̇и. ван̣н̣о наама гун̇гумахалид̣̇д̣̇аад̣̇и. баяог̇зд̇и г̇анд̇хаад̣̇ибаяог̇з ражанад̇о бадтааяа буб̣б̣абаяог̇з.
263.Gandhavaṇṇenāti yena kenaci vaṇṇena ca yena kenaci gandhena ca. Gandho nāma candanālepādi. Vaṇṇo nāma kuṅkumahaliddādi. Payogeti gandhādipayoge racanato paṭṭhāya pubbapayoge.
266. анаабужчаад̇и ‘‘нисийд̣̇аами, аяяаа’’д̇и анаабужчид̇ваа. нисийд̣̇ид̇з бхигкусса убажаарз анд̇амасо чамааяа нисиннз.
266.Anāpucchāti ‘‘nisīdāmi, ayyā’’ti anāpucchitvā. Nisīdite bhikkhussa upacāre antamaso chamāya nisinne.
267. аногаасагад̇анд̇и ‘‘асугасмим̣ наама таанз бужчиссаамий’’д̇и звам̣ агад̇аогаасам̣.
267.Anokāsakatanti ‘‘asukasmiṃ nāma ṭhāne pucchissāmī’’ti evaṃ akataokāsaṃ.
268. бависанд̇ияаад̇и винижчаяам̣ аараамаваг̇г̇асса батамзнзва сигкаабад̣̇зна сад̣̇исам̣ гад̇ваа вад̣̇зяяаад̇и яож̇анаа.
268.Pavisantiyāti vinicchayaṃ ārāmavaggassa paṭhameneva sikkhāpadena sadisaṃ katvā vadeyyāti yojanā.
чад̇д̇убааханаваг̇г̇аван̣н̣анаа навамаа.
Chattupāhanavaggavaṇṇanā navamā.
ид̇и уд̇д̇арз лийнад̇т̇абагаасанияаа бхигкунивибхан̇г̇з
Iti uttare līnatthapakāsaniyā bhikkhunivibhaṅge
баажид̇д̇ияагат̇ааван̣н̣анаа нидтид̇аа.
Pācittiyakathāvaṇṇanā niṭṭhitā.
269-70. адтасу баадид̣̇зсанийяасигкаабад̣̇зсуби д̣̇вид̇хаа аабад̇д̇и ход̇ийд̇и яож̇анаа. д̇ад̇од̇и г̇ахан̣ахзд̇у. саб̣б̣зсууд̇и баадид̣̇зсанийяасигкаабад̣̇зсу.
269-70. Aṭṭhasu pāṭidesanīyasikkhāpadesupi dvidhā āpatti hotīti yojanā. Tatoti gahaṇahetu. Sabbesūti pāṭidesanīyasikkhāpadesu.
баадид̣̇зсанийяагат̇ааван̣н̣анаа.
Pāṭidesanīyakathāvaṇṇanā.
271-2. имам̣ барамам̣ уд̇д̇амам̣ нируд̇д̇арам̣ гзнажи ваа вад̇д̇аб̣б̣зна уд̇д̇арзна рахид̇ам̣ нид̣̇д̣̇осам̣ уд̇д̇арам̣ звам̣наамагам̣ д̇хийро бан̃н̃аваа бхигку ад̇т̇авасзна вид̣̇ид̇ваа д̣̇уруд̇д̇арам̣ гижчзна уд̇д̇арид̇аб̣б̣ам̣ бан̃н̃ад̇д̇амахаасамуд̣̇д̣̇ам̣ винаяамахаасааг̇арам̣ сукзнзва яасмаа уд̇д̇арад̇и, д̇асмаа ган̇кажчзд̣̇з винаяавижигижчааяа чинд̣̇анз сад̇т̇з сад̇т̇асад̣̇исз асмим̣ сад̇т̇з имасмим̣ уд̇д̇арабагаран̣з усмааяуд̇д̇о гаммаж̇ад̇зж̇од̇хаад̇уяаа саманнааг̇ад̇о ж̇ийвамаано бхигку нижжам̣ ниранд̇арам̣ сад̇д̇о абхирад̇о нижжам̣ яог̇ам̣ сад̇ад̇аабхияог̇ам̣ гаад̇ум̣ яуд̇д̇о ануруубод̇и яож̇анаа.
271-2. Imaṃ paramaṃ uttamaṃ niruttaraṃ kenaci vā vattabbena uttarena rahitaṃ niddosaṃ uttaraṃ evaṃnāmakaṃ dhīro paññavā bhikkhu atthavasena viditvā duruttaraṃ kicchena uttaritabbaṃ paññattamahāsamuddaṃ vinayamahāsāgaraṃ sukheneva yasmā uttarati, tasmā kaṅkhacchede vinayavicikicchāya chindane satthe satthasadise asmiṃ satthe imasmiṃ uttarapakaraṇe usmāyutto kammajatejodhātuyā samannāgato jīvamāno bhikkhu niccaṃ nirantaraṃ satto abhirato niccaṃ yogaṃ satatābhiyogaṃ kātuṃ yutto anurūpoti yojanā.
бхигкунивибхан̇г̇о нидтид̇од̇и зд̇т̇ааби уббад̇д̇и вуд̇д̇анаязнзва взд̣̇ид̇аб̣б̣аа.
Bhikkhunivibhaṅgo niṭṭhitoti etthāpi uppatti vuttanayeneva veditabbā.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
бхигкунивибхан̇г̇аван̣н̣анаа нидтид̇аа.
Bhikkhunivibhaṅgavaṇṇanā niṭṭhitā.
