| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
бхигкуноваад̣̇аваг̇г̇аван̣н̣анаа
Bhikkhunovādavaggavaṇṇanā
450. бхигкуниваг̇г̇з алаабхааяаад̇и зд̇т̇а лабхад̇хаад̇уяаа гаммам̣, самбад̣̇аанаважанасса жа д̇ад̣̇ад̇т̇ам̣ д̣̇ассзнд̇о ааха ‘‘жад̇уннам̣ бажжаяаанам̣ алаабхад̇т̇ааяаа’’д̇и. ‘‘вааяамад̇ий’’д̇и иминаа барисаггад̇ийд̇и зд̇т̇а саггад̇хаад̇уяаа самад̇т̇ад̇т̇ам̣ бадигкибид̇ваа вааяамад̇т̇ам̣ д̣̇ассзд̇и. галисаасананд̇и баабабарааж̇аяааан̣ам̣. нийхаран̣ад̇т̇ааяаад̇и нид̣̇д̇харид̇ваа абанаяанад̇т̇ааяа.
450. Bhikkhunivagge alābhāyāti ettha labhadhātuyā kammaṃ, sampadānavacanassa ca tadatthaṃ dassento āha ‘‘catunnaṃ paccayānaṃ alābhatthāyā’’ti. ‘‘Vāyamatī’’ti iminā parisakkatīti ettha sakkadhātuyā samatthatthaṃ paṭikkhipitvā vāyamatthaṃ dasseti. Kalisāsananti pāpaparājayaāṇaṃ. Nīharaṇatthāyāti niddharitvā apanayanatthāya.
451. ‘‘гамма’’нд̇и сааман̃н̃ад̇о вуд̇д̇ад̇д̇аа ‘‘сад̇д̇аннам̣ гаммаанам̣ ан̃н̃ад̇ара’’нд̇и.
451. ‘‘Kamma’’nti sāmaññato vuttattā ‘‘sattannaṃ kammānaṃ aññatara’’nti.
454. на саагажчаад̇аб̣б̣од̇и зд̇т̇а го наама гат̇аамаг̇г̇о на саагажчаад̇аб̣б̣о, нану винаяоязваад̇и ааха ‘‘габбияаа…бз… гат̇аамаг̇г̇о’’д̇и. ‘‘на гат̇зд̇аб̣б̣о’’д̇и иминаа гажчасад̣̇д̣̇асса гат̇ад̇хаад̇уяаа нибпаннабхаавам̣ д̣̇ийбзд̇и. гасмаа бана батамабан̃жагз ‘‘на асзгкзнаа’’д̇и бадигкибид̇ваа д̣̇уд̇ияабан̃жагз ‘‘асзгкзнаа’’д̇иаад̣̇и вуд̇д̇анд̇и ааха ‘‘яасмаа банаа’’д̇иаад̣̇и. ид̇аро бут̇уж̇ж̇ано на гат̇зд̇ийд̇и яож̇анаа.
454.Nasākacchātabboti ettha ko nāma kathāmaggo na sākacchātabbo, nanu vinayoyevāti āha ‘‘kappiyā…pe… kathāmaggo’’ti. ‘‘Na kathetabbo’’ti iminā kacchasaddassa kathadhātuyā nipphannabhāvaṃ dīpeti. Kasmā pana paṭhamapañcake ‘‘na asekkhenā’’ti paṭikkhipitvā dutiyapañcake ‘‘asekkhenā’’tiādi vuttanti āha ‘‘yasmā panā’’tiādi. Itaro puthujjano na kathetīti yojanā.
на ад̇т̇абадисамбхид̣̇аабад̇д̇од̇и зд̇т̇а ад̇т̇о наама адтагат̇ааязваад̇хиббзд̇аад̇и ааха ‘‘адтагат̇ааяаа’’д̇и. ‘‘бабхзд̣̇аг̇ад̇ан̃аан̣аббад̇д̇о’’д̇и иминаа ад̇т̇аад̣̇ийсу бад̇и висум̣ самбхиж̇ж̇ад̇ийд̇и бадисамбхид̣̇аа, бан̃н̃аа, д̇ам̣ бад̇д̇од̇и бадисамбхид̣̇аабад̇д̇о . ад̇т̇з бадисамбхид̣̇аабад̇д̇о ад̇т̇абадисамбхид̣̇аабад̇д̇од̇и д̣̇ассзд̇и. ‘‘баал̣ид̇хаммз’’д̇и иминаа д̇хаммабадисамбхид̣̇аабад̇д̇од̇и зд̇т̇а д̇хаммасаруубам̣ д̣̇ассзд̇и. вохааранируд̇д̇ияанд̇и бан̃н̃ад̇д̇инируд̇д̇ияам̣. иминаа нируд̇д̇ибадисамбхид̣̇аабад̇д̇од̇и зд̇т̇а нируд̇д̇исаруубам̣ д̣̇ассзд̇и. бадибхаанабадисамбхид̣̇аабад̇д̇од̇и зд̇т̇а бадибхаанам̣ наама хздтиман̃аан̣ад̇д̇аяамзваад̇и ааха ‘‘ад̇т̇абадисамбхид̣̇аад̣̇ийни н̃аан̣ааний’’д̇и, д̇зсууд̇и н̃аан̣зсу, яам̣ яам̣ вимуд̇д̇ам̣ яат̇аавимуд̇д̇ам̣, жид̇д̇ам̣. бажжавзгкид̇аад̇и бунаббунам̣ ологид̇аа. саб̣б̣ад̇т̇аад̇и бхигкуниваг̇г̇з.
Na atthapaṭisambhidāpattoti ettha attho nāma aṭṭhakathāyevādhippetāti āha ‘‘aṭṭhakathāyā’’ti. ‘‘Pabhedagatañāṇappatto’’ti iminā atthādīsu pati visuṃ sambhijjatīti paṭisambhidā, paññā, taṃ pattoti paṭisambhidāpatto. Atthe paṭisambhidāpatto atthapaṭisambhidāpattoti dasseti. ‘‘Pāḷidhamme’’ti iminā dhammapaṭisambhidāpattoti ettha dhammasarūpaṃ dasseti. Vohāraniruttiyanti paññattiniruttiyaṃ. Iminā niruttipaṭisambhidāpattoti ettha niruttisarūpaṃ dasseti. Paṭibhānapaṭisambhidāpattoti ettha paṭibhānaṃ nāma heṭṭhimañāṇattayamevāti āha ‘‘atthapaṭisambhidādīni ñāṇānī’’ti, tesūti ñāṇesu, yaṃ yaṃ vimuttaṃ yathāvimuttaṃ, cittaṃ. Paccavekkhitāti punappunaṃ olokitā. Sabbatthāti bhikkhunivagge.
ид̇и бхигкуноваад̣̇аваг̇г̇аван̣н̣анааяа яож̇анаа самад̇д̇аа.
Iti bhikkhunovādavaggavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 8. бхигкуноваад̣̇аваг̇г̇о • 8. Bhikkhunovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхигкуноваад̣̇аваг̇г̇аван̣н̣анаа • Bhikkhunovādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
